07/10/2023
👉 Թութքը հետանցքի շրջանում առկա հեմորոիդալ ծոցերի ախտաբանական լայնացմամբ բնորոշվող հիվանդություն է, որն արտահայտվում է ներքին և արտաքին թութքային հանգույցների ձևավորմամբ: Բնակչության մեծ մասի մոտ, կյանքի որոշակի փուլում սկսում է անհանգստացնել թութքը:
📌Որո՞նք են թութքի առաջացման պատճառները, նշանները և բուժման մեթոդները`
Թութքի առաջացման նպաստող կարևորագույն գործոններից է 🔻Փորկապությունը,
🔻Հղիությունը,
🔻Նստակյաց և հիպոդինամիայով ուղեկցվող ապրելակերպը։
🔻Որոշ սպորտաձևեր և այլ պատճառներ։
Նշանները, որոնք կարող են վկայել թութքի մասին՝
🔴հետանցքի շրջանում արտափքումներ
🔴Հետանցքի շրջանում քոր
🔴լորձանման արտադրություն
🔴հետանցքից ալ կարմիր գույնի արյունային արտադրություն
🔴հետանցքի շրջանում օտար մարմնի զգացողություն
🔴նստելու դժվարություններ։
➡️Թութքի բուժման տարբերակներն են՝ դեղորայքային բուժումը և վիրահատական բուժումը։ Վերջինս ապահովում է հիվանդության արմատական բուժում:
Թութքային հանգույցների հեռացման նվազ ինվազիվ մեթոդներն են`
👨🏻⚕️Դեզարտերիզացիան՝
Հատուկ սարքի միջոցով հայտնաբերվում է հանգույցի սնուցող ոտիկը և կարվում։ Այսպիսով դադարեցվում է արյան մուտքը, և հանգույցը ժամանակի ընթացքում ապաճում, կրճատվում և վերանում է։
👨🏻⚕️Հանգույցների լիգավորումը՝
Թութքային հանգույցները ոտիկի շրջանում հատուկ էլաստիկ օղերի միջոցով ճնշվում են, որը ժամանակի ընթացքում թույլ է տալիս դրանց մեռուկանալ և հեռանալ։
👨🏻⚕️Սկլերոթերապիան՝
Հանգույցի մեջ ներարկվում է հատուկ նյութ, որը բերում է անոթի պատի սոսնձման, փակման, սկլերոզի ձևավորման և հանգույցի վերացման:
Թութքի բուժման դասական եղանակին զուգահեռ իրականացվում է նաև՝
⚜️Լոնգոյի վիրահատություն (հեմոռոիդոպեքսիա)արդյունավետ է առավելապես միայն ներքին թութքերի դեպքում,
⚜️Հեմորոիդալ հանգույցների օղակավորում, որն իրականացվում է ոչ մեծ, ներքին հանգույցների դեպքում, որից հետո պացիենտը տուն է գնում մի քանի ժամ անց:
Վիրահատությունները կատարվում են ժամանակակից էներգետիկ սարքավորումների՝ , կիրառմամբ, ինչը զգալիորեն արագացնում է վիրահատության ընթացքը։
‼️Ժամանակին ախտորոշումը և լիարժեք բուժումը հնարավորություն է տալիս ցավի ու դիսկոմֆորտի վերացմանը , հարմարավետ կյանքին անցմանը:
👉Վիրահատության ձևի ընտրությունը կատարվում է պացիենտի հետ համատեղ՝ հաշվի առնելով թութքի ձևը, փուլը, վիճակը և այլն:
#թութք #վիրաբուժություն
