Health and Nutrition

23/06/2024

ماهو افضل نظام غذائي يمكن اتباعه في فترات الصيف ؟

Balance Diet 💯

النظام الغذائي المتوازن انك بتدي جسمك جميع احتياجاته من العناصر الغذائيه سواء من العناصر الكبري أو الصغري .

خصوصا ينفع مع مريض السكري نوع اول وتاني ✔️

ومريض مقاومه الأونسلين ✔️

ومريض ضغط الدم .✔️

مرضا الصرع ✔️

ملحوظه :- الدايت شق منو التزام بنسب العناصر الغذائيه والشق التاني انك تجيب النسب دي من مصادر صحيه ومعموله بي طريقه صحيه 💯

08/06/2024

Cardiovascular 🫀

القلب من أهم العضلات المهمه في جسم الأنسان ولازم الواحد يعمل علي تقويتها ليه لانو هي المسؤوله عن ضخ الدم الأوكسجين لجميع خلايا الجسم .

من أهم فوائد تمارين الكاريو :_🤔

_ زياده كميه الدم في الجسم✔️

_ زياده كميه الأوكسجين ✔️

_ أنخفاط الأخطار (لو عندك اي مرض مزمن بعمل علي خفض اعراضو )✔️

_ أنخفاط ضغط الدم🩸 ✔️

_ التخلص من الفضلات (ثاني أكسيد الكربون _ الأملاح )✔️

_ تقويه العضله القلبيه 🫀.

28/05/2024

:_
واحد من أكتر المكملات الحصل عليها نسبه عاليه من المبيعات طبعآ ليس من فراغ 😉 تعال أوريك ليه

الواي بروتين هو مصل اللبن بمثل ٢٠% من بروتين اللبن
سريع الهضم والأمتصاص نص ساعه بكون الجسم تم هضمو وامتصاصو ✔️

عندو أتاحه بايلوجيه عاليه قد تصل لي 💯%
( بمعني أنو مابتفقد اي جزء منو في عمليه الهضم والأمتصاص بصل كامل لي الألياف العضلية )

بيحتووي علي كل الأحماض الأمينيه الأساسيه (الجسمك مابقدر يصنعها ولازم تعمل ليها حساب في أكلك )
بروتين متكامل 💯

وعشان كده سعرو غالي ما ذي اي بروتين تاني

اسكوب الواي الواحد فيهو 24جرام بروتين
طبعآ البروتين بكون 22جرام الأتنين جرام بتكون كارب+ دهون+ أضافات .

26/05/2024

#الكافيين

كتير بنسمع اخد ليك كبايه قهوه قبل التمرين وامشي اتمرن
ليه عشان هو معتقد انو الكافيين بدي طاقه ❌
الكافيين ما بديك ATB🥴 عايز طاقه فتش مصادر الكارب والدهون يديك ATB (طاقه)

الكافيين في الحقيقه بعمل علي أثاره الجهاز العصبي بخليهو في حاله نشطه✔️

انت عشان تدخل التمرين محتاج حاجتين عشان تدخل بي أداء كويس للتمرين🏋️ هم
١- طاقه عشان تحرقها في التمرين
٢- محتاج جهازك العصبي يكون في حاله نشطه للتركيز

طيب اخد كافيين متين 🤔

قبل التمرين بي نص ساعه عشان يكون نشط في جسمك وبدوم معاك فتره لي مده ٦ ساعات 🥹

من أعراض الكافيين

يسبب الأرق - زياده ضربات القلب - زياده الألتهابات في المعده وتقرحات المعده .

خطر علي مريض القلب _ مريض الضغط

18/05/2024

#الكوليسترول

عشان تكون فاهم عندك نوعين من الكوليسترول

١/ الكوليسترول الجيد ✔️
يساعد في نقل الدهون من الاوعيه الدمويه الي الكبد عشان يتخلص منها أو ينتج طاقه .

٢/ الكوليسترول السئ ❌
عكس الجيد ينقل الدهون من الكبد ويوديها لي الأمعاء ودي البدخلنا في أمراض تصلب الشرايين والقلب .

طيب الحيزيد من احتماليه زياده الكوليسترول السئ شنو
عندك الزيوت المهدرجه + الدهون المشبعه + الدهون المتحوله ديل لو اتغاضيت عنهم وشلتهم من حياتك ماحيكون عندك تاني مشكله في ارتفاع الكوليسترول .

والحيزيد الكوليسترول الجيد شنو :_

اتجه علي ناحيه الدهون الصحيه بتتمثل ليك : زيت الزيتون + مكسرات + زيت جوز الهند + الافوكادو .🥑

واتبع نشاط رياضي 🏋️

الواحد كل شهرين تلاته لازم فحص ملف الدم

ك. الجيد لازم يكون اقل من ٤٠ عند الرجال و ٥٠ عند السيدات

ك. السئ يكون اقل من ١٣٠ اذا اعلي من كده انت خطر لي أمراض القلب والشرايين

15/05/2024

#البطييخ:-

واحد من الفاكهه الكتير من الناس يستخدموها بكميه كبيره في نظامهم الغذائي نتيجه لي سعراتها الحراريه القليله ( يعني اليوم كلو بكون شغال بطيخ )😁

البطيخ واحد من الفاكهه تصنف( Hight GL index ) بمعني بعمل ارتفاع في سكر الدم بشكل عااااالي 🤨

٧٠% البطيخ بيحتوي علي ماء فحيكون هضمو وامتصاصو سريع وحيصل لي سكر الدم بشكل أسرع وحيطلع الأونلسين بشكل عالي .

الناس تحاول تتجنب أستفزاز البنكرياس انو ما يطلع أونسلين بكميات كبيره في اليوم 🫡

استفزيتوو حيستفزك علي المدي الطويل ويدخلك في مقاومه أو غيرو ...

اذا عندك مقاومه أونسليين أو مريض سكر نوع ٢ شريحه واحده في اليوم تكفيك .

اذا شخص خالي من الامراض المزمنه شريحتين ف اليوم كفايه 😉

15/05/2024

كتير بنواجه مشاااكل في ثبات الوزن مع اتباع نظام غذائي طويل المده 🤨

عارف ليه وزنك بكون في حاله ثبات ببساطه .
طالما متبع نظام غذائي اكيد عامل عجز في السعرات الحراريه يعني بدخل سعرات اقل من احتياجك اليومي هنا الجسم لي فتره طويله ببدأ يقلل من معدل الحرق عشان يتكيف علي السعرات الحراريه القليله البتصل للجسم( طالما عمليه التمثيل للغذائي قله في الجسم ده مؤشر غير جيد )

( الجسم عندو قابليه للتكيف في كل الأوضاع ويستجيب ).

عشان تتفادي الكلام ده تشتغل في البدأ علي سعرات الثبات (أو عجز بكميه بسيطه 200- 300-500) تدريجيا

أعمل تاق وخلي غيرك يستفيد😄✋🏽

14/05/2024

:- ( أو متلازمه التمثيل الغذائي)

_ هي مجموعه من الأمراض اذا تحققت في الشخص ٣ منها يكون لديه القابلية لي أمراض القلب والشرايين التاجيه .

طيب الأمراض دي شنو هي :_
_ سمنه بطنيه (دهون متراكمه في الأحشاء أو الجزع )

_ مقاومه الأونسلين أو سكري نوع ٢

_ ضغط الدم

_ الكولسترول HDl أقل من ٤٠ عند الرجال ٥٠ عند النساء

_ ارتفاع في الدهون الثلاثيه .

اذا تحققت ٣ منهم انت مصنف داخل متلازمه الأيض والحل

أتباع نشاط رياضي🏋️ وتغذيه سليمه🍏🌽🥑 .

13/05/2024

09/05/2024

🍩🥮🌭🍔

- الأستهلاك العالي للسعرات الحراريه ❌

اصبحنا نستهلك سعرات حراريه كثيره في يومنا هذا من غير علمنا مع انتشار كثير من المحلات التجاريه (Fast Food)

كمثال/ كوب القهوه في البيت / ماء + قهوه (٦٠_٧٠) سعره حراريه بسيطه جدآ .

لمن تكون في الشغل وطلبت كوب قهوه من اي محل كوفي مشهور وعمل ليك قهوه + صوص الكراميل + هوت شوكليت
حول ليك كوب القهوه الكنت بتاخدو في البيت من ٦٠سعره حراريه لي ٣٥٠ سعره حراريه كذلك ينطبق علي الأكل .

- أسلوب الحياه الخااامل ❌

بمعني شخص لا يقوم بي أي من النشاطات الرياضيه سواء في المنزل أو في الخارج .(الشغل _ البيت _البيت _ الشغل )

- السهر او قله النوم ❌

في السهر يرتفع هرمون (الجيرلين) هرمون الجوع وينخفض هرمون اللبتن ( هرمون الشبع)
شخص مساهر وشعر بي الجوع الساعه ٢ صباحآ اكيد ما حيعمل طبق سلطه حيطلب دليفري ويسد الجوعه .

- وبعض الأدويه مثل ادويه الكورتيزون❌

الكورتيزون هو الماده المستخلصه من الكورتزول الهرمون الطبيعي.

الكورتزول معروف بيحبس مويه واملاح في الجسم ، وبركز الدهون في منطقه الجزع يعني دهون حشويه يعني بأدي الي سمنه.

🥲

يمكن أن تؤدي إلي أمراض متلازمه الأيض

ويمكن ان تؤدي ألي أمراض القلب والشرايين التاجيه (شرايين القلب) واحتمال تؤدي إلي الوفاه

والسمنه مرتبطه بي ١٤ نوع من أمراض السرطان أشهرهم

سرطان الكبد

سرطان الكلي

سرطان القولون

سرطان القلب.