https://www.facebook.com/103823925421809/

Dr abdullah abid, Herat (2025)

20/05/2023

کله مو چې د بدن اوبه کمې سي لاندې نښې په بدن کې ښکاره کيږي:

۱- د خولي بد بويي
۲- سر مو پرلپسې درد کوي
۳- د سستۍ احساس کوئ
۴- پوستکي وچوالی کوي
۵- زړه بدوالی
۶- استفراق
۷- پښتورګو کی خفیف دردونه
۸- معدې کمزوري
۹- حافظی کمزوري

#-کوشش وکړئ سهار کی په نهاره دوه ګلاسه اوبه وڅښئ.!

17/03/2022

نن د برات شپه ده.
د شعبان ۱۵مه (برات) هغه شپه ده کومه چې په دې شپه کې الله ﷻ ته د انسانانو د تیرکال اعمال وړاندې کیږي.
امام حسن بصري رحمة الله علیه به پدې شپه کي په لړزه وو، او وارخطا به وو ویل به یې د برات شپه ده زما اعمال الله ﷻ ته وړاندې کیږي ، الله ﷻ خبر پایله به یې څه وي! په دې شپه انسان ته روزي ، روغتیا ، ناروغي ، تندرستي او ټول شیان د انسان د راتلونکي کال لپاره تعین کیږي.
حضرت علي رضی الله تعالی عنه به په دې شپه د باندې راووت او په ژړا یې، اسمان ته کتل او ویل به یې اې الله ﷻ نن تاته اعمال وړاندې کیږي، چې د علي اعمال به الله ﷻ خبر څنګه وي؟
صحابه راغلل له رسول الله ﷺ څخه یې و پوښتل، چې
اې د الله تعالی رسوله کله چې د شعبان ۱۵ شپه شي نو ته هغه په عبادت او ویښه تیروې او د شعبان ۱۵ ورځ روژه نیسې دا د څه لپاره ده؟
د اللهﷻ رسول ورته وفرمایل: زه د شعبان د میاشتې په ۱۵ ورځ د دې لپاره روژه نیسم چې په دې ورځ د انسان عملنامه سپینه وي او دا مې خوښیږي چې زما د عبادت شروع په عملنامه کې په روژه باندې وشي، د شعبان د میاشتې ۱۵مه شپه کې ددې لپاره عبادت کووم او په ویښه یې تېروم چې دا مې خوښیږي چې کله مې الله ﷻ ته د کال په اخیر کې اعمال وړاندې کېږي نو هغه مې هم په عبادت کې تیره شي او په عملنامه کې مې اخیر عمل عبادت وي
د رسول الله ﷺ سنت دا وو چې کله به د برات (شعبان ۱۵) شپه را رسیدله نو دوی به جنت البقیع ته تلو او شپه به یې هلته په عبادت تیر وله.
عایشه(رض) وایې پدې شپه به چې کله رسول الله ﷺ عبادت کوو او کله به یې چې سر په سجده کیښود دومره به یې اوږدوله چې ما به ویل چې اللهﷻ مه کړه د هغه روح قبض شوی دی، لاس مې د رسول الله ﷺ پښې ته ور وړاندې کړ چې کتل مې د مبارک پښې ټکان وخوړ وروسته پوه شوم چې هغه ﷺ ژوندی دی او بیا مې خپل غوږ د هغه خواته ور نیږدې کړ چې په سجده کې ژاړي او دا دعا کوي (یا الله ﷻ پنا غواړم ستا د عذاب څخه، خدایه پنا غواړم ستا د قهر او عذاب څخه، خدایه پنا غواړم ستا په طرف او حرکت کوم ستا طرف ته، خدایه ستا شان چې لایق د عبادت دی مونږ هغه قسم عبادت ندی، کړی.
ياده شپه د خلاصون شپه هم ياديږي يعنې د ګناه نه د خلاصون شپه، ددې شپې خاص عبادت د احاديثو مبارکو په رڼا کې په لاندې ډول دي :
1:- دوه رکعته نفل بيا سورت يس لوستل او د ايمان لپاره دعا کول.
2:- دوه رکعته نفل بيا سورت يس

14/01/2022

د جُمعې د لمانځه مکمله طریقه:
زده یې کړئ عملي یې کړئ
او د نورو سره یې شریک کړئ

د جُمعې لمونځ په هر عاقل، بالغ، آزاد، مقيم او تندرست مسلمان فرض ده، او په نابالغو، ناروغو، ړندو، مسافرو او ښځو باندې فرض ندی؛ خو که اداء یې کړي؛ د دوی هم د جُمعې لمونځ کیږي؛ خو په دغه ورځ یې بیا د ماسپښين لمونځ ته ضرورت نشته.

د جُمعې لمونځ د اسلام له سترو نښو څخه دی، ددې لمونځ له فرضيت څخه منکر کافر دی او څوک يې چې، له غدر پرته، د لټۍ (سستۍ) او بې پروايۍ له کبله پريږدي فاسق دی.

الله ﷻ د قرآنکریم د (الجمعة) سورت په ۹ نمبر آیت کې داسې امر کړی دی:
-«يٰٓأَيُّهَا الَّذِينَ ءَامَنُوٓا إِذَا نُودِىَ لِلصَّلٰوةِ مِن يَوْمِ الْجُمُعَةِ فَاسْعَوْا إِلٰى ذِكْرِ اللَّهِ وَذَرُوا الْبَيْعَ ۚ ذٰلِكُمْ خَيْرٌ لَّكُمْ إِن كُنتُمْ تَعْلَمُونَ»
ژباړه:
-ای مؤمنانو! كله چې د جمعې په ورځ د لمانځه لپاره غږ (آذان) وشي؛ نو د الله د ذكر (لمانځه) په طرف وځغلئ، پيرل او پلورل (اخیستل او خرڅول) پريږدئ؛ دا ستاسې لپاره ډېره غوره ده، كه تاسې پوهېږۍ.

پدې لمونځ کې د بيړي ورتګ حکم ځکه دی چې، دا لمونځ بغیر له جماعت څخه نه ادا کيږي او د نورو لمونځونو په څېر قضايي هم نلري.

د جُمعې په لمانځه په احاديثو هم ډير تاکيد شوی دی:

په یو روايت کې راغلي:
-څوک چې بغیر له عذر او ضرورت څخه د جُمعې لمونځ پريږدي، د هغه نوم به د منافق په حيث، د لوح المحفوظ په کتاب کې وليکل شي، چې نه يې ليک له منځه تللی شي او نه هم تغیر کولای شي.
(مشکوة باب جمعه)

همدا ډول په بل روایت کې راغلي:
-چا چې د جُمعې آذان واوريده او بيا لمونځ ته ولاړ نشو، همداسې يې د دوهمې جُمعې آذان وارويد او هغه لمانځه ته هم ولاړ نشو او همداسې تر دريو جُمعو يې پرله پسې همداسې وکړل، د هغه په زړه مهر وهل کيږي او زړه يې د منافق زړه ګرځيدلی شي (چې بيا به د حق خبره، وعظ او نصيحت پر نوموړي هیڅ اثر نه کوي).
(طبرانی)

د جُمعې د لمانځه طریقه:
د جمعې لمونځ دوه رکعته دی او فرض عین دی.
اول څلور رکعته سنت مؤکد دي، که په کور کې وشي او که په مسجد کې؛ خو تر خطبې به مخکې اداء کیږي.
بیا دوه رکعته چې، په امام پسې کېږي، فرض دي.
کله چې دوه رکعته فرض وشوه، له دې څخه وروسته څلور رکعته سنت او بیا دوه رکعته سنت کیږي.

د خطبې په وخت ناروا کارونه:
-کله چې امام د خطبې لپاره ولاړ شي، له هغه وخت څخه د خطبې

01/12/2021

*~اعصاب په کومو شيانو کمزوري کېږي؟؟؟~*

*د انسان په وجود کي اعصاب تر ټولو مهمه برخه ده، دانسان ټولي چاري او فعالیتونه دهمدغي ناحیې څخه کنټرولېږي.*
*لاندي ځیني مهم ټکي دي چي په پام کي نیول یې دذهن په سالم ساتلو کي مرسته کو.*

*~د سهار چای نه چیښل؛~*
*هغه خلک چې د سهار چای نه چیښي په بدن کي یې د شکري اندازه راکښته کېږي، په نتیجه کي یې دماغ ته په کافي اندازه مواد نه ور رسېږي او دماغ کمزوری کېږي.*

*~زیاته ډوډۍ خوړل؛~*
*هغه کسان چي زیاته ډوډۍ خوري د هغوی دماغي قوت ضعیفه کېږي.*

*~د سګرېټو څکول؛~*
*د سګرېټو او نورو نشه يي موادو استعمال دماغي قوت راکموي او د الزایمر یا هېرېدو ناروغي پیدا کوي.*

*~د بورې څخه زیاته استفاده:~*
*د بورې زیاته استفاده دپروتینو او نورو غذايي موادو داستفادې مخنیوی کوي او په نتیجه کي یې دماغي رشد کرار کېږي.*

*~ککړه هوا؛~*
*د انسان دماغ په وجود کي تر ټولو زیات اکسېجن مصرفوي او ککړه هوا د دې سبب کېږي چي دماغ په کافي اندازه اکسېجن تر لاسه نه کړي، په همدغه دلیل د دماغ مؤثرتیا راکمېږي.*

29/11/2021

لس شیان زړونه وژني!
له یوه عالم نه پوښتنه وشوه:
دعاوې کوو خو نه قبلیږي؟
هغه ورته وویل: زړونه مړه دي،
بیا پوښتنه وشوه: څه شی زړه وژني؟
ده ورته وویل: دا لس شیان:
1( الله مو پيژندلي خو د هغه حق مو نه دی ادا کړئ.
2( د الله کتاب مو لوستلي خو عمل نه پرې کوئ.
3( د رسول الله صلی الله علیه وسلم د میني دعوه کوئ خو په سنتو یې عمل نه کوئ.
4( د شیطان د دښمني دعوه کوئ خو په کړنو کې ورسره موافق یئ.
5( وایئ له جنت سره مینه لرو خو د جنت له پاره ښه عمل نه کوئ.
6( وایئ له جهنم نه ویرېږو خو هغه کارونه کوئ چې هغه سړی جهنم ته رسوي .
7( تاسو نارې وهئ چې مرګ حق دی خو مرګ ته تیاري نه کوئ.
8( د خپلو وروڼو په عیبونه اخته یئ خپل عیبونه مو هېر کړي دي.
9( د الله نعمتونه خورئ خو د هغو حق نه ادا کوئ.
10( خپل مړي ښخوئ خو عبرت نه اخلئ.

ټول یی د ثواب په خاطر شییر کړۍ چی ټول دوستان تری خبر شی

25/11/2021

د قیامت په ورځ رسول الله ﷺ ته نږدې خلک څوک دي؟
#دثواب۰په۰نیت۰یی۰شیر۰کړی
ابن مسعود رضی الله عنه روايت رسول الله ﷺ فرمايلي:
-«أَوْلى النَّاسِ بي يوْمَ الْقِيامةِ أَكْثَرُهُم عَليَّ صلاةً»
(رواه الترمذي باسناد حسن)
ژباړه:
-د قيامت په ورځ به ما ته نږدې خلک (د شفاعت لپاره)
هغه وي چې، پر ما يې زيات درود استولی وي.
په بل حدیث شریف کې، رسول الله ﷺ فرمایلي:
-مَنْ صَلّٰى عَلَيَّ وَاحِدَة صَلَى اللهُ عَلَيْهِ عَشْرًا.
(مشكوة: جـ۱ صـ۸۶)
ژباړه:
-كه چا پر ما باندې يو ځل درود شريف ووايه؛ نو الله تعالى به پر هغه شخص لس ځلي رحمت نازل كړي.
ګرانو ورونو او خویندو!
آیا د مسلمان لپاره تر دې بل غټ زیری شته؟
راځئ چې په پوره ذوق په خوږ نبي حضرت محمد ﷺ درود شریف ووایو، تر څو الله تعالی پر مونږ رحمتونه نازل کړي او حضرت محمد ﷺ مو د قیامت په سخته او اوږده ورځ شفاعت وکړي.
«اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ»
#یوه کوچنی غوختنه :
⁩ﺭﺳـــــﻮﻝ_ﺍﻟﻠﻪﷺﻓــــﺮﻣﺎﻳﻲ
ﺯﻣﺎ ﺩ ﺩﻳﻦ ﺍﻭ ﺷﺮﻳﻌﺖ حکموﻧﻪ نورو ته ﻭﺭﺳﻮﺉ، که څه ﻫﻢ ﻳﻮﻩ ﺧﺒﺮﻩ ﻭﻱ ( ﺍﻟﺒﺨﺎﺭﻱ)

24/11/2021

په ژمي کې ستاسې بدن ۵ اساسي ويټامينو ته اړتيا لري

د ژمي په موسم کې ځینې ناروغۍ د معدني موادو له کمښت څخه رامنځته کيږي. د لاندې ويټامينونو له لارې د بدن اوبه پوره کولی او د يو شمېر ناروغيو مخه پرې نیولی شو.

ويټامين سي:

د ژمي له راتګ سره د سکاروي یا سينه بغل، او زکام په شان ناروغۍ یوځای راځي دا په داسې حال کې ده چې د ويټامين سي په خوړلو د بدن دفاعي سيستم قوي کيږي او يا دغه ناروغۍ اوږدوالي ته نه پريږدي. ويټامين سي يو ډول انتي اکسيد دی چې په بدن کې د التهاب د کمېدو لامل کيږي.

د ژمي په موسم کې د اړتيا وړ ويټامين سي له نارنجبابو (مالټه، کینو، نارنج او لیمو) او ژيړ رنګو سبزيجاتو څخه لاس ته راوړلی شو.

ويټامين ډي:

ډي ویټامین

که څه هم د ويټامين ډي استعمالولو ته د ټول کال په اوږدو کې اړتيا ده، مګر د ژمي په موسم کې دې ډول ويټامين ته ستاسو اړتيا نوره هم زياتيږي. د ژمي په اوږدو کې شايد ځينې کسان د لمر د نشتون له امله د عضلو او هډوکو په درد اخته شي. د پوهانو په خبره د ۷۰ کلونو څخه ښکته عمر لرونکي بايد هره ورځ ويټامين ډي استعمال کړي او لږ تر لږه هره ورځ ۳۰ دقيقي په مستقيم ډول لمر ته ځان جوړ کړي.

ويټامين اې :

د دې ويټامين استعمال د پوستکي د روغتيا او سلامتيا لپاره ډېر اړين دي او د ژمي په موسم کې د پوستکي د وچوالي مخنيوی کوي. ويټامين اې په غوښته، کب، بادام او نورو خوړو کې پيدا کيږي.

ويټامين بي کمپلکس:

د ويټامين (بي) د ډلې ټول ويټامينونه په ژمي کې په کافي اندازې سره استعمال کړئ. دغه ويټامينونه کاربو هایدریډ په انرژۍ بدلوي چې د سون لپاره غوړ او پروتينونه مصرف کړي. په همدې دليل ويټامين ب کمپلکس په ځانګړې توګه ويټامين بي ۱۲ له هغې دیپرېشن او اضطراب څخه هم مخنيوی کوي، چې د ژمي په موسم کې د لنډو ورځو له امله خلکو ته پيدا کيږي.

اومګا ۳:

دغه ويټامين ندی مګر د ژمي په موسم کې ستاسو په روغتيا کې مهم رول لوبوي. امګا۳ غوړ اسيدونه د وينې د غوړو کچه برابروي. ډېری کسان د ژمي په موسم کې د عضلو په ناروغيو باندې اخته کيږي او دا په داسې حال کې ده چې د اومګا۳ مصرف د عضلو د درد مخنیوی کوي.

30/10/2021

د سترګو تورې حلقې څنګه ختمولی شو؟

د سترګو ګېر چاپېره تورې حلقې د هلکانو او نجونو د مخ پر ښکلا بده اغېزه پرېږدي، نن په همدې اړه هلکانو نجونو ته یو څه لارښوونې لرو، خو لومړی باید پوه شو چې د سترګو ګېر چاپېره تورې حلقې ولې پیدا کېږي؟
عوامل:
• ناسم او نامتوازنه خواړه
• کم خوبي یا د شپې تر ډېره شوګیر کول
• بې ځایه فکر او تشویش کول
• په ملاسته یا هم تته رڼا کې مطالعه
• د سهار ناشته نه کول
• له ناروغۍ وروسته ګټور خواړه نه کارول
• د نظر د کمزورۍ سربېره هم د عینکو نه کارول
• انیمیا یا د وینې کموالی
مخنیوی:
• هر وخت تازه مېوه او د شنو پاڼو لرونکي خواړه زیات کړئ، ځکه دا شیان پوره منرالونه او وسپنه لري.
• ډېرې زیاتې اوبه وڅښئ.
• سهار یا د شپې مهال څو دانې بادام او د ګلابو پاڼې میده کړئ او د سترګو ګېر چاپېره یې په تورو حلقو ولګوئ، لږه شیبه یې پرېږدئ بیا مخ پریمنځئ.
• کوشش وکړئ چې که ځوانان یاست نو پوره خوب وکړئ.
• د کوپرې اوبه څښل هم ډېر ګټور دي، ځکه د کوپرې اوبه له بدن نه زهري مواد خارجوي او پوستکی ښایسته کوي.
• بادرنګ قلۍ – قلۍ کړۍ، څو شیبو لپاره یې یخو اوبو کې کېږدئ او بیا یې په سترګو کېږدئ.
• زیاتره خلک پاکټي چای څښي، تاسې د چایو کارول شوی پاکټ واخلئ، یخچال کې یې څو شیبو لپاره ښه یخ کړئ بیا یې د یوې ګړئ لپاره په سترګو کېږدئ.
• دې لپاره چې دایمي مخنیوی یې شوی وي، نو چیرته چې ځئ ګرمۍ کې تورې چشمې یا هم چترۍ وکاروئ.
• د ویټامن سي تېل هم نه یوازې د سترګو حلقو بلکې د مخ ګونځو ته هم فایده لري، خو د پوستکي د ډاکټر په مشوره که پوره خوب وکړئ، اوبه زیاتې وڅښئ او پورتني موارد عملي کړئ، نو ستاسې مخ به د ګل په شان تل غوړېدلی پاتې وي.

27/10/2021

هغه عادتونه چې غاښونه خرابوي!

د غاښونو د خرابۍ ګڼ عوامل شته، خو یو شمېر کسان ورته فکر نۀ کوي او یا دغه عوامل ورته پۀ نظر نۀ ورځي. دغه عوامل پۀ لاندې ډول دي:

ـ نشه یي توکي:
نسوار، چرس، سګرېټ او نور نشه یي توکي د غاښونو روغتیا ته جدي زیان اړوي. د نشه یي توکو لوګی د غاښونو تر منځ فاصله کې خوندي پاتې کېږي، چې په دې سره د ګڼو نورو ناروغیو باعث هم ګرځي.

ـ د نوکانو زبېښل:
اکثریت ماشومان او لویان دا عادت لري، چې نوکان په غاښونو پرې کوي او یا یې پرې زبېښي او موښي. دغه عادت د غاښونو مینا یا سپینوالي ته جدي خطر اړوي او همدا ډول په نوکانو کې راټول شوي مکروبونه مو د وجود نورې روغتیا ته هم جدي خطر لري.

ـ د انرژیو څښل:
نن سبا اکثریت ځوانان فکر کوي چې بازارونو ته د تازه بېلا بېلو ډولونو راغلو انرژیو او یخو مشروباتو په څښلو سره به چاغ شي، وجود به یې ورسره ښه شي او همدا ډول قوي به شي، خو نۀ یوازې چې دغه څښاک د دوی روغتیا ته ګټه نه لري، بلکې د غاښونو روغتیا ته هم جدي زیان اړوي. دغه څښاک غاښونه توروي، ورستوي یې او همدا ډول معدې ته مو هم جدي خطر لري.

ـ تر ډوډۍ خوړلو وروسته په غاښونو کې د ډکي وهل:
یو شمېر کسان عادت لري، چې څنګه ډوډۍ وخوري، نو د غاښونو د پاکوالي لپاره له ډکي استفاده کوي. دا عادت مو د غاښونو روغتیا ته زیان اړوي او ورۍ مو ورسره زخمي کېږي.

ـ د سختو شیانو ماتول:
په غاښونو د سختو بادامو، چهارمغزو او یا ځینو نورو خوراکي توکو ماتول مو د غاښونو روغتیا ته زیان اړوي. د غاښونو د برېښ عوامل همدغه څه دي.

ـ په غلط ډول بُرس وهل:
د سروې له مخې د نړۍ ۷۵ سلنه کسان د غاښونو بُرس په غلط ډول کاروي. دوی بُرس په افقي ډول د غاښونو شا او مخ ته موښي، په داسې حال کې چې بُرس باید په عمودي ډول وموښل شي او تر دوو یا دریو دقیقو په ورځ کې دوه ځله استعمال شي.

26/10/2021

رسول الله ﷺ فرمايي :

د قیامت په ورځ به الله تعالی اووه کسانو ته د خپل رحمت ( داسې ځای کې سیوری ور په برخه کې کړي) چې هیڅ ځای به یې ساری نه وي.

۱- عادل پاچا

۲- هغه ځوان چې په ځوانۍ کې د الله تعالی عبادت کوي.

۳- هغه څوک چې د هغه زړه له جوماتونو سره تړلی وي (پنځه وخته لمونځ په جمع کوي، کله چې یو لمونځ آدا کړي د بل په فکر کې وي).

۴- هغه دوه کسان چې د الله تعالی د رضا لپاره یې په‌خپل منځ کې مینه وي، په همدې خاطر یې یو ځای کېده وي او په دغه خاطر یې بېلوالی.

۵- هغه سړی چې ښایسته ښځه یې خپل ځان ته پام واړوي؛ خو هغه ورته ووایي:
زه له الله تعالی وېرېږم!

۶- بل هغه سړی چې پټه صدقه ورکړي ان خپل بل لاس یې لا هم ترې خبر نه‌شي.

۷- او هغه نفر چې د الله تعالی ذکر په تنهایي کې وکړي او اوښکې یې وبهېږي (یا په پټه کې د خپلو ګناوو په یادولو د الله تعالی له وېرې وژاړي، یا د شوق او مینې له وجهې د ذکر پر وخت پټ وژاړي)...!

♧♧(بخاری او مسلم)♧♧

22/10/2021

د خولې بد بویۍ څخه د خلاصون غوره لارې
د خولې بدبویي یوه عامه ناروغي ده چې په ډاکټراي لحاظ ورته هیلي ټوسس «halitosis» ویل کیږي، او د ساه اخیستلو پر وخت له خولې وځي، چې اصلي لامل یې د خولې ناپاکي او یو شمېر ناروغۍ ښودل شوي، چې د انسان شخصیت او ورسره ټولنیزې اړیکې یې زیانمنوي.

ددې د مخنیوي لپاره لاندې لارې ګټورې ثابتیدای شي:

د غاښونو کریم استعمالول: د غاښونو ډاکټران په ورځ کې دوه ځل د کریم استعمالولو توصیه کوي، چې په دې سره د غاښونو داخل نه پاتې شوي مواد راوځي، ځکه چې که دغه مواد غاښونو کې د څه مودې لپاره پاتې شي بدبويي پیدا کوي، همدا ډول د کریم او برش استعمالولو ترڅنګ باید «ماوت واش» هم استعمال شي.

غاښونه د تار په واسطه پاکول: د غاښونو منځ کې ځینې داسې مواد پاتې کیږي چې یوازې د تار په واسطه یې ویستل ممکن وي، نو کوښښ کوئ چې له ډوډۍ خوړلو وروسته تار د غاښونو منځ کې ووهل شي.

ژبه پاکول: د کریم او برش استعمالولو پر وخت باید ژبه هم پاکه کړل شي، ځکه چې دا د خولې بدبويۍ ختمولو ترڅنګ ورۍ هم صحتمندې ساتي، ژبه د کریم برش او مسواک په واسطه پاکه کړئ.

همدا ډول که څوک د خولې بد بویۍ ناروغي لري باید هر شپږ میاشتې وروسته د غاښونو ډاکټر ته ورشي او معاینه یې وکړي، روزانه له اتو څخه تر لسو ګیلاسو اوبه وڅښل شي او د شپې لخوا هوګه او پیاز خوړلو څخه ډډه وشي.

سربېره پر دې باید د ځیګر، شوګر او نورو ناروغیو معاینه وشي، ځکه چې په دې ناروغیو سره وریو کې وینه جمعه کیږي چې د خولې بدبویۍ لامل کیږي.

د خولې پاکوالي لپاره د مسواک استعمال هم اړین دی، چې هم نبوي سنت دی او هم خوله پاکه ساتي، له پورتنیو ټولو لارو ترڅنګ که مسواک هم په صحیح توګه استعمال شي زیاتې ګټې لري، او د خولې د بدبویۍ په مخنیوي کې ګټور ثابتیږي.

21/10/2021

ذهني ستړیا څنګه له منځه یوسو؟

په انسان کې یو له سختو ناروغیو څخه هم ذهني ستړیا ده ځکه چې انسان په دې حالت کې د فکر کولو وړتیا له لاسه ورکوي او خپل احساسات له نورو سره نشي شریکولی. چې دغه حالت انسان په فزیکي ستړیا او په ځینو نورو ناروغیو اخته کولی شي.

ذهني ستړیا ډیر لاملونه لري چې د هغې له جملې څخه کار، کورنۍ ژوند او ارامه او خاصه اندازه خوب نه کول ځانکړی اثر لري. د دې خنډ سره د مبارزې لپاره لومړۍ خپل ذهن ارامه کړئ.

دلته مو له هغو مراحلو سره معرفي کوو چې کولی شي انسان له ذهني ستړیا وژغوري:

خپل ځان ته وخت وټاکئ: د دغې ناروغۍ تر ټولو غوره درملنه دا ده چې په یوه تیاره کوټه کې کینئ او له خپل رب او خالق سره اړیکه ټینګه کړئ. د قرآن کریم تلاوت، لمونځ او دعا په نړۍ کې تر هر څه زیات انسان ته ذهني ارمتیا وربښي. دعا او له دعا سره ژړا هغه عملونه دي چې د زړه او ذهن ستړیا به مو یوازې څو دقیقو کې له منځه یوسي.

ارامه او خاصه اندازه خوب وکړئ: ځینې خلک د خوب کولو سربیره بیا هم په ذهني ستړیا اخته وي. د دې خنډ له منځه وړلو لپاره باید پوره اندازه خوب وکړئ. هره شپه ۸ ساعته خوب به ذهن او بدن تازه او له ستړیا وژغوري. هره شپه ۸ ساعته خوب به مو له ډیر ذهني فشارونو هم وژغوري. خاصه اندازه خوب بدن ته د خپل ځواک حاصلولو چانس برابروي.

کوښښ وکړئ ځینې ورځني مشکلات هیر کړئ: کتاب ولولئ، له ملګرو یا د کورنۍ له غړو سره په رخصتیو کې په چکر ووځئ. ځینې وختونه د چاپیریال بدلول له انسان سره مرسته کوي خپل ورځنۍ ذهني فشار او ځینې مشکلات هیر کړي.

هره ورځ ورزش وکړئ: د ورزش پر مهال د انسان عصبي سیسټم انډورفین (Endorphin) نومې مواد خارجوي. انډورفون هغه مواد دي چې انسان خوشحاله ساتي. تاسې اړتیا نه لري چې په ساعتونو ساعتونو ورزش وکړئ یوازې ۱۵ دقیقې ساده قدم وهل هم د دې موخې لپاره کفایت کوي.

ساه اخیستلو ورزش هم ځانګړی اثر لري: د پوزې له لارې اوږده او ژوره ساه واخلئ، د ۱۰ ثانیو لپاره يي وساتئ او بیرته يي د خولې لارې وباسئ. دغه کار مو له هر ډول ذهني ستړیا او فشار څخه په ساتلو کې مرسته کوی

Dr abdullah abid

20/05/2023

17/03/2022

14/01/2022

01/12/2021

29/11/2021

25/11/2021

24/11/2021

30/10/2021

27/10/2021

26/10/2021

22/10/2021

21/10/2021

Address

Website

Alerts

Shortcuts

Share

Category