08/10/2025
Léif Erstis,
Häerzlech Wëllkomm zu Köln! Den LSC-Comité begréisst iech alleguerten an eiser schéiner Doum-Stad.
Fir e puer vun iech ass d’Semester schonn amgaang, fir déi aner geet et elo lass. Hei nach e puer wichteg Infoen fir iech:
Mir hunn verschidde Gruppen op Facebook an Whatsapp, ënner anerem fir Wunnengssich, Matfuergeleeënheeten oder Sport.
Déi meescht Infoe gi mir awer iwwer Instagram an eis Whatsapp-Community eraus, do kann een och den Event-Plang vum aktuelle Semester gesinn.
Mir organiséiere all Woch en Event (Dënschdes) an e Stammdësch (Donneschdes).
Dir sidd ëmmer häerzlech agelueden a kënnt fräi no Loscht a Laun dobäi kommen.
Bei all Event poste mir d’Detailer an d’Storie an och op Whatsapp.
Bei Froe kënnt dir iech zu all Moment iwwer eis Accounts oder och privat bei eis mellen.
Mir freeë eis drop, iech geschwënn op engem vun eisen Eventer oder um Stammdësch ze gesinn!
Bis geschwënn,
Ären LSC-Comité
P.S.: Den 14.10 ass eisen Ersti-Day – d’Umeldung sinn elo schonn op. Link: https://forms.gle/kmZ3FSBk6U84aTg37
