Quel est le site Web ?

https://www.facebook.com/452903977913936/

House Of Nutrition - بيت التغذية, Algiers (2025)

09/12/2025

هدية ليكم
اليوم جبتلكم "وصفة الشربة الحارقة" لي تنقصلك 10 كغ في سمانة 😮🔥
المكوّنات:

راك من نيتك تحوس عليها؟ 🤦‍♂️
تبع معايا للآخر وتفهم الحقيقة…

شفتو هذيك شربة حارقة، رجيم الماء، رجيم البطاطا، وكل داك الخرافات لي يتبدلو كل يوم خاصة في قروبات البنات…
وكل مرة يخرجو لنا رجيم جديد: رجيم الهواء 🙄🙄

الحقيقة بسيطة:
الرجيم ماشي وصفة سحرية،
الرجيم هو نظام غذائي صحي تبدل فيه أكلك من غير صحي → صحي،
وتحدّد سعراتك الحرارية حسب واش حاب: تزيد ولا تنقص.

والناس لي تقول: "أنا نقصت مع الشربة الحارقة"…
طبيعي تنقص! راك قللت السعرات وجوّعت روحك.
بسّح هل كان جسمك مثالي؟ هل ماكانوش الترهلات؟
هذي هي النقطة لي مايحكوش عليها.

وزيد الخرطي نتاع:
ماء 💦 + ليمون 🍋 + كركم = بطن مسطّح!
يا جماعة… تأكل خبزة كاملة فالليل وتشرب كأس ماء بقطرات ليمون،
وتستنى بطنك تهبط؟
ها انعل بليس 😂

الخلاصة:
🎯 المسؤول الوحيد على زيادة أو نقصان الوزن هو:
➡️ الفرق بين السعرات لي تدخل للجسم والسعرات لي تستهلكها
مع نظام صحي متوازن.

09/12/2025

شفتو المنتوج الجديد ICe Tea
اليوم رح نحلّلوه من ناحية المكوّنات، القيمة الغذائية، والتقييم الصحي باش تعرفو بصح واش راكم تشربو.

المكوّنات

1) الماء + مستخلص الشاي الأسود (0.12%)
🔹 النسبة ضعيفة بزاف، يعني ماشي شاي حقيقي… أقرب لـ ماء مُنكّه بالشاي.
🔹 الفوائد الحقيقية تاع الشاي (مضادات الأكسدة) شبه منعدمة بسبب الكمية القليلة.

2) السكر + شراب السكر المقلوب
🔸 هاذو هما أكبر نسبة في المشروب.
🔸 التحليل الغذائي يبيّن:

9.8غ سكر / 100ml
القارورة 330ml = حوالي 32غ سكر
➡️ يعني تقريبًا 7 ملاعق سكر كاملة!

⚠️ مشروب فيه هاد الكمية من السكر يقدّر:

يزيد الوزن
يزيد دهون البطن
يرفع السكر بسرعة
يزيد خطر مقاومة الإنسولين

3) النكهات الطبيعية
🔹 نكهة الليمون طبيعية، وما فيها حتى خطر.
4) منظّمات الحموضة
حمض الليمون + سيترات ثلاثي الصوديوم
🔹 مواد غذائية آمنة ومسموح بها.
🔹 دورها غير تعديل الحموضة والطعم.
📊 القيمة الغذائية (لكل 100ml)

41 Kcal
9.87g سكريات
0g دهون
0g بروتين
0.026g ملح

والقارورة (330ml) تعطيك تقريبًا:
125 Kcal
32g سكر (7 ملاعق)

⭐ التقييم الغذائي: 2 / 5 : ببساطة ماء و سكر + شوي نتاع شوي شاي أسود

مش

08/12/2025

هذا من أكبر مسببات سرطان القولون والمعدة!

الكاشير واللحوم المصنعة بصفة عامة

أنا نركزلك على مادة وحدة فيه لي هي : نيتريت الصوديوم (E250).

هاذ المادة تخلي اللحم يبقى صالح، وتحافظ على اللون الوردي أو الاحمر المعروف بيهم

لكن داخل جسمنا، النيتريت يتحول أحيانًا لمركبات خطيرة اسمها نيتروزأمينات (Nitrosamines).

هاذ المركبات هي السبب الرئيسي في :
📌 سرطان القولون
📌 سرطان المعدة
دراسات علمية كبيرة ووكالات عالمية مثل WHO/IARC أكدت هذا الربط.

شكون أكثر عرضة؟

الناس اللي ياكلو لحوم مصنعة يوميًا وبكميات كبيرة، كيما الناس لي تخدم بعيدة على الدار.
الأطفال (يقدر يسبب لهم مشاكل في التنفس)
الحوامل ( تأثير على الجنين ممكن يزيد الخطر لاحقًا)

كامل كلينا الكاشير وأنا واحد منكم ، زمان كنا في نعيم الجهل وما نعرفو ، بصح دك عرفنا جحيم الحقيقة.
مالا بلا ما نوصيكم

08/12/2025

كوكاو مجمر… ولاّ كيما بزاف ناس يقولو: كاوكاو مدخّن.
بصح الحقيقة؟ راهو ماشي مدخّن فوق الحطب الطبيعي كيما يتخيّلو الأغلبية!

في الواقع، يضيفولو نكهة دخان صناعية مستخرجة من مواد كيما Smokez Poly .
هاد النكهات تتصنع من دخان طبيعي بصح بعد ما يتجمع، يتصفّى، ويتحوّل لسائل ولا مسحوق.

👈 وين يكمن الخطر؟

🔸 هاد النكهات تحتوي على مركّبات كيميائية كيما:

الفينولات (Phenols)

الفورفورال (Furfural)

وبعض الـ PAHs
☠️ بعض هاد المواد مرتبطة بمخاطر صحية و حتى السرطان إذا كان الاستهلاك كبير وعلى مدة طويلة.

🔸 وتقدر تسبب:
تهيّج المعدة والقولون
نفخة وغازات
تقلصات
وأحيانًا إسهال أو إمساك حسب حساسية الجسم

🔸 ناس لي يعانيو من:
القولون العصبي
التهابات المعدة
مشاكل الكبد و أمراض الغدة الدرقية
يقدرو يتضرّرو أكثر من هاد النوع من المنتجات.

🔶 وزيد عليها حاجة أخرى:
الكاوكاو "المدخّن" عادة يكون فيه:
ملح بزاف
منكهات إضافية
مواد حافظة
يعني منتوج ثقيل على الهضم وماهوش خيار صحي.

🔹 إذا تحب الكاوكاو، اختار:

الطبيعي
المحمّص بلا ملح
أو النيّ وتحمصو في دارك… أنظف وأضمن!

08/12/2025

أسوء ما أدخلنا إلى مطابخنا أواني الأليمنيوم ، والبديل في آخر الفيديو

07/12/2025

ارواح نفهمك مليح:
بيض السمان صغير لكن مغذي بزاف، يعاون على نمو الدماغ، تقوية العظام والعضلات، ويدعم الأطفال خصوصًا في مراحل تطور الكلام والمشي.

علاش مفيد للنطق والكلام؟

فيه : الأوميغا-3 (DHA)

كي ينقص DHA، الطفل يقدر يتأخر شوية في الكلام.

تناول DHA يساعد الطفل على التركيز وتحسين تواصله.
🟢 بيض السمان فيه DHA بكثرة مقارنة ببيض الدجاج.

و فيه تاني : فيتامين B12

نقص B12 يقدر يبطّئ الكلام ويضعف التواصل العصبي.
🟢 بيض السمان غني بزاف بـ B12 الضروري لنمو دماغ الطفل.

وذلك : الكولين (Choline)

الكولين يساعد على إنتاج ناقل عصبي مهم للذاكرة والكلام والانتباه.
🟢 بيض السمان فيه كمية ممتازة من الكولين لدعم تطور الدماغ والكلام.

و مزيةه اخرى : البروتين العالي الجودة

البروتين يعاون نمو الدماغ والأعصاب وعضلات الفم واللسان المسؤولة على النطق.
🟢 بيض السمان غني بالبروتين والأحماض الأمينية اللازمة لنمو الطفل.

كيفاش نقدموه للصغار؟

مسلوق يكون الأفضل
3-4 مرات في الأسبوع
نقدرو نخلطوه مع الشوربة أو البطاطا المهروسة
غذاء طبيعي يساعد طفلك على الكلام والمشي بشكل أفضل

07/12/2025

كيما طلبتو بزاف… قراءة و تحليل مكوّنات جبن مطبوخ RAMDY

📦 المكوّنات المكتوبة على العلبة:

✅ حليب معاد التكوين
(بودرة حليب كامل + بودرة حليب منزوع الدسم + ماء)
✅ جبن
(حليب، ملح، خمائر لبنية، منفحة)
✅ مادة دسمة حليبية
✅ بروتينات الحليب
✅ مضافات غذائية مرخّصة (أقل من 20غ/كغ): متعدد الفوسفات E452 (SIN 452)
🔹 ثنائي الفوسفات E450 (SIN 450)
🔹 فوسفات الصوديوم E339 (SIN 339)
🔹 سترات الصوديوم E331 (SIN 331)

✅ منظّم الحموضة: 🔹 حمض الستريك E330 (SIN 330)

✅ مادة حافظة (أقل من 12.5mg/kg): 🔹 E234 (SIN 234)

🧂 ملح

📌 يحتوي على الحليب كمادة مسببة للحساسية.

📊 القيم الغذائية لكل 100غ:

🔥 الطاقة: 242 ك.كال
🥄 الدهون: 20غ (منها 13غ دهون مشبعة)
💪 البروتين: 9.5غ
🍞 الكربوهيدرات: 6غ (كلها سكريات)
🧂 الملح: 0.95غ
🦴 الكالسيوم: 400mg

✅ الإيجابيات:

✔ فيه نسبة بروتين محترمة مقارنة بمنتجات مشابهة
✔ فيه كالسيوم جيد
✔ سعره مناسب وسهل الاستعمال

⚠️ السلبيات:

✘ يحتوي على حليب معاد التكوين بدل الحليب الطازج
✘ فيه عدة مضافات غذائية (مستحلبات + مادة حافظة)
✘ نسبة الدهون المشبعة عالية
✘ غير مناسب للاستهلاك اليومي خصوصًا للأطفال ومرضى الكوليسترول/الغدة/الإنسولين و الأطفال أقل من 2 عامين

⭐️ التقييم النهائي:

⭐⭐⭐☆☆2.9 / 5

منتج اقتصادي ومقبول للاستعمال من حين لآخر،
لكن يُفضَّل ما يكونش خيار يومي (3-4 قطع في الاسبوع)

06/12/2025

الفرق بين خل 8 ° و خل 5 ° و خل التفاح

06/12/2025

الفرق بين خلّ 8 درجات وخلّ 5 درجات… وعلابالك علاش ما لازمش نخلطو بيناتهم ؟

بزّاف ناس يشرو خلّ 8° ويقولو: "يا خي غير زادولو 3 درجات على 5°؟"
أمّا الحقيقة؟
🔍 خلّ 8° أقوى بـ 1.6 مرة من خلّ 5°
يعني الحمض تاعو أقوى بزاف، حارق، ويبدّل كامل الاستعمال.

🧴 خلّ 8° = للتنظيف فقط

علاش؟
الحمض تاعو قوي بزاف و موجه التنظيف حيث يقلع الكالكير و ينحّي الدهون ويعقّم ويخرج الروائح

يعطي نتيجة هايلة في المطبخ، الحمّام، الحنفيات.

⚠️ ممنوع يتاكل!
راه قوي، يقدر يجرّح لك لمعدة ويخرّب لك طعم الماكلة.

🥗 خلّ 5° = للماكلة والتتبيل

هذا هو الخلّ المخصص للطبخ:
سلطات و تتبيل و تخليل و إعداد صوصات
أي وصفة تحتاج حموضة خفيفة ومليحة

الدرجة تاع الحمض فيه خفيفة، وما يضرّش لمعدة.

❗ وش يصرالِك لو تستعملي خلّ 8° في التتبيل؟

الطعم يجي حارق بزاف
يقدر يديرلك الحرقة
يفسد الذوق
ماشي موجه للاستهلاك نهائياً

المهم :
خلّ 8° = للتنظيف والتعقيم فقط
خلّ 5° = للطبخ والتتبيل

06/12/2025

ديما تسمعو: "اشرب الماء في الفخار باش يولي حي" 😅
هل هذا صحيح؟ وهل الماء يموت؟ 💧

خلّيني نفسّرها خطوة بخطوة 👇

🧠 منين جات الفكرة؟

زمان كانو يشربو من الينابيع مباشرة:
ماء يتحرك، يمرّ على الصخور، يتعرّض للهواء ويتشبع بالمعادن 👌
اليوم؟ الماء تاعنا يفوت على الفلترة، الضخ، التعقيم، وبعدها يتحبس شهور طويلة في البلاستيك…
بعض الناس سموه "ماء ميت" ⚗️

لكن الحقيقة؟

🔹 الماء ما يعيشش باش يموت 😄

هو H₂O فقط… مادة كيميائية ثابتة، ما فيها حياة باش نقولو مات ولا عاش.
مصطلح "ميت" مجرد تعبير رمزي على ماء فقد خصائصو الطبيعية.

⚱️ وعلاش كي نحطّوه في الفخار يتحسّن؟

ماشي سحر… الفخار عندو خصائص علمية:

1️⃣ يبرد الماء طبيعيًا بسبب التبخر الخفيف من المسام.
2️⃣ يحسّن الذوق لأن السطح الطيني فيه سيليكا وحديد يخلو الطعم ألطف.
3️⃣ يخلي الماء “يتنفس” و يتعرّض للأوكسجين أكثر.
4️⃣ عندو خاصية اسمها الامتزاز Adsorption
🔹 المسام تشد الروائح والنكهات (كيما طعم البلاستيك والكلور) بدون ما تمتص الماء.

النتيجة؟
ماء أبرد، أنقى، وأخف في الذوق 👌

🔹 وش معناها “يولي حي”؟

غير تشبيه للذوق والانتعاش اللي نحسوها.
ماشي معناه رجعت فيه حياة…
إنما رجع لمواصفاتو الطبيعية اللي كان عليها زمان 🌿

✔️ الفخار يبرد الماء طبيعيًا
✔️ يخفف الروائح ويحسّن الطعم
✔️ يسمح للأكسجين بالدخول
❌ وما كاش حاجة اسمها “ماء ميت” فعليًا

وأهم نقطة نخليها في الأخير 👇
90% من لي راهم في السوق ياگور (بريك)… ماشي فخار حقيقي!
لازم تعرفو كيفاش تختاروه ، و خليتلكم رابط منشور تعرفو منو

05/12/2025

حكينا على أواني الطبخ نتاع الأليمنيوم ، و نصحتكم بالاينوكس ، لكن الفخار سيدهم كامل
أرواحو نعلّموكم كيف تختارو الفخار الطبيعي الخقيقي ماشي البريك ، و كيف تحافظو عليه و كيف تنظفوه:

أول حاجة لازم تعرفها:
راك تشري بدراهمك ، مكانش لي يفرض عليك و الفخار غالي السومة ، مالا لازم تعرف(شوف الصور)

كيفاش نتأكدو؟
اختبار الماء :
– املأ نصف القلة بالماء، وخليها ربع ساعة.
– إذا لقيت اللون في الجزء لي فيه الماء ولى أغمق (يتندى)… هذا طبيعي 100% لأن الطين الحقيقي عندو خاصية نَفوذية الماء (الامتزاز).
– إذا ما تغيّرش اللون… هذا صناعي ومخلوط بالبريك، يعني مغلق المسام ومضر أكثر مما ينفع.

ثانيا: ملمس السطح
– الفخار الطبيعي: خشن شوية، غير لامع
– كي تبللو تشمّ منو ريحة تراب طبيعية.
– الصناعي: أملس بزاف، يلمع، بارد، ومافيه حتى ريحة.

ثالثا: لازم تكون درابكي،😁 و تعرف من خلال الوزن والصوت
– الطبيعي أخفّ وزن لأن فيه مسام.
– كي تضرب بصباعك عليه يعطي صوت مكتوم.
– أما البريك (المغشوش): ثقيل ويعطي صوت رنّان لأنه كثيف ومغلق.

رابعا: اختبار التبريد
– الفخار الطبيعي يبرد الماء طبيعيًا بفضل تبخّر جزء صغير منو عبر المسام.
– الصناعي أو المطلي: الماء يبقى كما هو… ولا يتبدّل حتى بعد ساعات.

و السعر، الدراهم ما يكذبوش
– الأصلي أغلى شوية لأنه شغل يدوي ومتعب والطين الطبيعي غالي (ولو تشوف الورشات اليابانية والصينية تعرف قيمة الطين الحقيقي).
– الصناعي أرخص لأنه مصنّع آليًا ومخلوط بمواد تقلّل الجودة.

كيف ننظفو طاجين الفخار؟

بكل بساطة، نتفادو الصابون السائل للتنظيف والجافيل لأن الفخار يمتصّ الروائح، ومع الطبخ ترجع الريحة وتفسد الأكل.

الأفضل نغسلوه بالماء الدافئ والملح الخشين فقط، وممكن نضيفو قطرة صغيرة من البيكاربونات إذا كان موسّخ بزاف، ونغسلوه برفق بلا نقع طويل.

بعد ذلك نخليوه ينشف طبيعيًا: نقلبوه، ونخليه ينشف وحدو بلا ما نخزّنوه وهو رطب بلا ما ينشف .

وإذا شرب ريحة قوية كيما البصل ولا الطماطم، نعمروه ماء سخون مع ملعقة خل ونغليه شوي على نار هادئة و نقيه كيما قلت لفوق.

وبعدها التخزين لازم يكون وهو مفتوح، ما نسكروش بالغطاء نهائيًا باش ما يحبسش الرطوبة.

شوف التعليقات

05/12/2025

الأحد تبدّى الاختبارات الفصلية، وقلت لازم نرجع نحكيلكم على واحد من أهم المكمّلات لطلاب الامتحانات 👇

دك نحكيلك على مكوناتو، فوائدو، وطريقة الاستعمال باش تشوفو كيف يقدر يرفع مردودكم في المراجعة:

💊 واش يميّز هذا المكمل؟

المنتج الوحيد في السوق لي يجمع 9 فيتامينات B كاملة:
B1 – B2 – B3 – B5 – B6 – B7 – B8 – B9 – B12

الدماغ يستهلك فيتامينات B بزاف وما يخزنهمش، وهنا الطلبة أكثر فئة يطيح عندها النقص بسبب:
السهر – السترس – التركيز الطويل – المراجعة المكثفة.

🧠 فوائد LES NEUF B للدماغ:

✔️ طاقة ذهنية قوية:
فيتامينات B هي الوقود لي يخلي الدماغ يخدم بلا ما يهبط. تعاون بزاف على التركيز، اليقظة، الفهم، والقدرة على التحمل خلال فترات المراجعة.

✔️ تقوية الذاكرة والانتباه:
التركيبة المتكاملة ترفع الحفظ، تزيد السرعة الذهنية، وتحسّن الـ réflexes.

📌 لمن مخصّص؟
كل طالب فوق: 12 عام

الطلبة كامل، خاصة في فترة الامتحانات (خاصةBEM / BAC / الجامعة).

الأشخاص لي يعانيو من نقص التركيز والانتباه.

🕒 طريقة الاستعمال:

كبسولة واحدة يوميًا مع الفطور أو الغداء.
العلبة تكفي 30 يوم.

💰 السعر:

950 دج لعلبة فيها 30 كبسولة.
ومتوفّر في كل الصيدليات.

House Of Nutrition - بيت التغذية

09/12/2025

09/12/2025

08/12/2025

08/12/2025

08/12/2025

07/12/2025

07/12/2025

06/12/2025

06/12/2025

06/12/2025

05/12/2025

05/12/2025

Adresse

Site Web

Notifications

Raccourcis

Partager