Douleurs Sans Frontières - Arménie

16/07/2025

ԱՌՑԱՆՑ ՀԱՐՑՄԱՆ ՀԱՐՑԱՇԱՐ

↪️ Սույն հարցաշարը նախատեսված է 2022-2025թթ-ին մայրացած և(կամ) հղի կանանց համար

😊Հարգելի ներկա և ապագա մայրիկներ (հղիներ)

«Կանանի» սոցիալ-հոգեբանական կենտրոն հասարակական կազմակերպությունը «Առողջ մայրություն․ հետծննդյան հոգեկան առողջության խթանում» ծրագրի շրջանակներում ուսումնասիրում է ՀՀ-ում հղիության հսկման, ծննդօգնության և հետծննդյան փուլում բժշկական օգնություն տրամադրող իրականացնող կազմակերպություններում հոգեսոցիալական աջակցության ծառայությունները՝ նպատակ ունենալով գնահատելու դրանց համապատասխանությունը ծննդօգնություն ստացող կանանց կարիքներին և միջազգային չափանիշներին։

Ձեր պատասխանները տեղեկատվության կարևոր աղբյուր են մեզ համար և թույլ կտան առավել թիրախային և կարիքահեն առաջարկություններ մշակել պոլիկլինիկաների ու ծննդատների անձնակազմի, քաղաքականություն մշակողների և որոշում կայացնողների համար իրավունքահեն և մարդակենտրոն հոգեսոցիալական աջակցության ծառայությունների բարելավման կամ ներդրման նպատակով։

Հարցումն անանուն է, իսկ տվյալներն օգտագործվելու են ընդհանրացված տեսքով։

Նախապես շնորհակալ ենք` Ձեր ժամանակի և պատասխանների համար։

Առցանց հղումն այստեղ👇
https://docs.google.com/forms/d/1NTgY5D28OlkHqbbZ6gt1qnGP4HLs6XQpl7s8vHXmUHo/preview
——————————————————————————
«Առողջ մայրություն. հետծննդյան հոգեկան առողջության խթանում» ենթադրամաշնորհային ծրագիրն իրականացնում է «Կանանի» սոցիալ-հոգեբանական կենտրոն ՀԿ-ն՝ Եվրոպական միության կողմից ֆինանսավորվող «Իրավունքներ, ծառայություններ, մասնակցություն. Հայաստանում հոգեկան առողջության համապարփակ շրջանակի խթանում» ծրագրի շրջանակում։Ծրագիրն իրականացվում է Հելսինկյան քաղաքացիական ասամբլեայի Վանաձորի գրասենյակի, Ժողովրդավարության զարգացման հիմնադրամի, Հաշմանդամություն ունեցող անձանց իրավունքների օրակարգ ՀԿ-ի, Հոգեկան առողջության հայկական ասոցիացիայի կողմից։

30/05/2025

ENG👇
Հպարտ ենք տեղեկացնել, որ 2025 թվականի մայիսի 21-ին «Կանանի» սոցիալ-հոգեբանական կենտրոն ՀԿ-ն և «Ցավեր առանց սահմանների» (Douleurs Sans Frontières – DSF Arménie) կազմակերպությունը ստորագրել են փոխըմբռնման հուշագիր՝ միավորելով ուժերն ու փորձը՝ պերինատալ հոգեկան առողջության ուղղությամբ աշխատելու համար։

🤝 Համագործակցության նպատակներն են՝
🔸 Պերինատալ շրջանում գտնվող կանանց ապահովել գիտահեն, ամբողջական ու հասանելի տեղեկատվությամբ և հոգեսոցիալական աջակցությամբ,
🔸 Բարելավել ՀՀ ծննդատներում հոգեսոցիալական ծառայությունների որակն ու մատչելիությունը,
🔸 Կանխարգելել բռնության դրսևորումները՝ ապահովելով անվտանգ մասնագիտական աջակցություն

📌 Միասին կիրականացնենք մի շարք գործողություններ՝

✔️ Հետազոտությունների և փորձի փոխանակում
✔️ Հաղորդակցական արշավների կազմակերպում
✔️ Ջատագովության աշխատանքների աջակցում
✔️ Առողջապահության ոլորտի մասնագետների վերապատրաստում

🤝 Մենք վստահ ենք՝ միասին կարող ենք փոխել կանանց կյանքի ամենազգայուն փուլը՝ դարձնելով այն ավելի արժանապատիվ և անվտանգ

We are proud to announce that on May 21, 2025, the Kanani Socio-Psychological Center NGO and Douleurs Sans Frontières – DSF Arménie signed a Memorandum of Understanding, joining forces and expertise to work towards improving perinatal mental health and well-being.

🤝 The objectives of this collaboration are:
🔸 To provide women in the perinatal period with evidence-based, comprehensive, and accessible information and psychosocial support,
🔸 To improve the quality and accessibility of psychosocial services in maternity hospitals across Armenia,
🔸 To prevent manifestations of violence by ensuring safe and professional support.

📌 Together, we will implement a number of joint actions:
✔️ Exchange of research and professional experience
✔️ Implementation of communication campaigns
✔️ Support for advocacy efforts
✔️ Capacity-building and training for healthcare professionals

🤝 We firmly believe that together we can transform the most sensitive phase of a woman’s life into one that is dignified and safe

Sans Frontières - Arménie

27/05/2025

04/03/2025

🤰 Հոգեկրթության դասընթացներ հղի կանանց համար

DSF կազմակերպությունը, Սպիտակի Բժշկական Կենտրոն
և «Վանաձորի Բժշկական Կենտրոն» ՓԲԸ հետ սերտ համագործակցությամբ, սկսում է հոգեկրթության դասընթացներ՝ նախատեսված բոլոր եռամսայակներում գտնվող հղի կանանց և նրանց հարազատների համար։

✨ Դասընթացների ընթացքում մեր հոգեբանը պարզ և մատչելի լեզվով կխոսի՝
💡 Հուզական փոփոխությունների մասին հղիության ընթացքում
💡 Տագնապների ու վախերի հաղթահարման եղանակների մասին
💡 Դրանց ազդեցության մասին փոքրիկի նյարդահոգեբանական զարգացման վրա

Բացի այդ, կառաջարկվեն օգտակար տեխնիկաներ՝
💆‍♀️ Հոգեկան ինքնախնամքի բարելավման համար
💪 Ցավի հաղթահարման համար

Ուրեմն, եթե հղի եք, մի հապաղեք գրանցվել և մասնակցել մեր դասընթացին․ +374 96 29 55 83

#ՀոգեկանԱռողջություն #հղիություն #մայրություն

10/12/2024

Անդրադարձ Հայաստանում տեղի ունեցած սեմինարին

Նախորդ շաբաթ DSF-ը պատիվ ունեցավ ընդունել Հելեն Սկուրին և Դորոթե Ֆերեին՝ Լը Վինատիե CH Le Vinatier հիվանդանոցային կենտրոնի և «Ցավեր առանց սահմանների» կազմակերպության միջազգային համագործակցության շրջանակում։

📅 Ամսաթիվ՝ 25-ից 28-ը նոյեմբերի, 2024թ․
🏫 Մասնակիցներ՝
-Վանաձորի և Սպիտակի ավագ և հիմնական դպրոցների 15 հոգեբաններ
-Վանաձորի և Սպիտակի պերինատալ ծրագրի 9-ը գործընկեր բուժքույրեր
-DSF-ի 5 հոգեբաններ

Քննարկված թեմաներ՝
- Հոգեշարժողական զարգացում
- Դեռահաս և հոգետրավմա
- Զգայական մոտեցում

Սպասվող հիմնական արդյունքներ՝
-Հայաստանում դեռևս գոյություն չունեցող նորարական ճյուղի ներմուծում
-Հստակ տեխնիկաներ՝ անմիջականորեն կիրառելի հղիների, նործինների և դեռահասների ստուգման և աջակցության ընթացքում
-Ե՛վ մարմինը, և՛ հոգեկան աշխարհը ներգրավող ընդհանուր մոտեցման կարևորության շեշտում
Այս սեմինարը կայացել է «Արցախից տեղահանված խոցելի բնակչության հոգեբանական աջակցության» ծրագրի շրջանակում՝ նախատեսված ճգնաժամից տուժած խոցելի բնակչությանն աջակցության համար։
Մենք խորապես երախտապարտ ենք Հարավային երկրամասին Région Sud Provence-Alpes-Côte d'Azur, La Guilde -ին և Բանյո քաղաքին Ville de Bagneux ՝ այս նախագծի իրականացմանը ցուցաբերած անգնահատելի աջակցության համար։

#ՀոգեկանԱռողջություն #ՄիջազգայինՀամագործակցություն #Հայաստան