27/11/2025
Долоо хоногийн түлхүүр - 11-р сарын 27-с 12-р сарын 3-ны өдрүүд Генийн түлхүүр 9-р хамтдаа аялж байна.
Сүүдэр - Үлбэгэр байдал
Билэг - Шийдэмгий байдал
Сидди - Ялгуусан чанар
Хятадын их багш Лао Цугийн “Мянган бээрийн аялал нэг алхмаас эхэлдэг” гэсэн алдарт үгийг илүү оновчтой орчуулбал “Мянган бээрийн аялал хүний хөлийн ул дороос эхэлдэг” гэдэг. Энэхүү цаглашгүй мэргэн ухаан таныг хүрэх хүрэхгүй ирээдүйн тухай бодож өөрийгөө чилээлгүй яг урдаа байгаа дээрээ төвлөрөхийг сургадаг. 9 дэх Сүүдэр таныг оюун ухаанаасаа илүүтэй өдөр тутмын үйлдэл дээрээ юунд төвлөрдөгтэй холбоотой. Жам ёсны хувь тавилангаа оюун ухаанаараа чамлахгүй
байх тухай агуу нууц түүний дотор бий. 9 дэх Сүүдэр ба 9 дэх Билгийг төлөөлөх зураг нь нэг бүрчлэн тавьсан чулуун замаар дүрслэгдэнэ.
9 дэх Сүүдрийн давтамж дээр эдгээр замын чулуунууд тойрог хэлбэрээр засагдсан байдаг. Та хөл доорх чулуу бүрээ анхааралтай ажиглавал ердөө нэг л жимээрээ гишгэлэн, энэ их эрч хүч хаа ч хүргэхээргүй байгааг ойлгох болно. Манай гараг дээрх дийлэнх хүмүүсийн ухамсар ийм төлөвт байсаар байна.
Харин Билгийн түвшинд эдгээр чулуунууд алс хол руу жим үүсгэн, тэнгэрийн хаяанд хүрдэг. Эдгээр чулуунууд хаа хүргэхийг та мэдэхгүй ч ямартаа ч урагшаа явж байгаа тул тэр нь чухал биш байдаг. Ингэснээр таны гишгэх алхам бүр маш чухал бөгөөд адал явдлаар дүүрэн болдог. 9 дэх Генийн түлхүүр нь өдөр тутамдаа хийх зөв дадал, үйлдлүүдийг олохтой холбоотой. Хийж буй алхам бүр хүсэл мөрөөдлийн чинь зүг рүү урагшлуулдаг байх ёстой. Таны хүсэл мөрөөдөл юу ч байж болно. Энэ замаар туулахдаа та идэх, угаах, хүнс цуглуулах, хоол хийх гэхчлэн олон нэгэн хэвийн жижиг ажлуудыг гүйцэтгэнэ. Учир нь хэдий нэгэн хэвийн өдөр тутмын ажлууд ч байсан алхам бүхэн тань таныг хүсэл мөрөөдлийн чинь зүгт хөтөлж байгаа тул сэтгэл ханамжгүй байх нь үгүй. Таны хийх үйлдэл бүхэн уйтгартай санагдлаа гээд тэдгээр нь буруу гэсэн үг биш. Та өөрийн агуу хүсэл мөрөөдлөө умартаж, жижиг зүйлд номхорсон гэсэн үг байж болох. Та амьдралдаа уйдах, нэгэн хэвийн байх, эрч хүчгүй үлбэгэр сул мэдрэмж авах үедээ хүсэл мөрөөдөлтэйгөө эргэн холбогдох эсэх нь таны сонголт. Дийлэнх хүмүүс эргэн тойрныхоо жижиг аар саархан деталь зүйлсийн хохирогч болсон амьдралдаа дасал болсон байдаг.
Ямар нэгэн дээд зорилго үгүй бол хүн төрөлхтөн элбэг дэлбэгт саад тотгор болдог энергийн талбаруудыг бүтээсээр тойрог замд гацдаг. 9 дэх Сүүдрийн инерц нь хохирогчийн сэтгэхүйгээр хооллож, хохирогчийн сэтгэхүй нь буруутгал эсвэл санаа зовнилын хэмнэлээ ахин дахин давтсаар дороо эргэлдсээр байдаг нь хэцүү. Гэвч зүрх сэтгэл дотроо хүн бүр байгалиасаа тэрслэгч байдаг. Бид хүсэл мөрөөдлөө хазаарлуулж, номхруулж, эсвэл гэрийн тэжээвэр амьтан болох гэж гэж энэ дэлхийд ирээгүй. Бид ид шидийг бүтээх гэж ирсэн тул амьд сэрүүн өнгөрүүлэх мөч бүхэн цор ганц, бүхнээс дээгүүр зөн хараа, мөрөөдөлд төвлөрч, түүн рүү чиглэх ёстой.
