Dr.Turan Quliyeva

23/05/2024

📌İlkin səhiyyə xidməti ilkin tibbi-sanitariya yardımının əsasını təşkil edir və xəstəliklərin qarşısının alınması, ilkin diaqnostikası, müalicəsi, tibbi reabilitasiya, hamiləliyin müşahidəsi, sağlam həyat tərzinin formalaşdırılması və əhalinin səhiyyə maarifləndirilməsi üzrə fəaliyyətləri əhatə edir.

📌İlkin Səhiyyə Xidmətinin yəni poliklinik ambulator xidmətin əsas aparıcı qüvvəsi AİLƏ HƏKİMİDİR.

📌Ailə Həkimi-ixtisasca həkim-terapevt və ya həkim-pediatrdır.Təcili və təxirə salınmaz tibbi yardım istisna olmaqla,səhhətimizdə yaranan narahatlıqla bağlı Ailə Həkiminə müraciət edə bilərsiz.

16/05/2024

27/12/2023

"Əməkdar həkim" rubrikasında təqdim etdiyimiz növbəti həkim Bakı Baş Səhiyyə Mərkəzinin strukturuna daxil olan 35 nömrəli Şəhər Poliklinikasının baş həkimi Kamal Əliyevdir.

Əliyev Kamal Namik oğlu 19 fevral 1971-ci ildə Bakı şəhərində anadan olub.

1989-1994-cü illərdə Azərbaycan Tibb Universitetində, 2002-2005-ci illərdə isə Azərbaycan Respublikası Prezidenti yanında Dövlət İdarəçilik Akademiyasında təhsil alıb.

23.06.2005-ci il tarixdə Azərbaycan Respublikası Prezidenti yanında Ali Attestasiya Komissiyasının qərarı ilə “tibb elmləri namizədi” alimlik dərəcəsi alıb.

1988-1996-cı illərdə müxtəlif tibb müəssisələrində kiçik və orta tibb ixtisası vəzifələrində çalışıb.

1996-1997-ci illərdə Səhiyyə Nazirliyinin Respublika Təsərrüfat hesablı Poliklinikasının baş həkiminin müavini, 1997-2003-ci illərdə Sabunçu rayonu 11 nömrəli Şəhər Poliklinikasının baş həkimi, 2003-2007-ci illərdə Yasamal rayonu 3 nömrəli Şəhər Poliklinikasının baş həkimi vəzifəsində çalışıb.

2007-2009-cu illərdə Azərbaycan Respublikası Fövqəladə Hallar Nazirliyinin Mülki Müdafiə Qoşunlarının Tibb Xidmətinin rəisi-baş həkimi, 2009-2012-ci illərdə Azərbaycan Respublikası Fövqəladə Hallar Nazirliyinin Tibb Xidmətinin Mərkəzi Diaqnostik Poliklinikasının rəisi, 2012-2019-cu illərdə Azərbaycan Respublikası Fövqəladə Hallar Nazirliyinin Tibb Xidmətinin tibb işləri üzrə rəis müavini, 2019-2022-ci illərdə Azərbaycan Respublikası Fövqəladə Hallar Nazirliyinin Tibb Xidmətinin Tibb Mərkəzinin rəisi vəzifələrində xidmət edib.

17.10.2022-ci il tarixdən hal-hazıradək Bakı Baş Səhiyyə Mərkəzinin 35 nömrəli Şəhər Poliklinikasının baş həkimi vəzifəsində çalışır.

Azərbaycan Respublikası Prezidentinin 30.12.2020-ci il tarixli 2389 nömrəli Sərəncamı ilə “Əməkdar həkim” fəxri adı ilə təltif olunub.

09/05/2023

09/05/2023