Hemat Medical Diagnosis Lab/ همت تشخیصیه طبي لابراتوار (2026)

07/01/2026

همت تشخیصیه طبي لابراتوار خپل ورځني ټول روټین معاینات په خپل وخت سره په عصري وسایلو په دقیق ډول اجرا کوي.
که تاسو چیرته تبه، ځان درد، ستړتیا او ځینې نور هغه علایم احساسوئ کوئ چې مخکې مو نه وو احساس کړي، نو مهرباني وکړئ د خپل ښه صحت لپاره د خپل بدن چک اپ وکړئ.
همت تشخیصیه طبي لابراتوار کې غوره تشخیص په نوي او عصري وسایلو سره په کم وخت کې په دقیق ډول اجرا کیږي.

05/08/2025

د لاسونو او پښو پړسوب او علاج

د لاسونو او پښو پړسوب بېلابېل لاملونه لرلای شي، لکه ډېر وخت په یوه ځای کښېناستل، د زړه، ګُردو یا ځیګر ناروغۍ. که چیرې پړسوب دوامداره وي، نو ژر تر ژره ډاکټر ته لاړ شئ.

کورنی علاج:
شنه دھنیا (د سبزیو گشنیز) پړسوب، الرجي، لوړ فشار، د هډوکو کمزوري او دمې لپاره ډېر ګټور دی.

د کارولو طریقه:

د شنې دھنیا پاڼې او ډنډې باریک کړئ، په یوه (بوتل) کې واچوئ او په یخچال کې یې یو اونۍ وساتئ.

یو اونۍ وروسته، یو کاشوغه دھنیا یو پیاله اوبو کې واچوئ او وایشوئ.
د خوند لپاره ادرک، شات یا لیمو هم ورزیاتولای شئ.
دا چای باید ګرمه وڅښل شي.

دا یو آسانه او طبیعي درملنه ده، چې د ورځني استعمال سره به ان شاءالله فائده ورکړي.

19/07/2025

ښه پوه سئ چې!
نن سبا د زړه د حملې خبرونه خورا زيات دي.

پیاده تګ او حرکت د زړه د صحت لپاره څومره ګټور دي؟

په طبي ساینس کې د پښو د پنډیو عضلې، په ځانګړي ډول کیلف مسلز (Calf Muscles) ته اکثره "د بدن دویم زړه" یا "Peripheral Heart" ویل کېږي، ځکه:

دا عضلې مرسته کوي چې وینه له ښکته نه بېرته د زړه خواته وخېږوي.

کله چې موږ تګ یا حرکت کوو، دا عضلې راټولېږي او بیا خلاصېږي، چې د رګونو فشار زیاتوي او venous return (یعنې وینې بېرته زړه ته ستنېدنه) ښه کوي.

دا عمل د وینې جریان ته وده ورکوي، د رګونو دننه د وینې له بندېدو یا جمع کېدو (venous stasis) څخه مخنیوی کوي، او له دې لارې له خطرناکو د وینې بندښتونو (clots) لکه DVT (Deep Vein Thrombosis) څخه ساتنه کوي.

همدا لامل دی چې هغو کسانو ته چې ډېر وخت ناست وي، د حرکت او تګ توصیه کېږي.

د ورځني ژوند معتدله بدني فعالیتونه لکه قدم وهل، پر زینو ختل، یا لږ تمرین د زړه روغتیا پیاوړې کوي، د وینې فشار (بلډ پریشر) او کولېسټرول کنټرولوي،

او د زړه حملو (heart attack) او فالج (stroke) خطر کموي...!

19/06/2025

د پښو تلو سوزش
د پښو تلو (تلې/تالې) یو عامه ستونزه ده چې مختلف علتونه لري.
سوزش معمولاً د پښو په تلو کې د ګرمښت، درد، بې حسي یا سوځېدنې په ډول احساسیږي. ډېری وخت دا ستونزه د شپې لخوا رامنځته کیږي.

د پښو د تلو سوزش احتمالي علتونه په لاندې ډول دي

۱. په عصبي ریښو کې مشکل
شکر: د شکر په ناروغانو کې عصبي ریښې زیان مومي چې د تلو د سوزش عام علت ګڼل کیږي.

الکولو څښل: اوږدمهاله الکول څښل د اعصابو د تخریب لامل کیږي.

ویټامین B12 کمښت: اعصابو ته زیان رسوي.

د تایروید غدې د فعالیت خرابوالی

۲. د وینې په جریان کې خرابوالی
د پښو یا بدن نورو برخو ته د وینې خراب جریان سوزش پیدا کوي.

۳. د پوستيکي ناروغۍ یا فنګسي انتانات
د پښو د تلو فنګسي مکروب هم سوځیدنه او هم خارښت دواړه پیدا کوي.

۴. د پښو د زیات کار یا فشار له امله
اوږد مزل، دروند کار، یا د مناسب بوټ نه استعمال د تلو د سوزش لامل کیږي.

د تلو د سوزش نښې نښانې:
د پښو تالو ګرموالی یا سوځیدنه.
درد .
ځینې وختونه خارښت، یا بې‌حسي هم لیدل کیږی .
نښې اکثره د شپې زیاتېږي چې په پښو کې د نارامي احساس تر څنګ د خوب د خرابوالي لامل کیږي.

د تلو د سوزش تشخیص:
د وینې معاینه (شکر، B12، تایروید غدې فعالیت).
د عصبي ریښو ازموینه .
د پوستکي معاینه که د فنګسي نارغۍ شک موجود وي.
د وینې د جریان معلومولو ازموینې.

د تلو د سوزشدرملنه:
۱. د علت مطابق درملنه
شکر: د وینې شکر کنټرولول.
ویټامین B12 کمښت: همدا ویټامین د خولې یا پیچکارۍ له لارې اخیستل.
فنګسي انتان: ضد فنګسي کریم یا ټابلیټونه (لکه clotrimazole، terbinafine) اسعمالول.

۲. د سوزش ارامول
پري ګابا لین د لږ وخت لپاره کارول کیږي.
د درد ضد درمل: پاراستامول یا آیبوپروفن هغه وخت کارول کیږي جي د سوزش ترڅنګ درد موجود وي.
یخ (سوړ) کمپرس: د موقتي راحت لپاره په سړو اوبو لمده ټوټه د پښو په تلو ایښودل کیږي.

کیپساسین کریم : ځینې وختونه د عصبي ریښو له امله رامنځته شوي سوزش لپاره استفاده کیږي.

۳. کورني تدابیر
هره ورځ پښې په یخو اوبو کې ډوبول (10-15 دقیقې).
د مناسب هواداره بوټانو استعمالول.
د پښو پاک ساتل.
پښې پورته کول د وینې جریان ښه کوي.

نوټ:
د نکریزو استعمالول یا تلې په تیلو غوړول بې ګټې دي

05/06/2025

تشویش او اندیښنه کول په معده او کولمو بدي اغېزې لري !!

تشویش او اندیښنه په معده او کولمو ژورې اغېزې لري. دا اغېزې د "دماغ ــ کولمو" اړیکې له لارې ترسره کیږي چې لاندې ناوړه اغېزې رامنځته کوي.

1️⃣ د هاضمې ګډوډي:
تشویش د معدې حرکت ورو کوي یا چټکوي
خواړو ښه نه هضم کېږي
داسې احساس رامنځته کوي لکه ډبره په معده کې پرته وي یعنې د معدې دروند والی احساسوي.

2️⃣ د تېزابو زیاتوالی:
د سینې یا ټټر سوځېدل
ستوني یا مری ته د تېزابو راختل
د معدې د زخم خطر زیاتوي

3️⃣ د معدې دردونه:
دوامداره خفیف یا شدید دردونه
د د زړه بدوالي احساسول
د اشتها نه لرل

4️⃣ د کولمو ګډوډ حرکات:
ډېر تېز حرکات اسهال رامنځته کوي
ډېر ورو حرکات قبضیت رامنځته کوي
یا هم کله قبضیت کله اسهال په نوبتي ډول دواړه رامنځته کیږي

5️⃣ د IBS (Irritable Bowel Syndrome) تشدید ېدل :
تشویش د IBS ناروغانو لپاره تر ټولو مهم محرک ګڼل کیږي چې لاندېعلایم لري.
نس ناستې یا قبض
د کولمو درد
د نس باد

6️⃣ د کولمو د حساسیت زیاتوالی:
تشویش او اندیښنې له امله په کولمو او معده کې کوچنۍ ستونزه دېره غټه احساس کیږي دغه ستونزه نارمل کسانو ته هیڅ یا ډېره کمه احساسیږي

7️⃣ تغذيوي اغېزې:

تشویش اشتها کموي یا زیاتوي
ممکن انسان خواړه لږ یا ډېر وخوري، چې دا بیا په معده او کولمو منفي اغېز کوي
کولای شي وزن کم یا زیات شي

8️⃣ نورې اغېزې:

د معدې ګازونه او باد لرل
تشناب ته د تللو اړتیا ډېرېدل
د معدې او کولمو د عضلاتو سپزم یا ناارامي

طبي سپارښتنې ::
1️⃣ ذهني درملنه (Psychotherapy)
2️⃣ تنفسي تمرینونه او مراقبه:
د ذهني آرامتيا تمرینونه د معدې/کولمو درد کموي
3️⃣ د غذایي نظم رعایت:
– سپک خواړه خوړل
– له تېزو مصالحو او کافيین څخه ځان ساتل
4️⃣ درمل:
د اړتیا په صورت کې د ډاکټر له خوا د تشویش، اندېښنې یا IBS لپاره خاص درمل توصیه کيږي

23/05/2025

#ولې يوه ستنه د انسان د مرګ سبب وګرځي ؟
#لیکنه:ډاکټر رحمن ملکزوئ
#ځینې درمل شته چې انسان ته بايد د ستنې (بيچکارئ) له لارې هدایت شي خو کله کله د انسان بدن د همدې ستنې سره عکسلعمل ښایی چه په نتيجه کې حساسيت او الرژي سبب وګرځي.
#حساسيت د انسان پر بدن مختلفي نښې نښانې ښکاره کوي لکه د بدن سور والی ،سرې ټاپې ، پړسوب ، لاسونه او پښې یی ميږی وي ، سر چرخي استفراق او داسې نور .اما تر ټولو خطرناک يې لکه د ستوني پړسوب د ستوني بنديدل نفس نه اخيستل دي (Angioneurotic edema Anaphylaxis )چي په نتیجه کې د مرگ سبب ګرځي
#دا باید په یاد ولرئ چه دهرې ستنې سره د حساسيت او الرژئ احتمال شته اما تر ټولو خطرناکه ستنې د پنسيلين ګروپ يا په وطني اصطلاح پوډري ستني دي چي تر لګولو وروسته په پنځه دقيقي کې د مرګ سبب کيدلی شي
#ځینې خلک د حساسيت د معلوم کيدو لپاره پر پوستکي د حساسيت تيست کوي اما دا تيست تاسې ته دا ضمانت نشي درکولای چي د حساسسيت احتمال نشته دا فقط يو تدابير دی. داسي ډير واقعات راغلي چه د حساسيت تيست يې کړای وي خو بيا هم حساسيت لامل شوی دی.
حساسيت احتمال په هغه اشخاصوکې ډير وي چه ضعيف وي او د بدن دفاعي (معافيت) سيستم يې کمزوری وي
هره ستنه هغه که پنسيلين وي يا غير پنسيلين وي او يا د درد ستنه وي د حساسيت احتمال ورسره شته، ستنه بايد په هغه ځاي کي ولګول شي چي عاجل وطاق يا د عاجل وطاق شرايط موجود وي
#په خارجو هیوادونو کې یو ډاکټر هیڅکله مریض ته ستنې نه هدایت کوي ،چه په خپل سر یی ولګوي ،خو ځینې وخت چه ستنې ته ضرورت پیدا شي نو مریض ته بیا نرس نوموړي ستنې لګوي ،خو مریض ته اجازه نه ورکوي مګر زمونږ هیواد کې بیا نو هرڅوک ستنې بدون د ډآکټر د هدایت ستنې لګوي ،چه بعضې وخت د انسان د فلج لامل شوی ،او یا د مرګ لامل شوی ،او یا هم کله چه خساسیت یی ورسره پیدا شوي بیړانئ مرسته نه نشي کولای .که چيرې د ستنې لپاره مناسب شرايط نه وي موجود او د ستنې لګولو فيصله وکړئ د حساسيت او الرژي د ښکاره کيدو په صورت کي ډير ددي امکان شته چي د ناروغ د مرګ سبب شي.
#اول بايد کوښښ وشي بغير له ستنې د خولې د لارې په دواګانو باندي ناروغي د منځه ولاړه شي که يي تاثير کم وو يا ستنې ته ډيره اړتيا پيداشوه بيا هغه وخت بايد ولګول شي چي مناسب شرايط ورته برابر وي.
معلومات درسره شیر کړئ چه تاسو هم ثواب وشي ،او نورو ته عام پوهاوی وشي مننه

22/05/2025

آيا ته د ښايسته او صحتمند بدن هيله لرې؟
که غواړې چې بدن دې فېټ، ښايسته او روغ وي، نو له دې درې سپينو زهرجنو شيانو ځان وساته! 👇🏻

١: غوړي ٢: بوره ٣: مالګه

ولې دا شيان زهر بلل کېږي!؟
غوړي: بدن چاغوي، د زړه او وينې رګونو ستونزې پيدا کوي.
بوره: د شکر ناروغي رامنځته کوي، غاښونه خرابوي، او وزن ډېروي .
مالګه: د وينې فشار لوړوي، پښتورګي خرابوي، او بدن پړسوي.

که دا درې شيان کم کړې، او پر ځای يې صحي خواړه وخورې، نو: بدن به دي ښايسته شي، صحت به دې ښه شي، او ژوند به دې خوشحاله وي!

18/05/2025

کله چې د ځیګر تودوخه زیاته شي، نو په لاسونو او پښو کې سوزش (سوزیدنه) پیلیږي.
د دې لپاره تاسو کولی شئ چې د املو او آلوبوخارو شربت وڅښئ.
یا دا طریقه هره شپه عملي کړئ:

۲۵ ګرامه املې او ۲۵ ګرامه آلوبوخاره په یو نیم ګیلاس نیم تودو اوبو کې شپه تر بلې پریږدئ،
سبا یې ښه وموښوئ او صاف یې کړئ، بیا یې د ناري نه مخکې وڅښئ.

یوازې لس ورځې دا طریقه عملي کړئ، ان شاءالله شفا به ومومئ.

18/05/2025

د زړه د پیاوړتیا او د وینې د فشار د کمولو لپاره !!
د وربشو (جو) اوبه ډېرې ګټورې دي، زړه پیاوړی کوي، خپګان له منځه وړي، زړه ټینګوي، او په عین وخت کې دا ښکاره ګټې لري:
ادرار زیاتوي، لوړ فشار کموي، د اوبو بندښت ختموي، او ګردې د ادرار لارې پاکوي.
شاوخوا ۵۰ ګرامه د ځايي *جو* دانې په یو لیتر اوبو کې تر لسو دقیقو پورې ویشول شي، بیا دوه ساعته پرېښودل شي تر څو ښه پخې شي، وروسته صاف کړل شي او له هغې نه یو متوسط ګیلاس سهار، غرمه او ماښام وڅښل شي. دا طریقه دې د دوو اونیو لپاره هره ورځ تعقیب شي.
إن‌شاالله ...

18/05/2025

هغه ناروغان چي ګردي يي خرابي وي، او په سمه توګه وظیفه نشي اجرا کولي، دوي ته بيا ډايلاسس کيږي** ډایلاسس (Dialysis) پر مهال وینه د سور نل له لارې د بدن څخه ایستل کېږي، بیا له ماشین څخه تېریږي او د شنه نل له لارې بېرته بدن ته داخلېږي.

یوه د ډایلاسس پروسه شاوخوا څلور ساعته وخت نیسي، او دا عمل ناروغ ته په اونۍ کې دوه تر درې ځله تکرارول کېږي.

خو هغو کسانو ته چې پښتورګي یې روغ رمټ وي، د دوی په بدن کې همدغه عمل په طبعي ډول په ورځ کې ۳۶ ځله ترسره کېږي، بې له کوم درد او بیخی په آرامۍ سره.

تاسو نه پوهېږئ چې زموږ پر سر هره شیبه، هره لحظه د رب تعالی څومره نعمتونه نازلېږي. نو تل باید د الله شکر وباسو. الحمد لله
فَبِأَيِّ آلَاءِ رَبِّكُمَا تُكَذِّبَانِ •

08/07/2024

د امېندوارۍ په وخت کې د مور وجود ډيري وينې ته اړتيا لري، تر څو ماشوم ته په کافي اندازه اکسيجن ورسوي.
د انسان وجود د اوسپنې د کارولو له لاري وينه جوړوي لدې امله د امېندوارو ښځو په وجود کې بايد په کافې اندازه اوسپنه موجوده وي.
تر څو د اړتيا مطابق وينه جوړه کړي. په اوسني شرايطو کې بايد په افغانستان کې امېندواري ښځې د ورځې يوه ۶۰ ميلي ګرامه د اوسپنې ګولۍ خوري.

فوليک اسيد يو وېټامين ده او په امېندوارو ښځو کې د دې وېټامين کمبود کېدی شي د ماشوم د عيبي کېدلو باعث شي لدې امله امېندوارې ښځې بايد د ورځې يوه دانه 5mg ميلي ګرامه د فوليک اسيد ګولئ او یا د ډاکتر په مشوره د فولیک اسید دوا وخوري وخوري.

08/07/2024

د پښو تلي سوزیدل یا د ستنې چوخیدو احساس د کومو ناروغیو نښه ده؟
دغه تجربه به زیاتره کسانو ته وي چې کله یې د پښو تلي سوزي یا داسې ورته بریښي چې د پښو تليو کې یې ستنې چوخیږي «جګیږي»، په ځانګړي ډول هغه مهال کله چې له یو څه شیبې وروسته پښو ته حرکت ورکړل شي.

په عام حالاتو کې د پښو سوزېدل هغه مهال کیږي کله چې انسان د پښو په سر کښیني یا داسې ناسته وشي چې په پښو زور راځي، دغه مهال پښې د اعصابو فشار سره مخ کیږي چې پښو ته په حرکت ورکولو له منځه ځي.

که دغې پيښې سره هر وخت مخ کیږئ په ځانګړي ډول پښو ته له حرکت ورکولو وروسته هم که سوز سره مخ کیږئ دا بیا تاسې ته د ناروغۍ ګواښونه دي چې دردناک هم وي، ددې یو شمېر لاملونه په لاندې ډول دي:

شکر ناروغي

د شکر ناروغۍ یوه نښه داده چې د ناروغ پښې اکثره وخت سوزیږي او د ستنې په څېر څه ورچوښیږي، ددې لامل لوړ فشار دی چې پایله کې یې اعصابو ته زیان رسیږي، د شکر نورې هم ډيرې نښې دي، لکه زیاتې بولې راتلل، زیات تږي کېدل، د خولې وچېدل، د پوستکي خارښ، په پښو یا لاسونو کې درد یا بې حسه کېدل، لوږه زیاتېدل، ناڅاپي وزن کمېدل او د ټپ ژر نه ښه کېدل د شکر ناروغۍ نښې دي.

ویټامن بي ۱۲ کمي

بدن کې د ویټامن بي ۱۲ کميدل د اعصابو حجرو ته زیان رسوي، چې په پایله کې يې په پښو او لاسو کې د ستنې چوښيدلو یا سوزیدلو حس کیږي، که دا له پامه وغورځول شي نو دغه ناروغي په بدن کې دایمي ګرځي، بن کې دغه ویټامن کمیدل د ملا تیر، عصبي حجرو او د بدن نورو برخو ته هم زیان رسوي چې په پایله کې د انسان ملا کږه یا کړوپه شي.

د وینې جریان کې ستونزې

کله چې د بدن غړو ته په سمه توګه وینه نه انتقالیږي نو پښې او لاسونه یخ او بې حسه شي، کله چې په موټر یا بل ځای کې تنګ کښینئ او پښې مو له بل سره جختې نښتې وي، داسې حال کې د پښې ټولې برخې ته وینه نه رسیږي چې له کبله یې پښې یخې، بې حسه او د ستنې چوخیدو احساس وشي.

پښتورګي «ګردې» له منځه تلل

د پښتورګو له منځه تللو له ډیرو نښو څخه یې یوه دا هم ده چې د ستنې چوښيدو یا پښو او لاسو د سوزېدو احساس کیږي، نورې نښې یې لکه په پښو کې دردونه، بې حسه کېدل، د عضلاتو او بندونو کمزوري کېدل دي.

آټوامین ناروغۍ

آټوامین یعنې هغه ناروغۍ په کوم کې چې د بدن دفاعي سیستم یا د بدن حجرې د بدن په روغو غړو حمله وکړي، چې پایله کې يې په پښو کې د ستنې چوښیدلو یا سوزیدلو احساس کیږي.

دغه ډول د پښو سوزیدلو، بې حسه کېدلو یا د ستنې چوښیدلو احساس نور لاملونه هم شته، لکه زیات وزن پورته کول چې اعصابو ته زیان رسوي، انفیکشن زیاتیدل، یا ځینې درمل (د زړه، لوړ فشار، سرطان) استعمالولو په پایله کې هم دغه پيښه رامنځته کیږي، باید هیڅکله دغه لاملونه له پامه ونه غورځول شي، او ژر تر ژره یې د مخنیوي لپاره ډاکټر ته رجوع وشي.

Hemat Medical Diagnosis Lab/ همت تشخیصیه طبي لابراتوار

07/01/2026

05/08/2025

19/07/2025

19/06/2025

05/06/2025

23/05/2025

22/05/2025

18/05/2025

18/05/2025

18/05/2025

08/07/2024

08/07/2024

Address

Website

Alerts

Shortcuts

Share