Grigor Badalyan Psychologist-profiler

Home
Armenia
Yerevan
Grigor Badalyan Psychologist-profiler

Գրիգորի Բադալյան՝ դիպլոմավորված հոգեբան և պրոֆայլեր, թրեյներ և խորհրդատու։
Expert Member Mantashyants Entrepreneurs Union
Behavioral.am
(1)

Գրիգորի Բադալյանը՝ դիպլոմավորված հոգեբան,պրոֆայլեր է, վարքի հոգեբանական վերլուծության մասնագետ, քոուչ։

Որպես հոգեբան աշխատել է ՀՀ ՊՆ հատուկ հետախուզությունում, այնուհետև տեղափոխվել է ոչ ֆորմալ կրթության ոլորտ։ 2020 թվականից հիմնադել և ղեկավարում է Behavioral Academy-ն

Անցած վերապատրաստումները

Քոուչինգ “International Holographic Coaching and Mentoring Federation”
Նեյրոլինգվիստիկ ծրագրավորում «Ռուբեն Նաղդալյանի կենտրոն»
Կոգնիտիվ-վարքաբանական հոգեթերապիա «Կիրառական հոգեբանության կենտրոն»
Պրոֆայլինգ “Академия Профайлинга Алексея Филатова”
ՄՌԿ HireNet

30/12/2025

💙 Երեխայի ապագայի մեջ ամենամեծ ներդրումը մոր ոչ պայմանական ու լիարժեք ՍԵՐՆ է

Փոխարինող «դեղամիջոց» չկա

30/12/2025

2008 թվականին աշխատում էի վուլկանիզացիայում, դրսում՝ արևի ու անձրևի տակ, մրի ու յուղի մեջ (այն ժամանակ պայմանները ավելի վատ էր, հիմա ավելի բարվոք է շատ սերվիսներում)։

Ես մի պահից սկսած ինձ շատ վատ էի զգում ու շատ էի նեղվում, ոչ միայն ֆիզիկապես, այլ հատկապես հոգեբանորեն։

Ընդհանրապես ու ոչ մի դեպքում չարժեզրկելով ոչ մի արհեստավորի աշխատանք, բայց ես արհեստի մարդ չէի, ինձ դուր չէր գալիս ու ինձ շատ էր ճնշում, հատկապես այդ պայմաններում աշխատելը։

Ես այդ ժամանակ ինչ-որ պահի մտածեցի, արդյո՞ք պատրաստ եմ ամբողջ կյանքս անել այն, ինչ ինձ դուր չի գալիս, չնայած այն հանգամանքին, որ բավականին լավ էի վարձատրվում ու բարեկամի մոտ էի աշխատում։

Ես հասկացա, եթե չսովորեմ ու իմ ընտրած մասնագիտությամբ չզբաղվեմ, ամբողջ կյանքս լինելու եմ այս կամ նմանատիպ աշխատանքի։

Դրանից մոտ 2 տարի հետո (այդ ընթացքում ևս մի մասնագիտություն փոխելով, որը կրկին ինձ դուր չէր գալիս) ես անվճար ընդունվեցի ԵՊՀ հոգեբանության բաժին ու դա դարձավ կենսակերպ, մինչ այժմ։

Կարևոր է իմանալ, որ մասնագիտություն ընտրելիս անհրաժեշտ է հաշվի առնել 3 կարևոր գործոն․

1․ ինչ եմ կարող
2․ դա ում է պետք
3․ ինչ եմ ՈՒԶՈՒՄ

Ես այդ աշխատանքը և կարողանում էի և պահանջարկը կար, բայց ահավոր կերպով ՉԷԻ ՈՒԶՈՒՄ։

Բայց այդ վատ հոգեվիճակը ինձ դրդեց գնալ ու 6 տարուց ավել սովորել, որի արդյունքում ես այն վերածել եմ հոբիի, այսինքն սիրելի զբաղմունքի ու կարելի է ասել չեմ աշխատում, բայց այն ինձ ապահովում է։

ՀԳ․ Դժվարություններ կյանքում լինում են, այդ պահին թվում են շատ անտանելի, բայց գրեթե միշտ այդ ամենից կարելի է ոչ միայն դուրս գալ, այլ նաև ՁԵՌՔԲԵՐՈՒՄ ունենալ, միայն թե պետք է շտապել հուսազրկվել ու ավելի չվատացնել իրավիճակը, այլ դնել նպատակ ու գործել։

29/12/2025

🌿 Ի՞նչ է տեղի ունենում, երբ մայրը համբուրում է իր զավակին.

Մոր համբույրը պարզապես էմոցիոնալ ժեստ չէ, այն հզոր կենսաբանական ու հոգեբանական «կոկտեյլ» է, որը ձևավորում է երեխայի ապագան:

Գիտական հայացք
Շատերի համար սա պարզապես սիրո դրսևորում է, բայց իրականում այդ պահին թե՛ մոր, թե՛ երեխայի մարմնում կատարվում են բարդ ու հրաշալի գործընթացներ:

💚 . . . . . . . . . . . . . . . . . . . . . . . . 💚

1. Կենսաբանական մակարդակ. «Սիրո հորմոնների» պայթյուն
Օքսիտոցինի արտազատում. Համբույրի պահին երկուսի ուղեղում էլ արտադրվում է օքսիտոցին՝ «սիրո և կապվածության հորմոնը»: Այն ակնթարթորեն իջեցնում է սթրեսի մակարդակը և ամրապնդում էմոցիոնալ կապը:

Իմունային համակարգի «սկանավորում». Գիտականորեն ապացուցված է, որ երբ մայրը համբուրում է երեխային, նա իր շուրթերով «հավաքում» է երեխայի մաշկի վրա եղած պաթոգենները: Մոր օրգանիզմն անմիջապես սկսում է արտադրել հակամարմիններ, որոնք հետո կաթի կամ շփման միջոցով փոխանցվում են երեխային՝ պաշտպանելով նրան հիվանդություններից:

Կորտիզոլի անկում. Համբույրը նվազեցնում է սթրեսի հորմոնի՝ կորտիզոլի մակարդակը, ինչը նպաստում է երեխայի նյարդային համակարգի հանգստությանը:

💚 . . . . . . . . . . . . . . . . . . . . . . . . 💚

2. Հոգեբանական մակարդակ. Անվտանգության հիմք
Բազալ վստահության ձևավորում. Համբույրն ու գրկախառնությունը երեխայի համար ազդանշան են՝ «Աշխարհը անվտանգ է, ինձ սիրում են»: Սա դառնում է նրա հետագա ինքնավստահության հիմնաքարը:

Էմոցիոնալ ինտելեկտ. Ֆիզիկական ջերմությունը զարգացնում է երեխայի կարեկցանքի (էմպաթիայի) զգացումը: Նա սովորում է հասկանալ և արտահայտել զգացմունքները:

Ցավազրկող էֆեկտ. Երբ երեխան վնասվածք է ստանում, մոր «բարի համբույրը» գործում է որպես հոգեբանական պլացեբո. ուղեղն արտադրում է էնդորֆիններ, որոնք իսկապես մեղմում են ֆիզիկական ցավը:

Եզրակացություն
Մոր համբույրը երեխայի համար ամենահեշտ և ամենաարդյունավետ «դեղամիջոցն» է անհանգստության դեմ և ամենահզոր ներդրումը նրա առողջության մեջ:

💚 . . . . . . . . . . . . . . . . . . . . . . . . 💚

Մի՛ խնայեք ձեր ջերմությունը. այն կենսական նշանակություն ունի: ❤️

«Իսկ դուք այսօր քանի՞ անգամ եք համբուրել ձեր զավակին»

#Մայրություն #Սեր #Գիտություն #ԵրեխայիԶարգացում #ՄորՍեր

28/12/2025

Մեզ ոչ ոք չի սովորեցրել լինել պրոֆեսիոնալ ծնողներ։

Մենք չենք անցել այդ ինստիտուտը։
Մենք սովորել ենք ճանապարհին՝
սխալվելով, փորձելով, երբեմն՝ ցավեցնելով։

Մենք ծնողավարում ենք
մեր ունեցած գիտելիքով,
մեր փորձով,
և հաճախ՝ մեր չլուծված զգացմունքներով։

Ուստի այո՛,
մենք սխալներ ենք անում։
Բոլորս։

━━━━━━━━━━━━━━━━━━━

Բայց ամենակարևորը
ոչ թե սխալ չանելն է,
այլ երեխայի հոգեկան արժեքը տեսնելն ու զգալը։

Հասկանալը, որ
մեր խոսքը կարող է դառնալ նրա ներքին ձայնը,
մեր վերաբերմունքը՝ նրա ինքնագնահատականը,
մեր սառնությունը՝ նրա վախը,
իսկ մեր ընդունումը՝ նրա ուժը։

━━━━━━━━━━━━━━━━━━━

Երբ ծնողը դա գիտակցում է,
նա այլևս պարզապես դաստիարակ չէ։
Նա դառնում է ապահով տարածք։

Նա կարող է սխալվել,
բայց նաև կարող է կանգ առնել, մտածել, վերանայել։

Կարող է ցավ պատճառել՝
և հետո ունենալ ուժ
այդ ցավը տեսնելու, ընդունելու ու մեղմելու։

━━━━━━━━━━━━━━━━━━━

Երեխան չի պահանջում կատարյալ ծնող։
Երեխան պահանջում է կենդանի, զգացող, պատասխանատու մեծահասակ։

Մեծահասակ,
ով պատրաստ է սովորել իր երեխայից,
աճել նրա հետ,
և երբ պետք է՝ փոխվել։

━━━━━━━━━━━━━━━━━━━

Որովհետև ամենախորը բուժումը
երեխայի համար
սկսվում է այն պահին,
երբ ծնողը համարձակվում է ասել՝
«Ես էլ եմ սխալվում, բայց ես քեզ տեսնում եմ»։

Եվ հենց այդտեղ
ձևավորվում է այն հոգեպես առողջ մարդը,
ով վաղը կկարողանա
սիրել, վստահել ու ապրել
առանց ներսում կոտրված երեխա կրելու։

━━━━━━━━━━━━━━━━━━━

💭 Երեխայի հոգեկան առողջությունը
սկսվում է ծնողի գիտակցությունից։

Ի՞նչ կասեք ✍️

#Հոգեբանություն #հոգեթերապիա

28/12/2025

💚🌿 ԾՆՈՂԻ ՄԱՍԻՆ ՀՈԳ ՏԱՆԵԼԸ ԻՆՉՊԵՍ ԲԱՐՁՐԱԳՈՒՅՆ ԱՐԺԵՔ

Ծնողի մասին հոգ տանելը
միայն պարտականություն չէ։
Այն արժեք է։

Արժեք, որը ծնվում է այն կապից,
որտեղ սեր է եղել, ներկայություն, ջերմություն ու հոգատարություն։

💚 ────────────────── 💚

Երբ երեխան մեծանում է
լսված, պաշտպանված ու ընդունված,
նրա մեջ բնականորեն ձևավորվում է
ցանկությունը՝
լինել կողքին, օգնել, աջակցել։

Ոչ թե որովհետև «պետք է»,
այլ որովհետև մարդկային է։

💚 ────────────────── 💚

Ծնողի մասին հոգ տանելը
միայն ֆիզիկական աջակցություն չէ։

Դա նաև`

ժամանակ նվիրելն է

լսելը

հետաքրքրվելն ու ներկայություն լինելը

հարգանքով վերաբերվելը

միայնակ չթողնելը կյանքի զգայուն փուլերում

Երբեմն մի զանգը կամ այցելությունը
ավելի մեծ նշանակություն ունի,
քան ցանկացած նյութական օգնություն։

💚 ────────────────── 💚

Ծնողին աջակցելը
զավակի հասունության նշան է։

Դա ցույց է տալիս,
որ մարդը կարողանում է հարաբերություններում
լինել ոչ միայն ստացող,
այլ նաև՝ տվող։

Եվ այդ տալը չի աղքատացնում,
այլ՝ խորացնում է կապը։

💚 ────────────────── 💚

Կյանքի ինչ-որ փուլում
ծնողը կարող է ավելի խոցելի դառնալ։

Այդ պահին զավակի հոգատարությունը
դառնում է ոչ միայն աջակցություն ծնողին,
այլ նաև ներքին հենարան հենց իրեն։

Որովհետև հոգատարությունը
կապում է սերունդները
ոչ վախով,
այլ ջերմությամբ։

💚 ────────────────── 💚

Ծնողի մասին հոգ տանելը
մշակույթ է։
Մարդկային որակի ցուցիչ։
Եվ այն ընտանիքներում,
որտեղ դա արվում է սիրով,
այդ սերը փոխանցվում է սերնդից սերունդ։

💚 ────────────────── 💚

Հոգ տանել ծնողի մասին՝
նշանակում է հիշել,
որ մենք բոլորս մի օր
լինում ենք և՛ ուժեղ,
և՛ խոցելի։

Եվ այդ հիշողության մեջ
մարդը մնում է մարդ։

💚 ────────────────── 💚

Համաձայն ե՞ք...

27/12/2025

Ես երեխա չեմ ունեցել, որ նա լրացնի իմ բացերը, փրկի իմ մենակությունը կամ դառնա իմ կյանքի հիմնավորումը։
Չեմ ունեցել, որ իմ չապրածը իր վրա բեռնեմ, կամ իմ սպասումները նրա ուսերին դնեմ։

Ես երեխա եմ ունեցել, որովհետև ցանկացել եմ կյանքին կյանք ավելացնել։

Երեխան ինձ պարտք չէ։
Նա չի ծնվել ինձ վերադարձնելու համար՝ ժամանակ, ուժ, զոհողություն կամ երախտագիտություն։
Ես նրան չեմ տալու այն ծանր նախադասությունները, որոնց տակ մեծերը կոտրվում են՝
«քեզ համար եմ ապրել»,
«քեզ համար եմ ինձ մոռացել»,
«դու իմ իմաստն ես»։

Երեխաս իմ սեփականությունը չէ և իմ շարունակությունը չէ։
Նա առանձին մարդ է՝ իր ճանապարհով, իր ընտրություններով, իր սխալվելու իրավունքով։

Ես նրա կողքին եմ, քանի դեռ նա չի կարող առանց ինձ։
Երբ կարողանա՝ իմ պարտականությունն ավարտված է, ոչ թե իմ սերը։

Իմ նպատակն է նրան այնքան ուժեղ դարձնել, որ կարողանա ապրել առանց ինձ՝
ոչ թե ինձանից կախված, այլ ինձ սիրող։

Գուցե մի օր իմ սրտին դժվար լինի նրա հեռանալը։
Բայց մեծահասակ լինելը հենց դա է՝ չկպչել նրան, ում սիրում ես։

Եթե նա երջանիկ է, ինքնաբավ, ազատ ու կենսասեր՝
ուրեմն ես ճիշտ եմ սիրել։

Հնարավոր է՝ բոլորը համաձայն չլինեն։
Եվ դա նույնպես նորմալ է։

26/12/2025

Ես երեխա չեմ ունեցել, որ

- ծերության ժամանակ ինձ ջուր բերող լինի
- գենս շարունակի
- երազանքներս իրականացնի
- կյանքիս իմաստ տա
- ձևը այդպես է
- գերդաստանս էր ուզում
- արդեն ժամանակն էր
- և այլն։

ՈՉ

Ես երեխա եմ ունեցել, քանի որ ուզել եմ երեխա ունենալ։

Ես նրան չեմ ասելու, որ ապրել եմ քո համար, քեզ ծնել ու մեծացրել եմ, կյանքիս իմաստն ես ու պարտքի և պարտավորվածության զգացում առաջացնող այլ արտահայտություններ։

Երեխաս իմ շարունակությունը չէ, նա առանձին անհատ է այս կյանքում։ Մենք կյանքի որոշ փուլ իրար հետ ենք ապրում, ես նրան պահում ու մեծացնում եմ, քանի որ միայնակ անկարող է ու ես իրեն սիրում եմ։

Բայց իմ նպատակն է նրան այնքան ինքնուրույն դարձնել, որ կարողանա այս կյանքը առանց ինձ ապրել։

Կյանքի ինչ-որ փուլում նա առանձնանալու է ու ապրի ինքնուրույն ու ես դրա կողմնակիցն եմ։

Միգուցե հուզական աստիճանում ես կուզեմ, որ նա իմ մոտ լինի, բայց դա հասուն չէ։

Նա ինքնուրույն անձ կլինի ու մենք որքան ապրենք իրար շատ կսիրենք։

Իմ նպատակն է, որ երեխաս այս կյանքում երջանիկ լինի ու կյանքը լիաթոք, առողջ ու ինքնաբավ ապրի։

Ես շատ եմ սիրում երեխաներիս ու դրա համար նրանց աջակցում եմ, որ մեծանան ինքնուրույն, ինքնավստահ ու կյանքը երջանիկ ապրելու կարողունակությումբ և ընդհանրապես մտավախություն չունեմ, որ կարիք կունենամ երեխաներիս հարկադրաբար ու ամեն գնով իմ կողքին պահել։

Հնարավոր է չհամաձայնվեք հետս, բայց դա նորմալ է։

26/12/2025

🔥 Մարդիկ մեզ վերաբերվում են մեր ինքնավերաբերմունքով։

Եթե ցանկանում ես, որ մարդիկ փոխեն քո հանդեպ իրենց վերաբերմունքը, նախ ինքդ փոխիր ինքնավերաբերմունքդ։

Որից հետո էլ պահանջիր, որ քեզ հետ շփվեն այնպես, ինչպես դու ես քեզ վերաբերվում։

✅ Կիսեք նյութը, եթե պիտանի էր։

#հոգեբանություն #պրոֆայլինգ

26/12/2025

🚩 ՈՒՄ ՉԻ ԿԱՐԵԼԻ ՎՍՏԱՀԵԼ. ՆԱՐՑԻՍԻԶՄ ԵՎ ԳԵՐԱՐԺԵՎՈՐՈՒՄ

◈━━━━━━━━━━━━━━━━━━━━━◈

Մարդկային հարաբերություններում վստահությունը ամենաթանկ արժույթն է, սակայն երբեմն մենք այն ներդնում ենք «սնանկ» մարդկանց մեջ։

Նարցիսիստական գծեր ունեցող անձանց հետ գործ ունենալիս վստահությունը դառնում է միակողմանի խաղ, որտեղ դուք միշտ պարտվողի դերում եք։

Ահա 14 նախազգուշացնող նշան («Կարմիր դրոշակ»), որոնք հուշում են, որ տվյալ մարդուն վստահելը կարող է վտանգավոր լինել.

◈━━━━━━━━━━━━━━━━━━━━━◈

1․ Պաշտպանողական նարցիսիզմ. Ցանկացած դիտողության դեպքում անմիջապես անցնում են հակահարձակման։
. . . . . . . . . . . . . . . . . . . . . . . . . . . . . . . . . . . . . . . . . .

2․ Քննադատության անտանելիություն. Անգամ կառուցողական խոսքը նրանց համար անձնական վիրավորանք է։
. . . . . . . . . . . . . . . . . . . . . . . . . . . . . . . . . . . . . . . . . .

3․ Զրույցի իշխանություն. Նրանք չեն լսում, նրանք պարզապես սպասում են իրենց հերթին՝ խոսելու համար։
. . . . . . . . . . . . . . . . . . . . . . . . . . . . . . . . . . . . . . . . . .

4․ Սեփական կարևորության ընդգծում. Մշտապես շեշտում են իրենց դերն ու նշանակությունը ամենուր։
. . . . . . . . . . . . . . . . . . . . . . . . . . . . . . . . . . . . . . . . . .

5․ Բացառիկության պահանջ. Համոզված են, որ իրենց համար պետք է գործեն այլ կանոններ, քան մնացածի։
. . . . . . . . . . . . . . . . . . . . . . . . . . . . . . . . . . . . . . . . . .

6․ Ուրիշների հաջողության թերագնահատում. Ձեր հաղթանակը նրանց մոտ առաջացնում է ոչ թե ուրախություն, այլ նախանձ կամ արհամարհանք։
. . . . . . . . . . . . . . . . . . . . . . . . . . . . . . . . . . . . . . . . . .

7․ Զրույցի ինքնագովեստ. Ցանկացած թեմա վերածում են իրենց անձի փառաբանման հարթակի։
. . . . . . . . . . . . . . . . . . . . . . . . . . . . . . . . . . . . . . . . . .

8․ Թույլ կողմերի բացակայություն. Նրանք երբեք չեն սխալվում և չունեն թերություններ (ըստ իրենց)։
. . . . . . . . . . . . . . . . . . . . . . . . . . . . . . . . . . . . . . . . . .

9․ Ֆոկուս ուրիշների թերությունների վրա. Մշտապես քննարկում են այլոց սխալները՝ սեփական «կատարելությունն» ընդգծելու համար։
. . . . . . . . . . . . . . . . . . . . . . . . . . . . . . . . . . . . . . . . . .

10․ Ուժի երկրպագություն. Հարգում են միայն նրանց, ումից վախենում են կամ ումից շահ ունեն։
. . . . . . . . . . . . . . . . . . . . . . . . . . . . . . . . . . . . . . . . . .

11․ Կառուցողական քննադատության մերժում. Չեն ընդունում որևէ խորհուրդ, որը չի համընկնում իրենց պատկերացման հետ։
. . . . . . . . . . . . . . . . . . . . . . . . . . . . . . . . . . . . . . . . . .

12․ Ինքնահռչակ ուժ. Հաճախակի հղումներ անհայտ «հզոր կապերին» կամ սեփական մեծությանը։
. . . . . . . . . . . . . . . . . . . . . . . . . . . . . . . . . . . . . . . . . .

13․ Հեշտ խզվող կապեր. Տարիների ընկերներից կամ գործընկերներից հրաժարվում են առանց զգացմունքի, եթե նրանք այլևս օգտակար չեն։
. . . . . . . . . . . . . . . . . . . . . . . . . . . . . . . . . . . . . . . . . .

14․ Դոգմատիկ մտածողություն. Չկան այլընտրանքային կարծիքներ. կա՛մ իրենցն է, կա՛մ սխալը։

Նման մարդկանց հետ հարաբերություններ կառուցելը կամ նրանց կարևոր գործեր վստահելը ծայրահեղ ռիսկային է, քանի որ նրանց հավատարմությունն ավարտվում է այնտեղ, որտեղ սկսվում է նրանց անձնական շահը։

📍 Այս կետերը հատված էին մեր սպասվող «150+ նշան, թե ում չի կարելի վստահել» դասընթացից, որտեղ մենք սովորում ենք կառուցել անձնական անվտանգության հոգեբանական համակարգ:

◈━━━━━━━━━━━━━━━━━━━━━◈

💬 Իսկ դուք նկատե՞լ եք այս նշաններից որևէ մեկը ձեր շրջապատում։ Ո՞րն է ձեզ համար ամենավանողը։

📢 Գրեք ձեր կարծիքը մեկնաբանություններում և կիսվեք նյութով ընկերների հետ, որպեսզի նրանք նույնպես զգոն լինեն։

26/12/2025

🚫 Ո՞ւմ ՉԻ ԿԱՐԵԼԻ վստահել ձեր հոգեկան առողջությունը. Կարմիր դրոշակներ

Հոգեկան առողջությունը նույնքան կարևոր է, որքան ֆիզիկականը։ Եթե դուք ունեք տագնապներ, դեպրեսիվ վիճակներ կամ հոգեկան ցավ, զգույշ եղեք այն «փորձագետներից», ովքեր մասնագիտական օգնության փոխարեն առաջարկում են միայն «հոգևոր լուծումներ»։

Ահա այն մարդկանց տիպերը, ում խորհուրդներին պետք է վերաբերվել մեծ զգուշությամբ.

▬▬▬▬▬▬▬▬▬▬▬▬▬▬▬▬▬▬▬▬▬▬

1. «Հոգևոր բուժողները», ովքեր մերժում են գիտությունը
Եթե ձեզ ասում են՝ «Մի գնա հոգեբանի/հոգեբույժի, ուղղակի աղոթիր կամ Աստվածաշունչ կարդա», հեռու մնացեք։
Բացատրություն: Սա կոչվում է «Հոգևոր շրջանցում» (Spiritual Bypassing)։

Դա հոգեբանական պաշտպանական մեխանիզմ է, երբ մարդիկ օգտագործում են հոգևոր պրակտիկաները՝ բարդ հուզական և կենսաբանական խնդիրներից խուսափելու համար։ Աղոթքը կարող է խաղաղեցնել հոգին, բայց այն չի կարող կարգավորել գլխուղեղում նեյրոմեդիատորների (սերոտոնին, դոֆամին) դիսբալանսը։

▬▬▬▬▬▬▬▬▬▬▬▬▬▬▬▬▬▬▬▬▬▬

2. Մեղադրողները
Նրանք, ովքեր ասում են՝ «Դու հիվանդ ես, որովհետև հավատքդ թույլ է» կամ «Մեղքերիդ համար ես տառապում»։
Բացատրություն: Սա զոհին մեղադրելու տգետ դրսևորում է։ Ոչ ոք չի ասում՝ «Ատամդ ցավում է, որովհետև քիչ ես աղոթում»։ Հոգեկան խանգարումը մեղք չէ, այն առողջական խնդիր է։ Նման մոտեցումը միայն խորացնում է մարդու տագնապը և մեղավորության զգացումը։

▬▬▬▬▬▬▬▬▬▬▬▬▬▬▬▬▬▬▬▬▬▬

3. «Պարզունակողները»
Նրանք, ովքեր առաջարկում են մեկ համընդհանուր դեղատոմս բոլորին՝ «Գնա մի հատ լավ քնի», «Ուղղակի մի մտածիր դրա մասին» կամ «Աստվածաշունչը բոլոր հարցերի պատասխանը տալիս է»։
Բացատրություն: Սա մասնագիտական անգրագիտություն է։ Տագնապային խանգարումը կամ կլինիկական դեպրեսիան կամային որոշմամբ չեն անցնում։ Դրանք պահանջում են մասնագիտական թերապիա, իսկ երբեմն նաև դեղորայքային բուժում։

▬▬▬▬▬▬▬▬▬▬▬▬▬▬▬▬▬▬▬▬▬▬

💡 Ինչու՞ է սա վտանգավոր

Երբ մարդը մասնագիտական օգնության փոխարեն ստանում է միայն հոգևոր խորհուրդներ.
Խնդիրը խորանում է՝ դառնալով քրոնիկ և ավելի դժվար բուժվող։

Ժամանակ է կորչում, որը կարող էր օգտագործվել արդյունավետ բուժման համար։
Հիասթափություն է առաջանում թե՛ հավատքից, թե՛ սեփական անձից, երբ կարդալը չի բուժում կլինիկական խնդիրը։

▬▬▬▬▬▬▬▬▬▬▬▬▬▬▬▬▬▬▬▬▬▬

Հիշեք. Հնարավոր է լինել հավատացյալ և միաժամանակ բուժվել հոգեբույժի կամ հոգեբանի մոտ։ Դրանք իրար չեն բացառում։ Թույլ մի՛ տվեք, որ տգիտությունը զրկի ձեզ առողջ լինելու իրավունքից։

#ՀոգեկանԱռողջություն #Հոգեբանություն #Գրագիտություն #Տագնապ #Դեպրեսիա

25/12/2025

«Երեխան չի ամաչում իր ցանկություններից,
մեծահասակը սովորում է դրանց համար ներողություն խնդրել»։

(Էրիխ Ֆրոմ — հասարակության ճնշում, ինքնազրկում)
📚 Fromm, Escape from Freedom

Address

Yerevan

Telephone

+37495077206

Website

https://behavioral.am/, https://www.instagram.com/grigori_badalyan_psychologist/

Alerts

Be the first to know and let us send you an email when Grigor Badalyan Psychologist-profiler posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Grigor Badalyan Psychologist-profiler:

Shortcuts

Want your practice to be the top-listed Clinic in Yerevan?

Grigor Badalyan Psychologist-profiler

30/12/2025

30/12/2025

29/12/2025

28/12/2025

28/12/2025

27/12/2025

26/12/2025

26/12/2025

26/12/2025

26/12/2025

25/12/2025

Address

Telephone

Website

Alerts

Contact The Practice

Shortcuts

Share

Category