11/07/2022
Që prej mesit të viteve ‘80, brezi i quajtur X, të lindur nga 1965 deri në 1980, të rritur tashmë në moshë së mesme, quhen si ‘brezi sanduiçë', pasi janë brezi që gjendet mes kujdesit për prindërit e moshuar dhe rritjes së fëmijëve të tyre.
Sipas Amy Goyer, eksperte kombëtare e familjes dhe përkujdesjes së pensionistëve, AARP-së, autore e "Joggling Life, Work, and Caregiving" (Xhonglimi i Jetës, Punës dhe Përkujdesjes ndaj të tjerëve”) , gratë, po edhe ca burra, të Gjeneratës X po përballen me sfida unike, të ndryshme nga ato të paraardhësve të tyre. Më shumë gra po punojnë jashtë shtpisë (në vendet perëndimore) dhe kur gratë punojnë, kanë më shumë ngarkesë, pasi u duhet të xhonglojnë mes përgjegjësive të punës, kujdesit për prindërit, fëmijës/ve, po edhe duke u përpjekur të keni një jetë ku të ruajnë marrëdhënien martesore si parësore.
Prindërit dhe gjyshërit tanë po jetojnë më gjatë se kurrë më parë. Këta të rritur të moshuar mund të kenë edhe probleme shëndetësore të ndërlikuara, sëmundje kronike apo edhe sëmundje terminale, që kërkojnë trajtime të shtrenjta, po edhe kohë e përkujdesje, dhe e gjithë kjo, është një presion i madh mbi këtë brez. Edhe pagesa e kujdestarëve për të moshuar është shpesh shumë e shtrenjtë për tu përballuar. Dhe nëse gruaja largohet nga puna për t'u kujdesur për një të afërm të sëmurë, kostoja mund të jetë edhe më e lartë.
Gjenerata X është vazhdimisht në stress, pasi edhe kostot e jetesës janë rritur dhe atyre u duhet të punojnë shumë edhe për t'u dhënë fëmijëve të tyre, jo vetëm strehë e ushqim, po edhe edukim e avantazhe të tjera, që ata vet nuk i kanë pasur.
"Merrni kohë për veten tuaj", thonë revistat e grave. "Praktikoni kujdes për veten." Ajo që nënkuptohet nga kjo është që së paku, një herë në javë duhet të merrni një orë për relaks, apo masazh, apo palestër, yoga, shëtitje, ecje, etj si këto. Gratë e kuptojnë që duhet ta trajtojnë veten duke paguar dikë që t’i ndihmojë të dukem më pak të lodhura se ç’janë, sepse askush nuk dëshiron ti shohë kështu, po ato e dinë që kjo është kosto dhe në këtë ekonomi kjo është paksa e vështirë.
Gjithsesi, përveç, këtyre formave relaksuese të rekomanduara nga revistat, ajo që studimet pohojnë se ndihmon shumë është dhe shoqëria me gratë e tjera. Qarja e halleve me një filxhan përpara, kafe apo çaj me gra të tjera, është ajo që ndonjëherë u duhet me të vërtet.
Pra edhe një herë komuninikimi i ndjenjave me të ngjashëm është ai që ndihmon në gjetjen e ngushëllimit, fakti që edhe të tjerët po vuajnë si ty të qetëson e relakson.
