18/11/2025
ډير والدين پوښتنه کوي چې ایا ماشوم يې د خپل عمر مطابق وده کوي او که نه؟
مور او پلار ماشوم تر بل هر چا ژر او ډير ويني، نو باید پوه سي چې د ماشوم وده د هغه د عمر سره سمه ده او که نه،
او څه وخت باید د ډاکټر سره مشوره وکي.
دلته پر هغو مهمو نښو (Red Flags) خبرې کوو ، چې که هر وخت په ماشوم کې ولیدل سي، نو باید سمدستي نږدې د ماشومانو متخصص ډاکټر ته مراجعه وکئ.
دا نښې د ماشوم د ودې بیړنۍ ستونزې دي، ځکه چې تاسي مخکې لا ډېر وخت ضایع کړی وي او نور ځنډ د ماشوم راتلونکې وړتیاوو ته زيان رسوي.
1. په هر عمر کې که ماشوم کم مهارت چې پخوا يې زده وو هیر کي — لکه پخوا کښينستی سو خو اوس نسي کښينستلی.
2. په هر عمر کې که ماشوم ستاسي پر مخ یا شیانو تمرکز نه سي کولی او یا نه ورته ګوري.
3. مور و پلار دا احساس کي چې ماشوم يې سم نه اوري یا ږغ ته نه متوجه کيږي.
4. که عمر يې ۱۸ میاشتو پورې ورسيږي خو هيڅ لفظ نسي ويلای.
5. که ماشوم د شروع څه یوازې یو لاس استعمالوي. عموماً د راسته یا چپه لاس عادت تر درې کلنۍ وروسته جوړېږي، خو که دا عادت تر یو کال مخکې معلوم سي، نو دا د بل طرف د کمزوری نښه ده.
6.که ماشوم یوازې د پښو په ګوتو ولاړ سي او پوره پښه پر ځمکه نه ږدي.
7. د ماشوم سر ډېر غټ یا ډېر کوچنۍ وي.
8. تر ۱۲ میاشتو پورې په پوره توګه نه سي کښينستلی.
9. که ماشوم تر ۱۸ میاشتو ورسيږي خو بيا هم نسي ګرځيدلاې
10. که ماشوم تر دوه نيمو کلونو پورې ورسيږي خو منډه و نه سي وهلی.
ډاکټر زمریالی اميد
د ماشومانو د داخله ناروغيو متخصص
