Dr. Mina Gorgy

02/05/2026

الاعتمادية بقيت عيني عينك كدة

01/05/2026

زي غيرها !!

30/04/2026

ابعد عن الناس الاوفر في كل حاجة
اوفر في نقدها
اوفر في مدحها
اوفر في لبسها و سرفها
في تفكيرها في طريقتها
ابعد عن الاوفر عشان تعيش سعيد
تصبح علي خير

28/04/2026

اللحظة اللي الإنسان بيشوف نفسه أعلى من باقي الناس أو حتى يتجاهل حدود الحياة وربنا، ممكن يقع ويتعب.
وفي نفس الوقت، اللي بيكذب نفسه ويقلل من قدره زيادة عن اللزوم، برضه بيتعب.

التوازن هو الحل… إنك تبقى شايف نفسك كويس، لكن بعين واقعية.

ولو عندك فكرة أو اختراع، ومؤمن بيه حتى لو الناس مش مصدقاك، ده طبيعي.
كتير من المخترعين في البداية ماحدش كان مقتنع بيهم.

لكن الفرق إنهم ماكانوش لوحدهم…
كان في دراسة، وتجارب، وفريق، وطريق واضح ماشيين فيه.

علشان كده، امشي في الطريق الصحيح:
اتعلم، جرّب، اعرض فكرتك على ناس متخصصة، وخلي في ناس تراجع معاك.

أهم حاجة…
ما تبقاش عايش لوحدك جوه أفكارك ومصدقها بدون أي مراجعة من الواقع،
وفي نفس الوقت ما تقتلش حلمك لمجرد إن حد استغربه

26/04/2026

اكبر نعمة ربنا ممكن ينعم عليك بيها كل يوم
انه يكشفلك الحقيقة
حقيقة نفسك و حقيقة اللي حواليك و حقيقة الحياة

26/04/2026

في كل عصر، كان فيه دايمًا ناس بتبيع الوهم… وناس تانية مستعدة تشتريه.

اللي يبيع النجاح السريع بدون تعب،
واللي يبيع السعادة الفورية بدون عمق،
واللي يبيع التدين في شكله الخارجي بدون جوهر،
واللي يبيع الشفاء بدون علم أو جهد…

كل دول مش ظاهرة جديدة، بل موجودين طول التاريخ.
مش لأنهم أذكى… لكن لأنهم بيقدموا حاجة الناس عايزة تسمعها.

الحقيقة غالبًا تقيلة:
بتحتاج صبر، شغل، وقت، واحتمال فشل.
أما الوهم… فخفيف وسريع ومريح.

ليه ناس الـ sales أحيانًا بتكسب أرقام كبيرة؟

مش بالضرورة لأنهم بيكذبوا،
لكن لأنهم بيفهموا نفسية الإنسان:

* الإنسان بطبيعته بيدور على الطريق الأسهل
* بيميل لتصديق اللي يريّحه نفسيًا
* بيحب الحلول السريعة حتى لو مش واقعية
* بيخاف من مواجهة الحقيقة لو كانت مؤلمة

لذلك، الرسالة اللي فيها “أمل سريع” بتنتشر أسرع من الرسالة اللي فيها “حقيقة صعبة”.

وفي بعض الحالات،
الناس بتكون عارفة في داخلها إن فيه مبالغة…
لكن بتختار تصدّق،
لأن تصديق الكذبة أحيانًا أسهل بكتير من مواجهة الحقيقة.

لكن ده ما يعنيش إن كل نجاح في البيع قائم على الخداع.
في فرق كبير بين:

* واحد بيبيع وهم
* وواحد بيعرض قيمة حقيقية بشكل ذكي ومقنع

الأول ممكن ينجح بسرعة… لكن نجاحه غالبًا قصير.
الثاني يمكن طريقه أطول… لكنه أبقى وأصدق.

وفي النهاية:
الوهم هيعيش طول ما فيه طلب عليه،
والطلب هيقل… لما الناس تقرر تواجه الحقيقة، حتى لو كانت أصعب.

24/04/2026

حين نشعر بالحب او بالرفض من الصعب ان نظل حياديين!

24/04/2026

الله يرحمه كان علامة ❤️استاذي بكل فخر

”‏يا‏ ‏أخينا‏ ‏مِدّ‏ ‏إيدك
يا‏ ‏أخينا‏ ‏هِـمّ‏ ‏حبَّـهْ‏.‏
الحكاية‏ ‏مِش‏ ‏وِكالة‏ ‏بْتَشتِرِى ‏منها‏ ‏المَحَبّةْ‏.‏
قام‏ ‏صاحبنا‏ ‏بانْ‏ ‏كإنه‏ ‏مْش ‏مِمَانـِعْ‏،‏
بس‏ ‏قاعد‏ ‏ينتظر‏ “‏بِنجِ‏ ‏اللذاذة‏”‏
كلّه‏ ‏دايب‏ ‏فى ‏الإزازة‏.‏”

من ديوان أغوار النفس "لعبة السكات"
أ.د/ يحيى الرخاوي (1933-2022)

23/04/2026

وأنت في قلب الألم،
لا تسأل: ما الحكمة من هذا الألم؟
ولا تُغرق نفسك في الكتب والمنشورات بحثًا عن معنى.

فالحكمة لا تضيع…
لكنها تختبئ حين تُطاردها وأنت موجوع.

دع الألم يمر أولًا،
وسيفهم قلبك ما عجز عقلك عن فهمه

23/04/2026

كنت فاكر اني لما اتغير ..هاحكي للناس حكايتي و هنشر ١٠٠٠ بوست اشرح فيه تجربتي
اكتشفت وانا بتغير اني مش عارف اشرح دي بالذات
اصل التغيير محتاج تواضع و انكسار و الانكسار محتاج سكوت و سكون و السكوت مش بتعرف تكسره الا لو وقفت تغيير
مش معني كدة ان كل اللي بيحكي حكايته مش بيتغير
بس جايز بيحكيها بعدين
لو حكاها وسط التغيير نفسه بتطلع ماسخة وبهتانة و يمكن تعطل الحركة

23/04/2026

اللي ييجي عالغلابة ميكسبش
شات جي بي تي جه علي ناس كتير و خسرهم شغلاناتهم
قام جه Claude اتشطر عليه و هيقعده في البيت🤣🤣