21/11/2025
د خراسان پوهنتون او اذان روغتون ترمنځ د علمي او روغتیایي همکاریو هوکړه لیک لاسلیک شو.
صحي پاملرنې ته د یو مهم اصل په توګه کتلو په اساس، د خراسان پوهنتون او اذان روغتون ترمنځ د علمي، ټولنیزو او روغتیایي همکاریو هوکړه لیک لاسلیک شو. دغه هوکړه لیک د دواړو بنسټونو ترمنځ د ګډو علمي او انساني خدمتونو د پیاوړتیا، د روغتیایي پوهاوي او همکاریو د زیاتوالي او د ټولنې د روغ ژوند د ودې په موخه ترسره شو.
• د هوکړې له مخې، دواړه خواوې به په لاندې برخو ته شامل ګډ فعالیتونه ترسره کوي:
• د روغتیايي پوهاوي پروګرامونه، سمینارونه او ورکشاپونه د محصلینو لپاره؛
• د لومړنۍ مرستې عملي روزنه او د بیړنیو حالاتو ملاتړ؛
• د روغتیايي معایناتو، د وینې ورکولو او وقایوي کمپاینونو ترسره کول؛
• په عامه او ټولنیزو پروګرامونو کې ګډ ګډون؛
• د مسلکي او ژبنیو مهارتونو د روزنې او تبادلې فرصتونه.
د هوکړه لیک پر بنسټ، دواړه ادارې به د فعالیتونو د همغږۍ لپاره ځانګړي استازي وټاکي او هر شپږ میاشتې وروسته به د ګډو لاسته راوړنو د ارزونې غونډه ترسره کوي.
یاد مهم تفاهم لیک د خراسان پوهنتون په استازولۍ د خراسان پوهنتون د محصلانو چارو مرستیال اورنګ صمیم او د اذان روغتون ښاغلي رييس ډاکټر نور افضل نور تر منځ لاسلیک شو.
خراسان پوهنتون د دې هوکړه لیک هرکلی کوي او باور لري چې دا ګام به زموږ د محصلینو، کارکوونکو او ټولنې د روغتیا او سوکالۍ په برخه کې د پام وړ اغېز ولري.
