Երեք Կյանք ՀԿ / Three Lives NGO

27/03/2026

Ինչքա՞ն հաճախ եք պահածոներ օգտագործում։Ահա մի քանի կարևոր տեղեկատվություն⬇️

🫙 Տնային պահածոներ և բոտուլիզմ

Բոտուլիզմը ծանր թունավորում է, որը կարող է առաջանալ տնային պայմաններում պատրաստված պահածոներից։ Այն վտանգավոր է, որովհետև թույնը չի երևում, հոտ չունի և համով չի տարբերվում։

📌 Երբ է վտանգը մեծ
❌ Ցածր թթվայնություն (միս, սունկ)
❌ Հերմետիկ փակված բանկաներ (օդի բացակայություն)
❌ Անբավարար ջերմամշակում
❌ Սխալ պահեստավորում

🧠 Ախտանիշներ (12–36 ժամ հետո)
• երկտեսություն
• խոսքի և կուլ տալու դժվարություն
• մկանային թուլություն
• շնչառության խնդիրներ

🚑 ՇՏԱՊ ԲԺՇԿԱԿԱՆ ՎԻՃԱԿ Է

🫙 Ինչ անել բացելուց հետո
✅ Կասկածելի դեպքում՝ չօգտագործել
✅ Եռացնել 10–15 րոպե
✅ Պահել սառնարանում (+2°–+5°C)
✅ Օգտագործել 1–2 օրում

❌ ՉԻ ԿԱՐԵԼԻ
• «Մի քիչ համտեսել»
• Օգտագործել ուռած բանկա
• Տալ երեխաներին կամ տարեցներին

🛡️ Հիշիր
Եթե կասկած ունես՝ դեն նետիր։ Ավելի լավ է կորցնել պահածոն, քան վտանգել առողջությունը

19/03/2026

📢 «Երեք կյանք» ՀԿ-ն համալրում է իր թիմը` Կառավարման խորհրդի համար։

Մենք փնտրում ենք պատասխանատու, նախաձեռնող և մոտիվացված անձանց, ովքեր պատրաստ են իրենց ներդրումն ունենալ կազմակերպության զարգացման և ռազմավարական որոշումների կայացման գործում։

💙 Միացի՛ր թիմին, զարգացիր և դարձիր փոփոխության մաս։

📩 Դիմիր հիմա և միացի՛ր «Երեք կյանք» ՀԿ ընտանիքին։

13/03/2026

Առաջին օգնությունը կարող է կյանքեր փրկել։
«Երեք կյանք» ՀԿ-ն կազմակերպում է առաջին օգնության դասընթացներ կազմակերպությունների և անհատների համար։
Սովորեք ինչպես ճիշտ արձագանքել արտակարգ իրավիճակներում։
Գրանցվեք մեր դասընթացներին և եղեք այն մարդը, ով կարող է փրկել կյանքեր։

06/03/2026

Տուրնիկետը առաջին օգնության կարևոր միջոց է, որը օգտագործվում է վերջույթների ուժեղ արյունահոսությունը կանգնեցնելու համար։ Ճիշտ և ժամանակին կիրառումը կարող է բառացիորեն կյանք փրկել՝ մինչև բժշկական օգնության հասնելը։

🎥 Այս տեսանյութում ՀԿ-ի նախագահ Արմենը պարզ ու հասկանալի կերպով ներկայացնում է՝
✔️ ինչ է տուրնիկետը
✔️ երբ է պետք այն օգտագործել
✔️ ինչպես կիրառել ճիշտ և անվտանգ ձևով

📌 Դիտիր տեսանյութը, սովորիր և կիսվիր, որովհետև սա կարող է քեզ պետք գալ ամենաանսպասելի պահին։

04/03/2026

🏆 Հայտնի են «Կյանքի Գավաթ» մրցաշարի մասնակից դպրոցները
Ուրախությամբ ներկայացնում ենք այն դպրոցների ցանկը, որոնք կմասնակցեն «Կյանքի Գավաթ» մրցաշարին․

1️⃣ Վարագավանի միջն․ դպրոց ՊՈԱԿ
2️⃣ Բերդի ավագ դպրոց ՊՈԱԿ
3️⃣ Արծվաբերդի միջն․ դպրոց ՊՈԱԿ
4️⃣ Վ․ Կ․ Աղբյուրի միջն․ դպրոց ՊՈԱԿ
5️⃣ Տավուշի միջն․ դպրոց ՊՈԱԿ
6️⃣ Մովսեսի միջն․ դպրոց ՊՈԱԿ
7️⃣ Չորաթանի միջն․ դպրոց ՊՈԱԿ
8️⃣ Վ․ Ծաղկավանի միջն․ դպրոց ՊՈԱԿ

💪 Շնորհավորում ենք բոլոր մասնակիցներին և մաղթում հաջողություն,

03/03/2026

01/03/2026

Այս տեսանյութում մեր դասընթացավարը՝ Ժորան, խոսում է այրվածքների մասին՝ դրանց տեսակների, վտանգների և առաջին օգնության կարևոր քայլերի մասին։

🤗 Հետևեք էջին, որպեսզի տեղեկացված և միշտ պատրաստ լինեք արտակարգ իրավիճակներում։

26/02/2026

🤝 Համագործակցության հուշագիր «Երեք Կյանք» ՀԿ-ի և Հայաստանի Եվրոպական համալսարանի միջև

Այսօր կարևոր և պատասխանատու քայլ կատարվեց․
«Երեք Կյանք» առողջապահական կրթական ՀԿ-ն համագործակցության հուշագիր կնքեց Հայաստանի Եվրոպական համալսարան-ի հետ։

Համագործակցության նպատակն է՝
🔹 զարգացնել առաջին օգնության կրթությունը ուսանողների շրջանում
🔹 իրականացնել համատեղ կրթական և գործնական ծրագրեր
🔹 բարձրացնել առողջապահական գիտելիքների մակարդակը երիտասարդների շրջանում
🔹 ձևավորել պատրաստված և պատասխանատու համայնք

Մենք համոզված ենք, որ կրթությունն ու հմտությունները ամուր հիմք են իրազեկ հասարակություն կառուցելու համար։

25/02/2026

🚑 Առաջին օգնության դասընթաց Կիրառական գիտությունների միջազգային համալսարանում։

🤝🏻 Դասընթացը կազմակերպվել է «Երեք կյանք» ՀԿ-ի հետ համագործակցության շրջանակներում։
Եվ սա դեռ սկիզբն է․ ծրագիրը լինելու է շարունակական։

Մեզ համար կարևոր է, որ յուրաքանչյուր ուսանող ունենա ոչ միայն տեսական գիտելիք, այլ նաև գործնական հմտություններ՝ ճիշտ պահին ճիշտ արձագանքելու համար

🔔 Պրակտիկ հատվածը շուտով կհայտնվի մեր էջում։
Միացե՛ք մեզ, որպեսզի բաց չթողնեք

🤍 Շնորհակալ ենք բոլոր մասնակիցներին ակտիվ ներգրավվածության և պատասխանատվության համար

18/02/2026

🖇️ Մարդիկ հարցնում են՝ «Ինչո՞ւ են մեր դասընթացները տալիս տեսանելի արդյունք»։
Պատասխանը՝ ԹԻՄ։

▫️Մենք ոգեշնչում ենք միմյանց։
▫️Մենք աջակցում ենք միմյանց։
▫️Մենք հավատում ենք միմյանց։

🫱🏻‍🫲🏼 Մեր ուժը թիմն է։
Մենք չենք աշխատում անհատապես, մենք աշխատում ենք որպես մեկ ամբողջություն։

Երեք Կյանք
Միասին մենք ավելին ենք 🩵

16/02/2026

International University of Applied Sciences in Armenia - IUASA և «Երեք Կյանք» ՀԿ-ի համագործակցության շրջանակներում փետրվարի 24-ին՝ ժամը 12:30-ին, անցկացնելու ենք առաջին օգնության դասընթաց։

Սա մեր համագործակցության առաջին քայլն է, որը սկիզբ է դնում համատեղ նախաձեռնությունների շարքին։

Փոքր, բայց կարևոր քայլերով մենք շարժվելու ենք առաջ՝ իրական ու տեսանելի արդյունք ստեղծելով, նպաստելով գիտելիքի տարածմանը, պատրաստվածության բարձրացմանը և հասարակության առողջ ու անվտանգ ապագայի ձևավորմանը։ 🤍