30/12/2025
👀ojo👀
Algun tips pa fin di aña🧨
Laga nos cuida nos mes y otronan e temporada di fin di aña aki.
For di dia 27 a inicia e temporada di kimamento di klapchi y shownan di vuurwerk!
Departamento di Salud Publico (DVG) ta invita tur hende den nos comunidad pa gosa di esaki na un manera completamente consciente y sigur.
Por fabor, tuma e siguiente puntonan den consideracion pa garantisa siguridad di tur hende:
Siguridad di esnan Mayor: Proteha nos grandinan!
- Keda vigilante contra e huma toxico cu ta sali for di klapchi.
- Bisti hende grandi cu 'earplugs' pa cuida nan oido.
- No laga nan nan so, ya cu e zonido fuerte por provoca nan ansiedad.
Siguridad di Mucha Chikito: Esaki ta nos prioridad!
- Proteha nan contra e huma toxico.
- Bisti nan cu 'earplugs' pa proteha nan oido.
- Nunca laga nan cende klapchi, si no tin supervision serio di un adulto presente.
Siguridad di Mascota: Nan tambe mester atencion!
- Mantene bo mascota den un area proteha y cera (preferiblemente paden di cas).
- Duna nan trankilisante, solamente bou guia y instruccion precies di dokter di bestia (veterinario).
Consciencia pa Salud Publico: Sea responsabel!
- Uza klapchi conscientemente.
- Celebra den famia.
- Evita aglomeracion innecesario.
Sea mas Consciente Fin di Aña y celebra cu responsabilidad pa evita accidente pa hende y bestia na nos isla, ban proteha nos tur e fin di aña aki.
