DT . Karmen Almakdissi - اختصاصية التغذية كارمن المقدسي (2025)

05/03/2023

👩🏼 : لك كيف كاتبتيلي عشا بالنظام العشا بسمن اذا

أنا : شكلي بعد ماحكينا مية مرة بهالموضوع 👇🏻👇🏻👇🏻

31/01/2023

بقا لا تعدو أباريق المتة يلي عم تشربوا وتفكرو عم تشربو مي 😁🤣

24/01/2023

رجعنا بعد زماااان 😊
للأسف الصفحة كانت مقيدة وصار فيا مشاكل 😔
مشان هيك بدي همتكن تدعمولي الصفحة وتضيفو رفقاتكن لحتا نرجعها أحسن

15/11/2022

بما أنو اجت الشتوية واجي معا التسلاية بالأكل وظهور الكرش 😁
جبتلكن طريقة لتروحوا الكرش بسرعة وب١٥ يوم
المكونات :
زيت زيتون
خل
أكياس نايلو

لحقوني لتشوفو الطريقة 🤩
بتدهنو زيت ع ...
⬇️
⬇️
⬇️
⬇️
⬇️
⬇️
⬇️
⬇️
⬇️
😒😒😒 وين وين نازلين مفكرين في طريقة عنجد 😒😒😒
مافي شي اسمو دهنو زيت وخل ولفو بطنكن بنايلو ومدري شو هالحركات حبابين لابقا تسمعو لهل خرافات🤷🏼‍♀️🤷🏼‍♀️

مافي شي بروح زيادة الوزن والكرش حصرا غير بنظام غذائي مناسب لكل جسم مع التزام بالرياضة 😊😊

12/10/2022

الاكلة المناسبة مع المجدرة هي 🍋السلطة 🍋
تعالو لنشوف ليش

💥اول شي المجدرة أكلة ذات قيمة 😁

💥هي مصدر كبير للألياف

💥أكلة خفيفة وبتعطي شعور بالشبع

💥العدس من اهم مصادر البروتين النباتي وهو مصدر ممتاز للحديد النباتي

✅وكرمال هيك لنستفيد من هاد الحديد مناكل سلطة

بس ليش سلطة 🤔

✅لان فيتامين c يلي موجود بمكونات السلطة بساعد على امتصاص الحديد

❌أما اللبن غير مناسب لان الكالسيوم يلي باللبن بعيق امتصاص الحديد

بقا كلو المجدرة مع السلطة مشان تاخدو كل الفائدة ☺

08/10/2022

بما أنو هلق رح يصير وقت الغدا تعالو جاوبوني ع هالسؤال وبعدا انا رح جاوبكن شو الصح

شو بتاكلو مع المجدرة 🤔🤔

1️⃣ سلطة
2️⃣ لبن

خبروني لشوف 😊 وبعرف الاغلب مابحبا😂😂

20/09/2022

🦠🦠شو هي الكوليرا ؟
عدوى حادة تسبب الإسهال، وتنجم عن تناول أطعمة أو شرب مياه ملوّثة ببكتيريا الكوليرا بتصيب الاطفال والبالغين

🦠🦠اعراض الكوليرا ؟
اسهال مائي حاد
تقيؤ
جفاف بالفم
وهن وخمول

🦠🦠هل يمكن أن تؤدي الإصابة بالكوليرا إلى الوفاة؟
ممكن ان تؤدي للوفاة نتيجة نقص السوائل الحاد اذا ماتم العلاج والتعويض بسرعة

🦠🦠العلاج :
تعويض السوائل من خلال المحاليل المائية عن طريق الفم
السوائل الوريدية
المضادات الحيوية

🦠🦠كيف يمكنني تجنب الإصابة بالكوليرا؟
تجنب تناول منتجات الحليب غير المغلية واللحوم النيئة أو غير المطبوخة جيداً
تجنب تناول المثلجات خاصة المكشوفة
تأكد من تغطية جميع الأطعمة، وغسل الفاكهة والخضراوات قبل تناولها جيدا
اغسل يديك دائماً قبل تناول الطعام وأثناء التعامل معه.
الحفاظ على النظافة العامة وغسل اليدين جيداً
ويلي مو متأكد من سلامة المي فينا نغليا لمدة ٥ _ ١٠ دقايق

امور بسيطة بتحمينا من الاصابة

11/09/2022

من بعد غياب هدول شوي من الاراء الحلوة يلي عم شوفا
والأهم انو عم نغير نظام حياة كامل من عادات واكل مو بس عم ننزل وزن ...❤❤❤

29/08/2022

بهالشوووب هاااد 🥵🥵
ماننسا نشرب مي بكميات كافية مشان نحافظ ع رطوبة جسمنا ونحافظ عليه من الجفاف 😊

07/08/2022

الاندومي معشوقة الجماهير 🍜🍜
كتير منسمع الاندومي ماتاكلوها بتعمل سرطان وزهايمر ومدري شو وكتير قصص .....

🍜 الاندومي هي عبارة عن معكرونة يعني نشويات ومافيا اي شي ضار

🍜بالنسبة للبهارات بتحتوي ملح غلوتامات الصوديوم يلي ممكن يصير ضار اذا كترنا كتير منو

الاندومي هي فقيرة بالفيتامينات والمعادن ومشان تصير اكلة مغذية وفيا فيتامينات ممكن نضيف👇🏻👇🏻 :

🍜خضار مسلوقة متل بازلاء ، جزر ، فليفلة ، فطر ، درة

🍜وممكن نضيف بروتين متل 👇🏻👇🏻
✔ صدر جاج
✔بيض مسلوق متل مابياكلوا الكوريين😁😁

🍜ومشان البهارات والزيت
✔منحط ملح وبهارات وماجي من البيت وبلاهن البهارات يلي معا
✔وبالنسبة للزيت منحط شوية زيت زيتون من عنا بدال ظرف الزيت
😊😊وهيك بتصير مكوناتا صحية وغنية بالمغذيات والبروتين

وع فكرة عادي وقت نكون عاملين دايت ناكل اندومي كل فترة بس بطريقة مغذية 😁😁

24/07/2022

اليوم البوست عن معشوق الجماهير 🍉 البطيخ 🍉

🍉يحتوي البطيخ أكتر من ٨٥ % ماء فهو بساعد على ترطيب الجسم وتعويض الفاقد من السوائل

🍉 يحتوي مجموعة من الفيتامينات والعناصر متل فيتامين c , A , وكمان بوتاسيوم ، مغنزيوم

🍉يحتوي مضادات اكسدة

🍉 يحتوي كمية كبيرة من الألياف بساعد على الشبع وتسهيل الهضم

🍉تناوله بكميات معتدلة وخصوصاً لمرضى السكري لازم ننتبه للكمية وماناكل بإسراف

🍉 الكمية المناسبة باليوم هي ٣٠٠ غرام حوالي كوبين

🍉 واهم شي نلتزم بالكميات للأشخاص يلي بدن ينزلوا وزنن مانعتبر البطيخ مافي سعرات كتير وناكل نص البطيخة😅

13/07/2022

في حالات التسمم الغذائي لازم ننتبه لنوعية الأكل للتخفيف من الأعراض والاسهال المرافق
⭕الأغذية المسموحة
⭕ الاغذية الغنية بالنشويات مثل :

▪️الرز
▪️التوست و الخبز المحمص
▪️الموز
▪️البطاطا
▪️الشوفان
▪️البسكويت المملح
▪️الاغذية المتخمرة مثل اللبن

🚫أمااا الأغذية اللازم نتجنبها بهي الفترة :

▪️الحليب ومنتجات الالبان الدسمة متل الجبنة الزبدة ▪️الاطعمة المقلية والحارة
▪️البصل ، الثوم
▪️المشروبات التي تحوي كافيين

04/07/2022

للأشخاص يلي بعانو من الأرق وقلة النوم جربوا ممكن ينفعكن 😊😊
حيث أشارت الأبحاث ان مركب الثيانين الموجود بالشاي الاخضر و الأسود يساعد على الاسترخاء وتقليل الارق وتحسين النوم

23/06/2022

شوفولي هالنتائج الحلوة مع أحلا صبية 🤩🤩🤩

من شهرين تقريباً بلشنا سوا وخسرت 10 kg من دون اي حرمان وخسرنا دهون وبنينا نمط حياة 😊😊

انتبهولي ع فرق المقاسات أديش حلو وواضح 🤩😍

كتير فخورة فيكي وبإرادتك 😍😘

15/06/2022

بالفترة الأخيرة كتير عم شوف أشخاص عندن نقص بفيتامين مهم ويلي هو فيتامين د , vitmen D

👈🏻👈🏻اعراض نقص فيتامين د :

⭕آلام بالظهر والمفاصل

⭕اكتئآب وتغير بالمزاج

⭕تعب وإرهاق بالجسم

⭕خلل في نزول الوزن

⭕مشاكل بالجلد وتساقط الشعر

⭕ضعف مناعة

👈🏻👈🏻كيف منعوض النقص بفيتامين د :

⭕التعرض لأشعة الشمس يومياً

⭕تناول الأغذية التي تحتوي فيتامين د ( الأسماك ، السردين ، التونة ، البيض ، كبد البقر ، الفطر ، منتجات الحليب )

⭕وفي الحالات الشديدة يتم اخذ مكملات فيتامين د مع التركيز على التغذية الجيدة

07/06/2022

شي مرة فكرتوا شو الفرق بين هدول الكلمات
(نكتار _ عصير _ شراب ) يلي منشوفهن على علب العصير 🤔🤔🤔

⭕العصير :

مكون من الفاكهة بنسبة 100% مشان هيك هو الأفضل

⭕النكتار :

مكون بنسبة من 30 _ 50 % من الفاكهة والباقي إضافات من السكر والماء وغيرها

⭕الشراب :

مكون من الفاكهة بنسبة 10% والباقي ماء وسكر

مشان هيك الخيار الأفضل نشتري العلب يلي مكتوب عليها عصير

01/06/2022

بوست #هااااام للصبايا خاصة هو طويل شوي بس مهم جدا

متلازمة مبيض متعدد الكيسات Pcos بما أنو كتير شائعة رح نحكي عنها 👇🏻👇🏻

🔴متلازمة مبيض متعدد الكيسات (pcos) هو عبارة عن اضطراب هرموني عند النساء بيترافق بعدم انتظام الدورة الشهرية وفرط هرمون الاندروجين

🔴اعراض المتلازمة :

👈🏻 دورة شهرية غير منتظمة
👈🏻 زيادة مستوى هرمون الاندروجين (هرمون الذكورة )
👈🏻 شعرانية بسبب المستويات العالية من الاندروجين
👈🏻 مقاومة أنسولين
👈🏻 حب الشباب
👈🏻 تساقط شعر الرأس
👈🏻 زيادة في الوزن

🔴العلاج :
👈🏻 علاج دوائي يحدده الطبيبب

👈🏻 الخطوة الأهم العلاج التغذوي وتغيير نمط الحياة

⭕ممارسة الرياضة بشكل منتظم

⭕التركيز على الاغذية الغنية بالالياف (ملفوف، خس ، جرجير ، بروكلي ، عدس ، فول)

⭕اختيار أطعمة منخفضة المؤشر السكري يلي بترفع سكر الدم ببطئ متل الفريز ، التوت ، اللوز ، الجوز ، قرع ، التفاح

⭕الابتعاد قد الامكان عن السكر ، الرز ، منتجات الدقيق الابيض متل المعجنات ، معكرونة ،كعك واستبدالها بمنتجات الدقيق الكامل

⭕الابتعاد والتخفيف قدر الامكان من الأطعمة المقلية واللحوم المصنعة

⭕⭕ :
في حال اخذ دواء الميتفورمين بالعلاج فلازم تاخدي فيتامينات B المركبة لانه الميتفورمين بينقص قدرة الجسم على امتصاص فيتامين B 12 والفولات

28/05/2022

الفريزز 🍓🍓
شو فوائد الفريز ؟؟

🍓 زيادة قوة الجهاز المناعي
لأنه بيحتوي على نسبة جيدة من فيتامين C

🍓 دعم عمل الجهاز الهضمي

🍓تعزيز صحة القلب والأوعية الدموية
حيث تحتوي على ألياف بتساعد على خفض الكوليسترول السيء
يحتوي على البوتاسيوم حيث يساعد على ضبط ضغط الدم وهذا يؤدي إلى تعزيز صحة القلب

🍓امداد الجسم بالعديد من العناصر الغذائية
مصدر جيد لفيتامين C ، المنغنيز ،حمض الفوليك ، البوتاسيوم ، النحاس

🍓 المساهمة في خفض الوزن ومناسبة للحميات
حيث غنية بالألياف التي تعطي شعور بالشبع

🍓 غنية بمضادات الاكسدة

DT . Karmen Almakdissi - اختصاصية التغذية كارمن المقدسي