Shyami Kariyawasam

25/05/2025

නිකමට කල්පනා කරල බලන්න මේවයෙන් කීයක් ඔයාගෙ energy එක උදුරගන්නවද කියල..

1. දේවල් පුද්ගලිකව ගන්නවා.
ඒ කියන්නෙ ඔයාට මොකක් හරි සිදුවීමක් හිත් වේදනාවක් දැනුනම "අනේ මටමයි වෙන්නේ, මට විතරයි මෙහෙම දේවල් වෙන්නේ" කියල දුක් වෙන එක. ප්‍රශ්න ගැටලු හිත් රිදීම් කාටද නැත්තේ. ඒ නිසා හැමදේම වෙන්නෙ ඔයාටමයි කියල හිතන්න එපා. ප්‍රශ්න වෙනුවට විසඳුම් ගැන හිතමු.

2. අතීතය අල්ලන් ඉන්නවා.
අතීතය ඔයාව පහු කරගෙන ගිහින් හැබැයි ඔයා තාමත් අතීතයේ නැවතිලා. අතීතය කියන්නෙ හැරිල බලල ආපහු එන්න ඕනි තැනක් මිසක් ගිහින් නැවතිලා ජීවත් වෙන්න ඕනි තැනක් නෙවෙයි. අතීතයේ හරි ගියපු වැරදුණු හැමදේකින්ම දේවල් ඉගෙනගැනීමයි වැදගත් වෙන්නේ.

3. වැඩක් නැති උනත් පුරුද්දට facebook, Whatsapp වගේ දේවල් පරීක්ෂා කරනවා.
සමහර වෙලාවට අපි විනාඩියකට කියල phone එක අතට ගත්තාම විනාඩි පැය වෙලා කාලය ඔහේ යනවා තේරෙන්නෙ නෑ. ඇත්තටම ඒව හදල තියෙන්නෙත් ඒ විදියටනෙ. උදේ ඇහැරුන වෙලේ ඉඳල කෙරෙන මේ වැඩේ නිසා අපේ උද්‍යෝගිමත් බව නිකම්ම පහල ගිහින් අපිව කම්මැලි වෙනවා. අපේ වැඩ ඔක්කොම අතපසු වෙනවා.

4. අධික ආතතිය.
ඒ කියන්නෙ හැමවෙලේම මොකක් හරි හේතුවක් නිසා stress එකෙන් ඉන්න එක. එහෙම ඉන්න ගියාම ඒක පුරුද්දට යනවා. ඊටපස්සෙ ඔයාට කිසිමදේක සතුටු වෙන්න හේතුවක් හොයාගන්න බැරිව යනවා. එතකොට හේතුවක් නැතුවත් ඔයා ඉන්නෙ stress එකකින්. දුකෙන්. 😐

5. ප්‍රමාද වෙලා නින්දට ගිහින් ප්‍රමාද වෙලා අවදි වෙනවා.
පරක්කු වෙලා අවදි වෙන කෙනෙක්ට සොබාදහමේ සුන්දරත්වය විඳින්න හුඟක් අතපසු වෙනවා. බලන්න පරිසරය පවා උදේට අවදි වෙනවා. ඉර එලිය වැටෙනවා. ගස්වල මල් පිපෙනවා.. පාන්දරින් අවදි වෙලා ඒ වෙලාව පරිසරයත් එක්ක විඳින්න පුළුවන් නම් දවස පාන්දරින් ආරම්භ කරන්න පුළුවන් නම් මුලු දවසම ඒ ප්‍රබෝධයෙන් ගත කරන්නට පුළුවන්.

6. ආහාර ගැනිමේ අක්‍රමවත් බව.
කාර්‍යබහුල ජීවන රටාවත් එක්ක බොහෝ අය ආහාර ගන්න පුරුදු වෙලා ඉන්නෙ නිසි වෙලාවකට රටාවකට හෝ සෞඛ්‍ය සම්පන්න විදියට නෙවෙයි. උදේ තේ එක බොන්නෙත් එහෙට මෙහෙට දුවන අතරේ. නමුත් වෙලාවට නොගන්නා අසමබර දුර්වල ආහාර වේලක් නිසා ඔයාට වැඩ කරන්නට තියන දවසේ සම්පූර්ණ ශක්තිය අඩු වෙලා යනවා.

7. වැඩක් කරද්දී මොකක් ම හරි හේතුවක් හොයාගෙන ඒක කරන්න බෑ කියල නිතරම මැසිවිලි නඟනවා.
මේක පුරුද්දකට ගියාම මොන දේ කරන්න ගියත් ඔයාට පේන්නෙ ඒක කරන්න බැරි වෙන්න හේතුවක්. "මේක නම් කරන්න බෑ, මේක නම් හරියන්නෙ නෑ අනේ" කියල මොකක් හරි පොටක් හොයාගන්නවා. ඉතිං සමහර වෙලාවට එහෙම අය නිසා වටේ ඉන්න අනිත් අයගෙ තියෙන උද්‍යෝගයත් අඩු වෙලා යනවා.🫠

8. දේවල් ගැන ඕනෑවට වඩා හිතනවා. එහෙම හිතමින් වද වෙනවා. හිතලම ස්ට්‍රෙස් වෙනවා. ඊටපස්සෙ ඔන්න දුකෙන් ඉන්නවා. දවසේ කිසිම දෙයක් කරගන්න ශක්තියක් නෑ එතකොට.

9. මේ මොහොතේ ජීවත් නොවීම. ඒ කියන්නෙ පහු කරපු අතීතයත් තාමත් උදා නොවුණු අනාගතයත් ගැන හිතමින් වද වෙනවා. ඉතින් මේ මොහොත විඳින්න තියෙන අවස්තාව අහිමි කරගන්නවා.

10. නිතරම අනිත් අය සතුටු කරන්න උත්සාහ කරනවා. සමහර දේවල් වලට තමන් අකමැති උනත් අනිත් අය සතුටු කරන්න ඕනි නිසා, එයාල තරහ වෙයි කියන බය නිසා නිතරම ඔයාට uncomfortable දේවල් කරනවා. ඊටපස්සෙ අවුලෙන් ඉන්නවා.

නිකමට කල්පනා කරල බලන්න මේවයෙන් කීයක් ඔයාගෙ energy එක උදුරගන්නවද කියල..

Madhushika Udagedara


උපුටා ගැනීම Happy Life facebook

16/03/2025

ලිංගිකත්වය මිහිරි නමුත් කකුල් අතර විෂ ඇත !!

තම ලිංගික ආශාව පාලනය කළ හැකි මිනිසෙක් පෘථිවියේ වසර ගණනාවක් ජීවත් විය හැකි මිනිසෙකි.

පිරිමින් දන්නේ නැහැ තමන්ගේ සමහර වැටීම් වලට හේතුව MULTIPLE පෙම්වතියන් බව.

සෑම ගැහැණු ළමයෙකුටම හොඳ ආත්මයක් නොමැත.

සමහරු යක්ෂයෝ ය, සමහරුන්ගේ කකුල් අතර විෂ ඇත.
සමහර කාන්තාවන් ඉරණම විනාශ කරන්න පැමිණිය උන්ය. ප්‍රවේශම් වන්න.

1. සෑම විටම ඔබේ ශිෂේණය ඍජු වීම පිළිපදින්න එපා. බොහෝ ශිෂේණය ඍජු වීම ඔබව වැරදි දිශාවකට නොමඟ යවයි.

ඔබ දරිද්‍රතාවයෙන් පෙළෙන දින කිහිපයක් පෘථිවියේ සිටීමට ඔබට අවශ්‍ය නැතිනම් ඔබේ ශිෂේණය ඍජු වීම පාලනය කරන්න.

2. කාන්තාවක් සරාගී වක්‍ර, තන සහ හැඩතල ඇති නිසා ඇය සමඟ ආලය නොකරන්න.

ඒ දේවල් රැවටිලිකාර දේවල් පමණයි, එවැනි දේවලින් වළකින්න, සමාජ මාධ්‍යවල උත්ප්‍රාසය කියන දේට වැටෙන්න එපා.

3. ඔබ කඩිමුඩියේ කෑමට ගත යුත්තේ සායට යටින් දකින සෑම දෙයක්ම නොවේ, සමහර සායවල්වල ඔබට දෂ්ට කර ඔබව අපහසුතාවයට පත් කරන සර්පයන් අඩංගු වේ.

ඔබේ ලිංගික ආශාව පාලනය කරන්න.

බොහෝ අවස්ථාවලදී ස්වයං පාලනය සහ වැළකී සිටීම බොහෝ දේ ගෙවයි.

4. බොහෝ පෙම්වතියන් සිටීම ඔබ පිරිමියෙකු නොවේ.
එය ඔබව ස්ත්‍රී ලෝලියෙකු, වංචාකරුවෙකු, පව්කාරයෙකු සහ පිරිමි ළමයෙකු බවට පත් කරයි.

5. මක්නිසාද යත් ඔබ යහනේදී හොඳ බව ඔබ පිරිමියෙකු බවට පත් නොකරයි. සැබෑ මිනිසෙක් යනු තම වගකීමෙන් පලා නොයන නමුත් අවංකව එයට මුහුණ දෙන මිනිසෙකි.

6. ඔබට ආදරය කරන ඕනෑම කාන්තාවකට ගරු කරන්න. ඔව්, කාන්තාවක් තම ආදරය ඔබ වෙත විසි කර ඔබේ අනාගතයට සහාය වීම පහසු නැත.

7. ලෝකය සාර්ථක මිනිසුන් සමරයි.
බොහෝ පෙම්වතියන් සිටීම නිසා කිසිවෙකු ඔබව සමරන්නේ නැත.

එබැවින් ප්රතිලාභය කුමක්ද...? ශක්තිය, මුදල් සහ ශුක්‍රාණු නාස්ති කිරීම.

මතක තබා ගන්න, අවංක, පක්ෂපාතී සහ විශ්වාසවන්ත වීම සැබෑ මිනිසෙකුගේ විශිෂ්ට ලකුණයි...

උපුටා ගැනීමක්

15/06/2024

ප්‍රේමය විවාහය දක්වා පරිවර්ථනය කරගන්න කලින් ,

📍ඔයාට තරහ යන හැටි එයාට පෙන්නන්න
📍තරහ ගිහාම ඔයා ඒ තරහ පිට කරන හැටි එයාට පෙන්නන්න
📍ඔයා අකමැති දේවල් ගැන කෙලින්ම කියන්න
📍ඔයාගෙ කැතම behaviour එක එයාට පෙන්නලා බලන්න
📍ඔයා යාලුවො කව්ද එයාල එක්ක තියන සම්බන්ධය මොනවගේද කියල එයාට කියන්න
📍ඔයා දුම් බොන්වනනම් අරක්කු බොනවනම් ඒ මොන හැටි බිව්වම ඉන්න හැටි එක සැරයක් හරි එයාට පෙන්වන්න
📍ඔයා s*x කරන්න ආස විදිහ ඔයා s*x වලින් බලාපොරොත්තු වෙන දේ ගැන ලැජ්ජ නැතුව කථා කරන්න
📍ඔයාගෙ ආර්ථික මට්ටම ,ආදායම වියදම ගැන කෙලින් කථා කරන්න
📍බැන්දට පස්සෙ ළමයි හදනවද නැද්ද කියල කියන්න
📍කසාද ජීවිතේ ගැන ඔයාට තියෙන්නෙ මෙන්න මෙහෙම අදහසක් ඒ දේවල් වලට එකඟද වෙනස් වෙන්න ඕනෙ මොනවද කියල කෙලින්ම අහන්න

අමාරුවෙන් බොරු චරිතයක් මවාගෙන රඟපාල කසාද බඳින්න එපා .
බඳින්න කලින් ඔයා අස්සෙ ඉන්න ඇත්ත මනුස්සයව එයාට පෙන්නන්න .
ඒ මනුස්සයට එයාගෙ ප්‍රතිචාරය කොහොමද කියල බලන්න .

බැන්දට පස්සේ වෙනස් කරගන්න හිතාගෙන කසාද බඳින්න එපා ,කසාද බැන්ද කියල මිනිස්සුන්ගෙ behaviours වෙනස් වෙන්නෙ නැහැ ,එහෙම වෙනස් උනත් ඒ ඉතා කුඩා ප්‍රතිශතයක් විතරයි .

ප්‍රේමය අස්සෙ එක එක චරිත මවාගෙන බොරු කලාට කසාදය අස්සෙ බොරු කරන්න බැහැ ,
ටික කාලෙකින් ඇත්ත සතා එළියට එනවම තමයි .

බඳින්න කලින් තමන් ඇතුලේ ඉන්න සැබෑ සතා එක්ක එයාට ඉන්න පුලුවන්ද එයා ඇතුලෙ ඉන්න කෙනා එක්ක ඔයාට ඉන්න පුලුවන්ද කියල හොඳට හොයල බලන්න .

හුඟක් මිනිස්සු විවාහයෙන් පස්සේ අනේ එයා ගැලපෙන්නෙ නැහැ එයාගෙ ඒ ගති කලින් තිබ්බෙ නැහැ කියල මනෝ උපදේශණයට අපි හොයාගෙන එනවා ,
හැබැයි එතකොට ප්‍රමාධ වැඩියි , අපි ළඟ උනත් options අඩුයි ,

ඒ නිසා බඳින්න කලින් එයා අස්සෙ හැංගිලා ඉන්න සතාව අඳුරගන්න බලන්න 💜

(ස්ත්‍රී පුරුෂ දෙගොල්ලන්ටම අදාළයි )

අනිශා ජයකොඩි ✍️

09/06/2024

සැපපහසු ජීවිතයක් සඳහා මුදල් තිබීම අත්‍යවශ්‍ය උනත් එය එක දෙයක් විතරයි. ඔයාට සල්ලි වලින් ගොඩක් දේවල් ලබාගන්න පුලුවන්. කරන්න බැරි දෙයක් නෑ කියලත් හිතනවා. ඇත්ත! ඒත් සැබෑ තෘප්තිය ලැබෙන්නේ අප අපි සමගම පවතින සබදතාව හා අන් අය සමග පවත්වන සෞඛ්‍යමත් හා සෙනෙහෙබර සම්බන්ධතා එක්ක. තමන් තුලින් සතුට සොයා ගන්න බැරි ගොඩක් අය බොහෝ වෙලාවට මුදල් වලට ඇබ්බැහිවීම , අනවශ්‍ය සුඛෝපභෝගී දේවල් මිලදි ගැනීම, තෘප්තිය හා පිලිගැනිම ලබාගැනිම සඳහා ඒ තුලින් පුහු සමාජ තත්ත්වයක් උලුප්පලා පෙන්නන්න හදනවා.එය ඔවුන්ගේ සුවපත් නොවුනු මනෝමය අවශ්‍යතාවයක තවකාලික හිඩැසක් පිරවිමක් විතරයි . ධනවත් වීම පමණක් සාර්ථකත්වයට සමානය යන අදහස සමාජය විසින් දරන මතයක්, එය ආතතියට සහ තනිකමට මග පාදනවා. ඇත්තටම සතුට සහ තෘප්තිය ලැබෙන්නේ ධනයෙන් විතරක් නෙවේ.. අව්‍යාජ මානුෂීය සම්බන්ධතා සහ තමන් තමන් සමගම පවත්වා ගන්නා සෞඛ්‍යසම්පන්න හා ආදරණිය සම්බන්ධතා වලින්. දිගුකාලින සතුට සොයා ගන්න ඕන නම් ඔයා පරණ අමිහිරි මතක වලින් සුවපත් වෙන්න. ඔයාට ආදරය කරන්න. ඔයාව විෂ සහිත පරිසරවලින් ආරක්ෂාකරගන්න ඔයා සමගම හොද සබදතාවක් ගොඩ නගාගන්න. සෞඛ්‍ය සම්පන්න සබඳතා සහ චිත්තවේගීය යහපැවැත්ම සඳහා අවබෝධය ලබාගන්න.

ශ්‍යාමි කාරියවසම්
Certified Life Coach

28/05/2024

සැමියා තම බිරිඳට මෙසේ පැවසුවා - "මම මගේ මිතුරන් සමඟ පිටතට යනවා. "
ඇය "හරි" ලෙස පිළිතුරු දුන්නා

ටික වෙලාවකට පස්සේ පුතා කිව්වා -

"අම්මේ, මට ආදර්ශ විභාගවල ප්‍රතිඵල ලැබුණා, ඒක හොඳ නැහැ. "

පුතා තම මවගෙන් බැණ වැදීමක් බලාපොරොත්තු උනත් ඔහු පුදුමයට පත් කරමින්, ඔහුගේ මව සන්සුන්ව

"හරි" කියා ඉන්පසුව

"මහන්සි උනොත් හොදට කරන්න පුලුවන් වෙයි එහෙම නැත්තම් සෙමෙස්ටර් රිපීට් කරන්න වෙනවා. එය ඔයාට බාරයි."
කිව්වා

ඊළඟ දවසේ, ඇගේ දුව ඇය වෙත පැමිණ පැකිළෙමින් මෙසේ කිව්වා
"අම්මේ, මම කාර් එක කඩාගත්තා."
මව කෝපයට පත් වේ යැයි දුව බිය උනත් ඇයව පුදුමයට පත් කරමින් අම්මා මෙසේ පැවසුවා.

-"හරි. කාර් එක ගරාජ් එකට ගෙන ගොස් එය නැවත හදාගන්න."

සාමාන්‍යයෙන් කෝපයට පත්වෙන, කිපෙන සුලු පුද්ගලයෙක් දැන් හදිසියේම වෙනස් වෙලා. මේ වගේ ප්‍රතිචාර දැක්කම හැමෝම කලබල වෙලා මොනවා හරි වෙලාද කියලා හිතුවා. හැමෝම ඇය ළඟට ඇවිත් ඇහුවා “මොකක් හරි ප්‍රශ්නයක්ද? ඔබ මෙතරම් සන්සුන්ව හැසිරෙන්නේ ඇයි? ” ඇය සිනාසෙමින් මෙසේ පිළිතුරු දුන්නා

“එක් එක් පුද්ගලයා තම ජීවිතයට වගකිව යුතු බව තේරුම් ගැනීමට මට බොහෝ කාලයක් ගත වුනා.

මගේ වේදනාව, කනස්සල්ල, කාංසාව, ආතතිය... ඔබේ ප්‍රශ්න විසඳන්නේ නැති උනත් මගේ ප්‍රශ්න උග්‍ර කරන බව මට වැටහුණා. මට ඔබට උපදෙස් දිය හැක්කේ ඔබ ඉල්ලන්නේ නම් පමණක් බව මට වැටහුනා, නමුත් එය ඔබ අනුගමනය කිරීම හෝ නොකිරීම මත රඳා පවතින්නෙ.. ඔබ කුමන තීරණයක් ගත්තත්, එහි ප්‍රතිවිපාක හොඳ හෝ නරක, ඔබට ඒවා සමඟ ජීවත් වීමට සිදුවවෙනවා. කාගෙවත් ක්‍රියාවකට මම වගකියන්නෙ නෑ. මට තේරුණා මට මාව පාලනය කරන්න පුළුවන් කියලා. මගේ කාර්යය වන්නේ ඔබ ගැන සැලකිලිමත් වීම, ඔබට ආදරය කිරීම, ඔබව දිරිමත් කිරීම, නමුත් ඉන් පසුව ඔබේ ගැටළු විසඳීම සහ ඔබේම සතුට සොයා ගැනීම ඔබ මතයි රඳා පවතින්නෙ.
එමනිසා, මම සන්සුන්ව සිටිය යුතු අතර ඔබ සෑම කෙනෙකුම ඔබේ ගැටළු ඔබම විසඳා ගත යුතුයි ”
ගෙදර හැමෝම ගොළු වුණා. එදා ඉඳන් පවුල හොඳට වැඩ කරන්න පටන් ගත්තේ ගෙදර හැමෝම තමන් කරන්න ඕන දේ හරියටම දැනගෙන හිටපු නිසා!

උපුටාගැනීමකි.
«Sasha»

11/05/2024

04/05/2024

තමන්ටම කියලා තමන් විසින්ම දමා ගත්තු ප්‍රතිපත්ති වල ඉන්න ගැහැණු,
හරි ගෞරවණීයයි...
හැම පිරිමියෙක් එක්කම තොදොල් වෙනවාට වඩා,
නපුරු ආඩම්බර ගැහැණු,
හරි ආකර්ෂණීයයි...
ලෝකේ තියෙන හැම trend එකක් පස්සේම යනවාට වඩා,
තමන්ට සුදුසු දේවල් විතරක් තෝරගන්න ගැහැණු,
හරි ප්‍රියමනාපයි...
සමාජයේ වෙන දේවල් දිහා බලන් ඉදලා,
ජීවිතේ ගැන ඉගෙනගන්න ගැහැණු,
හරි දක්ෂයි...
කවුරු තමන් ළඟ නැතත්,
ජීවිතේ තනියම අභියෝග වලට මුහුණ දෙන ගැහැණු,
හරි නිර්භීතයි...
තමන්ගෙන් ගිලිහුන දේවල්,
හිනාවෙලා සදහටම අතහැරලා දාපූ ගැහැණු,
හරි ශක්තිවන්තයි.
උන් වැටෙන්න වැටෙන්න ආයෙමත් නැගිටිනවා...
එහෙව් ගැහණුන්ට ආදරයෙන්...
- උපුටා ගැනීමකි

01/05/2024

🕯️එයා අකමැති නිසා මන් ආශ්‍රය කරපු මිනිස්සුන්ව අත ඇරියා
🕯️එයාට සම්පුර්ණ වෙලාවම දෙන්න ඕනෙ නිසා මන් යාළුවොන්ව මග ඇරියා
🕯️එයා එච්චර කැමැති නෑ වගේ නිසා මන් පැෂන් කරන එක නැවැත්තුවා
🕯️දෙන්නගෙන් එක්කෙනෙක් ඉගන ගත්තම ඇති කිව්ව නිසා මන් උපාධිය අමතක කළා
🕯️රස්සාවකට යනවට කැමැති නෑ කියල දන්න නිසා මන් ගෙදර නැවතුනා .

⭐️මිනිහෙක් උනාම සමාජ ආශ්‍රයක් ඕනේ කියල එයා දිගටම මිනිස්සු ආශ්‍රය කළා
⭐️හදිස්සියකට හරි යාළුවො ඕනෙ කියල යාලුවොන්වත් ළඟ තියාගත්තා
⭐️ගේමක් ගහන්න නම් ඉගන ගන්නම ඕනෙ කියල ඩබල් ඩිග්‍රි කම්ප්ලිට් කළා
⭐️ගෙදර වගකීම් මුකුත්ම නැති නිසා රස්සාවෙන් ඉහළටම ගියා

මේ හැම දේටම පස්සේ ලඟදි දවසක එයා මාර කථාවක් කිව්වා ,

අයියෝ ..ඔයා කිසි අප්ඩේට් එකක් නෑ නේ ,සෝෂල් නෑ ,තැනකට ගෙනියන්න බෑ ,අඩුගානෙ රස්සාවක් වත් නෑ ,කොහොමද මන් ඔයාව මිනිස්සුන්ට introduce කරන්නෙ, අනේ මන්දා මට නම් දැන් ඇතිවෙලා ..

මට කට උත්තර නැති උනා ,හේතුව මොකක් උනත් එයා කිව්වේ ඇත්ත කියල මටත් හිතුනා ..

ඇත්තම කිව්වොත් එයාට ඇති වෙන්න හුඟ කාලෙකට කලින් මට ඇති වෙලා තිබ්බා ,හැබැයි මන් ආදරේ වෙනුවෙන් හැමදේම දරාගත්තා ..

ඒත් අද මන් එක දෙයක් තේරුම් ගත්තා ,

ප්‍රේමය මොන තරම් ඝනකමට තිබ්බත් එක දවසක ප්‍රේමයට ඔබ්බෙන් මිනිස්සුන්ට ජීවිතය පේන්න පටන් ගන්නවා ,
අන්න එදාට ඔයාගෙ value එක හැදෙන්නෙ ඔයා කරපු කැපකිරීම් වල පරිමාණයට අනුව නෙමෙයි , ඔයා ළඟ තියන වටිනාකම් වල අනුපාතයට ..
එදාට ඔයා ළඟ පෙන්නන්න වටිනාකම් නැත්තම් අර එකතු කරපු ආදරේ නිකම්ම නිකම් හැඟීමක් විතරක් වෙනවා .

“හේතුව මොකක් වුණෙත් කිසිම කෙනෙක් වෙනුවෙන් තමන්ව නැති කරගන්න එපා ,
හැම තත්පරයකම පොඩ්ඩ පොඩ්ඩ හරි තමන්ව ගොඩනගාගන්න."

ප්‍රේමය කියන්නෙ ,හැඟීමක් උනාට ,දවසක මිනිස්සු ඒ හැඟීමට වටිනාකම් දෙනවා ..එදාට ඔයා නිකම්ම නිකන් හිස් මිනිහෙක් විතරක් උනොත් ඔයා ළඟ තියන ආදරේ කවුරුත් එච්චර ලොකුවට ගණන් ගන්නෙ නැහැ ,ඒකයි ඇත්ත ..

මේ අද උදේ session එකේදී තරුණ බිරිඳක් කියපු ඇත්තම කථාවක් ,
මේක ගැහැණු පිරිමි දෙගොල්ලන්ටම අදාලයි ..

ඔයා තාම ප්‍රමාද නැහැ ,දැන් මේ මොහොතේ ඉඳන් තමන්ව ගොඩනගන්න පටන් ගන්න 💜

Copied

අනිශා ජයකොඩි ✍️
Anisha Jayakody

22/04/2024

උදේ හිනා වෙලා යන මිනිස්සු හවස ලෙඩ ඇඳේ ඉන්නවා මම දැකලා තියනවා.

හෙට ආයෙ හම්බවෙමු කියලා යන මිනිස්සු ආයෙ කවදාවත් දකින්නෙ නැති අවස්තා මම විඳලා තියෙනවා.

ගිහින් කෝල් එකක් දෙන්නම් කියපු සමහරුන්ගෙ ඇමතුම් වෙනුවෙන් තාමත් මඟ බලන් ඉන්න මිනිස්සු මේ ලෝකෙ ඉන්නවා.

ජීවිත හරි කෙටියි, මේ හැම දේම අපි හිතනවට වැඩිය හරි අවිනිශ්චිතයි.

ආදරෙයි කියන්න, ආදරේ දෙන්න මීට වැඩිය හොඳ කාලයක් ආයෙ එන්නෙ නෑ.

ආදරණීයන්ව බලාගන්න, ඒ අයව විඳින්න, තදින් වැළඳගන්න, කුඩා දේවල් සමරන්න, ඔවුන්ගෙ මූණට හිනාවක් දෙන්න කවදහරි හොඳ දවසක් එනකන් බලන් ඉන්නෙපා!

- උපුටා ගැනුමකි-

10/03/2024

ජපානයේ මත්සුදෝ නගරයේ එක්තරා පුද්ගලයෙක් දිනක් ටැක්සියක නැගී ගමනක් යන්නට පිටත් උනා.

ටැක්සි රථයේ රියදුරා නිවැරදි ලෙස රථය පදවමින් සිටියා.

මේ අතර, අතුරු මාර්ගයක් ඔස්සේ මහත් හදිසියකින් මෙන් කළු පැහැති කාර් එකක් පදවමින් පැමිණි පුද්ගලයෙකු සැනින් එම කාරය ටැක්සිය ගමන් කරමින් තිබූ මාර්ගයට ඇතුළු කළා.

ටැක්සි රථයේ රියදුරු ඉතා අසීරුවෙන් තිරිංග පාලනයෙන් සිදුවීමට ගිය අනතුර අනූ නවයෙන් බේරා ගන්නට සමත් වුනා.

වැරැද්ද තමන් අතේ තිබියදී.., කාරය පදවා ගෙන පැමිණි පුද්ගලයා දැඩි කෝපයකින් යුතුව ටැක්සි රථයේ රියදුරුට ඉතා අසභ්‍ය වචනයෙන් බැන වදින්නට වුණා.

මෙය දුටු ටැක්සි රථයේ රියදුරා සිනා මුසු මුහුණින් අනෙක් රියදුරා දෙස බලා ඉතා මිත්‍රශීලී ලෙස අතක්ද වනා තම රථය ඉදිරියට පදවාගෙන ගියා.

මෙය දුටු ටැක්සියේ ගමන් ගත් පුද්ගලයා ඉතාමත් පුදුමයට පත් වී, තමා අතේ වරදකුත් නැතිව නිස්කාරනේ පරුෂ වචනයෙන් බැනුම් ඇසීමෙනුත් අනතුරව එසේ මිත්‍රශීලීව සැලකුවේ මන්දැයි විමසා සිටියා.

එවිට ටැක්සි රථයේ රියදුරා පවසා සිටියේ.

👉"අපි වටේ ඉන්න ගොඩක් අය හරියට නිකන් කුණු ලොරි වගේ, ඒ අය ඇවිදින්නේ, ගමන් කරන්නේ, හැසිරෙන්නේ කුණු කන්දල් ගොඩ ගහගෙන.

එයාලගේ ජීවිත වෛරය, කෝපය, බලාපොරොත්තු කඩවීම් වගේ කුණු ගොඩවල් වලින් පිරිලා. මේ කුණුගොඩවල් වැඩි වෙන්න වැඩි වෙන්න එයාලා බලන්නෙ ඒ කුණු කොහේට හරි හලන්න.

සමහර වෙලාවට ඒ කුණු හැලෙන්නෙ අපේ ඇඟට.

ඉතිං අපි හිනහා වෙලා අත වනලා අපි අපේ ගමන යන එකයි හොඳම දේ.

මොකද අපි එයාල විසිකරන කුණු කර ගහ ගත්තොත්, අපි ඒවා හලන්නේ අපි එක්ක වැඩ කරන අයගේ, එහෙම නැත්තං අපේ ගෙවල් වල අයගේ ඇඟවල් වල. ඉතිං එහම කරන්න නං ඇයි අපි අනුන්ගේ කුණු ගොඩවල් කර ගහ ගන්නේ,..."

සාර්ථක මිනිසුන් කිසිවිටෙක අනුන්ගේ කුණු තමන්ගේ ඇඟේ හලන්නට ඉඩ දෙන්නෙ නැත.

අපිට ජීවත් වීමට ඇත්තේ ඉතාම කෙටි කාලයකි.

එම නිසා ඒ කාලය තුල, ඔබට ආදරය කරන්නන්ට ආදරය කරන්න. ඔබට වැරදි කරන්නන්ට උපේක්ෂාව දක්වන්න.

ඉතිං... විවිධ මානසින මට්ටම් තියෙන මිනිසුන් ඉන්න සමාජයක ජීවත්වෙන ඔබත් මේ "කුණු ලොරියේ න්‍යාය" හොඳින් සිහියේ තබා ගන්න...

22/02/2024

ස්ත්‍රියකගේ නිශ්ශබ්දතාවයට බිය වන්න. ඇගේ වචන “හිස් වචන” නොවේ. පිරිමින් තම පෙම්වතිය හෝ බිරිඳ ඔවුන් සමඟ සටන් කරන විට, ඔහුන්ට බොහෝ විට වේදනාවක් හා කෝපයක් දැනේ. පිරිමින්ගේ ඊගෝව ඉතා බිඳෙන සුළු වන අතර ගැහැණියකගේ වචන කිහිපයකින් පමණක් පහසුවෙන් ඔහුන්ව බිඳ දැමිය හැකිය. ඔබේ කාන්තාව ඔබ සමඟ රණ්ඩු වන විට ඇය එය කරන්නේ ඇය ඔබ ගැන සැලකිලිමත් වන බැවිනි. ඒ ගැන කරදර වීමට කිසිවක් නැත. එය ඔබ අගය කළ යුතු ඔබේ සම්බන්ධතාවයේ මොහොතකි.

ඔව්, එය ඉවසා සිටිය නොහැකි දෙයකි, නමුත් ඔබේ පෙම්වතිය හෝ බිරිඳ යම් දෙයක් සම්බන්ධයෙන් ඔබ සමඟ වාද කරන විට, ඒ ඇය ඔබට ආදරය කරන නිසාය. ඇයට ඔබ වෙනුවෙන් ඇගේ හැඟීම් හැසිරවිය නොහැකි අතර ඇයගේ මනසේ ඇති අවුල ගැන ප්‍රකාශ කිරීමට ඇයට ඇති එකම ක්‍රමය එයයි. එය ඇයට ඔබේ අවධානය අවශ්‍ය බවට ලකුණක් සහ ඇය ඔබ ගැන සැලකිලිමත් වන ලකුණකි. ඔව්, ඇගේ ආත්මයේ හැඟීම් කුණාටුව හේතුවෙන් ඇය ඇගේ පෙණහලුවලට වඩා ඉහළින් කතා කරයි. ඔබ එයට බිය නොවිය යුතුය. ඔබ බිය විය යුත්තේ ඇය කතා කිරීම නවත්වන දිනට පමණි.

නිශ්ශබ්දව සිටින කාන්තාවක් සැබවින්ම කලකිරීමට පත් වූ කාන්තාවන් ය. එයින් අදහස් වන්නේ ඇය අවසානයේ අත්හැර දමා ඇති බවයි. ඔබ මීට පෙර ඇයට ඇහුම්කන් නොදුන් නිසා ඇයට තවදුරටත් ඇගේ මතය ප්‍රකාශ කිරීමේ අවශ්‍යතාවය දැනෙන්නේ නැත. ඔබේ සම්බන්ධතාවය වෙනුවෙන් සටන් කිරීමේ ශක්තිය ඇයට අහිමි වී ඇති අතර ඇයට තවදුරටත් ඔබ සමඟ කතා කිරීමට පහසු නැත. ඔබ බිය විය යුතු දිනය එයයි.

කාන්තාවකගේ නිශ්ශබ්දතාවයෙන් අදහස් වන්නේ ඔබේ හැසිරීම් ඇයගේ මනසෙහි කලකිරීමක් ඉතිරි කල බවයි. ඇය හුදෙක් ඔබ ගැන උදාසීන වන අතර එය සම්බන්ධතාවයේ භයානක කොටසයි. ඔබ වෙනුවෙන් ඇය තුල තිබූ අවස්ථාවන් ඔබට බොහෝ දුරට අහිමි වී ඇති අතර ඔරලෝසුව ආපසු හැරවීමට ක්‍රමයක් නොමැත. කාන්තාවන් තම අදහස් ප්‍රකාශ කිරීමේදී හඬ නඟන අතර ඔවුන්ගේ මනසින් කථා කිරීමට තර්ක කිරීමට කැමැත්තක් දක්වයි. ඔව්, එය කරදරකාරී වන අතර, ඇත්තෙන්ම ඔබට එය රිදවිය හැකිය. ඇය කතා කිරීම නැවැත්වූ විට, ඇය නැවත ඔබ පසුපස නොපැමිණෙන තත්වයට පැමිණ ඇත.

එමනිසා, ඔබේ ස්ත්‍රියගේ තර්ක විතර්ක නොකර ඇයගේ වචනවලට බිය නොවන්න. ඇගේ උදාසීනත්වයට බිය වන්න සහ සියල්ලටම වඩා නිහඬතාවයට බිය වන්න. ඇය නිශ්ශබ්ද වූ පසු, ඔබට අහිමි වන දේ ඔබට වැටහෙනු ඇත, නමුත් ඔබ දැනටමත් ප්‍රමාද වැඩි වන්නට පුලුවන..!

-අංජා ලියනගේ-