Engy Adel - يلا نبنى بكره

Engy Adel - يلا نبنى بكره Certified
Marriage & Family Support 👩‍❤️‍👨🏡
Parenting Counselling 🧑‍🧑‍🧒‍🧒

29/03/2026

حاسس إنك طول الوقت مضغوط؟ 😵‍💫
مش قادر تفهم ليه الضغط النفسي بقى مسيطر على كل حاجة؟
ليه بقينا بنفكر زيادة، نتوتر أسرع، ونحس إننا تايهين حتى وإحنا بنحاول نمشي؟ 💭
في الحلقة الجديدة من "كلام جوايا"هنكون بنجاوب اسئلة كتير جوانا
Mena Awny مش لوحدك
لينك الحلقة في أول كومنت

في وسط الزحمة…وسط الدوشة اللي مش بتخلص…وسط سباق الحياة اللي كلنا بقينا بنجري فيه من غير ما ناخد نفس…ساعات بننسى إننا محت...
27/03/2026

في وسط الزحمة…
وسط الدوشة اللي مش بتخلص…
وسط سباق الحياة اللي كلنا بقينا بنجري فيه من غير ما ناخد نفس…

ساعات بننسى إننا محتاجين نهدى.
مش نهرب… لكن نعرف نوقف لحظة، نفهم إحنا حاسين بإيه، وناخد نفس بجد.

مش لوحدك Mena Awny

لينك الحلقة🎧:
https://youtu.be/F2L7x1-roXQ
#الضغط

25/03/2026

بنجري طول الوقت… ومش عارفين نهدأ.
هو الضغط من برا بس؟ ولا في صوت جوانا بيزود الحمل؟
تعالوا نفكر سوا إزاي نعيش بتوازن من غير ما نتحرق. 🤍
استنونا في بودكاست يلا نبني بكرة – كلام جوايا

استنّوا الحلقة كاملة… وهتفرق معاكم فعلًا!🎧

#تربية

20/03/2026

مش كل يوم بيكون سهل، ومش دايمًا عندي نفس القوة…
ساعات ببقى السند ليهم، وساعات بدوّر على حد يسندني.

بس اللي ثابت كل يوم، حب بيتعاش من غير كلام،
وقلب بيدي من غير ما يستنى مقابل 🤍

كل سنة وكل أم قوية بحبها، حتى وهي تعبانة…
كل سنة وكل أم طيبة ❤️🌸

#أمي #أمومة #مشاعر #دفا #عيلة #حب

كل سنة وأنتم طيبين 🤍✨يا رب يكون عيد مليان دفا وحب، وتقضوه مع عيلتكم وأحبابكم في سلام وفرحة حقيقية 💛👨‍👩‍👧‍👦خلوه وقت تقربو...
19/03/2026

كل سنة وأنتم طيبين 🤍✨
يا رب يكون عيد مليان دفا وحب، وتقضوه مع عيلتكم وأحبابكم في سلام وفرحة حقيقية 💛👨‍👩‍👧‍👦
خلوه وقت تقربوا فيه من بعض أكتر وتبنوا ذكريات حلوة تدوم 🎉🌙

#عيلة #حب #علاقات #تربية #سلام #فرحة

حاجات صغيرة تخلي طفلك يحكيلك كل حاجة…من غير ما تقولي: احكيلي حصل إيه؟١- اسمعي له للآخر حاولي ما تقاطعيش كلامه بسرعة ، حت...
14/03/2026

حاجات صغيرة تخلي طفلك يحكيلك كل حاجة…
من غير ما تقولي: احكيلي حصل إيه؟

١- اسمعي له للآخر
حاولي ما تقاطعيش كلامه بسرعة ، حتى لو بيحكي تفاصيل كتير ، لو الطفل حس انه مسموع بجد الكلام هيجي لوحده

٢- بلاش تستعجلي في اللوم و العتاب
لما الطفل يحس إنه هيتعاقب ، غالبًا هيختار ما يحكيش.

٣-البيت لغته الحوار
، بنعرف كلنا اخبار بعض
احكي عن يومك ، لما يشوفك بتحكي ، هيتعلم يحكيلك عن يومه.

٤- اسألي أسئلة مفتوحة
بدل: يومك كان حلو؟
قولي: إيه أكتر حاجة عجبتك النهارده؟

٥-احترمي مشاعره
بلاش نقلل و نسخر من الكلام، حتى لو الموضوع بسيط بالنسبة لك ، هو ممكن يكون كبير بالنسبة له.

مع الوقت الطفل بيحس إن بيته مكان آمن يحكي فيه

قوليلي في الكومنتات:
طفلك بيحكيلك عن يومه؟ ولا بتطلعي الكلام منه بالعافية؟

#تربية

10/03/2026

محدش بيتكلم قد إيه وقت المشاكل بيبقى تقيل على الأمهات…

مش بس علشان الخوف…
لكن علشان الأم بتحاول طول الوقت تحمي قلب ولادها من القلق.

الأم الأيام دي بتحاول:
تلعب أكتر
تضحك أكتر
تشغلهم بأي حاجة
وتبان هادية حتى لو جواها توتر…

ويمكن كمان بتشاركهم كل حاجة:
تقعد معاهم، تتفرج معاهم، تسمعهم، وتفضل قريبة منهم أغلب الوقت…
علشان بس تحسسهم إن الدنيا لسه آمنة حواليهم.

يمكن الأطفال مش فاهمين كل اللي بيحصل حواليهم…
بس أكيد حاسين بمحاولاتك، بحنانك، وبالأمان اللي بتعمليه حواليهم كل يوم.
تحية كبيرة لكل أم بتحاول تطمّن ولادها رغم القلق

#ايران #اكسبلور

08/03/2026

شكر.ا لكل إمرأة بتغير العالم في صمت❤️
ابعت الريل ده لكل ست عايز تقولها انك فخور بيها🥰

07/03/2026

في مسلسل "اتنين غيرنا"، شوفنا في شخصية شوشو معنى الصاحب الحقيقي…
الصاحب اللي دايمًا واقف في ضهر صاحبه، خايف عليه وبيحبه بجد.

ابعت الريل ده للصاحب اللي عمره ما سابك لوحدك 🤍

#رمضان

05/03/2026

الانفصال مش بس بيأثر على الكبار…
الأطفال كمان بيمروا بمشاعر صعبة محتاجين حد يفهمهم ويسمعهم.
طريقة تعاملنا في الوقت ده ممكن تفرق في قلبهم طول العمر❤️🙌🏻

#كل #الانفصال

03/03/2026

في مسلسل "اتنين غيرنا" شفنا شكل الشخص المتلاعب، وإزاي نقدر نحمي حياتنا من غير ما حد يكسر حدودنا.
الحدود هي اللي بتخلينا عارفين نعيش حياتنا مرتاحين، ونحقق اللي عايزينه من غير ما حد يتلاعب بحياتنا🤗

#رمضان #رمضانيات #رمضان٢٠٢٦

إزاي نهدي و نطمن ولادنا وقت القلق؟ (خطوات عملية لأهل الخليج)اولا: احنا نهدي علشان نعرف نطمن ولادنا 1) قللي الأخبار شوية...
01/03/2026

إزاي نهدي و نطمن ولادنا وقت القلق؟ (خطوات عملية لأهل الخليج)
اولا: احنا نهدي علشان نعرف نطمن ولادنا
1) قللي الأخبار شوية
مش كل إشعار لازم يتفتح. حددي وقت معين تتابعي فيه الأخبار، مش طول اليوم.
2) اسألي نفسك سؤال بسيط
هو في خطر حقيقي دلوقتي؟،ولا أنا قلقت من احتمالات؟
في فرق كبير بين “حصل” و “ممكن يحصل”.
3) تمرين نفس بسيط
هتحسي جسمك هدي فعلًا.

تانيًا: نهدي ولادنا
1) احترم خوفة بلاش نقول ما فيش حاجة تخوف اسمعه بهدوء خليه يحكي، و يعبر عن اللي جواه
“إيه اللي يخليك تحس بالأمان؟”
نور منور؟ باب مقفول؟ ننام قريب من بعض؟
و لو صغيرين مش مركزين مع الاصوات مش لازم نبادر و نحكي

2) رد بسيط على قد سنه
“في شوية توتر في المنطقة، بس في ناس مسؤولة بتتعامل مع الموضوع.”
من غير تهويل… ومن غير تمثيل إن مفيش حاجة خالص.

3) اقفلي الأخبار قدامهم
و بلاش فيديوهات مفتوحة

4) فرّغوا القلق بحاجات بسيطة
لعب حركي ، رسم ، اشغال يديوية
صلاة و دعاء مع بعض
نزود الحضن و التلامس الجسدي

5) خلي عندك جملة ثابتة قدامهم
زي:
“إحنا بأمان، ولو في أي حاجة هنتصرف.”
الأطفال بياخدوا الأمان من نبرة صوتك مش من كمية المعلومات

الأطفال مش محتاجين نطمنهم بكلام كتير… محتاجين يشوفوا الأمان في عيوننا و بنتصرف ازاي وقت الازمات

Address

UAE
Dubai

Website

Alerts

Be the first to know and let us send you an email when Engy Adel - يلا نبنى بكره posts news and promotions. Your email address will not be used for any other purpose, and you can unsubscribe at any time.

Shortcuts

Featured

Share

Category