Mind Care (2025)

17/10/2025

Uruhara abavyeyi bogira mw'ikoreshwa rya ngendanwa ku bana bato.

🔴 Abavyeyi bafise uruhara ntasubirizwa mu kuraba uko abana bakoresha za ngendanwa cane cane abana bato batarakwiza n'imyaka itanu; mu kuraba cane cane ko uburyo bazikoresha ari uburyo bubafasha mw'iterambere ry'ubumenyi bwabo canke mu bibasamaza canke ngo bibononere amagara yabo.

⤵️Ni akahe kamaro rero umuvyeyi ashobora kugira?

➡️ Kuba icitegererezo:

Abavyeyi babwirizwa kuba icitegererezo bakirinda gukoresha ngendanwa barikumwe n'abana mugihe bigaragara ko umwana abona umuvyeyi ariko akoresha ngendanwa nawe bikamwanka munda. Ivyo akaba yobikora ahanini arikumwe n'umwana atarakwiza imyaka itatu.

➡️ Gusuzuma umwanya umwana akoresha ngendanwa hamwe no kuraba ivyo araba muriyo:

Biragaragara ko usanga abavyeyi barekerana ngendanwa abana ndetse bakanatangara ingene usanga bazi gukoresha imbuga hwaniro zitandukanye bakibagira ko izo mbuga zicishwako ibitandukanye maze bikanashobora no kugirira nabi umwana mu buryo ubu canke buriya. Ni uruhara rw'abavyeyi rero gufasha kugabanya umwanya umwana akoresha ngendanwa niyo yoba yigiye haruguru ndetse agasuzuma n'ivyo yihweza muri ngendanwa.

➡️ Inyigisho:

Abavyeyi bari bakwiye kumenyesha abana ivyiza vyogukoresha za ngendanwa, ingaruka zishoboka mu gihe bazikoresheje ukutariko, hamwe n'uburyo bwiza bwo kuzikoresha ivyo bakabibwira abana bamaze gukwiza nk'imyaka itanu. Ariko, aha umuntu yokwibaza ubwo abo bavyeyi bo boba babizi?

➡️Kuraba ibindi bishobora gusubirira umwanya wa ngendanwa:

Abavyeyi barashobora kuraba ibindi bikorwa bishobora gufatira abana mu mwanya bari gusamarira ngendanwa, nk'ibijanye n'inkino, kunonora imitsi, n'ibindi.

Ico twomenya nuko abavyeyi bafise uruhara runini mu gufasha abana kugira inyifato iyi canke iriya. Kandi iyo bikozwe kare umwana agakurikiranwa neza hakiri kare ntakibuza ko bikunda agashirwa ku murongo maze umuntu ntabe akivuga na rya jambo ryananira umuzungu ngo " Iyo menya" igihe atanguye kubona ingaruka zitari nziza.

14/10/2025

⚠️Ikoreshwa rya za ngendanwa kubana bato.

Muri Kino gihe isi iri mw'iterambere kubijanye n'ubuhinga bwo gutumatumanako haribonekeza ikoreshwa rya ngendanwa ku rugero runini ku buryo naho usanga abana bakiri bato bazikoresha.

Muri kuno kwezi kwahariwe amagara yo mu mutwe, tugaruke ku ngaruka zishoboka kubana bakoresha ngendanwa batarakwiza n'imyaka itanu( -5ans)

Gukoresha za ngendanwa ku bana batarakwiza imyaka itanu biribonekeza ko urugero abana barenga mirongo irindwi kw'ijana(70%) bakoresha izo ngendanwa cane cane mu bisagara nk'uko bishikirizwa n'ishirahamwe mpuzamakungu riraba amagara y'abantu OMS mu cigwa ryakoze muri 2024.

🔴Ingaruka zishoboka mw'iterambere ry'umwana

🔏 Guteba kuvuga

Ku bana bo musi y'imyaka itatu baraba écrans za ngendanwa umwanya munini baragira ikibazo co guteba kuvuga kubera ko ata migenderanire ikwiye bagiririanira n'abamukurira. Ivyo tubisanga mu cirwa cakozwe n'umuganga w'abana(Pédiatre) Madigan

🔴Ingaruka mu nyifato

🔏 Gushavura birenze no kubona ko hari ico atakaje iyo umwana yatswe ngendanwa ivyo bigatuma umwana yumva ko ata ngendanwa atagishoboka no gufungura yobiheba( irritabilité et dépendance).

🔏 Inkino n'udu films n'ama vidéos abona bituma agira umunezero wihuse( stimulisation du système dopaminergique) ivyo bigashobora kumutuma atihangana na gato iyo hari akantu kamubabaza.

🔏kubura itiro canke kudasinzira neza:

Umuco wa téléphone urahungabanya ikorwa ry'inkaburamubiri bita mélatonine ifasha mukugira itiro.
Ubushakashatsi bwerekana ko abana baraba za ngendanwa cane cane bugorovye basinzira nabi nabi.

Muri make gukoresha ngendanwa birafise uko vyokorwa bivanye n'urugero umwana agezeko canke imyaka yiwe( Usage surveillé). Ubundi habayemwo ukurekerana ngo ni uko ngendanwa ituma umwana atekana canke aryoherwa abavyeyi bazohava basanga bakijije kimwe bakica ikindi.

Ubukurikira tuzorabira hamwe uruhara abavyeyi bari bakwiye kugira mw'ikoreshwa ry'ubwo buhinga.

Igisomwa ca Aimable NDUWIMANA, Chercheur en sciences psychologiques.

mentale

10/10/2025

Le 10 octobre : Journée Mondiale dédiée à la santé mentale
--------------------
En date du 10 octobre de chaque année, le monde célèbre la journée Mondiale de la santé mentale.

Cette journée rappelle des milliers d'hommes et de femmes qui ont des difficultés ou des troubles psychiques qui n'arrivent pas à avoir accès aux soins de santé mentale, soit par manque de moyens, soit par ignorance.

Cette année, le thème choisi par les Nations-Unies est celui-ci: "Accès aux services – Santé mentale lors de catastrophes et d’urgences »

⚫ Ceci est une interpellation à apporter un autre regard sur les conséquences qui découlent des catastrophes naturelles : stress, désolation, viol dans des camps de transit après des inondations par exemple, l'anxiété, le repli sur soi, le su***de,...

➡️ En tout, le collectif des jeunes Mind Care trouve que l'accès aux soins de santé mentale ne devrait pas être considéré comme un luxe mais comme un droit.

17/09/2025

🟡⚫Abakoresha b’abakozi bo mu nzu barashobora kugira uruhara mu nyifato z’abigeme bakora umwuga wo kudadanza umubiri

Chantal(izina ryitijwe) ni umwigeme aba mu gisagara ca Bujumbura akaba mbere adandaza umubiri. Aratuyagira ingene yari umukozi wo mu nzu hanyuma uwo yita umu bosi wiwe akamutera inda bagaca bahitamwo no kumwirukana. Avuga ko bukeye yafashe ingigo yo gusaba indaro umugenzi wiwe yakora muri cafétéria kubera ko atari bwahembwe udufaranga maze ngo arabe ko yoronka aho agurana aga ticket aduge ruguru iwabo mu Cankuzo. Ariko uno mugenzi wiwe amuraje kabiri yamubwiye ko yoraba ahandi yasaba indaro kubera ko umu bosi wiwe nawe atomwemerera ko bobana mw'iyo cafétéria.

🤦‍♂️Aho buba buramukubiye akiyumvira ingene agira aje kubana na mukase ngo n'ukuntu yamanutse ava ruguru bashwana cane.

🤦‍♂️Ari buronke uwitwa ko amufasha

Ariko aratembera atabona iyo aza kurara niho yiyumvira guterefona umukobwa bavuka hamwe yitwa Fofo(izina ryitijwe) maze ngo yumve ko hari ico yomufasha. Fofo ntiyatevye kumubwira ko yomusanga aho asanzwe aba muri imwe mu ma quartiers yo mu gisagara. Nawe ku mutima ati Imana irakoze.

🟡Gutangura guparika(bivugwa gutegera aba clients kubadandaza umubiri)

Chantal avuga ko yasanze mugenziwe fofo akora ubumaraya n'abandi bakobwa bagenzi biwe. Maze baramuha karibu, bamara imisi bamutunze. Haheze imisi niho Fofo yamubwira uko babayeho kandi ubuzima ari bwiza. Gutyo nawe amutoza umutwe ko boza barakorana ko boza baramufasha no mukuronderera aba clients mu kurindira ko amènyera. Gogo aba arinjiye mu kudandaza umubiri gutyo.

⚫Utubazo

Ubwo mu vyukuri umu bosi wa Chantal ntaruhara afise munyifato y'ubumaraya uwahoze ari umukozi wiwe yahavuye ajamwo imbere yo kwirukanwa ku kazi? Ubwo ntiyagovye izo aragiye? Ku bavyeyi, ubwo bo ntaho bishika ugasanga baraturubika umwana k'uburyo yumva yotuma yibera mu gahinga gutyo akisanga agiye no munyifato igoye? Mubuzima busanzwe ntaho bishika ugasanga umuntu yagize inyifato itabereye ayikwegewemwo kugera naho ayigira atayikunze ndetse ikanamubabaza bikanka ko ayireka kuko atako ari bugire?

Iyi nkuru muyakiriye gute?

06/09/2025

Ubusuma, igiturire, ihorihori, akarenganyo, n'izindi ngeso tubona mu kibano, umuntu akuze aba yabikuye mu kibano, aba yarabirereshejwe. Iyi vidéo irakubwira ingene imizi yavyo dushobora kuyironderera mu ndero umwana aronka kuva avuka gushika akure.

Yaga Magazine Jimbere Fenadeb

04/09/2025

⚫🟠 Ubwo ivyo twidogera bibi mu kibano canke mu gihugu vyinshi ntivyoba bafatanye n'ingeso tureresha abana bacu?
---------------------------------
Harya ubona umuntu akuze afise akageso ko kwiba, ubukozi bw'ikibi, ukwihora, ukurenganya,...akenshi dufata ko ari we muntu mubi gusa, ariko uravye neza, usanga izo ngeso zose zikomoka mu kibano, mu mico imwe imwe, no mu ndero umwana ahabwa ukwo agenda arakura.

Muri vidéo tuzobashikiriza kuri runo rubuga ku musi wa gatandatu isaha cumi z'umuhingamo, tuzorabira hamwe ingene hariho n'imyibutsa y'ikirundi igira uruhara mu kurera nabi abana, ibiheza bigatuma umuntu yumva ko nko kwiba canke kwihora ari ubuhizi.
Muraba hagufi...

30/07/2025

⚫🟠 Ng'ukwo ukwo twafasha umukobwa yatwaye inda y'ishushu kugira ntagere aho yica umwana wiwe!
---------------------------------
SojpaeYagaFenadeb

29/07/2025

⚫🟠 Igisumanyenzi coba carafasha gukinga inda z'indaro?
---------------------
Ako ni akabazo umuntu yibaza afatiye kuri vidéo twabashikirije ubuherutse. Twariko tuyaga kuri ya nyifato y'abakobwa iyo batwaye inda y'ishushu baca bayikoroza canke bakaniga umwana bivyariye inyuma yo kumwibaruka!! 👉👉https://www.facebook.com/share/v/1ALZMaViuu/

🟠 Ni vyo koko, aho hambere hahise umukobwa atwaye inda y'ishushu nta bigongwe vyabamwo. Bamuta mu gisumanyenzi akazoribwa n'ibikoko! Cari igihano giteye ubwoba!!

Tugerageje kwiyumvira, ntawutokwumva ko umwigeme yibutse ko hamwe yohirahira agakina n'umuhungu wa mukino bakinisha ca camwa kimera muri Afrika y'epfo, yarumva ubwoba, akamenya ico kwirinda, kuko yaba yumva ko ubwiwe bwoba buheze.

Agasanamu twifashishije si ak'igisumanyenzi, ariko twizera ko coba carigiteye ubwoba cane ku buryo coba carajugumiza umwigeme aciyumviriye, bigatuma agira inguvu zo kwihanganira cane bwa bugirigiri 😆.

⚫ Ariko n'ubwo biri mu migenzo ya ba sokuru, ntitworengana tudateye ivyatsi akarenganyo k'igisumanyenyi...Ni kubera iki bagitamwo umukobwa yafunguye ibihaza amezi icenda ntibagitanemwo n'umuhungu yabimugaburiye? 🤪 Aho hantu ntimwumva ko hariho agahaze gahohotera umukenyezi ?

Mind Care isanga umukobwa n'umuhungu bakwiye bose kwigishwa ibijanye n'ubuzima ndoragitsina, mbere n'abavyeyi bakitwararika kubahanura no kubaremamwo umutima rugabo n'umutima wa gishingantahe, kugira urwaruka rwitware neza, hirindwe inda z'ishushu hatarinze kuba Igisumanyenzi. Tuzobirabira hamwe muri vidéo izokurikira kuri ico kibazo!!

Namwe hoba hari utunenge canke ivyiza mubona ku gisumanyenzi c'aho hambere?

Sojpae Fenadeb Yaga

25/07/2025

⚫🟠 Bizanana he ngo umukobwa yice umwana yavyaye? Imvo zine !
YagaMagazine JimbereSojpaeCentre de prise en charge Psychologique Mpumuriza de BujumburaPPSM Burundi Fenadeb

23/07/2025

Niho tukiri!

11/07/2025

*Twofasha umurwayi w'igisukari gute guhangana n'iyo ndwara?*

↩️Ubuheruka twararabiye hamwe uko twofasha abagenda indwara zidakira. Uyu musi turabe akarorero k'umurwayi w'igisukari
🔸 Mugufasha umugwayi w'igisukari kubana n'iyo ndwara ni vyiza ko umuntu yobikora mu buryo bwiyaguye kandi bufata umugwayi ubwiwe utamufatiye hamwe canke wisunge abandi bagwaye iyo ndwara. Ivyo bikaba vyokorwa mukuraba ivyo akenera kwa Muganga, mukuraba ibijanye n'inyifato yiwe mumibereho no mukibano.

⤵️Ng'ibi nyamukuru ivyo umuntu yo kwisunga mu gufasha uyo mugwayi.

↔️ Guha inyigisho mvuzi umugwayi: Kumusigurira indwara y'igisukari muri make, ibishobora kuyitera, ingaruka igira ku magara y'umuntu nuko ishobora kuvurwa. Ico gihe umurwayi aramenya uko urugero rwiwe rw'isukari iduga canke ikagabanuka mu mubiri, uko afungura, uko akora imyimenyerezo ngorora mubiri, n'ibihe bikomeye vy'iyo ngwara( les situations à risque).

↔️ Kumuremesha no kumutera intege: Umuhinga mubijanye n'inyifato n'imibereho arafasha umurwayi kwakira indwara, kugira inguvu ngo ahangane nayo, kumutera intege akumva ko afise uruhara ntangere mu guhangana n'iyo ndwara

↔️ Uruhara rw'umuryango umurwayi asanzwe abamwo mu kumufasha gufata imiti, kumva ko atari wenyene, umuryango umushigikiye. Gusangira ikiyago n'abandi bagwayi b'igisukari biramuha kumva uko bamwe n'abandi bahangana nayo( partage d'expériences et le sentiment d'appartenance)

↔️ Kumenya uko ahindura imibereho no gufungura: Gufata imfungurwa zisunga ubugwayi bw'igisukari, gukora imyimenyerezo ngorora mubiri( ku rugero ashoboye), guhagarika inzoga n'itabi.

↔️ Kwama agerageza kuraba uko amagara yiwe yifashe mu kuja kwa Muganga( Suivi médical régulier). Ubwo bufasha bwose akabuhabwa n'abahinga babifitiye ubumenyi. Abahinga mu nyifato n'imibereho, Abaganga b'abahinga mukuvura igisukari, Abaforoma, Umuhinga muvyo gufungura, Uwujejwe imibano

🔏Abashakashatsi nka Lazarus & Folkman mu gitabu citwa *"Stress, Appraisal, and coping"* barerekana neza ingene umugwayi afashijwe akaremeshwa neza bimufasha cane kubana n'indwara zidakira.

🔏 Fisher mu gitabu citwa *"Traité de psychologie de la santé"* arerekana neza ko umugwayi afashijwe neza hisunzwe zirya ntabwe twavuze hejuru birakingira cane umugwayi nk'indwara z'akabonge ndetse bikamufasha guhangana n'indwara y'igisukari.

Igisomwa ca Aimable NDUWIMANA

21/06/2025

🟡⚫Twofasha gute abagenda indwara zidakira?

👁️ Ubuheruka twararabiye hamwe indwara zidakira kandi zitandukira n'ingaruka ku magara yo mu mutwe. Uyu musi tugira turabe uko twofata abagwayi.

🔏 Ubwa mbere ni ukwihweza ivyo umugwayi akeneye nko kubijanye n'ubuvuzi, ihindagurika ry'amagara yiwe, nuko ariko aragerageza rero kwivuza.

🔏 Ubwa kabiri, kuraba uko inyifato ziwe canke amagara yiwe yo mu mutwe yoba yifashe inyuma yo kugwara. Hari igihe umugwayi ashobora kwerekana ibimenyetso vy'indwara zo mutwe igihe vyukuri asinzikajwe n'iyo ndwara. Nico gituma umuntu abanza Kuraba uko umugwayi yakira indwara mubuzima bwiwe, ibigumbagumba yerekana bivanye nuko agwaye, uko agerageza guhangana nayo(coping) uko ubuzima bwiwe bumeze muri rusangi

🔏 Guha inyigisho mvuzi umugwayi: kumenyesha umugwayi ido n'ido indwara agendana, kumutegura muguhangana nayo wenyene ubwiwe

🔏 Kumuremesha, kumutera intege kumufasha kubona ivyo yokora ngo ahangane n'indwara.

🔏 Gufasha umuryango kugira uruhara mw'iterambere ry'amagara y'umugwayi, n'ibindi n'ibindi

🔏 Gufasha umugwayi mukumwereke uko akwiriye guhindura imibereho, muvyo akora, muvyo afungura, muvyo akunda n'ibindi n'ibindi.

M.N. Ivyo vyokorwa n'abahinga bavyigiye muntumbero yo kubungabunga amagara yo mu mutwe y'umurwayi. Ubukurikira tuzorabira hamwe akarorero k'umurwayi w'indwara y'igisukari( Diabète).

Igisomwa ca Aimable NDUWIMANA

care
mentale
-Medecins

Mind Care

17/10/2025

14/10/2025

10/10/2025

17/09/2025

06/09/2025

04/09/2025

30/07/2025

29/07/2025

25/07/2025

23/07/2025

11/07/2025

21/06/2025

Address

Telephone

Website

Alerts

Contact The Practice

Shortcuts

Share