31/12/2025
🎄✨ Սիրելի՛ գործընկերներ, աշակերտներ, ծնողներ և մեր էջի հետևորդներ
ևս մեկ տարի է մոտենում իր ավարտին, և մենք կարող ենք այն ամփոփել հպարտությամբ ու երախտագիտությամբ։
Անցնող տարվա ընթացքում մեր դպրոցական համայնքը գրանցել է մի շարք նշանակալի հաջողություններ․
🏆 Մասնակցել ենք տարբեր մարզական մրցույթների՝ ֆուտբոլի, բասկետբոլի, վոլեյբոլի, հեծանվավազքի, սպորտլանդիայի, ինչպես նաև տարբեր դպրոցների ուսուցիչների միջև անցկացվող մրցաշարերի։ Այդ մրցումներում մեր թիմերն ու անհատ մարզիկները ցուցաբերել են բարձր պատրաստվածություն, կամք ու թիմային ոգի՝ տանելով հաղթանակներ և գրավելով մրցանակային տեղեր։
📚 Ունեցել ենք նաև ուսուցիչներ, ովքեր կամավոր ատեստավորումը հաղթահարել են բարձր միավորներով, ևս մեկ անգամ հաստատելով իրենց մասնագիտական բարձր մակարդակը և նվիրվածությունը կրթությանն ու սպորտի զարգացմանը։
Նոր՝ 2026 թվականը, մեզ համար խոստանում է լինել նոր հնարավորությունների ու ձեռքբերումների տարի։
Առաջիկայում ունենալու ենք ամբողջովին նոր մարզադահլիճներ, նոր սպորտային գույք, ինչպես նաև մարզահրապարակ, որոնք անկասկած կնպաստեն մեր աշակերտների և ուսուցիչների մարզական ակտիվության աճին ու նոր հաջողությունների գրանցմանը։
Թող գալիք տարին բոլորիս համար լինի
🌟 առողջության,
🌟 նոր հաղթանակների,
🌟 համառ ու արդյունավետ աշխատանքի,
🌟 թիմային միասնության և հավատով առաջ շարժվելու տարի։
🎉 Շնորհավորում ենք բոլորիդ Նոր տարվա և Սուրբ Ծննդյան կապակցությամբ՝ մաղթելով խաղաղություն, ուժ, ոգեշնչում և անսպառ հաջողություններ թե՛ կրթական, թե՛ մարզական, թե՛ անձնական ասպարեզներում։
Շնորհավոր Նոր 2026 թվական
