Surgeon Sartaj Niazi سرجن سرتاج نيازي

20/09/2025

تشخیص د معالجې اساس دی!
یو ۳۰ کالن ځوان چې د ګيڼ اړخ خصيو د رګونو پړسوب او درد څخه په عذاب و، په تکالیفو او شدیدو دردونو کې ایله زمونږ تر روغتون ځان را ورساوه.
ناروغ ته مو د فزیکي او راډیولوژي معایناتو څخه وروسته تشخیص کړه، چې د وریکوسیل په نوم د خصیو د رګونو پړسوب لري.
تر هغې وروسته مو د خپلو همکارانو په مرسته په ښه او موثر ډول عملیات کړ او په روغتیايي وضعیت کې مو په خوښۍ سره کور ته رخصت کړ.
قدرمنو هېوادوالو!
وريکوسيل (د خصيو د رګونو پړسوب) د هغو ناروغيو څخه دی، چې د عقامت سبب ګرځي، که چېرته تاسي له دې ډول ناروغيو څخه رنځ وړئ، نو مونږ د تېر په څېر هر وخت ستاسي په چوپړ کې یو.
اړیکې شمېره: ۰۷۸۱۵۳۴۴۱۷

20/09/2025

ليمو د ګردو د تيږو (ډبرو) په مخنيوي او درملنه کې ستر رول لري!
د ګردو تیږو (ډبرو) لپاره د لیمو ګټې په لاندې ډول دي:
1. د اکسالیټ کمول:
لیمو کې سیتریک اسید موجود دی چې د ګردو تیږو جوړېدو مخه نیسي او د اکسالیټ کچه کموي، کوم چې د تیږو جوړېدو یو مهم عنصر دی.
2. د تيږو ماتول او ويلي کول:
سیتریک اسید د موجودو تیږو ماتولو کې مرسته کوي او د دې مخه نیسي چې نوې تیږي جوړې نشي.
3. د ادرار زیاتوالی:
د لیمو اوبو څښل ادرار زیاتوي، چې له ګردو څخه اضافي مالګې او کثافات وباسي، او دا د تیږو جوړېدو مخه نیسي.
4. د بدن pH توازن ساتل:
لیمو د بدن اسیدیت توازن ساتي او د ګردو روغتیا ښه کوي.

د لیمو د استعمال طریقه:

هره ورځ د یو لیمو اوبه په یو ګېلاس اوبو کې ګډې کړئ او وڅښئ.
که شات اضافه کړئ، دا به نور هم ګټور وي.
نوټ:
د ګردو د ستونزو لپاره باید لومړی له ډاکټر سره مشوره وکړئ، ځکه چې هره درملنه د شخص حالت پورې تړلې ده.

14/09/2025

بې له تشخیص څخه، د ناروغۍ درملنه ناکامه ده!
یو ۲۷ کالن ځوان د څو ورځو دردونو تېرولو او ناکامې درملنې څخه وروسته زمونږ کتنځی ته تشریف راوړ.
ناروغ د ګېډې د ښۍ برخې لاندې شدید درد کړاوه، چې مونږ سملاسي په کار شو او د فزیکي معایناتو تر نتیجې مو ناروغ ته لومړني طبي خدمات ترسره کړل او د معایناتو له نتیجې وروسته تشخیص شوه، چې ناروغ جدي اپنډیکس لري، ناروغ سره تر مشورې وروسته مو په احتیاط سره بریالی عملیات وکړ، چې اوس الحمدلله د ناورغ روغتیايي وضعیت ښه او عادي دی.
نوټ: که چېرې د اپنډیکس ناروغي په وخت سره تشخیص نه شي، نو تر ټولو جدي خطر د اپنډیکس چاودېدل، د نس عفونت خپرېدل او که په وخت سره جراحي ونشي نو د مرګ سبب کېدلی شي.

11/09/2025

# # # Splenectomy $$$$

11/09/2025

د_سپي_چیچلو واکسین 💉🐶
که یو څوک د سپې، پیشو، یا کوم بل حیوان په ذریعه وداړل شي نو د Rabies په نوم په یوه خطرناک وایروس اخته کیدای شي، چې درملیز علاج نلري بلکه د واکسین په ذریعه یې مخه ډپ کیدای شي.

که یو څوک د سپي له خوا وچیچل شي، نو باید Rabies واکسین واخلي. دا واکسین په پنځو ډوزونو ورکول کېږي، په لاندې ترتیب:

1 -ورځ 0 - هماغه ورځ چې حیوان چیچلی دی
2 -ورځ 3- درېیمه ورځ
3 -ورځ 7 - اوومه ورځ
4 -ورځ 14 - څوارلسمه ورځ
5 -ورځ 28 - اته ویشتمه ورځ
د Rabies (سپي داړلو ) ناروغۍ په اړه مهمه خبره دا ده چې:

🔹 که یو کس ته د Rabies نښې ښکاره شي (لکه تیزه تبه، ستوني درد، د اوبو یا هوا وېره، عصبي حملې)، په دې مرحله کې مؤثره درملنه نه لري او ناروغۍ تقریباً تل مرګوني وي.

🔹 خو که د حیوان د چیچلو نه وروسته سمدستي اقدام وشي، ناروغی په 100٪ مخنیوی کېدلی شي:

1. ژر تر ژره زخم پاکول – د چیچلو ځای په صابون او اوبو سره لږ تر لږه 15 دقیقې پریمنځئ
2. واکسین تطبیق کړئ

نوټ: د Rabies ناروغي د نښو په ښکاره کېدو سره علاج نلري، خومخنیوی یې په وخت واکسین او عاجلې پاملرنې سره ممکن دی.

09/09/2025

یوه ناروغه چې نږدې ۳۰ کاله عمر درلوده، د ګېډې د ښکتنۍ برخې د دردونو او بې اولادۍ له کبله یې زمونږ روغتون ته مراجعه کړې وه.
د لازمو فزیکي او لابراتواري معایناتو څخه وروسته مو په ناروغ کې د غوښې د رسولۍ تشخیص وکړ.
(Multiple uterine fibroids)
د ناروغ د پایوازانو سره تر مشورې وروسته مو، سملاسي د یاد ناروغ عملیات په احتیاط او مهارت سره درسره کړل، چې اوس الحمدلله روغتیا ښه او په خیر کور ته رخصت کړل.
د یادونې وړ یې بولم، چې په ښځینه‌و کې د رسولۍ د ناورغي ناسم تشخیص او علاج د ښځینه‌و د بې اولادۍ سبب ګرځېږي.

06/09/2025

25/08/2025

الحمدلله
د الله ج په فضل، د مور او پلار په دعا، د استاذانو د زحمت او د درنو ملګرو د تشویق په برکت مې، د تخصص په دولتي ازموینه (Comprehensive Exam) کې بریا ترلاسه کړله.
د تخصص په دوره کې حتماً ستونزې شتون لري، دغه دوره د هر اړخ څخه له ځان سره تکالیف او نوي فکتورنه لري.
ددې هر څه د زغم او حوصلې لپاره، زما د ژوند د ملګرې د هاندو او هڅو قدرداني کوم.
هغې له کورني او وظیفوي مسؤلیتونو سره سره، ماته اوږه راکړه او په شریکه دې مقام ته را ورسولم.
زه به د تېر په څېر هڅه کوم، چې د ګران وطن او قدرمنو هېوادوالو خدمت هغسې د زړه له تله وکړم او د طبابت برخه کې نوي څه زده او وطنوالو ته وړاندې کړم.
ان شاءالله

23/08/2025

کوچنیانو ته د بېکاره او مضرو خوړو اخیستلو لپاره پیسې مه ورکوئ، بلکه پخپله ورته میوه جات او نور گټور توکي واخلئ.
وضاحت په ویډیو کې!

21/08/2025

یوه ناروغه چې نږدې ۴۵ کاله عمر درلوده، د دګيډي دښي طرف پورتني برخي درد له کبله یې زمونږ کلینک ته مراجعه کړې وه.
ناروغ ته مو فزیکي، لابراتواري او راډیالوژي معاینات وکړل.
د معایناتو له نتیجې وروسته تشخیص شوه، چې ناروغ دتريخي تيږي (Gall bladder stones) درلوده.
تر هغې وروسته مو سمدستي د ناروغ له پایوازانو سره تر مشورې وروسته، cholecystectomy(تريخي لرې کولو) عملیات په ښه او بریالي توګه ترسره کړل.
الحمدلله د ناورغ وضعیت اوس عادي دی.