Abduljalil Amarkhil

  • Home
  • Abduljalil Amarkhil

Abduljalil Amarkhil Psychologist, counselor, writer & stuttering speech thrapist

یوه تازه څېړنه ښیي هغه ښځې چې چاغې دي او د وینې غوړوالی لري خو ورزش کوي لۀ هغو ښځو ډېر عمر کوي چې وزن یې نرمال ده او ورز...
30/07/2024

یوه تازه څېړنه ښیي
هغه ښځې چې چاغې دي او د وینې غوړوالی لري خو ورزش کوي لۀ هغو ښځو ډېر عمر کوي چې وزن یې نرمال ده او ورزش نکوي.
همدارنګه هغه نارینه چې سګرټ وهي یا نورې نشې کوي خو د ورځې یو ساعت ورزش کوي د بې نشې نارینه وو پۀ پرتله ډېر عمر ژوند کوي.
هر ساعت ورزش سره درې ساعته عمر اضافه کیږي.
راځئ چې ورزش وکړو.

قهرجنو خلکو سره څنګه چلند وکړو؟ددې انسانانو دننه او بهر یو دي څۀ یې چې پۀ زړۀ وي پۀ خولۀ یې هم دي.دا کسان پۀ تاسو پسې شا...
28/07/2024

قهرجنو خلکو سره څنګه چلند وکړو؟
ددې انسانانو دننه او بهر یو دي څۀ یې چې پۀ زړۀ وي پۀ خولۀ یې هم دي.
دا کسان پۀ تاسو پسې شاته ډېرې کمې خبرې کوي هر څۀ چې وي مخامخ یې درته وایي.
دا خلک د نورو پۀ پرتله ډېر د مسوولیت احساس لري او مسوولیت مني.
خو شاوخواته شته خلک هغه رقم رسیدګي نۀ ورته کوي کوم ډول چې باید وشي.
دا خلک هغومره چې غوصه کیږي ډارن ندي. د وېرېدلیو ماشومان پۀ څېر دي چې زړۀ یې ګرمه غېږه او نازول غواړي.
کله چې پۀ غوصه کیږي پۀ غېږ کې یې ونیسئ، خبرو ته یې غوږ ونیسئ او یوازې دا کوښښ وکړئ چې درک یې کړئ.
هغوی لۀ دې امله چیغې وهي چې یوه ورځ یې پۀ آرامه ویل خو غږ یې چا نۀ وو اورېدلی.
هغوی چې ژر غوصه کیږي مۀ یې رټئ! هغوی د مینې سختې کمۍ او نرم خو حساس زړونه لري.
تل ښکته پورته نۀ وایي او ریښتیني انسانان دي.

والدین باید پوه شي چې لۀ خپلو ماشومانو شکایت کول، هغوی ته ډونګېدل او هغوی باندې د ځینو چارو منل بې ګټې دي.زور ویل یوازې ...
26/07/2024

والدین باید پوه شي چې لۀ خپلو ماشومانو شکایت کول، هغوی ته ډونګېدل او هغوی باندې د ځینو چارو منل بې ګټې دي.
زور ویل یوازې ځور او مقاومت منځ ته راوړي، باندنی فشار پۀ سرغړونو پاییږي. ددې پۀ ځای چې خپلې غوښتنې پر خپلو ماشومانو باندې تحمیل کړو باید ذهنیت یې درک کړو، د مسایلو پۀ حل کې ونډه ورکړو او نظر یې واخلو. دا هر څۀ لږ حوصله غواړي خو اوږدمهاله شخصیت جوړونه ده.

24/07/2024

منم چې جهالت ناروغي یا د ناروغۍ لامل دی. خو د خپل جهالت نۀ منل بیا سوچه ځان وژنه ده.

خبرې کول پخپله تمدن دی! لۀ دې سره سره هغومره چې کلیمې انسان متمدن کوي وحشي کوي یې هم، هغومره یې چې رغوي زخمي کولای یې هم...
24/07/2024

خبرې کول پخپله تمدن دی! لۀ دې سره سره هغومره چې کلیمې انسان متمدن کوي وحشي کوي یې هم، هغومره یې چې رغوي زخمي کولای یې هم شي. انسانان خواخوږې ژبې ته اړتیا لري، داسې ژبه چې پۀ مهربانۍ سره پیل شي، دوام ومومي او اخر شي.

ددې لپاره چې اولاد مو خبره ومني!!له هغه سره ښکاره او واضح خبرې وکړئ.هغۀ ته ووایاست چې څه باید سر ته ورسوي، نه دا چې له...
21/07/2024



ددې لپاره چې اولاد مو خبره ومني!!
له هغه سره ښکاره او واضح خبرې وکړئ.
هغۀ ته ووایاست چې څه باید سر ته ورسوي، نه دا چې له چارو یې منع کړئ او هغه یوازې دا زده کړي چې څه باید سرته ونه رسوي.
د بېلګې په ډول: که غواړئ له خوب وروسته مو اولادونه خپله خونه ټوله کړي نو ددې کار د سرته رسولو تګلاره ور وښایاست هغه ته مه وایاست ولې دې خونه نه ټولوې بلکې ورته ووایاست داسې یې ټوله کړه.
هغۀ ته ووایاست!!!
مهرباني وکړه د خوب ځای دې ټول کړه!
پاکې جامې دې په کوټ بند او ناپاکې جامې دې په حمام کې راوځړوه!
د لوبو وسایل دې په جالۍ او کتابونه دې پر خپل ځای کې کېږده.
که مو داسې وکړل ماشوم پوهيږي چې څنګه او له کوم ځایه یې پیل کړي.
هرکله چې ماشوم ستاسو په موخه ونه پوهېږي، نشي کولی امر مو پرځای کړي، له همدې امله تاسې ناسم پوهېږئ، فکر کوئ ماشوم مو سرغړونه کوي او خبرو ته مو غوږ نه ږدي.

پۀ ماشوم کې د موروپلار تر منځ د اختلاف اضطراب!کله چې موروپلار شخړې کوي، ماشوم د اضطراب او ګناه احساس کوي، ځکه کورنۍ تر خ...
07/07/2024

پۀ ماشوم کې د موروپلار تر منځ د اختلاف اضطراب!
کله چې موروپلار شخړې کوي، ماشوم د اضطراب او ګناه احساس کوي، ځکه کورنۍ تر خطر لاندې ویني. د ګناه احساس کوي، ځکه فکر کوي چې پۀ کورنیو ناجوړجاړیو کې پۀ خیالي یا واقعي توګه د ونډه لري.
ریښتیا یا نا ریښتیا، ماشومان فکر کوي چې د کورني اختلاف لام دوی دي.
ماشومان پۀ کورني داخلي جنګ کې چې د کورنۍ لخوا پۀ لاره اچول کیږي، بې طرفه نۀ پاتې کیږي. هغوی یا د پلار او یا د مور لوری نیسي.
موروپلار باید داخلي ناجوړجاري د آرامه مذاکرې لۀ لارې حل کړي او ماشومان باید پوه شي چې موروپلار داسې اختلافونه لري چې خبرو اترو ته اړتیا لري.
پرته لۀ دې یې شخصیت د جنګ او اختلاف پۀ وسلو سمبال وده کوي.
زۀ ددې پدیدو قرباني یم خواست مې دا ده چې خپل ماشومان مۀ قرباني کوئ.

د پر ځان باور او جرئت سرکوبهغوی چې زغرده خبرې کوي او بې وېرې لۀ خپل حق نه دفاع کوي، د نورو لۀ لوري د خپه کېدو، اړیکو قطع...
05/07/2024

د پر ځان باور او جرئت سرکوب
هغوی چې زغرده خبرې کوي او بې وېرې لۀ خپل حق نه دفاع کوي، د نورو لۀ لوري د خپه کېدو، اړیکو قطع کېدو او بد ګڼلو پۀ پلمه سرکوبیږي ځکه هغوی زده کړي چې کۀ څوک د هرې خبرې جواب ورکوي پۀ مبارزه کې ژر ماتې نۀ مني او بې لۀ کوم شرم نه غږیږي باید نور ورنه خپه شي، چې هېڅوک یې نۀ غواړي، باید څوک هم ورسره خبرې ونۀ کړي، چې دا هم هېڅوک نۀ غواړي، تر دې هم سخت دا چې بد کاره ګڼل کیږي چې دا بیا اصلاً خلکو ته د زغملو نده.
اما کۀ لږ څۀ زغم او حوصلې نه مار واخلو او د جرئت پرېښودو پر ځای د خلکو غبرګون سره بې توپیره شو نو هېڅ بې جرئته او پر ځان بې اعتماده کس به ونۀ لرو ددې پدیدې ډېری قربانیانې ښځې دي چې د ښځو لۀ لوري پرې همدا عملیه ترسره کیږي ځکه هغوی همداسې ناسمې روزل شوي او د پیل تاریخچه یې بیا هم نارینه وو ته ورګرځي.

پۀ ماشوم کې د بې باورۍ او بې صبرۍ لۀ امله منځته راغلی اضطراب:کله چې ماشوم هغو چارو ته نۀ پرېښودل کیږي چې د ودې لۀ نظره و...
04/07/2024

پۀ ماشوم کې د بې باورۍ او بې صبرۍ لۀ امله منځته راغلی اضطراب:
کله چې ماشوم هغو چارو ته نۀ پرېښودل کیږي چې د ودې لۀ نظره ورته چمتو ده نو، ماشوم دننه کې د غوصې او ځورېدو احساس کوي، ماشومان پۀ لږ وخت کې د یوۀ کار ماهر نشي جوړېدای هغوی ډېر وخت ته اړتیا لري تر څو د بوټ مزی بندول، تڼۍ تړل، جامې اغوستل او دسګیر تاوول زده کړي؟
پر دې مهال لویه مرسته دا ده چې لۀ صبر ډک انتظار وکړو او د کار پۀ اړه لنډ نظر ورکړو: " د جامو اغوستل اسانه ندي" "د بوټ بند تړل اسانه ندي"
کۀ ماشوم بریالی یا ناکام، داسې نظر یې د وضعیت لپاره اړین ده.
کۀ بریالی شي نو پر ځان به وویاړي ځکه سخت کار یې ترسره کړی او کۀ ناکام شي نو دا تسلي شته چې "موروپلار یې پوهېدل چې کار سخت دی" پۀ هر صورت کې ماشوم خواخوږی او ملاتړ لاسته راوړي.
کۀ ماشوم ته پر دې مهال ووایو "چې نۀ یې شي کولای مۀ یې کوه" "خدای دې ووهه کله به یې زده کوې؟" نو ماشوم ته د راتلونکي کار د کولو پۀ اړوند اضطراب پیدا کیږي او دا یې پر ځان باور ختموي.

کله چې ماشوم سهار ښوونځي ته ځي او ځیني شیان لکه د اوبو پتک، کتاب یا جېب خرڅ هېروي نو:"دا هم ستا کتاب" ښه ده لۀ دې چې ووا...
30/06/2024

کله چې ماشوم سهار ښوونځي ته ځي او ځیني شیان لکه د اوبو پتک، کتاب یا جېب خرڅ هېروي نو:
"دا هم ستا کتاب" ښه ده لۀ دې چې ووایو " کاشکې داسې ورځ راشي چې کتاب دې هېر نکړې"
"دا هم ستا پیسې" ماشوم ته ډېره د قدر وړ ده تر دې چې وپوښتو "پۀ څۀ باندې بیسکېټ اخلې"
ماشوم باید د اخطارونو او غوږ وهنو لړلیک لۀ ځان سره ښوونځي ته یونسي.
"ښه ورځ ولرې" تر دې ښه جمله ده چې ووایې "ښوونځي کې ستونزه جوړه نکړې"
"پۀ دوه بجو سره ګورو" د ماشوم لپاره اسانه ده تر دې چې ورته ووایو "لۀ ښوونځي چې رخصت شوې پۀ سرکونو کې ونۀ ګرځې"

د بدني تنبیې (وهلو ټکول) یو لۀ جانبي عوارضو داده چې:د وجدان د ودې مخه نیسي، بدني رټنه پۀ اسانۍ سره د ګناه احساس لۀ منځه ...
28/06/2024

د بدني تنبیې (وهلو ټکول) یو لۀ جانبي عوارضو داده چې:
د وجدان د ودې مخه نیسي، بدني رټنه پۀ اسانۍ سره د ګناه احساس لۀ منځه وړي ځکه د بد چلند بدله ورکوي او د بیا تکرار لپاره یې د آزادۍ احساس کوي. دوی د خپل بد چلند لپاره د یوې تګلارې پیروي کوي چې د وهلو محکمه یې بولي.
ځکه د بد چلند حساب ورکوي هغوی ښایي اونیز یا میاشتنی حساب ورکړي، کله کله خو آن موروپلار وهلو ټکولو ته هڅوي او کله پخپله ځانه رټي.

Address


Telephone

+93749766525

Website

Alerts

Be the first to know and let us send you an email when Abduljalil Amarkhil posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Abduljalil Amarkhil:

Shortcuts

  • Address
  • Telephone
  • Alerts
  • Contact The Practice

  • Want your practice to be the top-listed Clinic?

Share