05/07/2025
✍️ صحح معلوماتك على حب الشباب :
❌ يروح بعد الزواج…”
✅ لا، الزواج ماعندوش علاقة مباشرة بحب الشباب، بالعكس يقدر يزيد ولا يبان لأول مرة بعد الزواج بسبب التغييرات الهرمونية، الحمل أو أدوية الخصوبة.
❌ “خليه يروح وحدو، كلنا كنا هكذا…”
✅ صح يقدر يروح وحدو، بصح يخلّي بلاصتو حفر وآثار لي تبقى طول الحياة. العلاج بالليزر ولا بالحقن ولا التجميل . الوقاية خير من العلاج.
❌ “حبس الحار والمخللات والشيبسي والإندومي، وراح يخف…”
✅ الماكلة ماشي السبب الرئيسي، بصح تقدر تزيدو. تقدر تاكل شوية منها مرة ولا زوج في السيمانة، بصح لازم مع العلاج المناسب.
❌ “أنا عندي 25 ولا 30 ولا حتى 40 سنة، كيفاه يطلعلي حب الشباب؟”
✅ كاين نوع اسمو حب الشباب الهرموني، يبان بعد 25 سنة ولا يكمل من المراهقة. يزيد قبل الدورة بأسبوع ولا مع التوتر،يجي فالدقن، الفك، وحتى فالرقبة. يكون مؤلم وعميق،
❌ “خديت العلاج وما جابش نتيجة، ولا رجعلي ثاني…”
✅ التحسن يبدا بعد شهر ونص، والنتيجة تبان بعد 3 شهور، بصح لازم تكمل الكورس كامل (6 حتى 8 شهور). يقدر يرجع لأن الجسم مازال مهيأ ليه. إذا رجع، نبدلو العلاج حسب الحالة، كل مرة يقدر يخلي آثار تدوم طول العمر.
