Organizata Botërore e Shëndetësisë në Shqipëri - WHO Albania

29/05/2026

Cigaret aromatike janë një karrem. Shijet joshëse për të rinjtë si boronica, mangoja, mentja dhe çamçakëzi nuk janë ushqime të padëmshme, ato janë ideuar për të tërhequr fëmijët dhe adoleshentët.

Aromat gjithashtu maskojnë shijen e keqe duke përdorur efekte freskuese menteje dhe ftohëse, duke i bërë produktet e nikotinës më të lehta për t'u thithur dhe më të vështira për t'u lënë.

Manipulimi funksionon më mirë kur nuk vihet re. Në këtë Ditë Botërore pa Duhan, le t'i vëmë këto taktika në dukje.

https://bit.ly/4fHL1bq

28/05/2026

Në mbledhjen e sotme të Këshillit të Ministrave u miratua Kuadri i ri të Bashkëpunimit Shqipëri–OKB për periudhën 2027–2031, një dokument strategjik që përcakton drejtimet kryesore të bashkëpunimit në mbështetje të Objektivave të Zhvillimit të Qëndrueshëm dhe procesit të integrimit evropian. Kuadri fokusohet në tre prioritete kryesore: zhvillimin gjithëpërfshirës të kapitalit njerëzor, transformimin ekonomik të qëndrueshëm dhe të gjelbër, si dhe forcimin e qeverisjes, drejtësisë dhe të drejtave të njeriut.

Pas njoftimit të lajmit nga Zëvendëskryeministrja Albana Koçiu, Koordinatorja e Përhershme e Kombeve të Bashkuara në Shqipëri, Ingrid Macdonald, u shpreh:

“Një moment historik për Shqipërinë dhe Kombet e Bashkuara miratimi nga Këshilli i Ministrave i Kuadrit të ri të Bashkëpunimit Shqipëri–OKB 2027–2031. Ky dokument është një udhërrëfyes i përbashkët për avancimin e zhvillimit gjithëpërfshirës, të barabartë dhe të qëndrueshëm, ndërsa Shqipëria vijon rrugën e saj drejt Bashkimit Evropian.

Mirënjohja ime e sinqertë për Zëvendëskryeministren, Agjencinë Shtetërore të Programimit Strategjik Koordinimit - SASPAC, Ekipin e OKB-së në Shqipëri dhe për partnerët tanë të shumtë, bashkëpunimi i të bëri të mundur këtë arritje të rëndësishme. Presim me padurim ceremoninë zyrtare të nënshkrimit.”

Ky kuadër riafirmon angazhimin e Shqipërisë për të përmirësuar cilësinë e jetës së qytetarëve, për të forcuar institucionet dhe për të rritur qëndrueshmërinë ekonomike e sociale, duke garantuar që askush të mos mbetet pas.

28/05/2026

Në prag të Ditës Botërore Kundër Duhanit, u bëjmë thirrje qeverive, advokuesve dhe publikut që të mbrojnë veten dhe brezat e ardhshëm nga taktikat e industrive prodhuese të dhe .
Duhani vret deri në gjysmën e përdoruesve që nuk arrijnë ta lënë atë - megjithatë industritë e duhanit dhe nikotinës vazhdojnë të krijojnë produkte të dizajnuara për të ndërtuar dhe mbajtur varësinë.
Pse? Sepse varësia nxit fitimet.
Produktet e sotme janë të ideuara për të joshur përdorues të rinj, për të normalizuar përdorimin e dhe për t'i mbajtur njerëzit të varur. Industria e dhe nikotinës po e joshin brezin e ri përmes aromave tërheqëse, dizajneve elegante dhe marketingut mashtrues.
Të rinjtë po paguajnë çmimin: Përdorimi i cigareve elektronike midis të rinjve në Rajonin tonë është më i larti në botë, duke prekur rreth 4.2 milionë adoleshentë të moshës 13-15 vjeç.
Ndërgjegjësimi ka rëndësi. Të kuptuarit e këtyre taktikave është hapi i parë për t'i ekspozuar ato.
Në këtë , le të ekspozojmë taktikat pas varësisë nga nikotina - dhe t'i tregojmë industrisë se i kuptojmë synimet e tyre.
👇 https://www.who.int/europe/event/world-no-tobacco-day-2026

26/05/2026

Hipertensioni shkakton 1000 vdekje çdo orë në të gjithë botën. Në rajonin tonë, kjo do të thotë 5000 vdekje në ditë.
Qasja në kujdesin thelbësor për hipertensionin është gur themeli për mbulimin shëndetësor universal.
Lexoni më shumë: https://bit.ly/4pFH61n

25/05/2026

Kur bëhet fjalë për shëndetin, shifrat tregojnë vetëm gjysmën e historisë.
Kjo është arsyeja përse duhet të vrojtojmë përtej të dhënave të Raportit të fundit Dyvjeçar, duke ndjekur historitë njerëzore të cilat përfaqësohen nga këto shifra.
Lexoni raportin këtu: https://bit.ly/4cQG1iX
QualityRights është një iniciativë e OBSH-së e cila po sjell përparime në mënyrën se si trajtohet shëndeti mendor. Ajo synon të eliminojë masat shtrënguese, duke përfshirë izolimin dhe kufizimin, të cilat janë shkelje e të drejtave të njeriut sipas instrumenteve kryesore ndërkombëtare.
Siç shpjegon një nga trajnerët e QualityRights: "Njerëzit do të thonë, dakord, të drejtat e njeriut i pranoj, sa kohë bëhet fjalë për këto çështje të veçanta si izolimi apo kufizimi, por nga ana tjetër duhet të marrim edhe vendime shtesë për të ulur rrezikun dhe për të garantuar sigurinë, në mbrojtje të njerëzve të tjerë".
Sidoqoftë, duke punuar në mënyrë graduale, me ndihmën e partnerëve si dhe duke u angazhuar me Shtetet Anëtare, OBSH-ja po ndihmon për të siguruar që këto praktika shtrënguese të hiqen hap pas hapi.
Iniciativa është vetëm njëra nga arritjet e shumta me rezultate konkrete, të cilat gjenden në raportin e fundit Dyvjeçar. Mësoni më shumë më poshtë👇
https://bit.ly/4cQG1iX

22/05/2026

Duke parë përtej PBB-së dhe duke ri-orientuar burimet nga lëndët djegëse fosile dhe subvencionet bujqësore tek veprimet për klimën dhe shëndetin.

Këto janë ndër rekomandimet e zbatueshme të ekspertëve të Komisionit Pan-Europian për Klimën dhe Shëndetin; bordi këshillimor i pavarur të cilit i kërkuam të dalë me zgjidhje për të adresuar ndikimin që po ushtron ndryshimi i klimës në shëndetin TUAJ.

21/05/2026

⚠️ Merkuri paraqet rrezik serioz për shëndetin e njeriut dhe mjedisin. Ekspozimi ndaj tij mund të ndikojë në sistemin nervor, veshka dhe zhvillimin e fëmijëve.

🌍 Konventa e Minamatës, të cilën edhe Shqipëria e ka nënshkruar, është një marrëveshje ndërkombëtare që synon mbrojtjen e njerëzve dhe mjedisit nga efektet e dëmshme të merkurit.

🏥 Sektori shëndetësor luan një rol kyç në:
✔️ eliminimin gradual të pajisjeve mjekësore që përmbajnë merkur
✔️ promovimin e alternativave më të sigurta
✔️ monitorimin e ekspozimit ndaj merkurit
✔️ mbrojtjen e komuniteteve të rrezikuara

✅ Secili prej nesh mund të kontribuojë duke zgjedhur produkte pa merkur dhe duke asgjësuar në mënyrë të sigurt produktet që e përmbajnë atë.

19/05/2026

19/05/2026

A janë punonjësit e shëndetësisë dhe spitalet të pajisura për t’u përballur me efektet e gjera që kanë ndryshimet klimatike mbi shoqërinë dhe mbi shëndetin tuaj fizik e mendor?

Përgjigjja është jo, sipas 13 ekspertëve të Komisionit Pan-Europian për Klimën dhe Shëndetin; një bord i pavarur këshillimor të cilit i kemi ngarkuar detyrën të propozojë zgjidhje për këtë sfidë.

Dëgjojini.

18/05/2026

Tensioni i lartë i gjakut është një nga shkaqet kryesore të sëmundjeve të zemrës dhe goditjes në tru — dhe shpesh nuk shfaq simptoma.
Kontrolli i hipertensionit shpëton jetë dhe ul kostot për sistemet shëndetësore.

Investimi në akses ndaj trajtimit dhe diagnostikim të saktë i ndihmon vendet të lehtësojnë barrën mbi sistemet shëndetësore dhe të mbrojnë komunitetet.

https://bit.ly/3EXrynl


ESO - European Stroke Organisation

15/05/2026

🦠 Një virus i rrallë. Një anije në mes të detit. Pasagjerë nga 23 vende.

Kur hantavirusi u konfirmua në bordin e anijes MV Hondius në fillim të majit, nuk ekzistonte një manual specifik për një situatë të tillë.

Por ekzistonin Rregulloret Ndërkombëtare të Shëndetit (IHR) – kuadri ligjor global që përcakton qartë se si duhet të veprojnë vendet kur një kërcënim shëndetësor kalon kufijtë.

Brenda pak ditësh, OBSH kishte dërguar ekspertë në bord, organizuar fluturime për evakuim mjekësor, njoftuar 12 vende dhe përgatitur një plan të detajuar zbarkimi në Spanjë, përpara se anija të mbërrinte në Tenerife.

Një rast i identifikuar në Zyrih u gjurmua drejtpërdrejt falë sistemit të njoftimit të OBSH-së. Analizat gjenomike të kryera në disa vende ndihmuan në përcaktimin e mënyrës se si shpërthimi nisi dhe u përhap.

Kështu funksionojnë në praktikë Rregulloret Ndërkombëtare të Shëndetit — jo si një kuadër abstrakt, por si veprime konkrete që mbrojnë njerëzit.

Lexoni historinë e plotë: https://bit.ly/4dwdHSb