Salyan Rayon Mərkəzi Xəstəxanası

05/01/2026

02/01/2026

Sağlamlığınızı və başqalarının həyatını riskə atmayın!

Spirtli içkinin təsiri altında sükan arxasında əyləşməyin!

01/01/2026

Yeni ilimizdə hər kəsə sağlamlıq, sevinc, uğur və xoşbəxtlik dolu günlər arzu edirik!

2026-cı il sağlam gəlsin!

Bayramınız mübarək! 🎄

31/12/2025

Prezident İlham Əliyevin Dünya Azərbaycanlılarının Həmrəyliyi Günü və Yeni il münasibətilə müraciəti

https://president.az/az/articles/view/71201

https://youtu.be/9vTK2g6p3r4

31/12/2025

Dünya Azərbaycanlılarının Həmrəyliyi Günü münasibətilə bütün soydaşlarımızı səmimi-qəlbdən təbrik edirik.

Birliyimiz, milli dəyərlərimiz və ortaq kimliyimiz daim möhkəm olsun!

Günümüz mübarək!

30/12/2025

30/12/2025

Bayram günlərində təcili və təxirəsalınmaz tibbi yardım xidməti gücləndirilmiş iş rejimində fəaliyyət göstərəcək

Bayram günlərində əhalinin sağlamlığının qorunması məqsədilə TƏBİB rəhbərliyi tərəfindən tibb müəssisələrinə müvafiq tapşırıqlar verilib. Vətəndaşların təcili tibbi yardıma fasiləsiz çıxışını təmin etmək üçün müvafiq təşkilati tədbirlər görülüb.

Bundan əlavə, tibb müəssisələrində təcili təxirəsalınmaz tibbi yardım, reanimasiya və intensiv terapiya, təxirəsalınmaz cərrahi yardım, travmatoloji yardım, kardioloji və nevroloji təcili yardım, toksikoloji yardım, təcili pediatrik yardım, təcili mamalıq-ginekoloji yardım, habelə laboratoriya və radioloji təxirəsalınmaz diaqnostika xidmətlərinin gücləndirilmiş iş rejimində fəaliyyəti təmin ediləcəkdir.

Eyni zamanda Respublika Təcili və Təxirəsalınmaz Tibbi Yardım Mərkəzi də gücləndirilmiş iş rejimində fəaliyyət göstərəcək.

Qeyri-iş günlərində xidmətin operativliyinin və keyfiyyətinin təmin edilməsi məqsədilə məsul vəzifəli şəxslərdən ibarət növbətçilik sistemi təşkil olunub, həkim briqadalarının sayı mövcud ehtiyaclara uyğun olaraq formalaşdırılıb. Təcili tibbi yardım briqadaları tibbi avadanlıqlar, dərman preparatları və digər zəruri tibbi vasitələrlə tam təmin edilib.

Hazırda Bakı şəhəri üzrə təxminən 140 təcili tibbi yardım briqadası, ölkənin 61 regionu üzrə isə 270-ə yaxın briqada xidmətə hazır vəziyyətə gətirilib.

Bayram günlərində həm ölkə daxilindən, həm də xarici ölkələrdən, xüsusilə Bakı şəhərinə gələn şəxslərin sayında artım müşahidə olunduğundan, maddi-texniki təminat və kadr resursları bu artıma uyğun şəkildə planlaşdırılıb.

Təcili və təxirəsalınmaz tibbi yardım xidmətinin fasiləsiz, operativ və səmərəli fəaliyyəti nəzarətdə saxlanılacaq, fövqəladə hallara çevik reaksiya verilməsi təmin ediləcəkdir.

29/12/2025

Salyan Rayon Mərkəzi Xəstəxananın həkim briqadası Parça Xalac kəndində tibbi müayinələr keçirib

Salyan Rayon Mərkəzi Xəstəxanasının səyyar həkim briqadası Parça Xalac, Seydan və Piratman Gəncəli kəndlərindən olan sakinlər üçün tibbi müayinə təşkil edib. Müayinələr Parça Xalac kənd həkim məntəqəsində aparılıb və qonşu kəndlərin sakinləri də buraya cəlb olunublar.

Səyyar həkim briqadasının tərkibində pediatr, terapevt, oftalmoloq, ginekoloq və USM həkimi fəaliyyət göstərib. Müayinələrin keçirilməsində əsas məqsəd xəstəliklərin vaxtında aşkarlanması və profilaktik tədbirlərin görülməsi olub. Eyni zamanda mövsümi xəstəliklərlə bağlı əhaliyə tövsiyələr verilib

Müayinədən keçən sakinlər bu təşəbbüsə görə xəstəxana rəhbərliyinə və həkim heyətinə minnətdarlıqlarını bildiriblər. Onlar müayinələrin vaxt və məkan baxımından kənd sakinləri üçün əlverişli şəkildə təşkil olunmasını yüksək qiymətləndiriblər.

Ümumilikdə 93 kənd sakini tibbi müayinədən keçib. Aşkarlanan patologiyalarla bağlı xəstələr müvafiq ixtisaslı həkimlərə yönləndiriliblər.