Dr. Benjamin Karimov

06/01/2026

Hörmətli Rayət bəy, sizin arqumentinizdə ciddi məntiq xətası var.
Əvvəla İcra başçısı tədbir və konsert təşkilatçısı deyil, rayonun təsərrüfat rəhbəridir.Kursantlara konsert təşkil etmək üçün icra başçısının şəxsən müğənni qarşısında əyilməsinə ehtiyac yoxdur; bunu bir telefon zəngi və ya mədəniyyət şöbəsi vasitəsilə də həll etmək olardı. Bu, idarəçilik səriştəsizliyidir. Röyanın yarım saatının 10.000 və ya 100.000 manat olması şou-biznesin meyarıdır, dövlət idarəçiliyinin yox. Dövlət məmuru kommersiya dəyəri yüksək olan müğənni qarşısında yox, yalnız bayraq qarşısında əyilir. Müğənninin 'bahalı' olması, məmurun onun qarşısında 'təmtəraqlı' və ya aşırı səmimi davranmasına bəraət qazandıra bilməz.
Xətai rayonunun həllini gözləyən minlərlə real problemi var – infrastruktur, köhnə binalar, həyətlərin abadlığı, tıxac və s. Bir icra başçısının ən qiymətli resursu zamandır. Əgər rayon rəhbəri iş vaxtını və enerjisini müğənniləri 'təmtəraqlı' qarşılamağa, şou-biznes nümayəndələrinə ev sahibliyi etməyə sərf edirsə, deməli, o, vətəndaşın problemindən oğurladığı zamanı əyləncəyə xərcləyir. Qazi və şəhid ailələrinin problemini həll etmək onun birbaşa işidir, lütf deyil. Bir əli ilə qazinin problemini həll edib, digər əli ilə şou-biznes ulduzuna təzim etmək dövlət məmurunun ciddiyyətini sual altına qoyur. Biz istəyirik ki, məmurumuz müğənni yanında yox, görülən işin başında 'bahalı' görünsün.

04/01/2026

Maqnezium bədənimizdə 300-dən çox fermentativ reaksiyada iştirak edir, lakin onun faydası birləşdiyi molekuldan asılı olaraq dəyişir. Hər bir formanın orqanizmdə fərqli "hədəf nöqtəsi" var.

1. Maqnezium Qlisinat : Sakitləşdirici təsirə malikdir. Stress, təşviş , yuxusuzluq və əzələ gərginliyi üçün idealdır.
* Kimlər üçün: Yuxu problemi olanlar və əsəbləri gərgin olanlar.

2. Maqnezium Sitrat: Həzm sistemini sürətləndirir.
* Kimlər üçün: Qəbizlikdən (qarın bərkiməsi) əziyyət çəkənlər.

3. Maqnezium Malat : Enerji istehsalı.
* Kimlər üçün: Xroniki yorğunluq, fibromialgiya və əzələ ağrıları olanlar.

4. Maqnezium L-Treonat : Yaddaşı gücləndirir, diqqət dağınıqlığını azaldır, Alzheimer kimi neyrodegenerativ xəstəliklərdən qorunmağa kömək edir.
* Kimlər üçün: Zehni işlə məşğul olanlar, yaddaş zəifliyi olanlar və yaşlılar.

5. Maqnezium Taurat: Ürək əzələsini sakitləşdirir, qan təzyiqini tənzimləməyə kömək edir və ürək aritmiyalarına qarşı faydalıdır.
* Kimlər üçün: Yüksək təzyiqi və ya ürək ritm pozğunluğu olanlar.

6. Maqnezium Oksid : Mədə qıcqırması (antacid kimi) və güclü qəbizlik zamanı.
* Kimlər üçün: Yalnız güclü qəbizliyi olanlar və ya mədə yanması zamanı müvəqqəti həll axtaranlar.

7. Maqnezium Xlorid və Sulfat : Daxilə qəbul edilmir. Vannalar üçün istifadə olunur. İsti suda həll edib içində uzandıqda əzələləri boşaldır və bədəndən toksinləri çıxarır.

8. Maqnezium Orotat : Hüceyrə səviyyəsində enerji və Ürək sağlamlığı.
* Kimlər üçün idealdır:
* İdmançılar: Dözümlülüyü artırmaq və məşqdən sonra tez bərpa olunmaq üçün.
* Ürək çatışmazlığı olanlar: Ürəyin nasos funksiyasını dəstəkləmək üçün (həkim məsləhəti ilə).

9. Maqnezium Aspartat : Hüceyrə enerjisini artırmaq və yorğunluğu tez aradan qaldırmaq.
* Kimlər üçün idealdır:
* Xroniki yorğunluqdan əziyyət çəkənlər ("Yorğunluq sindromu").
* Testosteron səviyyəsini və əzələ gücünü artırmaq istəyən idmançılar.

10. Maqnezium Fosfat : Sümük və diş sağlamlığı.

* Kimlər üçün idealdır:
* Sümük əriməsi (osteoporoz) riski olanlar.
* Sümük sınıqlarından sonra bərpa dövrü keçənlər.
* Əzələ krampları (qıcolmalar) olanlar üçün də faydalıdır.

04/01/2026

01/01/2026

"AZƏRBAYCAN 8-ZONA MERİTOKRATİYASI" (A8M)
Dövlət modeli: Kibernetik Nookratiya və Korporativ Dövlətçilik

Ölkə 80+ kiçik rayona yox, iqtisadi potensialına görə bölünmüş 8 Müstəqil Provinsiyaya ayrılır. Hər provinsiya dövlət içində şirkətdir. Öz büdcəsi var və gəlirindən 30% Dövlət büdcəsinə köçürür. İcra Hakimiyyəti, Bələdiyyə, JEK, Nazirliklərin yerli şöbələri ləğv edilir. Hər provinsiyada vahid "Operativ İdarəetmə Mərkəzi" (OİM) yaradılır və 7 nəfərdən ibarət Regional Idarəetmə Şurası təşkil olunur.
* Seçki: Idarəçilər "Zəka Süzgəci" alqoritmi ilə seçilir: 1. Anonim imtahan 2. Psixo-Filter: "Dark Triad" testi ilə narsistlər, psixopatlar və intriqaçılar avtomatik ələnir. 3. Simulyasiya: Namizədlər VR mühitində böhran idarəçiliyi imtahanı verir. 4. Venesiya Püşkü: Sona qalan 100 dahi arasından 7 nəfər kompüter tərəfindən təsadüfi püşkatma ilə seçilir (Lobbiçilik və rüşvət imkanı 0%).
* İdarəetmə tərzi: Qərarlar səs çoxluğu ilə qəbul edilir. Şura üzvləri rotasiya ilə (hər ay biri) iclasa sədrlik edir.
* Maliyyə Sistemi: Valyuta kimi yalnız təyinatı kodlaşdırılmış Rəqəmsal Tokenlər (CBDC) işləyir. Məs: yol təmiri üçün ayrılan token yalnız asfalt zavodunun hesabına otura bilər. O tokenlə restoran hesabı ödəmək və ya nağdlaşdırmaq texniki cəhətdən mümkün deyil.
* Gəlir Bölgüsü:
30% – Mərkəzi Dövlətə
40% – İnfrastrukturun yenilənməsi.
30% – Vətəndaş Dividenti (Provinsiya mənfəətlə işləyərsə, ilin sonunda hər bir sakinin kartına bonus köçürülür).
* Nəzarət Mexanizmi:
Ali Prokurorluq" Nəzarəti (Hüquqi Nəzarət) : Bakıda yerləşən, birbaşa Prezidentə tabe olan Ali İntizam Komitəsi fəaliyyət göstərir. Onlar provinsiyanın gündəlik işinə (yolu hardan çəkdin, parkı necə tikdin) qarışmır. Onlar yalnız AI və Blokçeyn hesabatlarına baxır.
* Səlahiyyət: Əgər Blokçeyn reyestrində "Smart Kontrakt"dan kənar şübhəli bir əməliyyat, vəzifə səlahiyyətini aşma və ya dövlətçiliyə qarşı təxribat qeydə alınarsa:
* Mərkəz Şuranı dərhal ləğv edir.
* Şura üzvləri xüsusi təyyarə ilə paytaxta gətirilib Ali Məhkəmə qarşısına çıxarılır.
Əgər bir provinsiya ardıcıl 2 rüb (6 ay) ərzində: Dövlətə ödəməli olduğu 30%-lik payı ödəyə bilmirsə (defolt) və ya provinsiyanın ÜDM proqnozlaşdırılan hədəfdən 20% aşağı düşürsə sistem avtomatik olaraq Şuranın fəaliyyətini dondurur. Mərkəz dərhal "Böhran Menecerləri" göndərir.
* "Rəqəmsal Etimadsızlıq Votosu" (Sosial Nəzarət) Bu, yerli əhalinin səsidir, amma küçədə qışqırmaqla yox, rəsmi tətbiq üzərindən. "Vahid Provinsiya Tətbiqi"ndə vətəndaşlar üçün "Etimad İndeksi" düyməsi var. Əgər regiondakı seçicilərin 51%-dən çoxu Şuraya "Mənfi" rəy verərsə Mərkəzi Hökumətə "Siqnal" gedir. Mərkəz dərhal Xüsusi Təftiş Komissiyası göndərir: "Xalq niyə narazıdır? Səbəb realdır, yoxsa manipulyasiya?" Əgər narazılıq əsaslıdırsa, Mərkəz Şuranı buraxır.
Tender qalibini Şura seçmir. Şura yalnız ehtiyacı daxil edir qalibi qiymət və keyfiyyətə görə Alqoritm (Smart Contract) avtomatik təyin edir. Alınan hər bir qələmin qiyməti, tenderin nəticəsi, pulun hərəkəti dəyişdirilməz blokçeyn reyestrində hamıya açıqdır. 7/24 işləyən Süni İntellekt bazar qiymətlərini izləyir. Şura 10 manatlıq malı 15 manata rəsmiləşdirmək istəsə, AI əməliyyatı dondurur və həyəcan siqnalı verir. Əgər bir üzv digərlərinin korrupsiya cəhdini ifşa etsə, müsadirə olunan pulun 50%-ni alır. Bu, üzvlər arasında "qarşılıqlı nəzarət" mühiti yaradır.
* Böhran və Qanunsuzluqda: Mərkəz mütləq hakimdir. Şura istefaya göndərildiyi an, yeni seçkilər keçirilənə qədər (maksimum 1 ay) provinsiyanın idarəçiliyi avtomatik olaraq Mərkəzi Hökumətin Təyin Etdiyi Müvəqqəti Valiye (General-Qubernatora) keçir. Bu, hakimiyyət boşluğu yaranmaması üçün sığortadır.

* Vətəndaşla Münasibət: Telefonda "Vahid Provinsiya Tətbiqi" vasitəsi ilə vətəndaş hər bir problemini hökumətə çatdıra bilir
(məs: "həyətdə işıq yanmır") şəklini çəkib göndərir -> AI problemi qeydə alır -> Podratçı şirkətə iş əmri gedir -> İş bitəndə vətəndaş "təsdiq" edir -> Pul podratçıya köçür.

Bu model Azərbaycanı ənənəvi məmur dövlətindən "Rəqəmsal Super-Dövlətə" çevirən layihədir.

01/01/2026

Bu yaxınlarda rayon icra hakiminin müğənnini dövlət obyektində rəsmi və təntənəli şəkildə qarşılayıb görülən işlər barədə məruzə etməsi mövcud idarəçilik sistemindəki 3 fundamental boşluğu ortaya qoyur:
1. Dövlət Protokolunun İtirilməsi: Dövlət idarəçiliyində "məruzə etmək", "hesabat vermək" ciddi hərbi və inzibati termindir. Kimə məruzə edilir? Rəisə, komandirə, yoxlamağa gələn səlahiyyətli dövlət rəsmisinə. Müğənni sənətçidir, hörmətli vətəndaşdır, amma dövlət iyerarxiyasında heç bir inzibati səlahiyyəti yoxdur. Hərbi və ya mülki məmurun ona "məruzə etməsi" dövlət ciddiyyətinin itməsidir.
2. İş Vaxtının israfı : Rayonun minlərlə problemi qaldığı halda, İcra Başçısının iş saatını şou-biznes nümayəndəsinə ayırması səmərəlilik göstəricisi baxımından fəlakətdir. Şou əhli ilə görüşlər keçirmək əvəzinə rayonunda illərdir həllini tapmayan problemləri: NZS-dəki kanalizasiya gölməçələrini qurutmaq daha vacib dövlət işidir. Bəzi ərazilərdə hələ də sovet dövründən qalma, çürümüş infrastruktur mövcuddur. Yağış yağanda küçələri su basır, yayda isə su qıtlığı yaşanır. Xaoslu tikinti və onların yaratdığı tıxac nəticəsində p*k saatlarda Xətai rayonundan çıxmaq və ya girmək böyük problemdir. Yeni tikililərin əksəriyyətinin həyəti yoxdur, maşınlar səkiləri zəbt edir. Bu ərazilərdə infrastruktur (yol, kanalizasiya, parkinq) bina sayına tab gətirmir. Məhəllədaxili yollar bərbad vəziyyətdədir. Elə regionlar var binalar bir-birinə o qədər yaxın tikilib ki, yanğınsöndürən maşının keçməsi mümkünsüzdür.
3. "Şoulaşan" İdarəçilik
Məmurlar real işlə (asfalt, su, işıq) gündəmə gələ bilməyəndə, populyar simalarla (müğənnilərlə) görüşərək "gündəmdə qalmağa" çalışırlar. Bu, idarəçiliyin PR (Reklam) kampaniyasına çevrilməsidir.

01/01/2026

Beyin və Göz immun hüceyrələr üçün yaddır.

28/12/2025

Bir çox eynək atma cərrahiyəsi metodunda bərpa 2-7 gün çəkdiyi halda, Femto-Lazer texnologiyası ilə tam bərpa cəmi 6 saat çəkir. Eyni gündə aydın görmə və normal həyata qayıdış!

While most refractive surgery methods take 2-7 days to recover, with Femto-Laser technology, full recovery takes just 6 hours. Clear vision and a return to normal life on the same day!

​

24/12/2025

Soyuqda Titrəyən Ümidlər
Dünyanı hələ tanımayan o balaca canlar üçün küçələr həm soyuqdur, həm də naməlum təhlükələrlə doludur. Onların yeganə sığınacağı anaları, analarının yeganə ümidi isə Sizin mərhəmətinizdir.Bu soyuq qış günlərində mərhəmətimizlə o balaca canları isidək. Bir qab yemək qoymaq cəmi bir dəqiqəmizi alar, amma bir canı həyatda saxlayar.

21/12/2025

Optik Koherens Tomoqrafiya (OCT)
Müasir oftalmologiyada torlu qişa xəstəliklərinin diaqnostikası, monitorinqi və müalicəyə cavabın qiymətləndirilməsində "qızıl standart" hesab olunur.
OCT olmasa, bir çox torlu qişa xəstəliyini erkən mərhələdə aşkar etmək və effektiv müalicə planı qurmaq qeyri-mümkün olardı. Xüsusilə görmə itkisinin qarşısını almaq üçün bu cihaz oftalmoloqun "sağ əli" rolunu oynayır.

16/12/2025

Hanukka işığın qaranlığa, azadlığın əsarətə və ruhun maddi gücə qalib gəlməsini simvolizə edir. Hanukka bayramınız mübarək.

14/12/2025

Kontakt linzalar görməni korreksiya etmək vasitəsi olsa da, göz sağlamlığı üçün ciddi fəsadlar yarada bilər. Bu fəsadlar yüngül qıcıqlanmadan görmə qabiliyyətinin itirilməsinə qədər dəyişə bilər.
Kontakt linzaların yaratdığı fəsadlar:
* Mikrob Keratiti (Buynuz qişanın iltihabı): Ən çox rast gəlinən ciddi infeksiyadır. Bakteriyalar linza üzərində çoxalaraq buynuz qişaya keçir. Simptomları: güclü ağrı, qızartı, bulanıq görmə və işığa həssaslıq.
* Akantameba Keratiti: Nadir, lakin çox təhlükəli parazitar infeksiyadır. Adətən linzaların kran suyu ilə təması, hovuzda və ya duşda linza ilə çimmək nəticəsində yaranır. Müalicəsi çətindir və görmə itkisinə səbəb olur.
* Göbələk Keratiti: Daha çox linza qabının təmiz saxlanılmaması nəticəsində yaranır.
* Buynuz Qişanın Neovaskulyarizasiyası:Buynuz qişa oksigeni birbaşa havadan alır. Linzalar oksigen axınını məhdudlaşdırır. Göz oksigen aclığı çəkdikdə, orqanizm buynuz qişaya qan damarları uzatmağa başlayır. Bu damarlar görmə sahəsini örtür və görmə keyfiyyəti pozulur.
* Nəhəng Papilyar Konjunktivit: Səbəbi linza materialına qarşı allergiya.
* Məhlul Həssaslığı: Linza təmizləyici məhlulların tərkibindəki konservantlara qarşı allergiya yarana bilər.
* Buynuz Qişanın Eroziyası (Cızılması):Bu, infeksiya üçün "açıq qapı" rolunu oynayır.
* Quru Göz Sindromu
Fəsadların yaranma riskini artıran əsas səbəblər bunlardır:
* Linza ilə yatmaq: Bu, infeksiya riskini 6-8 dəfə artırır.
* Gigiyena pozuntusu: Əlləri yumadan linzaya toxunmaq.
* Vaxtı keçmiş linza və solüsyon: Linza qabındakı suyu hər gün dəyişməmək sadəcə üzərinə əlavə etmək çox təhlükəlidir.
* Su ilə təmas: Linzanı su ilə yumaq qəti qadağandır.