Salyan Rayon Mərkəzi Xəstəxanası

08/11/2025

08/11/2025

08/11/2025

TƏBİB, Zəfər Günü, 8 Noyabr, Qarabağ Azərbaycandır,

08/11/2025

8 Noyabr Şuşa Şəhəri Günüdür 🇦🇿

!

08/11/2025

Qələbənin, tarixi ədalətin, şücaətin beşinci ildönümü mübarək, Azərbaycan!

44 günlük Vətən müharibəsində qazanılan tarixi Zəfərin beşinci ildönümü münasibətilə hər kəsi təbrik edirik!

Şanlı qələbəni bizə yaşadan və Ali Baş Komandanın rəhbərliyi ilə uzun illərin hicranını vüsala qovuşduran müzəffər ordumuza minnətdarıq!

🇦🇿

08/11/2025

✔ Əziz həmvətənlər!
Vətən müharibəsində əldə edilən şanlı Zəfərin beşinci ildönümü münasibətilə hər birinizi səmimi-qəlbdən təbrik edirəm!
Bugünkü bayramı qəhrəman xalq kimi başımız uca qeyd etdiyimizə görə bizim Prezidentimizə, cəsarətli əsgər və zabitlərimizə təşəkkür edirəm!
Allah Vətən uğrunda həlak olmuş bütün şəhidlərimizə rəhmət eləsin! Uca Tanrı xalqımızı və Vətənimizi qorusun! 🇦🇿🇦🇿🇦🇿

Dərin hörmət və sevgilərlə,
Sizin MEHRİBAN
✔ Dear compatriots!
I wholeheartedly congratulate each of you on the occasion of the fifth anniversary of the glorious Victory gained at the Patriotic War!
I thank our President, and our courageous soldiers and officers that belated us by today’s celebration as a proud heroic nation!
May Allah rest in peace the souls of all our martyrs that gave their lives for the sake of our Homeland! May Almighty Lord protect our people and our Homeland! 🇦🇿🇦🇿🇦🇿

With deep respect and love,
Yours MEHRIBAN
✔ Дорогие соотечественники!
Искренне поздравляю вас с пятой годовщиной славной Победы, завоеванной в Отечественной войне!
Выражаю благодарность нашему Президенту, нашим отважным солдатам и офицерам, благодаря которым сегодняшний день мы отмечаем как героический народ!
Да упокоит Аллах души всех наших шехидов, погибших во имя Родины!
Пусть Всевышний хранит наш народ и нашу Родину! 🇦🇿🇦🇿🇦🇿

С глубоким уважением и любовью,
Ваша MEHRİBAN

08/11/2025

07/11/2025

8 Noyabr - Zəfər Günü

07/11/2025

Salyan Rayon Mərkəzi Xəstəxanasında görülən işlər və qarşıda duran vəzifələr müzakirə edilib

Salyan Rayon Mərkəzi Xəstəxanasında rayonun tibb müəssisələrində görülən işlərin vəziyyəti, qarşıda duran vəzifələr, eləcə də kənd həkim və tibb məntəqələrinin fəaliyyəti ilə bağlı geniş iclas keçirilib.

İclası giriş sözü ilə xəstəxananın direktoru Şirin Səmədova açaraq, 2025-ci il noyabrın 5-də TƏBİB-in İcraçı direktoru Vüqar Qurbanovun sədrliyi ilə tabeli tibb müəssisələrinin fəaliyyəti üzrə keçirilmiş geniştərkibli müşavirədə irəli sürülən tapşırıqlar və prioritet istiqamətlər barədə məlumat verib.

Xəstəxananın baş həkimi Emin Abasov ilkin səhiyyə xidməti, sahə həkimlərinin fəaliyyəti, mövsümi xəstəliklərə qarşı aparılan profilaktik tədbirlər və digər aktual mövzular barədə danışıb. Əvvəlki yığıncaqdan sonra görülən işlər, peyvənd olunmanın vəziyyəti, dərman təchizatı və əhali arasında maarifləndirmə tədbirləri, qarşıdan gələn bayram günlərində gücləndirilmiş iş rejimindəki fəaliyyət barədə də məlumat verilib.

İclasda şöbə müdirləri və həkimlərin sualları dinlənilib, müvafiq məsələlərə xəstəxana rəhbərliyi tərəfindən aydınlıq gətirilib.

Tədbirin sonunda xəstəxana rəhbərliyi və Səhiyyə İşçiləri Həmkarlar İttifaqı Rayon Komitəsi tərəfindən uzunmüddətli və səmərəli fəaliyyətlərinə görə həkim-ginekoloq Xatirə Əliyeva (65 illik yubileyi münasibətilə) və Xalac kənd həkim məntəqəsinin müdiri Valeh Dadaşov (70 illik yubileyi münasibətilə) təşəkkürnamə və qiymətli hədiyyələrlə təltif olunublar.

Eyni zamanda xəstəxananın Fizioterapiya kabinetinə yeni təyin olunan kabinet müdiri həkim-fizioterapevt Təranə Axundova kollektivə təqdim olunub.

07/11/2025

2025-ci ilin ilk 9 ayı ərzində Vətən müharibəsi iştirakçılarına 200 mindən çox tibbi xidmət göstərilib

TƏBİB tərəfindən Vətən müharibəsində şəhid olan insanlarımızın ailə üzvlərinin, eləcə də Vətən müharibəsi iştirakçılarının sağlamlığı daim diqqət mərkəzində saxlanılır.

Vətən müharibəsi zamanı şəhid olmuş vətəndaşlarımızın birinci dərəcəli qohumlarının tibbi xidmətlərdən vaxtında yararlanması, müayinə və müalicə işinin təşkili, müvafiq dövlət qurumları ilə birlikdə əlaqəli və çevik xidmətin göstərilməsi istiqamətində görülən işlər davam etdirilir.

Belə ki, 2025-ci ilin yanvar-sentyabr ayları ərzində tibb müəssisələrinə ümumilikdə 7 043 şəhid ailəsi üzvü 38 837 tibbi xidmət üçün müraciət edib. Bu müraciətlər əsasında şəhid ailəsi üzvlərinə 142 122 müxtəlif adda tibbi xidmət göstərilib.

Vətən müharibəsi iştirakçılarının tibbi xidmətlərdən vaxtında yararlanması, müayinə və müalicə işinin təşkili nəticəsi olaraq 2025-ci ilin ilk 9 ayı ərzində tibb müəssisələrinə ümumilikdə 10 805 müharibə iştirakçısı 68 373 tibbi xidmət üçün müraciət edib. Bu müraciətlər əsasında onlara 206 614 müxtəlif adda tibbi xidmət göstərilib.

Tibbi xidmətlər, əsasən, terapevtik, kardioloji, endokrinoloji, nevroloji, laborator-diaqnostik, radioloji və s. kimi istiqamətlərdə olub.

Qeyd edək ki, hər iki həssas əhali qrupundan TƏBİB-in “815”, eləcə də İcbari Tibbi Sığorta üzrə Dövlət Agentliyinin “1542” Çağrı Mərkəzindən daxil olmuş ümumilikdə 1212 müraciət araşdırılaraq cavablandırılıb.

Əlavə edək ki, hazırda TƏBİB-in tabeliyindəki tibb müəssisələrində şəhid ailələri və müharibə iştirakçıları ilə iş üzrə 161 nəfər koordinator çalışır.

Koordinatorların əsas vəzifəsi tibb müəssisəsinə müraciət edən şəhid ailə üzvləri və müharibə iştirakçılarının müraciətinin ilk olaraq növbəsiz şəkildə qeydiyyata alınması, ixtisaslı həkim müayinəsinin aparılması, həkim təyinatı əsasında instrumental və laborator müayinələrdən növbəsiz keçirilməsinin təmin edilməsi, alınacaq tibbi xidmətin dövlət tibb müəssisələrində olmadığı halda müqaviləli özəl tibb müəssisələrinə icbari tibbi sığorta üzrə Xidmətlər Zərfi çərçivəsində göndərişlə təmin olunmasına dəstək göstərilməsi, şəhid ailələri və əlilliyi olan müharibə iştirakçılarının dərman təminatının aparılması üçün “YAŞAT” fonduna təqdim olunacaq sənədlərin hazırlanmasına dəstək göstərilməsindən ibarətdir.

Həmçinin koordinatorlar tərəfindən müəyyən vaxt intervalı gözlənilməklə Vətən müharibəsi iştirakçıları və şəhid ailəsi üzvlərinə mütəmadi zənglərin olunması, bu zənglərə əsasən tibbi xidmətə ehtiyacı olanların vaxtında müayinə və müalicə prosedurlarına cəlb olunması təmin edilib.