د ادا موسسې مشر ډاکټر محمد قاسم نوري وایې په یاد روغتون کې د روغتیايي چارو د لا ښه والي په موخه وسایل په واک کې ورکړل شول ترڅو روغتیايي خدمات لا ښه عرضه شي.
نوري زیاتوي : روغتیايي پرسونل به یې پر خپل وخت حاضر او چارې به لا ښې شي.
11/08/2021
تورخم روغتیايي مرکز ته درمل ولیږدول شول او له چارو یې نظارت ترسره شو.
د ننګرهار عامې روغتیا ریاست اړوند د (BPHS) تطبیق کوونکې موسسې ادا له لوري د ولسوالیو روغتیايي مراکزو ته د درملو د انتقال په لړ کې تورخم روغتیايي مرکز ته درمل انتقال او د یو پلاوي له لوري یې د چارو نظارت ترسره شو.
د ادا ولایتي دفتر مالي او اداري مرستیال سید وحید الله سعیدي وایې : درمل یې انتقال کړي او دا راز یې د یاد مرکز له چارو څارنه او نظارت ترسره کړې چې په ترڅ کې یې ستونزې حل کړي او د چارو لا ښه په موخه یې لازمې سپارښتنې کړي .
08/08/2021
د حصارک ولسوالۍ روغتون سره د ( ۲۹۰۳۴۴۰ ) افغانیو په ارزښت طبي او غیر طبي وسایلو او درملو مرسته وشوه.
د (ICRC) سره صلیب نړیوالې کمیټې له لوري د حصارک ولسوالۍ روغتون سره د طبي او غیر طبي وسایلو او درملو دغه مرسته ددې ادارې د مشر سلطان ناصري له لوري د ننګرهار عامې روغتیا ریس ډاکټر نصیر احمد درانی او د تطبیق کوونکې موسسې ادا مشر ډاکټر محمد قاسم نوري ته وسپارل شوه.
د ننګرهار عامې روغتیا ریس وایي په دې مرسته کې چې( ۲۹۰۳۴۴۰ ) افغانیو په ارزښت ده په کې د عملیات خانې میز او ورسره مربوط نور وسایل، ۱۴ چپرکټونه، د جراحي سامان الاتو د تعقیم لپاره اوتوکلف، ۶ دانې شلف، د چپرکټو لپاره ۳۰ توشکې، دفتري میزونه، د پیوازانو د ناستې لپاره ۱۰ دانې دراز چوکۍ او ۴۸ قلمه مختلف النوع درمل شامل دي او پر دې سربیره د ارتوپیدي څانګې لپاره د پانسمان بسته، د خولې او د ورید له لارې د درملو بستې شملې دي.
په یادې مرستې سره به د حصارک ولسوالۍ روغتون د جراحی او اورتوپیدی څانګو د عملیات خانې او نورو برخو د کمبوداتو ستونزه حل او خدمات لا ښه شي.
Be the first to know and let us send you an email when AADA Nangarhar - ادا ننګرهار posts news and promotions. Your email address will not be used for any other purpose, and you can unsubscribe at any time.
