11/07/2025
د افغانستان د عصبي جراحۍ لمړۍ علمي کنګره – زموږ ویاړمن ګډون
د ویاړ وړ خبره ده چې د افغانستان د عصبي جراحۍ (Neurosurgery) لمړۍ علمي کنګری لمړ ۍ ورځ په بریالیتوب سره د اذان روغتون د علمي کادر په شتون کې ترسره شوه. دا تاریخي پیښه د هیواد د طب د پرمختګ لپاره یو مهم ګام و، چیرته چې د عصبي جراحۍ متخصصین، استادان، او محصلین راټول شوي وو تر څو خپلې تجربې، نوې څیړنې، او پرمختللي طبي نظریات سره شریک کړي.
ډاکتر رفیع الله ځلاند شينواری هم په دې کنګره کې د یو فعال ګډونوال په توګه برخه واخیسته، چې دا نومړي کادر لپاره نه یوازې یو افتخار و، بلکې یو فرصت هم و چې له نورو تجربو زده کړه وکړي او د عصبي جراحۍ په برخو کې له نړیوالو معیارونو ځان خبر کړو.
زموږ موخه دا ده چې:
• د ناروغانو لپاره تر ټولو عصري، دقیق او خوندي جراحي خدمات وړاندې کړو.
• د نړیوالو طبي تجربو په رڼا کې، د افغانستان د عصبي جراحۍ برخه لا نوره هم پیاوړې کړو.
• له نورو متخصصینو سره دوامدار علمي او مسلکي اړیکې وساتو.
د دې کنګرې د ترسره کېدو لپاره ټولو تنظیموونکو، برخهوالو او استادانو ته د زړه له کومې مبارکي وایو.
موږ ژمن یو چې د افغانستان د روغتیا په ډګر کې له لا زیاتو پرمختګونو سره خپل خدمت ته دوام ورکړو.
