06/02/2026
د خوست د خصوصي طبي انسټیټیوټونو اتحادیی رهبری، د یادو انستيتوتونو محترم رئیس صاحبان او مسؤلین د النور طبي پوهنتون د منظوریدو په مناسبت د مبارکۍ په موخه راغلی وو.
د خوست د خصوصی انستيتیوتونو د اتحادیی رئیس محترم الحاج ډاکټر نورالله قاضی زاده، د اتحادیی معاون محترم اجمل غنی افغان، د اتحادیی منشی محترم ډاکټر زاهدالله مستعان، د استاد حکیم تڼيوال انستيتیوت رئیس متخصص محترم یوسف عثمان او د یاد انستيتیوت معاون محترم طارق عثمان څخه نړۍ مننه کوو چې نن ورځ د النور طبي پوهنتون د منظوریدو په مناسبت د مبارکۍ په موخه راغلی وو.
دوی د النور طبي پوهنتون مسئول الحاج انجینیر نورخان منګل ته د یاد پوهنتون مبارکي وویله، او په خوست کې یې د یاد پوهنتون منظوریدل یو ستر ویاړ وباله او دا یی د خوست میشتو او په ټوله کی هیوادوالو لپاره یو ستر فرصت وګاڼه او د خپله اړخه یی د پوهنتون مشرتابه ته د هرډول همکارۍ ډاډ ورکړ
دا ډول علمي لیدنې د تعلیمي او طبي بنسټونو ترمنځ د یووالي، متقابل درناوي، ګډ ځواک او مثبت تفاهم څرګندونه کوي، او د طبي زده کړو د کیفیت لوړولو، مسلکي همغږۍ او د هېواد د روغتیايي سکتور د پیاوړتیا لپاره مهم ارزښت لري.
النور طبي پوهنتون ژمن دی چې د هېواد له ټولو علمي او تحصیلي بنسټونو سره د دوامدارو همکاریو، ګډو علمي پروګرامونو او سالمو مسلکي اړیکو له لارې د ټولنې د اړتیاوو پوره کولو او د مسلکي کادرونو د روزنې په برخه کې ګډ مسئولیت ته دوام ورکړي.
د یادونه وړ ده چې النور طبي پوهنتون به د لوړو زده کړو وزارت تر چتر لاندی ډیر زر خپل رسمي فعالیت پیل کړی.
په درنښت
د النور طبي پوهنتون اداره
