What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 14:00

https://www.facebook.com/155796108225469/

Dr. Aynur Safiyeva

Home
Azerbaijan
Baku
Dr. Aynur Safiyeva

Dr. Aynur Səfiyeva
Tel: +994 50 721 91 21
iş: +994 12 537 01 83
İş yeri: Mərkəzi Gömrük H

Ümumi cərrah, kolorektal cərrahiyyə üzrə mütəxəssis, tibb üzrə fəlsəfə doktoru, Avropa Koloproktologiya Assosasiyasında milli təmsilçimiz...

22/07/2025

😷 Ağızdan Gələn P*s Qoxu Nədən Yarana Bilər?
Ağız qoxusu — təkcə ağız gigiyenası ilə bağlı deyil, eyni zamanda daxili orqanların vəziyyəti, həzm sistemi və ümumi sağlamlıqla sıx əlaqəlidir.

Xoşagəlməz qoxunun ümumi səbəbləri nələr ola bilər:
🔹 Natamam ağız gigiyenası – Dişlər arasında yığılan qida qalıqları, diş daşı və bakteriyalar qoxuya səbəb olur.
🔹 Diş və diş əti xəstəlikləri – Diş çürüyü, diş əti iltihabı və parodontoz kimi problemlər.
🔹 Quru ağız (kserostomiya) – Ağızda tüpürcək az olduqda bakteriyalar çoxalır.
🔹 Həzm sistemi pozğunluqları – Xüsusilə öd qatılaşması, qastrit, reflü və mədə turşuluğu hallarında ağızdan p*s qoxu yarana bilər.
🔹 Tonzillit və badamcıq daşlarının iltihabı– Boğazın arxa hissəsindəki iltihab və kütlə p*s qoxu verə bilər.
🔹 Burun-boğaz xəstəlikləri – Sinusit, xroniki burun axıntısı və ya poliplər.
🔹 Qidalanma və həyat tərzi – Sarımsaq, soğan, qəhvə, siqaret və spirtli içkilər də müvəqqəti qoxuya səbəb ola bilər.

📍 Nə etməli?
✅ Gündəlik diş və dil təmizliyinə fikir verin
✅ Diş həkiminə mütəmadi olaraq müraciət edin
✅ Bol su için və ağız quruluğundan uzaq olun
✅ Həzm sisteminizlə bağlı şikayətləriniz varsa həkim müayinəsi vacibdir
✅ Qoxu uzun müddət keçmirsə, daxili orqanlar (mədə, qaraciyər, öd) yoxlanmalıdır
🩺 Ağız qoxusu təkcə xoşagəlməz hal deyil – bəzən bu, daxili orqanlardan gələn siqnaldır. Vaxtında tədbir görmək həm sağlamlığınızı, həm də özünüzə olan güvəni qoruyar.

💻SMM :

📞+994 50 721 91 21
📍Mərkəzi Gömrük Hospitalı

15/07/2025

👉 Əgər öd kisədə daş artıq aşkarlanıbsa, onu ertələmək yox, həkimə vaxtında müraciət etmək lazımdır.
Bu, sizi daha ağır əməliyyatlardan və hətta xərçəng riskindən qoruya bilər.

💻SMM :

📞+994 50 721 91 21
📍Mərkəzi Gömrük Hospitalı

08/07/2025

Öd qatılaşması — öd kisəsində olan maye ödün (safranın) normadan artıq qatı hal almasıdır. Bu vəziyyət, öd durğunluğu (xolestaz) adlandırılır və zamanla daşların əmələ gəlməsinə, həzm problemlərinə və digər qaraciyər-öd xəstəliklərinə səbəb ola bilər.
✨ Əsas Səbəblər:
🔹 Uzun müddət ac qalmaq və ya nizamsız qidalanma
🔹 Hərəkətsiz həyat tərzi
🔹 Yağlı, qızartma və ağır yeməklər
🔹 Qaraciyər və mədə-bağırsaq xəstəlikləri
🔹 Hamiləlik və ya hormonal dəyişikliklər
📍 Əlamətləri Hansılardır?
🔸 Qarın sağ üst hissəsində və ya qabırğa altında ağırlıq, bəzən ağrı
🔸 Yeməkdən sonra şişkinlik, qaz və diskomfort
🔸 Ağızda acı və ya metal dadı
🔸 Ürəkbulanma, bəzən qusma
🔸 Qəbizlik və ya həzm pozğunluğu
🔸 Dəri və göz alında sarılıq (Ağırlaşmış hallarda)
💡 Bu əlamətlər daimi və ya təkrarlanan olarsa, gecikmədən həkimə müraciət etmək vacibdir. Sadə bir ultrasəs müayinəsi ilə öd kisəsində durğunluq və ya daşlar aşkarlanaraq vaxtında müalicə edilə bilər.
🩺 Sağlam öd sistemi — sağlam həzm deməkdir!

💻SMM :

📞+994 50 721 91 21
📍Mərkəzi Gömrük Hospitalı

01/07/2025

❗Mədə xərçəngi: Risk nə zaman artır?
Son illərin araşdırmaları göstərir ki, mədə xərçəngində genetik faktorlar əsas rol oynayır.
👉🏼 Amma bu, riskin yüzdə yüz reallaşacağı anlamına gəlmir.
👩🏻‍⚕️Bu videoda riskləri artıran digər amillərə nəzər salaq.

💻SMM :

📞+994 50 721 91 21
📍Mərkəzi Gömrük Hospitalı

24/06/2025

Lifli qidalar həzm sistemi üçün son dərəcə vacibdir və sağlam həzm fəaliyyətinin qorunmasında əsas rol oynayır. Onlar əsasən bitki mənşəli qidalarda olur: meyvə, tərəvəz, paxlalılar, tam taxıllar, çiy toxumlar və s. ✅

➡️ Bağırsaq hərəkətlərini tənzimləyir (qəbizliyin qarşısını alır)
Liflər bağırsaqda suyu çəkərək nəcisə həcm və yumşaqlıq verir. Bu da bağırsaq hərəkətlərini (peristaltikanı) gücləndirir və qəbizliyin qarşısını alır.

➡ Bağırsaq mikroflorasını dəstəkləyir
Xüsusilə həll olunan liflər faydalı bağırsaq bakteriyaları üçün "qidalanma mənbəyi" rolunu oynayır. Bu, bağırsaq mikrobiotasının balansını qoruyur və immunitet sistemini gücləndirir.

➡ Zərərli maddələrin atılmasını sürətləndirir
Liflər həzm sistemində qalıq maddələri və bəzi toksinləri özünə bağlayaraq onların bağırsaqda çox qalmadan atılmasını təmin edir. Bu, kolon (yoğun bağırsaq) sağlamlığı üçün faydalıdır.

➡ Həzm prosesini yavaşladaraq qan şəkərini sabit saxlayır
Lifli qidalar qida maddələrinin sorulmasını bir qədər yavaşladır, bu da qan şəkərində ani artımın qarşısını alır.

➡ Çəki atmağa kömək edir
Aşağı kalorili, lakin doyurucu olduqları üçün iştahı azaldır və çəkiyə nəzarətdə faydalıdır.

💻SMM :

📞+994 50 721 91 21
📍Mərkəzi Gömrük Hospitalı

17/06/2025

Yay gələndə sərinlənmək istəyi təbiidir, amma sağlamlığınızı da unutmayın! 🌞🍹
Süni qatqılardan uzaq durun, təzə və təbii məhsullara üstünlük verin.
Özünüzü və sevdiklərinizi zərərli vərdişlərdən qoruyun, yayı enerjili, rahat və sağlam keçirin! 🌿✨

💻SMM :

📞+994 50 721 91 21
📍Mərkəzi Gömrük Hospitalı

09/06/2025

Göbək ətrafında ağrıların qastrointestinal səbəbləri çoxdur və bunlar həzm sistemi ilə əlaqədar müxtəlif orqanların pozğunluqları ilə bağlı ola bilər ⤵️

📌Appendisit
Başlanğıcda göbək ətrafında küt və ya sızıltılı ağrı olur.
Sonra ağrı sağ aşağı qarın nahiyəsinə keçər.
Qusma, ürəkbulanma, iştahsızlıq və hərarətlə müşayiət oluna bilər.
Ciddi və təxirəsalınmaz tibbi müdaxilə tələb edir.

📌 Qida zəhərlənməsi və ya virus mənşəli qastroenterit
Göbək ətrafında sancılı və ya sarsaq ağrı ilə başlayır.
İshal, ürəkbulanma, qusma və hərarət ola bilər.
Səbəb əksər hallarda viruslar və ya bakteriyalardır.

📌 Qaz və köp
Həddindən artıq qaz yığılması göbək ətrafında ağrıya səbəb ola bilər.
Əsasən yüngül və keçici olur, lakin narahatedici ola bilər.
Qida vərdişləri (çox sürətli yemək, qazlı içkilər) rol oynayır.

📌 Qəbizlik
Bağırsaqda nəcis toplanması səbəbindən göbək ətrafında və aşağı qarında sancıvari ağrılar olur.
Ağrı arada bir gəlir, sonra keçə bilər.
Gərginlik, şişkinlik və dolğunluq hissi də müşahidə oluna bilər.

Əgər ağrınız bu bölgədədirsə və uzun müddətdir keçmirsə, həkimə müraciət etmək məqsədəuyğundur ✅

💻SMM :

📞+994 50 721 91 21
📍Mərkəzi Gömrük Hospitalı

06/06/2025

🌙 Qurban Bayramınız mübarək olsun!
Bu bayramın hər evə sağlamlıq, bərəkət və səadət gətirməsini diləyirəm.
Qoy bu mübarək günlər ürəklərə hüzur, süfrələrə bolluq, ailələrə mehribanlıq bəxş etsin.
Bayramınız mübarək, canınız sağlam olsun!

03/06/2025

Əməliyyatdan sonra qanama normal sayıla bilər, lakin bəzi hallarda ciddi fəsadların göstəricisi ola bilər. Əgər qanamanın miqdarı çoxdursa və ya narahatedici simptomlar varsa, dərhal həkimə müraciət edin. Ətraflı məlumat üçün videonu izləyin!

💻SMM :

📞+994 50 721 91 21
📍Mərkəzi Gömrük Hospitalı

29/05/2025

Bağırsaq sağlamlığınızın təməli düzgün qidalanmadan keçir. 🥦
Bağırsaq mikroflorasının balansını qorumaq üçün bədənimizin faydalı bakteriyalarla zəngin, təbii və lifli qidalara ehtiyacı var. Ancaq bəzi məhsullar bağırsaq florasını zədələyir, orqanizmdə iltihabı artırır və həzmi çətinləşdirir.
✅ Bağırsağın “dostları” — faydalı qidalar:
Kəsmik, qatıq, kefir – probiotiklərlə zəngindir, faydalı bakteriyaları artırır.
Kələm, brokkoli, ispanaq, çuğundur – liflərlə zəngindir, bağırsağın təmizlənməsinə kömək edir.
Yulaf, qarabaşaq, qəhvəyi düyü – gec həzm olunur, qan şəkərini sabit saxlayır.
Ərik, gavalı, alma, armud – təbii lif və antioksidant mənbəyidir.
Sarımsaq və soğan – prebiyotik təsiri var, faydalı bakteriyaların qidalanmasına şərait yaradır.
Zeytun yağı və avokado – iltihabəleyhinə təsiri olan sağlam yağlardır.
Su – kifayət qədər su içmək bağırsaq hərəkətini normallaşdırır.
❌ Bağırsağın “düşmənləri” — zərərli qidalar:
Şəkər və şirin qidalar – zərərli bakteriyaların çoxalmasına səbəb olur.
Ağ çörək, ağ düyü, makaron – lifsizdir və qəbizliyə yol açır.
Qızardılmış və yağlı yeməklər – həzmi çətinləşdirir və bağırsağa zərər verir
Sosis, kolbasa – iltihab və xərçəng riski artır.
Qazlı içkilər, enerji içkiləri – turşuluq yaradır və mikrofloraya zərər verir.
Alkoqol və siqaret – faydalı bakteriyaları məhv edir, iltihabı artırır.
👉🏼 Sağlam bağırsaq — sağlam bədənin təməlidir. Hər gün nə ilə və necə qidalandığınıza fikir verin.

💻SMM :

📞+994 50 721 91 21
📍Mərkəzi Gömrük Hospitalı

06/05/2025

Yeni bir mərhələ, yeni bir nailiyyət! 🎓
Sevinc və qürur hissi ilə sizinlə paylaşmaq istəyirəm ki, İtaliyanın və Avropanın aparıcı universitetlərindən biri olan Cattolica del Sacro Cuore Universitetində “Proktologiya və çanaq dibi cərrahiyyəsi” üzrə master dərəcəsi əldə etmişəm.
👩🏻‍⚕️Bu ixtisas mənim üçün sadəcə bir akademik dərəcə deyil — bu, illərdir üzərində çalışdığım sahənin daha da dərindən öyrənilməsi, xəstələrimə daha geniş və dərin biliklə yanaşmaq imkanının qazanılması deməkdir.
Təhsil və təcrübə daim bir-birini tamamlamalıdır. 20 ildən artıqdır ki, cərrah kimi fəaliyyət göstərirəm və bu yol məni daim öyrənməyə, inkişaf etməyə ruhlandırıb.
Bu nailiyyətimi məni hər zaman dəstəkləyən ailəmə, komanda yoldaşlarıma və təhsil müddətində yanımda olan hər kəsə həsr edirəm.

💻SMM :

📞+994 50 721 91 21
📍Mərkəzi Gömrük Hospitalı

21/04/2025

Hemoroid əməliyyatından sonra sağalma prosesinin uğuru düzgün və diqqətlə aparılan əməliyyat sonrası qayğıdan asılıdır.

Bu dövrdə ağrıları azaltmaq və sağalma prosesini rahat keçirmək üçün nələr edilməlidir❓Əməliyyatdan sonra sizi hansı simptomlar gözləyə bilər❓

Bu və digər vacib məqamları öyrənmək üçün videonu izləyin ✔

💻SMM :

📞+994 50 721 91 21
📍Mərkəzi Gömrük Hospitalı

Address

Mərkəzi Gömrük Hospitalı K. Kazımzadə Küç. 118
Baku

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 14:00

Website

facebook.com

Alerts

Be the first to know and let us send you an email when Dr. Aynur Safiyeva posts news and promotions. Your email address will not be used for any other purpose, and you can unsubscribe at any time.