24/07/2024
كل ام فينا محتاجة تتقبل فكرة انها محدوده العطاء، وان العطاء اللامحدود قادر علي انه يدمر نفسيتها لإنه ببساطة محدش يقدر يدي كل طاقته لكل الاشياء في يوم واحد ولا في وقت واحد 🥲
علي سبيل المثال البسيط في الحياه فانتي متقدريش تغيري لطفلين في نفس الوقت ولا تسكتي اتنين بيعيطوا في نفس اللحظة او ترضعي اتنين جعانين في الوقت نفسه ..
إلا اذا كان في حد بيساعدك تعملي دا في وقت واحد ✔️
ولو انتي شاطرة جدا و قدرتي تحققي دا في وقت واحد فلازم هتواجهي وقت مش هتقدري تعملي فيه كدة !!
ودت طبيعي جدا انه يحصل و مش معناه انك قصرتي، لكن معناه الحقيقي ان اللي عملتيه وقتها كان فوق قدرتك انتي اساسا ومع ذلك قمتي بالدور ولا اجدعها مامي و ست .. ✋️
تقبل فكرة انك محدودة هتقلل احساسك بالذنب اللي انتي حساه طول النهار و الليل و فكرة انك سوبر ماما مش حقيقية ولا قابلة للتطبيق علي ارض الواقع.
السوبر احساس انتي تستحقي تحسيه بمجرد ما تعملي اي شئ لأولادك حتي ولو كان بسيط 👌
و تقدري تحسي انك اكتر من سوبر برضو اذا اتعلمتي تطلبي المساعدة في الوقت الصح و من الناس الامينة عليكي وعلي رعاية اولادك 😊
بس كدة
