https://www.facebook.com/104177702339354/

Pediatr Səidə Əhmədova, Xətai r-nu, Y. Səfərov küç . 19, Baku (2025)

Q: What is the address?

Xətai R-nu, Y. Səfərov Küç . 19

19/08/2022

UŞAQLARDA QƏBİZLİK👇
Qəbizliyin simptomları və səbəbləri uşağın yaşından asılı olaraq dəyişir. Lap kiçik uşaqlarda qəbizlik daha çox qida ilə bağlıdır. Məsələn, az lifli və qəbizlik yaradan qidalarla qəbul etdikdə Qəbizlik də uşaq kifayət qədər su içmədikdə, xüsusilə qızdırma və ya isti havalarda baş verir. Uşaq üçün stresli vəziyyətlər də qəbizliyin səbəbidir. Nəhayət, bəzi dərmanlar qəbizlik yarada bilər.
👉Qəbizliyin meydana çıxmasında genetik amillər də rol oynayır yəni ailədə hər hansı bir insanda-atada, anada, nənə və ya babada qəbzlik müşahidə olunursa, uşaqda da olma ehtimalı böyükdür. Qəbizliyin uzun müddət baş verməsi bəzən nəcisi saxlaya bilməməyə-enkoprezə səbəb olur ki, bu da uşaqda kompleksin, özünə inamsızlığın əmələ gəlməsinə və psixoloji problemlərə yol açır. Həmçinin böyük nəcis kütləsinin sidik kisəsinə təzyiqi nəticəsində sidiyi saxlaya bilməmək-enurez meydana çıxır. Bərk nəcis kütləsi bağırsaq divarını zədələyərək düz bağırsaqda çatlar əmələ gətirir. Bu zaman bəzən nəsib üzərində qan görünə bilər. Hemorroy da qəbizliyin fəsadlarından biridir. Qəbizlik zamanı nəcisin tərkibində olan zərərli maddələr yoğun bağırsaqda ləngidiyi üçün qana sorulur və bu da öz növbəsində müxtəlif simptomlara və xəstəliklərə yol açır. Müxtəlif allergiyalarin (dəri, bronx) qəbizliklə birbaşa əlaqəsi var. Toksiki maddələrin orqanizmə təsiri nəticəsində ürəkbulanma, qusma, iştahsızlıq müşahidə oluna bilər. Bağırsaqda qidalı maddələrin sorulması pozulduğu üçün müxtəlif vitamin və mikroelement defisiti, ümumi halsızlıq və ya əksinə, oyanıqlıq, baş ağrıları, yuxusuzluq, depressiya halı olur. Dərinin vəziyyəti də birbaşa bağırsaqdan asılı olduğu üçün qəbzlik zamanı, dəri quruluğu, dəridə müxtəlif səpgilər çatlar, qaşınma və s. müşahidə olunur.

👩‍⚕️Əgər övladınızda qəbizlik varsa, mütləq həkimə müraciət edin.

👩‍⚕️ Dr. Səidə Əhmədova- Pediatr
📲 +994 55 281 01 44
📍Ünvan. Leyla Medical Center
📍 ETPİ

🇦🇿

17/08/2022

Hər vaxtınız xeyir. Bəzən valideynlər mənə belə bir sualla müraciət edirlər.👇
👉Həkim, körpəm tam sağlamdır. Amma tez-tez ağlayır, narahatdır. Bunun səbəbi nədir❓"
👩‍⚕️ Bunun səbəbi kolikdir. İnfatil kolik ayda 3 gün həftədə 3 dəfə gündə 3 saata qədər çəkən qaz, köp sancılarıdır. Əsasən birinci aydan başlayır, 3-4 aya qədər çəkir. Nadir hallarda 6-12 aya qədər uzanır. Əksər hallarda axşam saat 6-dan sonra başlayır, uşağın ayaqlarını özünə tərəf yığaraq gücənməsi, rənginin qızarması, hətta qaralması kimi müşahidə edilir Kolik valideynlər üçün çox çətin bir vəziyyətdir.

Kolik niyə yaranır❓
✔️Körpənin hələ inkişaf etməkdə olan həzm sistemi narahatlığa səbəb olduğu üçün körpə bunu ağlayaraq ifadə edə bilər.
✔️Reflüks körpəni narahat edə bilər.
✔️Körpənin qazı var və bu əlavə qaz onu narahat edə bilər.
✔️Bəzi tədqiqatlar göstərir ki, qida allergiyası (körpənin ana südü) və ya siqaret tüstüsünə məruz qalma kolikə səbəb ola bilər.

Nə edə bilərsiniz❓
Körpənizin mərkəzi sinir sistemi hələ tam formalaşmamışdır. Onlar ətrafdakı qıcıqlara qarşı hələ tam hazır deyildirlər. Bu vəziyyətlərdə körpələr 3-cü həftələrinin sonundan etibarən ətrafda olan qıcıqlara qarşı daha çox reaksiya verməyə başlayırlar. Reaksiyalar əsas olaraq güclü ağlamaqla müşahidə edilir. Bu vaxt körpənizi qucağınıza alın. İlk 4 ayda körpəniz “qucağa öyrəşər” deyə narahat olmayın. Ağlayarkən övladınızı qucağa alaraq sakitləşdirin. Təmiz hava və ritmik hərəkətlər körpənizin sakitləşməsinə və yatmasına səbəb olacaqdır.
Körpənizin mədə-bağırsaq sistemi hələ tam formalaşmamışdır. Xüsusən qida qəbulundan sonra qazının və ağrısının olub-olmadığına diqqət yetirin. Əgər körpənin köpü vardırsa köpün çıxarılmasına ehtiyac vardır. Körpə ana südü və yaxud süni qida qəbul edirsə, bu zaman fasilələr verilməli və körpənin qazı çıxarılmalıdır.

👩‍⚕️ Dr. Səidə Əhmədova- Pediatr
📲 +994 55 281 01 44
📍Ünvan. Leyla Medical Center
📍 ETPİ

🇦🇿

15/08/2022

💧Həkim, mən körpəmə nə zamandan başlayaraq su verməliyəm❓Gün ərzində nə qədər su içməlidir❓
👩‍⚕️Körpənin ilk 6 ayına qədər ana südü yeyən körpələrə su verilməsinə ehtiyac yoxdur. Çünki ana südünün tərkibinin 87%-i sudan ibarətdir. Bu isə körpənin suya olan ehtiyacını tam ödəyir. 🤱
Bəs körpələrə hansı aydan su verilməlidir❓
💦Körpələrə 6-cı aydan etibarən əlavə qidalar verilməlidir. Elə məhz bu vaxtdan etibarən körpəyə su da içirilməlidir.
Körpəyə verilən suyun miqdarı nə qədər olmalıdır❓
💦Körpənin ehtiyac duyduğu suyun miqdarı yaşa görə deyişir və yaş artdıqca artır. Qatı qidalarla qidalanma uşağın suya olan ehtiyacını artırır. Həm də uşağa verilən suyun miqdarı yediyi ana südünün miqdarından, boyundan, çəkisindən, ifraz etdiyi sidiyin miqdarından, qəbizlik dərəcəsində asılı olaraq dəyişə bilər. Uşağa su yeməkdən əvvəl deyil, yemək zamanı və ya yeməkdən sonra qurtum-qurum içirilməlidir. Qəbizliyi olan uşaqlarda suyun miqdarı artırılmalıdır.

👩‍⚕️ Dr. Səidə Əhmədova- Pediatr
📲 +994 55 281 01 44
📍Ünvan. Leyla Medical Center
📍 ETPİ

🇦🇿

12/08/2022

Hər vaxtınız xeyir.😊
Yay fəslində uşaqlara peyvənd vurdurmaq olar❓
👩‍⚕️Bəzən valideynlər elə düşünür ki, yay aylarında uşaqlara peyvənd vurmaq olmaz. Lakin dostlar bu heç də belə deyil. Peyvənd təqvimə uyğun, uşağın aylığı və yaşı nə zaman tamam olursa, o zaman vurulur. Bəzən valideyn hər hansı səhvə yol verir, uşağı vaxtında peyvəndə aparmır. Lakin peyvəndlərin yay fəslində vurulmaması kimi qayda, qanun yoxdur. Peyvənd il boyu, fəsildən asılı olmayaraq aparılır.

👩‍⚕️ Dr. Səidə Əhmədova- Pediatr
📲 +994 55 281 01 44
📍Ünvan. Leyla Medical Center
📍 ETPİ

🇦🇿

10/08/2022

Hər vaxtınız xeyir. Bu isti yay günlərində valideynləri narahat edən problemlərdən biri də "Bişməcədir".
Bəs bişməcə nədir❓
Körpə bezinin dəriyə toxunduğu hissədə əmələ gələn qızarıqlıq və qabartı formasında görünən dəri problemidir.
Forması:👇
Yüngül və ciddi qızartı fomasında olur.
Əlamətləri👇
1.Suluqlama,
2.Dərinin soyulması,
3.Dərinin açılması,
4.Dərinin iltihablanması.
Bəs niyə yaranır❓
1.Nəm bezin uzun müddət körpənin dərisi ilə təmasda olması.
2.Bezin sıx bağlanması.
3.Bezin gec-gec dəyişdirilməsi.
4.Uşaqda olan qarın ağrısı.
5.Antibiotikdən çox istifadə.

Qarşısını necə almaq olar❓
1.Sabundan istifadə edilməməli.
2.Bez tez-tez dəyişdirilməli.
3.Yumuşaq bezlərdən istifadə olunmalı.
4.Uşağı yuyundurduqdan sonra bir müddət açıq saxlamalı.
5.Yeni bez geyindirilmədən əvvəl dəri yaş pambıq və ya nəm salfetlə təmizlənməli.
6.Bişməcəyə qarşı krem çəkilməli.
7.Bez bağlanan bölgə quru və təmiz saxlanılmalıdır.

👩‍⚕️ Dr. Səidə Əhmədova- Pediatr
📲 +994 55 281 01 44
📍Ünvan. Leyla Medical Center
📍 ETPİ

🇦🇿

08/08/2022

Körpələrin sağlam inkişafı üçün kifayət qədər yatmaqları vacibdir.💤 Bəs uşaq rahat yatsın deyə yastıqdan istifadə edək yoxsa yox❓😴
🔸Mütəxəssislər 2 yaşına qədər körpələri yastıqsız yatızdırmağı tövsiyə edir. Tənəffüs yollarının qısa boynu səbəbindən 2 yaşa qədər ani körpə ölümü baş verə bilər.
🔸İlk 6 ayda körpənizi əmizdirdikdən dərhal sonra yatağa qoymayın. Başını bir az yuxarı qaldıraraq uzatmalısınız ki, əmilən süd onun boğazına qayıtmasın.
🔸Əslində uşaqlar 2 yaşından sonra da yastığa ehtiyac duymurlar, amma istəsəniz çox nazik yastıqla yatıra bilərsiniz.
🔸2 yaşından sonra istifadə edəcəyiniz yastıq seçərkən tük kimi yumşaq yastıqları seçməyin. Bu yastıqlar çox yumşaq olduğu üçün körpəniz yatarkən nəfəs almaqda çətinlik çəkə bilər.
🔸Lələk və ya qaz tükü kimi allergiyaya səbəb ola biləcək yastıqlardan istifadə etməyin.

👩‍⚕️ Dr. Səidə Əhmədova- Pediatr
📲 +994 55 281 01 44
📍Ünvan. Leyla Medical Center
📍 ETPİ

🇦🇿

03/08/2022

İsti yay günlərində🌞 D Vitamini qəbul edək❓
👩‍⚕️Gəlin əvvəlcə Vitamin D nə üçün həm uşaq həm də böyüklərin orqanizmində kifayət qədər olmalıdır❓ 👈Bu suala cavab tapaq.👇
• Sümüklərin və dişlərin sağlam qalmasında dəstək olur.
• İmmunitet, beyin və sinir sistemi sağlamlığını artırır
• İnsulin səviyyələrini tənzimlər və diabetin idarə edilməsinə dəstək olur
• Ağciyər funksiyasını, ürək-damar sistemi sağlamlığını dəstəklər
• Xərçəngin inkişafında rol oynayan genlərə qarşı mübarizə edər.
🆘Vitamin D çatışmazlığı uşaqlarda raxit kimi sümük deformasiyasına, yetişkinlərdə isə isə sümük və əzələ zəifliyinə səbəb olur.
Vitamin D ehtiyacımızı necə təmin etməliyik❓
Orqanizmin ehtiyacı olan Vitamin D-nin ən önəmli mənbəyi günəş işığıdır ki, bu, ehtiyacımız olan vitaminin 95 faizini təşkil edir. Digər 5 faizi isə qidalardan təmin olunur. Bunun üçün dərinin birbaşa günəş işığı ilə təması olmalıdır. Geyim üzərindən və ya pəncərə arxasından alınan günəş işığı vitamin D əksikliyini ortadan qaldırmaz. Bəs demək olar ki, hər yaşda rast gəlinən vitamin D çatışmazlığı probleminin əsas səbəbi qapalı şəraitdə olmaq və kifayət qədər günəş işığından faydalana bilməməkdir. Xüsusilə isti yay günlərində, səhər və günortadan sonra gün işığında olmaq daha faydalıdır. Günəş işıqının yetərli miqdarı dəri rənginə, yaşa və günəşlənmə formasına görə dəyişir. Dəri rəngi tünd olanlar, vitamin D-nin dəri ilə sintez olunması üçün daha çox günəş şüaları almalıdılar.

👩‍⚕️ Dr. Səidə Əhmədova- Pediatr
📲 +994 55 281 01 44
📍Ünvan. Leyla Medical Center
📍 ETPİ

🇦🇿

01/08/2022

Qızmar isti yay günlərində hər bir ananın ağlına “evdə körpə ilə kondisionerdən istifadə etmək olarmı” sualı gəlir. 👩‍⚕️Bu gün bu mövzu haqqında danışacağıq.
👉Körpələrin sağlam böyüməsi üçün valideynlərin diqqət etməli olduğu məqamlardan biri də körpənin qaldığı otağın temperaturudur. Temperatur yaxşı tənzimlənməyibsə və otağın temperaturu yüksəkdirsə, körpədə səpgilər, həddindən artıq tərləmə nəticəsində maye itkisi, iştahsızlıq və əhval-ruhiyyənin pozulması, dəri səpgiləri yarana bilər.
👉Əksinə, soyuq olarsa, yenidən müxtəlif xəstəliklərlə qarşılaşa bilər. Bu səbəbdən də körpələrin olduğu evlərdə kondisionerdən bəzi şərtlərlə istifadə oluna bilər. Bəs bu şərtlər nədir❓
🔸İlk növbədə körpənizin qaldığı otağın 22-25 dərəcə isti olmasına diqqət etməlisiniz. Lazım gələrsə, bunu yoxlamaq üçün bir termometr ala bilərsiniz.
🔸Lazım gələrsə, bu temperatur rejimini tarazlıqda saxlamaq üçün kondisionerdən istifadə edə bilərsiniz.👇
🔸Bununla belə, kondisionerin birbaşa körpəyə üfürməsinin qarşısını almalısınız. Bunun üçün kondisionerin başını yuxarı çevirə bilərsiniz.
🔸Zaman zaman uşağınızın burnunun ucunda və ya qolunda soyuqluq olub olmadığını yoxlaya bilərsiniz.
🔸Ən əsası “soyuqdur, kondisioneri söndürək, istidir, kondisioneri yandıraq” deməməli, hər an açıb-söndürməməlisiniz. Hər an açıb-söndürsəniz, körpəniz dərhal xəstələnəcək, çünki uşaq tərləyir və üşüyür. Yuxarıda göstərilən temperatura uyğun tənzimləmə aparılmalı və otaq temperaturu sabit saxlanılmalıdır.
🔸Bir çox bakteriya körpələrə tənəffüs yolu ilə zərər verə bilər və hətta pnevmoniyaya səbəb ola bilər. Bu səbəblə kondisionerin baxımını heç vaxt laqeyd qoymamalı və filtri müəyyən aralıqlarla təmizləmək lazımdır.
🔸Kondisionerdən istifadə etdiyiniz otağın təbii havalandırıldığına əmin olun. Pəncərələri açaraq kondisionerli otağı təbii şəkildə havalandırmağı unutmayın.
🔸Körpə kondisionerli otaqda yatacaqsa, onu nazik pambıq yorğanla örtə bilərsiniz.

👩‍⚕️ Dr. Səidə Əhmədova- Pediatr
📲 +994 55 281 01 44
📍Ünvan. Leyla Medical Center
📍 ETPİ

🇦🇿

29/07/2022

Körpənizə inək südünü hansı aydan etibarən verməlisiniz, inək südü neçə yaşında və ya neçə aylıqda verilməlidir❓
🍼Körpəniz👼 üçün ana südü🤱 inək südündən daha faydalıdır, daha asan həzm edilə bilir və bədən tərəfindən daha rahat istifadə edilir. Bu bilinməlidir ki, ana südündəki zülalların quruluşu inək südündən fərqlidir. Həzmi asandır, allergiya yaratmaz və böyümə üçün lazımlı olan maddələrdən təşkil olunub.
🍼Ana südündəki yağlar enerji qaynağıdır. Ana südündə lipaza fermenti olması səbəbiylə yağlar, inək südündən və süni südlərdən daha yaxşı əmilir.
🍼İnək südü vermə zamanı isə ən azı 1 yaşından əvvəl olmamalıdır. Avropa ölkərində inək südünün verilmə müddəti 2 yaşından sonraya nəzərdə tutulur. Ölkəmizdə isə təəssüf ki, 1 yaşından əvvəl belə inək südünün verilməsi halları geniş yayılıb. Lakin son olaraq qeyd edək ki, körpənin inək südü ilə qidalandırılması ən azı 1 yaşından etibarən düşünülməlidir.

👩‍⚕️ Dr. Səidə Əhmədova- Pediatr
📲 +994 55 281 01 44
📍Ünvan. Leyla Medical Center
📍 ETPİ

🇦🇿

28/07/2022

Deyirlər, neçə yaşın olursa olsun insanın içindəki uşaqlıq itmir. Hər birinizə arzu edirəm ki, o içimizdəki uşağı qoruyub saxlayaq.

👩‍⚕️ Dr. Səidə Əhmədova- Pediatr
📲 +994 55 281 01 44
📍Ünvan. Leyla Medical Center
📍 ETPİ

🇦🇿

26/07/2022

Körpə nə qədər müddətdə əmizdirməlidir❓
👉Mümükündürsə, ilk yarım saatda, ən gec 1 saat içində əmizdirilməlidir. Ona görə ki, körpə yuxuya getmək istəyəcək və körpəni oyandırmaq çətinləşəcək. Körpələr ilk günlərdə 2-3 saatda bir əmizdirilməlidir. Yuxusu 3-4 saatı keçərsə, oyandırılıb əmizdirilməlidir. 2-3 həftədən sonra özü aclığı hiss edəcək.
❗"Südüm gəlmir" deyə süni qidalara başlamayın
👉Körpə düzgün pozada əmizdirilərsə, süd gəlməmək kimi problem olmaz. Ancaq doğuşdan sonra qayğı çəkən analarda, körpənin ac qalması səbəbi ilə süni qidalarla qidalandırma kimi hal ortaya çıxa bilər. Bu səbəbdən ananın dəstəklənməsi, mütəxəssislə məsləhətləşmək vacibdir.
👉Ana südü necə çoxalır❓
Kifayət qədər maye almaq və dincəlmək ən vacib faktorlardandır. Gündə 2-3 litr arası su və maye içkilərin qəbulu kifayət edəcəkdir.

👩‍⚕️ Dr. Səidə Əhmədova- Pediatr
📲 +994 55 281 01 44
📍Ünvan. Leyla Medical Center
📍 ETPİ

🇦🇿

22/07/2022

Kavasaki virusu nədir❓Uşaqlarda hansı əlamətlərlə özünü göstərir❓
Bu xəstəlik təxminən 85-90%-i 5 yaşınadək uşaqlarda müşahidə edilir. Oğlanlar arasında bu xəstəliyə qızlarla müqayisədə 2 dəfə çox təsadüf edilir. Bu günə qədər xəstəliyin səbəbi dəqiq müəyyən edilməmişdir.
Kavasaki xəstəliyinin simptomları ümumiyyətlə üç mərhələdə görünür. 👇
▪️kəskin mərhələ.
▪️yarım kəskin mərhələ.
▪️sağalma mərhələsi.
Xəstəliyin simptomları:👇
➖ yüksək qızdırma
➖ dəridə səpkilər
➖ əl və ayaq pəncələrinin şışməsi, qızarması
➖gözlərin qızarması və iltihablaşması
➖dil və dodaqların qızarması və ağrılı olması
➖boyun limfatik düyünlərinin şişməsi
➖ əl və ayaq barmaqlarının dərisinin soyulması.
Xəstəliyin səbəbləri nələrdir❓
Kavasaki xəstəliyinin səbəbləri açıqlanmamışdır, ancaq infeksiyon səbəbli olması güman edilir. Genetik faktorun ya da böyük fərqliklə mikrob tərəfindən (virus və ya bakteriya) yaranan immun dəyişiklik nəticəsində, qan damarlarının iltihablanmasına və zədələnməsinə yol açan bir müddəti başlaya bilir. İrsi yolla keçən bir xəstəlik deyil, amma genetik bir pozğunluğun ola
bilməsi düşünülür. Bu xəstəliyin ailədə birdən çox üzvündə görülməsi nadirdir. Həmçinin keçici də deyil.

👩‍⚕️ Dr. Səidə Əhmədova- Pediatr
📲 +994 55 281 01 44
📍Ünvan. Leyla Medical Center
📍 ETPİ

🇦🇿

22/07/2022

Mənim uşağımda qurd var. Nə edə bilərəm❓
Bu sualı tez-tez valideynlər verirlər. Ona görə də bu gün bu vacib mövzu haqqında sizə məlumat verəcəm.👇Uşaqlar arasında geniş yayılan xəstəliklərdən biri də qurd xəstəlikləridir. Qurd xəstəliklərindən ən çox müşahidə olunanı isə bağırsaq qurdudur.

👉Bağırsaq Qurdunun Əlamətləri Nələrdir?
Uşaqlarda bağırsaq qurdunun əlamətləri, əsasən aşağıdakı simptomlar ilə özünü göstərə bilir:
➖Qarın ağrısı;
➖Ürəkbulanma;
➖İştahsızlıq;
➖Qusma;
➖İshal;
➖Şişkinlik;
➖Çəkinin azalması;
➖Anemiya;
➖Diş qıcırdatma;
➖Ağız qoxusu.
Xəstəliyi Necə Müalicə Etmək Lazımdır❓
Xəstəliyin müalicəsində ilk addım pediatra müaricət emək lazımdır və xəstənin şikayətlərinə uyğun olaraq bağırsaq qurdlarının müalicəsi planlaşdırılmalıdır.

👩‍⚕️ Dr. Səidə Əhmədova- Pediatr
📲 +994 55 281 01 44
📍Ünvan. Leyla Medical Center
📍 ETPİ

🇦🇿

22/07/2022

Hər vaxtınız xeyir. Bu gün son zamanlarda valideynləri narahat edən bir mövzu haqqında sizə məlumat verəcəm.🆘
Suçiçəyi nədir❓Suçiçəyi zamanı nə etmək lazımdır❓
👉Xəstəliyin əvvəlində uşağın hərarəti qalxır, onun ümumi halı, iştahası və yuxusu pozulur. Sonra səpki əmələ gəlir. Səpki ilk əvvəl xırda qırmızı ləkə şəklində olur. Bir neçə saatdan sonra ləkə qabarcığa çevrilir. Qabarcıqlar 1-2 gündən sonra açılır və onların yerində qartmaq əmələ gəlir. Suçiçəyi qabarcıqları nəinki dərinin müxtəlif yerlərində, başın tüklü hissəsində, cinsi orqanlarda, həmçinin ağız və daxili orqanların selikli qişasında da əmələ gəlir.

Xəstəlik, adətən, yüngül keçir. İmmuniteti zəif olan, həmçinin digər ağır xəstəliklər nəticəsində zəifləmiş uşaqlarda xəstəlik ağır formalarda keçə bilər.

Yoluxmuş uşaqların müalicəsi, adətən, ev şəraitində aparılır. Uşaqlara vitaminlərlə zənginləşdirilmiş pəhriz rejimi tətbiq edilir. Uşagın alt paltarlarını hər gün, yataq dəstlərini isə 1-2 gündən bir dəyişdirmək lazımdır. Onun dırnaqlarını qısa kəsmək, əllərini tez-tez yumaq məsləhət olunur. Uşağı çimizdirmək də olar, ancaq çiməndən sonra bədəni dəsmalla ehmalca qurulamaq lazımdır. Hər qida qəbulundan sonra uşaq ağız boşluğunu yaxşıca qarqara etməlidir. Onun yataq otağının havasını tez-tez dəyişmək və hər gün nəm əsgi ilə təmizləmə işləri aparmaq lazımdır.
🆘Sağalma xəstəliyin başladığı gündən etibarən 10 gündən tez olmayaraq baş verir. Sağalmadan 1,5-2 həftə ərzində uşağın immun sistemi bir qədər zəiflədiyi üçün onu bir müddət qorumaq (soyuqdəymədən və s.), uşaq bağçası və ya məktəbə getməsinə icazə verməmək lazımdır.

👩‍⚕️ Dr. Səidə Əhmədova- Pediatr
📲 +994 55 281 01 44
📍Ünvan. Leyla Medical Center
📍 ETPİ

🇦🇿

09/07/2022

Xoşbəxtlik içində, sevdiklərinizlə gözəl bayram keçirməyinizi arzu edirəm. Allah kəsdiyiniz bütün qurbanları qəbul etsin.☺️☪️ Qurban bayramınız mübarək!☪️

08/07/2022

Hər vaxtınız xeyir, dostlar.😊
Bu gün valideynləri qorxudan və həyəcanlandıran bir mövzu haqqında məlumat verəcəm.👩‍⚕️
UŞAQLARDA NƏCİSDƏ QAN GÖRÜNƏRSƏ NƏ ETMƏLİYİK❓
👉Uşaqlıqda nəcis zamanı qanaxma tez-tez olur. Nəcisdə qan olması bir çox xəstəliyin əlaməti ola bilər.
➖Anal çat
➖Bağırsaq polipləri
➖Bəzi bakterial mədə-bağırsaq infeksiyaları
➖Bağırsaqların iç-içə keçməsi hallarında.

❗Əgər uşağın nəcisində qan varsa, selik varsa, irin varsa, çirk varsa, nəcisdə yaşıllaşma, tündləşmə varsa, bu uşaqlar mütləq pediatr müayinəsinə aparılmalıdır.

👩‍⚕️ Dr. Səidə Əhmədova- Pediatr
📲 +994 55 281 01 44
📍Ünvan. Leyla Medical Center
📍 ETPİ

🇦🇿

Pediatr Səidə Əhmədova

19/08/2022

17/08/2022

15/08/2022

12/08/2022

10/08/2022

08/08/2022

03/08/2022

01/08/2022

29/07/2022

28/07/2022

26/07/2022

22/07/2022

22/07/2022

22/07/2022

09/07/2022

08/07/2022

Address

Website

Alerts

Shortcuts

Share

Category