Իջևանի ԱԱՊԿ ՓԲԸ

28/09/2025

‼️Կատաղությամբ հիվանդ կենդանու կողմից մարդուն կծելու և չպատվաստվելու դեպքում հիվանդության ելքը մահն է:

🕹️ ՀՀ առողջապահության նախարարի 2012 թվականի օգոստոսի 14-ի N 13-Ն հրամանով հաստատված՝ «Բնակչության շրջանում կատաղություն հիվանդության կանխարգելում» ՍԿ3.1.1-0-26-12 սանիտարահամաճարակաբանական կանոնների և նորմերի պահանջների նկատմամբ վերահսկողությունն իրականացնում է ՀՀ առողջապահական և աշխատանքի տեսչական մարմինը:

🐾 Կատաղության դեմ պայքարի օր.
եղի´ր տեղեկացված

Կատաղությունը կենդանիներից մարդուն փոխանցվող մահացու վիրուսային հիվանդություն է:

📍 Փոխանցման ուղիներ
Մարդը կարող է վարակվել հիվանդ կենդանուց՝
• Կծելու միջոցով:
• Ճանկռելու միջոցով:
• Վնասված մաշկը թքոտելու միջոցով:

📍Կանխարգելում
• Կենդանիներից տուժելու դեպքում անմիջապես լվացե՛ք վերքը ջրով և օճառով:
• Պատվաստե՛ք ձեր ընտանի կենդանիներին կատաղության դեմ:
• Զե՛րծ մնացեք թափառող և վայրի կենդանիների հետ շփումից:

Վարակի աղբյուր հիմնականում շներն են, կատուները, աղվեսները, գայլերը, ոզնիները և չղջիկները:

❗️ Կարևոր է իմանալ՝
• Կատաղություն հիվանդությունը հատուկ բուժում չունի:
• Կանխարգելիչ պատվաստումները համարվում են նաև բուժում:
• Կենդանուց տուժելու ցանկացած դեպքում անհրաժեշտ է անմիջապես դիմել բժշկական օգնության՝ հակակատաղության պատվաստումներ ստանալու:
• Ոչ աշխատանքային օրերին և ժամերին հակակատաղության կանխարգելիչ պատվաստումներ ստանալու համար կարող եք դիմել ստորև նշված բժշկական կենտրոններ⤵️

Երեխաների համար՝
☑️ «Արաբկիր» բժշկական համալիր
☑️ «Սուրբ Աստվածամայր» ԲԿ
☑️ «Ուիգմոր Քլինիք» ԲԿ
☑️ «Մուրացան» հիվանդանոցային համալիր:

Մեծահասակների համար՝
☑️ «Սուրբ Գրիգոր Լուսավորիչ» ԲԿ
☑️ «Արմենիա» հանրապետական ԲԿ
☑️ «Էրեբունի» ԲԿ
☑️ «Աստղիկ» ԲԿ
☑️ «Շենգավիթ» ԲԿ:

12/09/2025

Հարգելի ծնողներ, ՀՀ ԱՆ Հիվանդությունների վերահսկման և կանխարգելման ազգային կենտրոնը հիշեցնում է՝

Պաշտպանեք Ձեր երեխային քաղցկեղից՝ մարդու պապիլոմավիրուսի (ՄՊՎ) դեմ մեկ դեղաչափ պատվաստումով:

• Յուրաքանչյուր տարի պատվաստման շնորհիվ ամբողջ աշխարհում կանխարգելվում են ՄՊՎ-ով պայմանավորված քաղցկեղների հարյուր հազարավոր մահեր։

• Հայաստանում ՄՊՎ-ի դեմ պատվաստումն առաջարկվում է բոլոր 13-14 տարեկան աղջիկներին։ Այդ տարիքում այն առավել արդյունավետ է ՄՊՎ-ի և ՄՊՎ-ով պայմանավորված քաղցկեղների կանխարգելման համար։

• ՄՊՎ-ի դեմ պատվաստանյութն առավել ուսումնասիրված պատվաստանյութերից է: Այն նույնքան անվտանգ է, որքան այլ պատվաստանյութերը։

Առողջ եղեք )))

28/08/2025

📌 Սեպտեմբերի 1-ից կգործի Ժամանակավոր անաշխատունակության և մայրության նպաստների հաշվարկման, նշանակման և վճարման նոր համակարգ։

🤰 Սեպտեմբերի 1-ից կգործի Ժամանակավոր անաշխատունակության և մայրության նպաստների հաշվարկման, նշանակման և վճարման նոր համակարգ։

Նոր կարգավորումներով՝ թղթային անաշխատունակության թերթիկներ այլևս չեն լինելու։ Անաշխատունակության դեպքում (այդ թվում՝ հղիության և ծննդաբերության հիմքով բացված) անձը դիմելու է համապատասխան բժշկական կազմակերպություն, իր անվամբ ստեղծվելու է էլեկտրոնային անաշխատունակության թերթիկ, որը մշակվելու և հասանելի է լինելու գործընթացին մասնակից կողմերի համար՝ սեպտեմբերի 1-ից թողարկվող համակարգի միջոցով։

📌 Ստացված տվյալների հիման վրա ինքնաշխատ եղանակով հաշվարկվելու է նպաստը, որից հետո ՀՀ պետական բյուջեից վճարման ենթակա գումարը փոխանցվելու է վճարման, իսկ գործատուի միջոցներից վճարման ենթակա գումարի վերաբերյալ տեղեկատվությունը ՊԵԿ-ի միջոցով փոխանցվելու է գործատուին, որպեսզի վերջինս առաջիկա աշխատավարձի վճարման հետ վարձու աշխատողին վճարի նաև նպաստի՝ իր միջոցներից վճարման ենթակա մասը (անաշխատունակության առաջին 7 օրվա համար)։

Նպաստը վճարվելու է բացառապես անկանխիկ եղանակով՝ քաղաքացու կողմից ընտրված բանկի միջոցով։

Ավելին՝ https://mlsa.am/news/999

25/08/2025

Եղե´ք իրազեկված և հետազոտվե´ք

11/08/2025

26/07/2025

🟠 Մեր հաջորդ կանգառը Տավուշի մարզն է։

🟠 Օգոստոսի 1-ին, ժամը 11:00-ից սկսած, մեր մասնագետները կիրականացնեն անվճար դերմատոսկոպիկ հետազոտություններ Տավուշի մարզի բնակիչների համար՝ Իջևանի առողջության առաջնային պահպանման կենտրոնում։

🔵 Մաշկի չարորակ գոյացությունները, մասնավորապես մելանոման, կարող են լուրջ առողջական խնդիրներ առաջացնել։

🟠 Սակայն վաղ հայտնաբերումը և ժամանակին սկսված բուժումը էապես բարձրացնում են լիարժեք ապաքինման հնարավորությունները։

🔵 Անվճար դերմատոսկոպիկ զննումը վաղ ախտորոշման ամենաարդյունավետ մեթոդներից է։

🟠 Հրավիրում ենք Տավուշի մարզի բնակիչներին օգտվել անվճար մասնագիտական զննման այս կարևոր հնարավորությունից։

🔵 Մանրամասների կամ հերթագրման համար խնդրում ենք դիմել Իջևանի առողջության առաջնային պահպանման կենտրոն։

ՀՀ ԱՆ Այրվածքաբանության և մաշկաբանության ազգային կենտրոն

25/07/2025

Բաց դռների Օր 01.08.2025թ. ❗️❗️❗️

Հարգելի՛ իջևանցիներ,
«Մելանոմայի օրերը Հայաստանում» ազգային լայնածավալ առողջապահական ծրագրի շրջանակներում, Տավուշի մարզպետարանի աջակցությամբ, ՀՀ ԱՆ Այրվածքաբանության և մաշկաբանության ազգային կենտրոնի առաջատար մասնագետները կայցելեն Իջևան քաղաք։

Օգոստոսի 1-ին, սկսած ժամը 11:00-ից, մարզի բնակիչների համար կիրականացվեն անվճար դերմատոսկոպիկ հետազոտություններ Իջևանի առողջության առաջնային պահպանման կենտրոնում։

Մաշկի չարորակ գոյացությունների, հատկապես մելանոմայի վաղ հայտնաբերումը կենսական նշանակություն ունի բուժման հաջողության և կյանքի փրկության համար։

Դերմատոսկոպիան հնարավորություն է տալիս բարձր ճշգրտությամբ զննել մաշկային գոյացությունները և բացահայտել պոտենցիալ վտանգավոր փոփոխությունները մինչ դրանց զարգանալը՝ դարձնելով վաղ ախտորոշումը առավել արդյունավետ։

Տավուշի մարզպետարանը հրավիրում է բոլորին օգտվել անվճար մասնագիտական զննման այս կարևոր հնարավորությունից՝ հոգալով սեփական առողջության մասին։

Մանրամասների կամ հերթագրման համար խնդրում ենք զանգահարել նշված հեռախոսահամարով
☎️ +37494414071

16/07/2025

❗️Հարգելի՛ Իջևանցիներ.
Տեղեկացնում ենք Ձեզ, որ ի թիվս այլ ծառայությունների՝ «Իջևանի ԱԱՊԿ» ՓԲԸ-ն ֆիզիոթերապևտիկ կաբինետի համար ձեռք է բերել նոր, ժամանակակից բազմաֆունկցիոնալ ֆիզիոթերապևտիկ սարք։
✅️ «UZT-1.02 F - Med TeKo» ուլտրաձայնային թերապիայի սարքի մոդելը օգտագործվում է ուլտրաձայնային մեխանիկական տատանումներ ստեղծելու և այնուհետև այդ տատանումներով հիվանդի մարմնի որոշակի հատվածների վրա ազդելու համար։
✅️Սարքը հաջողությամբ օգտագործվում է կոսմետոլոգիայում և բժշկության այլ ոլորտներում՝ բուժման և կանխարգելման համար: Այն ցույց է տվել բարձր արդյունավետություն մաշկի խնդիրների, ներքին օրգանների, ոսկրային, մկանային և մարմնի նյարդային համակարգերի հիվանդությունների բուժման մեջ:

«UZT-1.02 F - Med TeKo» սարքի մոդելի օգտագործման ցուցումները.

✔️հոդերի բորբոքում և դեգեներատիվ-դիստրոֆիկ հիվանդություններ

✔️ոսկորների և մկանների վնասվածքների և դեֆորմացիաների հետևանքներ;

✔️ծայրամասային նյարդերի բորբոքային պրոցեսներ (նեյրոպաթիա, նեվրալգիա);

✔️միզասեռական համակարգի հիվանդություններ (ադնեկիտ, միզապարկի բորբոքում, կաթնարտադրության մաստիտ);

✔️աչքի և քթի խոռոչի օրգանների հիվանդություններ;

✔️ատամնաբուժության հետ կապված հիվանդություններ (պարոդոնտոզ, պարոդոնտիտ, քունք-ծնոտային հոդի արթրոզ, ալվեոլիտ, հետիմպլանտացիոն ցավ);

✔️սկլերոդերմա և պսորիազ;

✔️տրոֆիկ խոցեր:

07/07/2025

«Պտղի բժշկության 22-րդ համաշխարհային կոնգրես» տեղի ունեցավ ս/թ հունիսի 29-հուլիսի 2-ը Պրահայում։
«Իջևանի ԱԱՊԿ» ՓԲԸ-ի մանկաբարձ-գինեկոլոգներ` Աննա Համզյանը և Վանուհի Ասիլբեկյանը մասնակցեցին միջազգային կոնգրեսին, որտեղ նրանց ընձեռնվեց հնարավորություն ոչ միայն ծանոթանալու նորագույն գիտական հոդվածների ու տեղեկատվության, այլև հանդիպելու իրենց միջազգային գործընկերներին։
Այդ գործընկերները տարիներ շարունակ սովորել և աշխատել են նրանց հետ միասին և մինչ օրս պահպանում են ջերմ ու անմիջական կապ։
Նման հանդիպումները միշտ խթան են մասնագիտական աճի և համագործակցության ընդլայնման համար։

30/06/2025

🩷Թվերի մեծ աշխարհում այսօր տարեդարձ է 🌸

🩷Ծննդյան 50 ամյակն է նշում մեր Հաշվապահ` Նաիրա Մելքումյանը
🌷🌷🌷

🩷Դե ինչ եկեք շնորհավորենք մեր թվերի ու թղթերի աշխարհում գտնվող, մշտապես թվաբանության հետ աշխատող մեր համեստ և խելացի հաշվապահի՝ սիրելի Նաիրայի ծննդյան տարեդարձը 🌷🌷🌷
Իջևանի ԱԱՊԿ ՓԲԸ-ի ողջ անձնկազմը սիրով և սրտանց շնորհավորում է Ձեզ, ցանկանալով առողջություն և թվերի աշխարհում հետաքրքիր բացահայտումներ 🩷
Naira Melqumyan 🩷

22/06/2025

Կարճ մեր սիրուն օրվա մասին
21.06.2025թ 💫

Կարճ մեր սիրուն օրվա մասին21.06.2025թ