27/03/2023
🆘Diqqətli olun!!
Qışın soyuğundan enerji və vitamin itkisi ilə çıxmış insan orqanizmi baharın kəskin hava dəyişikliyinə dözümsüz olduğu üçün bu mövsümdə bir çox xəstəliklər aktivləşir. Bu mövsümdə xroniki xəstəliklərdən əziyyət çəkənlər mütləq həkimə müraciət etməlidirlər. Son zamanlar daha çox rastlaşdığımız xəstəliklərdən biri də İnsultdur.
İNSULT – beyin qan dövranının kəskin pozulmasıdır.
İnsult iki əsas növə bölünür: İşemik insult və Hemorragik insult.
İşemik insult– beyin qan axınının kəskin azalması, damar, ürək və ya qan xəstəlikləri ilə bağlı, tromboz və ya emboliya ilə əlaqədar, beynin müəyyən bir bölgəsində kifayət qədər qan təchizatının çatışmazlığı nəticəsində beynin ocaqlı zədələnməsidir. Bir sutkadan çox davam edən və ya bir sutka ərzində ölümlə nəticələnən nevroloji simptomların kəskin inkişafı ilə xarakterizə olunan sindromdur.
Hemorragik insult – Beyin toxumalarında qan damarlarının yırtılması səbəbindən qansızmanın baş verməsi və hematomanın əmələ gəlməsi nəticəsində ətraf sahələrin təzyiqə məruz qalması və beyin qan dövranınınpozulmasıdır.
İnsultdan sonra reabilitasiya nə qədər tez başlanılsa nəticə də qısa bir zamanda əldə olunar. Özünüzə diqqət eliyin sağlam qalın!
🇦🇿
