Ես կլինիկական հոգեբան, հոգեթերապևտ եմ, հանդիսանում եմ ԵՊՀ կլինիկական հոգեբանության ասպիրանտ։
Կարևորելով գիտության և պրակտիկ աշխատանքի կապը՝ իմ գործունեության մի մասը միտված է հետազոտական աշխատանքներին, մյուս մասը՝ հոգեթերպիային։ Բոլոր դեպքերում հոգեբանությունը միակ բանն է, որից երբեք չեմ հոգնում կամ ձանձրանում։ Կարծում եմ, որ մասնագիտության ճիշտ ընտրություն եմ կատարել, որում կարող եմ առավելագույն
ս ինձ դրսևորել։
Հոգեթերապիան ինձ համար նախևառաջ ճանապարհ է, որն այցելուն և հոգեբանը անցնում են միասին, քայլ առ քայլ՝ բացահայտելով այցելուի ներքին ռեսուրսները, հաղթահարելով առկա դժվարությունները, զարգացնելու հմտությունները՝ ապրելու համար լիարժեք և հագեցած կյանքով։
Ավարտելով Երևանի Պետական համալսարանի բակալավրիատը (հոգեբանություն բաժին) և մագիստրատուրան (կլինիկական հոգեբանություն)՝ անցել եմ նաև մի շարք մասնագիտական վերապատրաստումներ: Ներկայումս իմ մասնագիտական ուղին եմ շարունակում Գեշտալտ Թերապիայի և Խորհրդատվության Մոսկովյան Ինստիտուտում (Московский Институт Гештальт Терапии и Консультирования)։
Իմ հաջողված ծրագրերից եմ համարում հայալեզու հոգեբանական փոդքասթի ստեղծումը (Կոնտակտ հոգեբանական փոդքասթ/Contact Psychological Podcast), որը կարող եք գտնել ինչպես Յութուբում, այնպես էլ փոդքասթային հավելվածներում։
