30/04/2025
هام
قضية ياسين مش الأولى و أتمنى تبقى الأخيرة وما ذلك على الله بعزيز
بس هو التحرش و المتحرش و الاعتداء و هتك العرض بيحصل يومياً في كل المستويات عادي؛ غني أو فقير؛ متعلم أو جاهل؛ كبير أو صغير و من أي شخص لأي شخص و في كل الأديان فيه الحلو و فيه الوحش طبيعي جداً
من واقع العيادة. و الألم اللي بيعيشوه الأهل واللي هما أول ناس بكل أسف بيتنازلوا أو ميكملوش أو ميبدأوش أصلاً يدوروا على الحق وهنا في البداية لو المعتدي طفل بيكون ضحية حد تاني أكبر منه و عمل معاه كده قبل كده اعتدى عليه وهو مخدش حقه زي قضية وقصة التوربيني كده ؛ المعتدي عليه بيكون ضحية برده و مش بيعرف يتصرف أويأخذ حقة......... طيب أتمنى كله يأخد حقة في الدنيا وفي الآخرة وعند الله تجتمع الخصوم ولكن...... قصتي مش هنا خالص؛ الفكرة بعد كده اللي أتعرض للتحرش؛ الاعتداء؛ هتك العرض بيكون معرض ل أعادة التجربة تاااااااني مرة أخري؛ مع بنات؛ ولاد؛ كبار؛ صغيرين مش فارقة كتير و الموضوع لا ينتهي هنا؛ لا هو بيبدأ رحلة عنيفة من المعاناه والمرض النفسي والأذي أو...... التحرش و الأعداء على الأخوة و تبدأ الأم تأخد بالها أما يظهر على الطفل ممارسة أو شكل غريب أو محاولة إعادة التجربة لنفسه أو لأخوة أو مع أختة؛ هنا بتبدأ الأم تتحرك مع خوف على الأثنين.
طيب ده ممكن يحصل فين؟
في الواقع ومع الأسف الشديد زي ما أنتوا شايفين هو ممكن يحصل في 1) المدرسة 😭 اللي انت مفترض متطمن على ابنك فيها طبعآ و بيحصل في 2) النادي 😢 و التمرين بين الولاد في غرفة تغيير الملابس و من أصحابة وأصدقائه المقربين اللي في الغالب بيكونوا بيجربوا اللي أتعمل فيهم أو متغاظين منه لأي سبب و بيعملوا ليه كمين جوا؛ طيب يا قلبي بعدها بيقدر يتكلم! لا طبعا لأنهم بيهددوه و إذا كان طفل أو كبير شويه مراهق بيسكت و برده بنوصل لنفس المرحلة الأولى. و حاجة تانية من غير ما تعملوا ثورة بس ده بيحصل كتير من المدربين مع البنااااات حدث ولا حرج و مع الولاد والله؛ و فيه ناس كيفها الولاد وفيه ناس كيفها الأطفال و اهي كلها أمراض على غير الفطره؛ و فيه كتير جدآ من المدربين محترمين جدا جدا جدا ومع ذلك خذ ابنك في ايدك للتمرين و يرجع في ايدك ميروحش لوحده........
بيحصل في 3) السايبر 😓 بتاع الألعاب ده اللي كلكم بتحبوا تروحوا أو تلعبوا فيه ماتش؛ في الحقيقة فيه كتير منه بيكون أشبهه بالغرزة بتاعه المخدرات دي و أشياء أخرى و بيكون فيها أطفال؛ مراهقين؛ راشدين و بيقعدوا فيه بالساعات الطويلة و نظراً لغياب الأهل أو الرقابة أو أنهم مش قادرين بالفعل على الولاد مش بيكونوا عارفين عنهم حاجة ولا يعرفوا أن فلان صاحبهم اللي هما بيشوفوه من بعيد ده كده ومش بيرتاحوا ليه بيتحرش بالولد أو بيعتدي عليه أصلا مراراً و تكرارا و هنا فيه اللي بيبدأ يعمل محضر و يرفع قضية و يتابع و ربنا معاهم يا رب و فيه اللي غصبن عنه بيحاول يلم اللي حصل و يسكت أو مش مهم يلم المهم يسكت.....
4) طيب و بيحصل فى أماكن العمل اللي مقفولة زي المصانع 😓 لو بدون رقابة أو مفتوحة زي الكوافير😥 ؛ و ده مبيحصلش من واحد فقط لا من كتير جدا 😢😢 و مش بيحصل لواحده بس لا عادي ليهم كلهم برده
5) بيحصل من الأقارب من الدرجة الأولى الأب العم الخال أولادهم عادي و ممكن يحصل انتهاكات تصل لسنيين من المعاناه للبنت أو الابن زي قضايا كتير انتوا عارفينها قبل كده
#مهم وضع قانون رادع لكل من تسول له نفسه فعل هذه الفظائع؛ طيب مريض! اتعالج عادي فيه علاج طبي و نفسي لكن اتخاذ القرار بالاستمرار في الجرائم ف انت #الجاني
مجرم! يتحاكم بإذن الله في الدنيا والآخرة.
!
لا مش هنعمل كده؛ و ده ممكن يزود المشاكل أضعاف ولكن عليك السعي فقط وربنا الحامي انت بتحاول تحمي ابنك و تحط ليه حدود و تعرفه حدوده المكانيه و الجسديه و النفسيه و تقربه ليك و تصاحبه تصاحبه تصاحبه ومتنهروش حتى لو قالك ايه عشان يقدر يتكلم و يقول اللي بيحصل معاه.
يا ترى ده حصل مع كام حد! مع بنات! و مع أولاد!
البنات والناس اللي معرفتش تجيب حقها حقكم مراحش والله. وعند الله تجتمع الخصوم بإذن الله
هونوا على نفسكم وعلى أولادكم واللي تقدروا تقدموه اعملوه ولا يكلف الله نفسا إلا وسعها؛ ابدأوا شوفوهم وقربوا منهم و أحتوهم وخصوصوا وقت ليهم تسمعوهم فيه.
ربنا يحمينا و يحمي أولادنا جميعاً يا رب ويبارك فيهم 🤲
دمتم سالمين
دمتم بصحة وعافية وستر
دمتم بصحة نفسية وجسدية وعقلية يا رب
؟
شكرآ لكل جسدتوا جزء من الحقيقة بس الواقع أسوأ بكثير جدا مما نتخيل.
شكرآ
شكراً
شكراً لكل واحد بيقول كلمة الحق ولو على رقبتة.
