Nang Medical Complex

01/01/2026

د ننګ معالجوي روغتون عمليات خانه د فلوروسکوپ (Fluoroscopy) پرمختللي ماشين تر څنګ، د جراحي ټولو څانګو لپاره معياري، عصري او بشپړ عملياتي سيټونه لري، چې د دقيق تشخيص، خوندي جراحي او غوره درملنې پايلو تضمين کوي.
د روغتون عمليات خانه د عمومي جراحي، ارتوپېډي، نيورو سرجري او تخصصي هډوکيزو عملياتو لپاره په نړيوالو طبي معيارونو برابر تجهيز شوې ده.
زموږ موجود عملياتي سيټونه او وسايل:
ارتوپېډي او هډوکيز عملياتي سيټونه:
Orthopedic Bone Set
Orthopedic Hand Set
DHS (Dynamic Hip Screw) Set
Intramedullary Nail
Pedicle Screw Set
Orthopedic Plate
Orthopedic Screw
External Fixation Set
Rod Cutter
Bone Saw
Oscillating Saw
Orthopedic Drill
K-Wire Set
SIAM Interlock Set
نيورو سرجري تخصصي سيټونه:
Neuro Surgery Instrument Set
Neuro Surgery Screw Set
نور مهم عملياتي وسايل:
Suction Set
Fluoroscopy (C-Arm) System
دغه ټول تجهيزات د تجربه‌لرونکي جراحي ټيم تر څارنې لاندې، د سترېريل (Sterilization) بشپړ اصولو سره سم، هر وخت د بېړنيو او منظم عملياتو لپاره چمتو دي.
ننګ معالجوي روغتون
چېرې چې عصري ټېکنالوژي، مسلکي تجربه او د ناروغ اعتماد يوځای کېږي.

31/12/2025

د ننګ معالجوي روغتون د لابراتوار څانګه د نوې ټکنالوژۍ، معياري وسايلو او مسلکي ټيم په مټ د ناروغانو دقيقې، چټکې او باوري معاينې ترسره کوي.
په دې څانګه کې درې تجربه‌لرونکي او ژمن Leb. Technologist په بشپړ صداقت او مسلکي احساس د خلکو خدمت کوي:
دوی د هرې معاينې پر مهال د پايلو د کره‌والي، پاکوالي او وخت پابندۍ ته ځانګړې پاملرنه کوي، څو ډاکترانو ته دقيق معلومات او ناروغانو ته باور بښونکی خدمت وړاندې شي.
موږ ژمن يو چې د معياري لابراتواري خدمتونو له لارې ستاسو د روغتيا ساتنه وکړو، ځکه ستاسو باور، زموږ مسؤليت دی.

30/12/2025

د ننګ معالجوي روغتون میاشتنی راپور – جدي ۱۴۰۴ / ۹
نن د ننګ معالجوي روغتون میاشتنی راپور د ریاست په تالار کې د قرآن کریم د څو مبارکو آیتونو په تلاوت سره پیل شو.
ورپسې د ننګ معالجوي روغتون مسۉل ډوکټور سفیرخان شینواري د غونډې پرانیستونکې وینا وکړه. نوموړي د تېرې میاشتې لاسته راوړنې یادې کړې او د روغتون د ټولو ډاکټرانو، نرسانو او اداري کارکوونکو د صادقانه او نه ستړې کېدونکو خدمتونو ژوره ستاینه یې وکړه.
دوکتور سفیرخان شینواري ټینګار وکړ چې:
د روغتون د پرمختګ تر ټولو ستر ځواک د ټیم یووالی او مسلکي همکاري ده،
د خلکو باور پر روغتون ورځ تر بلې زیاتېږي،
او اداره به د کیفیت، نظم او معیاري روغتیايي خدمتونو د پراختیا لپاره خپلې هڅې لا ډېرې کړي.
نوموړي زیاته کړه چې ننګ معالجوي روغتون د خلکو لپاره د باکیفیته، رښتینو او باوري روغتیايي خدمتونو یو مهم مرکز دی او دا لاره به په پوره ژمنتیا تعقیب کړي.

وروسته د روغتون سرطبیب دوکتور منصور احمد خیوال خبري وکړي.
نوموړي په ځانګړي ډول د روغتون د بېلابېلو څانګو ترمنځ پر ګډ کار، همغږۍ او متقابلې همکارۍ خبرې وکړې.
دوکتور خیوال څرګنده کړه چې:
د روغتون بریاوې د ټیم‌ورک او ګډ مسئولیت ښکاره پایله ده،
د ډاکټرانو، نرسانو او اداري کارکوونکو همکاري د خدمتونو د کیفیت په لوړولو کې اساسي رول لري،
او منظم سیستم او همغږي د دې سبب شوې چې ناروغان پر وخت او اغېزمن خدمات تر لاسه کړي.
هغه زیاته کړه چې د ګډ کار دا روحيه به لا پیاوړې شي تر څو روغتیايي خدمتونه لا معیاري او منظم شي.
د ټولو ډاکټرانو په استازیتوب د عقلي او عصبي معتادینو د واټ متخصص دوکتور جاوېد خالد وینا وکړه. نوموړي د ننګ معالجوي روغتون له لوري د ترسره کېدونکو فري کمپونو ارزښت وستایه او ویې ویل چې دغه کمپونه د بېوزلو او لرې پرتو سیمو خلکو ته د وړیا روغتیايي خدمتونو رسولو یوه مهمه وسیله ده.
ډاکټر خالد جاوېد ټینګار وکړ چې:
فري کمپونه د روغتون د ټولنیز مسئولیت څرګندونه کوي،
دغه کمپونه د خلکو باور زیاتوي او د روغتیايي پوهاوي په خپرولو کې مهم رول لري،
او د متخصصینو داوطلبانه ګډون د انساني خدمت ریښتینی مثال دی.
هغه د ټولو ډاکټرانو په استازیتوب د روغتون له رهبرۍ مننه وکړه او ژمنه یې وکړه چې په راتلونکو میاشتو کې به د فري کمپونو او عامه خدمتونو لړۍ لا پیاوړې شي.
غونډه د ګډې ژمنتیا، راتلونکو پرمختیایي پلانونو او د لا معیاري روغتیايي خدمتونو د دوام ژمنې سره پای ته ورسېده.
ننګ معالجوي روغتون
جلال‌اباد ښار، څلورمه ناحیه – د روښان مېنې ته مخامخ

29/12/2025

د ننګ معالجوي روغتون د غاښونو څانګه د معیاري درملنې، عصري وسایلو او مجربو ډاکترانو په مټ د مراجعینو د غاښونو او خولې روغتیا ته ځانګړې پاملرنه کوي.
موږ هڅه کوو چې هر مراجع ته خوندي، دقیق او د باور وړ درملنه وړاندې کړو، څو یوه روښانه موسکا او سالم ژوند ولري.
دا څانګه د وتلو او تجربه لرونکو ډاکټرانو تر څار لاندې فعالیت کوي:
ډاکتر ظاهر احمد شینواری
ډاکتر فهیم الله
زموږ خدمات د غاښونو معاینه، درملنه، پاکوالی او ښکلايي پاملرنه رانغاړي، او موخه مو د مراجعینو بشپړ رضایت دی.

د اړيکو شمېري: 0775000959/ 0780099810

آدرس: جلال اباد ښار، څلورمه ناحيه، روښان مېنې ته مخامخ ننګ معالجوي روغتون

28/12/2025

بيړنۍ خبرتیا – د وينې اړتیا

په ننګ معالجوي روغتون کې يو ناروغ ته په عاجل ډول A B وينې ته اړتیا ده.

که څوک د دې وينې ګروپ لري او د مرستې توان لري، نو مهرباني وکړئ د انسانیت له مخې همکاري وکړئ. ستاسو يوه قطره وينه د يو انسان ژوند ژغورلی شي.

ادرس: جلال اباد ښار، څلورمه ناحيه، روښان مېنې ته مخام ننګ معالجوي روغتون
د اړیکو شمېري لپاره: [0775000959/ 0780099810]

دا پیغام مهرباني وکړئ له نورو سره هم شریک کړئ تر څو ژر مرسته وشي. 🙏

27/12/2025

د بتي کوت بر شاشخيل مشران د ننګ معالجوي روغتون د فري کمپ په اړه وايې

26/12/2025

د علم او مطالعې په لور یو ارزښتناک اقدام
د ننګ معالجوي روغتون کتابتون سره د علم او فرهنګ په برخه کې د دوو ځوانانو، شفیع‌الله او عمران له خوا د ۵۰ بېلابېلو او ګټورو کتابونو ارزښتمنه مرسته ترسره شوه.
دغه ستر عمل نه یوازې د کتابتون علمي سرچینې بډای کړې، بلکې دا یې وښودله چې زمونږ ځوانان د ټولنې د پوهې، فرهنګ او فکري پرمختګ لپاره ژمن دي.
د روغتون اداره او د کتابتون مسؤلین د شفیع‌الله او عمران له دې ستایل کېدونکې مرستې څخه د زړه له تله مننه کوي او دا یې د نورو ځوانانو لپاره د الهام وړ بېلګه بولي.
هیله ده چې دا ډول علمي همکارۍ دوام ومومي او زموږ ټولنه د پوهې، شعور او مثبت بدلون پر لور لا نوره هم پرمختګ وکړي.
په درنښت،
د ننګ معالجوي روغتون کتابتون

26/12/2025

25/12/2025

د بټي کوټ ولسوالۍ يو اوسيدونکی د ننګ معالجوي روغتون د فري کمپ په اړه خپل نظر شريکوي

24/12/2025

بټي کوټ ولسوالۍ ته د ننګ معالجوي روغتون د فري کمپ سفر

24/12/2025

د ننګ معالجوي روغتون له لوري د ۲۲۰۰ وړیا عملیاتو اتم طبي فري کمپ په بټي کوټ ولسوالۍ کې ترسره شو
پرون د ننګ معالجوي روغتون له لوري د ۲۲۰۰ وړیا عملیاتو د لړۍ په دوام، اتم طبي فري کمپ د ننګرهار ولایت د بټي کوټ ولسوالۍ په شبینې، بر شاشخېل، د حاجي خانزاده او حاجي محمد یونس په حجره کې ترسره شو، چې په کې د سیمې لسګونو اوسېدونکو ګډون وکړ.
په یاد طبي فري کمپ کې ناروغانو د بېلابېلو برخو د متخصصو ډاکټرانو له لوري معاینه شول، او اړینې طبي مشورې ورکړل شوې. دغه راز هغو ناروغانو ته چې د اقتصادي ستونزو له امله د عملیاتو توان نه درلود او جراحي عمليات ته يې اړتیا لرله، د وړیا عملیاتو ځانګړي کارتونه ورکړل شول، تر څو وکولای شي خپل عملیات په ننګ معالجوي روغتون ترسره کړي.
د سیمې قومي مشرانو، ملکانو، علماوو او د ولس استازو د یاد طبي کمپ هرکلی وکړ او دا یې د ولس لپاره یوه مهمه او حیاتي اسانتیا وبلله. هغوی وویل چې دا ډول روغتیایي نوښتونه په هغو سیمو کې د خلکو د ژوند د ژغورنې لامل ګرځي چې روغتیایي اسانتیاوې پکې محدودې دي، او د ناروغانو پر اوږو درانه مالي لګښتونه کموي.
د بټي کوټ ولسوالۍ ولسوال قاري محمد یاسر حقاني هم په دې پروګرام کې ګډون وکړ او د ننګ معالجوي روغتون د خدماتو ستاینه یې وکړه. نوموړي وویل چې د روغتیا په برخه کې د خصوصي سکتور ونډه د ستاینې وړ ده او ټینګار یې وکړ چې دا ډول بشري او ولسي خدمتونه باید دوام ومومي او لا پراخ شي.
د ولسونو په استازیتوب ملک مدير انور په خپله وینا کې وویل چې د ننګ معالجوي روغتون له لوري د فري طبي کمپونو جوړول د ولس پر زخمونو د مرهم ایښودلو معنا لري. نوموړي د روغتون له مشرتابه او طبي ټیم څخه مننه وکړه چې د غریب او بې وسه ولس لپاره یې د وړیا درملنې او عملیاتو زمینه برابره کړې ده.
د غونډې پر مهال د ننګ معالجوي روغتون مسؤل ډاکټر سفیر خان شینواري ګډونوالو ته د روغتون د خدماتو، د ۲۲۰۰ وړیا عملیاتو د پروګرام او د دې طبي کمپ د موخو په اړه هر اړخیز معلومات وړاندې کړل. نوموړي وویل چې د ننګ معالجوي روغتون اساسي موخه د ولس خدمت، د ناروغانو درملنه او هغو لرې پرتو سیمو ته د معیاري روغتیایي اسانتیاوو رسول دي چې روغتیایي خدمتونه پکې محدود دي.
د پروګرام په پای کې د سیمې قومي مشرانو د ډاکټر سفیر خان شینواري د پرله‌پسې خدمتونو، بشردوستانه هڅو او ولس ته د ژمنتیا د قدردانۍ په توګه هغه ته لونګۍ ور په سر کړه او د هغه د لا بریاوو، روغ صحت او اوږد عمر دعا یې وکړه.

22/12/2025

خبرتیا

د بټي کوت ولسونو ته خبر ورکول کيږي چې!
سبا د ننګ معالجوي روغتون متخصص ټیم ستاسو ولسوالۍ ته د وړیا عملیاتو لپاره راځي.

وخت: د سهار له ۸:۰۰ بجو څخه تر ماسپښين ۲:۰۰ بجو پورې
آدرس: بټي کوټ ولسوالۍ، شبینې، بر شاشخېل، د حاجي خانزاده او حاجي محمد يونس حجره
ټولو ناروغانو او درنو ولسونو څخه هيله کو چې په ټاکلي وخت کې د خپلو تذکرو سره حاضر شي، تر څو د وړیا عملیاتو له دې ځانګړې موقع څخه ګټه واخلي.

📞 اړیکې: 0775000959 / 0780099810
ننګ معالجوي روغتون – ستاسو د روغتیا ملګری
د نشراتو مديريت