Dr Sahar Helmi AbdelMaqsoud

28/04/2024

طفل شبرا و ايهاب اشرف نفس السن وتقريبا نفس دوافع الجريمه و دبح للجثتين و تقطيعهما ولكن الجديد في طفل شبرا استخراج اعضاؤه
جرائم بشعة تتطلب مننا ما يلي:
تقوية الوازع الديني والاهتمام بتربيه ولادنا علي اساسيات الدين ولازم يفهموا تاني الفرق بين الحلال والحرام وايه اللي يدخل جنه وايه اللي يدخل نار
مشاركة أولادنا اهتماماتهم ومعرفه كل أصحابهم
مش حلو انه ابني المراهق يصاحب واحد اكبر منه ١٠ سنين
نبهوا الأولاد ما يثقوش في حد مهما كان هوه مين
نصاحب ولادنا ونبقي حنينين معاهم لانهم اول ما بيجي حد غريب يطبطب عليهم بيخشوا في حضنه وممكن يكون قاتل ومجرم
مفيش حاجه اسمها الولد قافل علي نفسه الاوضه وقاعد بالساعات جوه
مفيش حاجه اسمها الولد قاعد علي النت وانا كأب او أم معرفش بيعمل ايه بالظبط و بيتفرج علي ايه او مين بيكلمه
انسوا مشاكلكم الزوجيه وركزوا في الولاد شويه
ياريت نوعي ولادنا بمخاطر استعمال النت
بلاش مشاهد العنف لا في الحياه ولا في التليفزيون ولا في السينيما يشوفوها الأطفال

الوقايه خير من العلاج وبلاش تستهونوا بكلامي

د سحر عبد المقصود
استشاري الصحه العامه

18/03/2024

ماهو التحرش وكيف أتصرف لو حصل حد ضايقني و هددني وانا جوه تاكسي؟ الرجاء توعيه بناتكم

07/01/2023

د سحر عبد المقصود
رئيس قسم الصحة العامة و العلوم السلوكية
كلية دبي الطبية للبنات
شكرا على الثقة وربنا يوفقنا جميعا ويقدرنا ونكون قد المسئولية

07/01/2023

شكرا على ثقة كلية دبي الطبية للبنات فيا ... تعيينى رئيس قسم الصحة العامة والعلوم السلوكية شرف كبير ليا ...

Dubai Medical College for Girls is the first college to award a degree in medicine & surgery in the UAE

07/01/2023

World Cancer Breast Day
التوعية بسرطان الثدى لطالبات المدارس و مدرساتهم فى مدرسة فى دبي
October 2022

06/01/2023

Mental Health Awareness Day
New Academy School _ Dubai
October 2022
Our Mental Health is important as our physical health. Are we exposed to different stressors in our life?... How can we adapt to live within these provoking factors? How can we maintain our mental health??

03/02/2021

كورونا ... نظرة متفائلة ... و رأى دكتورة متخصصة من وجهة نظر علمية تعطينا طاقة ايجابية
اتعرفتوا على الوباء خلاص ... وعرفتوا انه لو شفنا إللى بيحصل فى المجتمع هتلاقوا فيه فترات الوباء فيها بيشتد وعدد الحالات بتزيد وبالتالى عدد الحالات الخطيرة وفيه فترات المنحنى الوبائى بينزل وكذلك معدل الاصابات ... الحقيقة انه اعلى معدل إصابات فى امريكا وانجلترا وقبلهم كانت ايطاليا والصين...والحمدالله احنا لا انجلترا ولا امريكا لأسباب كثيرة الوباء فى الشرق الأوسط مختلف و اقل حدة...الحلو فى القصة انه معظم المصابين بيجيلهم دور برد خفيف زى ارتفاع فى درجة الحرارة مع تكسير فى الجسم او فقدان لحاستى الشم والتذوق ويخفوا بسرعة جدا... الجميل برضه ان معدل الوفيات فى عامة الناس مش كبير أبدا و لله الحمد...عرفنا طرق الوقاية واللى هيا اهم من كل حاجة فى حياتنا دلوقتى واللى كانت قاسية علينا زى منع التجمعات والزيارات والحفلات والافراح....الحقيقة العلمية بتقول انه دايما الوباء لا يستمر العمر كله وان شاء الله هينتهى تفائلوا ازاى؟ طبعا مع مرور الوقت وكثرة الإصابات ومع ظهور التطعيم وفى المستقبل القريب ان شاء الله سيظهر التطعيمات المصرح بها للجميع ان شاء الله كل دة هيقلل حدة الفيروس وهيمكننا ان شاء الله من السيطرة على الوباء..استمروا فى الإجراءات الوقائية زى غسيل اليدين جيدا جيدا وبشكل متكرر مع لمس الأسطح الملوثة خاصة خارج البيت .. التباعد الجسدى ٢ متر بينى وبين إللى قدامى ولبس الكمامة فى الأماكن المغلقة المزدحمة إلى حد ما ومنع التجمعات والحفلات و الافراح و غيرها...المهم بقي تواصلوا اجتماعيا قدر الإمكان وبطلوا خالص تسمعوا للناس السلبية و الإعلام و إللى ينشر الرعب فى قلوبكم ... على الاقل كل إللى هيقروا الكلام دة دلوقتى الحمدالله لسة أنتم بصحة و موجودين فى هذه الدنيا بعد مرور حوالى سنة على ظهور الوباء .. تفائلوا بالخير تجدوه ...اطمنوا واهدوا وهدى إللى مرعوب حواليك عارفين ليه؟ علشان مناعتك تفضل قوية ونفسيتك وصحتك النفسية تفضل بخير...حفظكم الله جميعا واجمدوا قربنا ان شالله و اخيرا ياريت كل إللى يشوف نفسه معرض للخطر من الأطباء و التمريض يتطعم ... التطعيم الصينى مرشح بقوة...ولمعلوماتكم اثق جدا فى المتخصصين فى الطب الوقائى فى مصر واثق فى مصر فيما يخص التطعيم و الوقاية ... مصر دولة الحمدالله فيها علماء لا يستهان بهم...واخيرا .... قل لن يصيبنا إلا ما كتب الله لنا
د سحر عبد المقصود ...استشارى الطب الوقائى ..وبائيات..

17/05/2020