04/11/2024
قاعدة الصبح بهالصيدلية وحاطة فنجان قهوة وإذ بتفوت لعندي صبية وبتقلي..
-👩🏻🦰لو سمحتي دكتورة بدي كريم فير اند لوفلي وبدي مرهم بيتاميتازون مشان اخلطهن سوا 😃
-👩🏻🔬تكرم عينك بس مين قلك عليها؟!
-👩🏻🦰والله يا دكتورة وحده رفيقتي قالتلي عليها وهيي عم تستخدمو من فترة وشو صار وشها ابيض ابيض متل التلج😍😍
- 👩🏻🔬امممم طيب ما بتعرفي انو البيتاميتازون هوي نوع من انواع الكورتيزونات القوية وخطر كتير نستخدمو ع وشنا لفترة طويلة..👌
-👩🏻🦰معليه حتى لو كان المهم تصير بشرتي بيضة وتتفتح🙃
-👩🏻🔬طيب أنا نصحتك وانت براحتك..🤷🏻♀️
وأنا بطريقي للدواء وإذ بتقلي يعني شو أضرارو🤓
-👩🏻🔬الكورتيزون هاد قوي نسبيا ومع استخدامو لفترة طويلة الجسم راح يمتصو من خلال الجلد وبصير كانو عم ناخدو فمويا وبيبلش عالمدى الطويل يسببلنا ضغط وسكر وهشاشة عظام وقرحة معدة و...
-👩🏻🦰طيب دكتورة بهالحال شو نستخدم بدالو للتفتيح؟
-بعطيكي كريم فير اند لوفلي وبتستخدمي معو بانتينول لترطيب البشرة ومنحاول تبعد عن حول العين واكيد ما مننسى الواقي الشمسي المناسب لبشرتك..تمام هيك🤩
-تمام يا دكتورة ..شكرا
-العفو🤍
