01/08/2025
تطفى روحك ساعات من تعب أو تحديات…
وتسال روحك الف مرة زعمة ترجعلي روحي بعد ما طفات؟
أي ترجعلك روحك بعد ما تتطفى لانه الانطفاء سنه من سنن الحياة لكن
بشروط ومن الشروط …أنك تشد الصحيح باش ترجع تنور …روحك تتطفى
ساعات باش انت تفيق أو لانها لازم تاخذ راحة أو لانها في طريق مش
مرتحها….
روحك تتطفى باش تعطيك نداء تنظم بيه أوراقك وتختار المسار الي
يرتحك….
وقتها ترى الدنيا بعين اخرى…
روحك ترجعلك وقت تقدر نعمة الحياة، روحك ترجعلك وقت تسمع كلمة
طيّبة، وقت ترتاح في حضن دافي، وقت تاخذ نفس عميق، وقت تقعد في
لمّة ناس تحبّك بلا شروط، روحك ترجعلك من دعاء والديك ليك …
ولا ناس عاونهم من غير شروط وربي سمعهم….
ترجعلك روحك….
وقت تتذكّر إنك موش وحدك، انه ربي ديما معاك هو الي يحميك ويلطف
بيك ووقت تقتنع انك ما زلت تستاهل تعيش، تحبّ، وتفرح من جديد….
❤️ قلي طفات روحك مرة ورجعت نورت ؟ اكتبلي في التعليقات برشا ناس
مستحقين يقراوو كلامك 🙏
#خواطر #علم نفس
