Quel est le site Web ?

https://www.facebook.com/452903977913936/

House Of Nutrition - بيت التغذية, Algiers (2026)

12/04/2026

تقييم منتج: تونة Francisco بزيت الزيتون 🐟 بزاف طلبوني نقيم هذا المنتج :
1. تحليل المكونات :
المكونات: تونة + زيت الزيتون + ملح
✔️ نقاط قوة كبيرة:
ماكان حتى إضافات صناعية
ماكانش مواد حافظة ولا محسنات
تركيبة بسيطة ونظيفة (Clean label)

نوع زيت الزيتون غير مذكور هنا (غالباً مكرر ماشي Extra Vierge)

🔥 2. القيم الغذائية (لكل 100غ)
السعرات: 452 كالوري
بروتين: 18.9غ ✅
دهون: 41.8غ طالعة بسبب زيت الزيتون
دهون مشبعة: 4.5غ
كاربوهيدرات: 0غ
ملح: 1غ

نسبطلك و نخليك تفهم على هذا المنتج: البروتين مليح ومصدر جيد 👍 والدهون مرتفعة بزاف بسبب الزيت مالا رد بالك و الجودة الغذائية:
✔️ غني بـ Omega-3 (مفيد للقلب)
✔️ بروتين ممتاز للشبع وبناء العضلات
❗ لكن: كيما قلت كمية الزيت كبيرة = سعرات ترتفع بسرعة و الملح متوسط مرضى الضغط يردو بالهم
⚖️ 4. التقييم :
✔️ المكونات: ممتاز
✔️ الجودة الغذائية: جيدة جداً
✔️ التوازن العام: جيد
⭐ التقييم: 4.5 / 5
📌 نصائح الاستهلاك: صفّي الزيت احسن
لمرضى الضغط: خفف بسبب الملح
للرياضيين: خيار مليح للبروتين لكن راقب الدهون و خيار ممتاز حتى لي حابين يزيدو في الوزن

12/04/2026

بسكويت الشوفان Green Oats هذا المنتج بزاف طلب مني نديرلو تقييم :
أول حاجة: المكونات
القاعدة: شوفان + تمر + بيض وهذا يعني : ألياف + طاقة طبيعية شبع مليح
التحلية: بالتمر بدل السكر الأبيض وهذا يساعد على استقرار سكر الدم
الدهون: بدون زيوت مهدرجة وهذه نقطة إيجابية لصحة القلب
البروتينات الطبيعية: مضافة من مصادر كيما مصل الحليب أو نباتية و الهدف رفع نسبة البروتين( مش مذكور النوع)
وهنا حوالي 25غ/100غ وهذا مناسب للرياضة و يعاون على الشبع وبناء العضلات

المضافات: نشرحو دورها وهل تأثر على الجودة؟هيا نشوفو
🔹 E500 (بيكربونات الصوديوم)
عامل مخمر (يخلي البسكويت خفيف وماشي قاسح)و يساعد في توازن الحموضة
هل يؤثر على الجودة؟
لا، بالعكس هو مضاف آمن جداً ومستعمل في كل المخبوزات و وجوده ضروري باش يعطي قوام مليح

🔹 نكهة الكراميل دورها تحسين الطعم والرائحة و تعويض النكهة لي تضيع أثناء الطياب
هل تؤثر على الجودة؟ هنا النقطة المهمة هي ماشي خطيرة صحياً بصح تنقص شوية من “طبيعية” المنتج
يعني: لو كان النكهة طبيعية عادي
بصح صناعية تنقص الجودة شوية فقط

القيم الغذائية (لكل 100غ)
350 كالوري
25غ بروتين 💪
40غ كاربوهيدرات
10غ دهون
✔️ طاقة مليحة
✔️ بروتين عالي
✔️ توازن مقبول
لي تهمنا: منتج نظيف مقارنة بكثير منتجات السوق و مكونات طبيعية في الأساس و المضافات قليلة ومقبولة
⚠️ الملاحظة الوحيدة:
نكهة الكراميل تنقص شوية من “نقاء” المنتج.
التقييم: 4.3 / 5 ⭐
منتج جيد مع لمسة صناعية خفيفة فقط

12/04/2026

تقييم منتج: زبدة المائدة "بطوش" 🧈
اليوم نحكيو على زبدة بطوش، ونشوفوها بعين بيت التغذية
نبداو بالتركيبة (المكونات):
حسب الملصق، فيها 82% مادة دسمة حيوانية
✔️ هذا معيار عالمي للزبدة الحقيقية
✔️ يعني ماشي زبدة صناعية ومافيهاش دهون نباتية مهدرجة
نزيدك هذه المعلومة:
كونها دهون حيوانية فيها فيتامينات ذائبة في الدهون كيما A و D و E بشكل طبيعي

🔥 القيمة الغذائية (لكل 100غ):
السعرات: 776.8 كالوري طاقة عالية جداً (طبيعي)
الدهون: 86غ
منها 53غ دهون مشبعة
البروتين: 0.6غوهذا مؤشر جيد على نقاء الزبدة من الإضافات أو الحليب المجفف الزائد
السكريات: 0.1غ وهذا كذلك مؤشر جيد على نقاء الزبدة من الإضافات أو الحليب المجفف الزائد
الملح: 20mg فقط
✔️ سكريات شبه منعدمة هذا دليل نقاء
✔️ ملح منخفض وهذه مناسبة للي يتحكمو في الصوديوم

⚠️ ملاحظات مهمة:
الدهون المشبعة مرتفعة حتى و طبيعية لازم استهلاك معتدل

👥 شكون تناسب أكثر ؟
✔️ ناس تحتاج طاقة (رياضيين / ناس ناقصي وزن)
✔️ ناس تحب منتجات طبيعية بدون إضافات

🚫 شكون ينتبه؟
مرضى القلب والكوليسترول

📊 الكمية الموصى بها:
شخص عادي: 5–10غ في اليوم (ملعقة صغيرة)
رياضي / زيادة وزن: حتى 15غ
مرضى الكوليسترول: نادرة وبكميات صغيرة جداً
⭐ التقييم النهائي: 5 / 5
✔️ زبدة حقيقية ونقية
✔️ قيمة غذائية ممتازة
✔️ الدهون فيه طبيعية وماشي مصنّعة
⚠️ الاستهلاك يبقى باعتدال

12/04/2026

هيا معا نشرحو الفرق بين هذو 4 منتجات من صومام :

أولا : الياوورت الطبيعي (Nature)
هذا هو الأفضل من ناحية صحية
المكونات: حليب + خمائر لبنية فقط
السكر: حوالي 4غ (طبيعي من اللاكتوز، ماشي مضاف)
السعرات: 48 سعرة / 100غ
وش يميّزو؟ طبيعي 100%، بلا إضافات، مفيد للأمعاء

معدل الاستهلاك: 1–2 يومياً عادي
يتجنبوه: الناس لي عندهم عدم تحمل اللاكتوز الشديد

2. ياوورت بنكهة الفواكه
المكونات: حليب + خمائر + سكر مضاف + نكهات فواكه
السكر: حوالي 8غ مضاف
السعرات: ~70–80 سعرة / 100غ
وش يميّزو؟ طعم حلو، بصح السكر فيه عالي، شغل ياوورت طبيعي + سكر و نكهات

معدل الاستهلاك: 2–3 مرات في الأسبوع كحد أقصى
يتجنبوه: مرضى السكري، لي حابين ينقصو الوزن، والأطفال بكثرة

3. الياغورت لايت (Light)
المكونات: حليب + نكهات + محليات صناعية (كيما الأسبارتام والسيكرالوز)
السكر: ما فيهش سكر مضاف
السعرات: ~45 سعرة / 100غ
وش يميّزو؟ سعرات قليلة وطعم حلو، لكن فيه محليات صناعية
معدل الاستهلاك: 2–3 مرات في الأسبوع
يتجنبوه: الأطفال الصغار، والناس لي يتحسسو من المحليات الصناعية ( مع التحفظ على الأسبارتم، انتظرو المنشور الجاي)

4. مانسور (Minceur)
المكونات: حليب منزوع الدسم + محليات + نشا معدل + مثخنات
الدهون: 0%
السعرات: ~40–45 سعرة / 100غ
وش يميّزو؟ أخف سعرات، بصح أكثرهم فيه إضافات لتعويض القوام
معدل الاستهلاك: 2–3 مرات في الأسبوع (حسب الهدف)
يتجنبوه: لي يفضلو الأكل الطبيعي 100%، والأطفال، والناس لي عندهم مشاكل هضمية مع الإضافات

11/04/2026

تفاعل قبل القراءة ليستفيد الجميع
علابالك وعلاش الحليب يضر بعض الناس اليوم؟
المشكل ماشي في “شرب الحليب بعد الفطام” ( كاين مروجين لفكرة أنو الإنسان هو الثدي الوحيد لي يشرب الحليب بعد الفطام)
الحقيقة أبسط وأدق من هكا
✅ أول سبب: نقص إنزيم اللاكتاز
مع التقدم في العمر، بعض الناس ينقص عندهم إنزيم اللاكتاز لي يهضم سكر الحليب (اللاكتوز)
🔻 وهذا يسبب: نفخ و غازات و إسهال

✅ ثاني سبب: نوع البروتين (الكازيين)
كاين نوعين رئيسيين: A1 و A2
🔹 A2 (في الماعز والغنم وبعض الأبقار)
– أسهل في الهضم
– مشاكل أقل عند بعض الناس
🔸 A1موجود في الأبقار المهجنة )
– يقدر يسبب انزعاج هضمي عند فئة معينة
– لكن ماشي خطر على الجميع

💡 الحل؟
إذا الحليب العادي يضرك، بدل النوع بدل ما تحبسو
جرب حليب الماعز 🐐
منتج كيما Giplait يقدر يكون خيار مناسب او في المناطق لي فيها تربية الماعز و منتجاتها كيما غرداية
✔️ يحتوي غالبًا على A2
✔️ أسهل في الهضم
✔️ امتصاص أفضل

الحليب ماشي عدو
والمشكل ماشي عند الجميع
✔️ إذا يريحك استهلكه عادي
❗ إذا يضرك غير النوع، ماشي لازم تحبسو كامل

11/04/2026

تفاعل قبل القراءة ليستفيد الجميع هيا نديرو تحليل منتج باناكوطا بالتوت العليق من Soummam 🍮
هذا ماشي ياوورت ❌ بل تحلية حليبية صناعية

رغم الاسم Panna Cotta، هذا مش النسخة التقليدية
بل منتج مصنع بقوام كريمي بفضل النشاء والمثبتات، مش جيلاتين فقط ( التقليدي قشدة و سكر وجيلاتين )

المكونات : حليب مُعاد التكوين قشدة +سكر + جلوكوز نشاء الذرة منكهات
🔬 المضافات:
E440 (بكتين): يعطي قوام جيلاتيني خفيف (يساعد المنتج يتماسك)
E1422 (نشاء معدل): يزيد السماكة ويخلي القوام كريمي وثابت
E415 (زانثان): مثخن → يمنع انفصال المكونات
E407 (كاراجينان): يعطي قوام “فلان/جيل” ويخلي المنتج متماسك
E471: مستحلب → يخلط الدهون مع الماء (باش ما يتفصلوش)
E508: منظم حموضة/أملاح → يساعد على توازن الطعم والثبات

هذو كامل دورهم تقني (قوام + ثبات + شكل)،
مش لرفع القيمة الغذائية.هكا نعرف أنو منتج مصنّع يعتمد على مثبتات لإعطاء القوام والثبات
📊 القيم الغذائية (تقريباً /100غ)
🔥 146 سعرة
🍬 سكر: 17.4غ ❗
🧈 دهون: 7غ
💪 بروتين: 2غ فقط

👍 الإيجابيات
✔️ ذوق بنين وخفيف
✔️ مناسب كتحلية من حين لآخر
✔️ قوام مستقر (بفضل البكتين بدل الجيلاتين فقط)

👎 السلبيات
❌ سكر + جلوكوز (يرفع الحمل السكري)
❌ مضافات كثيرة (E407, E1422…)
❌ بروتين ضعيف
❌ ما فيهش بكتيريا نافعة (مش ياوورت)

👥 شكون يقدر يستهلكو؟
👨‍👩‍👧 الناس العاديين: مرة–مرتين في الأسبوع
🏃‍♂️ ناس رجيم : مرة في الأسبوع أو أقل
🩺 مرضى السكري: يفضل تجنبه ❗
💪 زيادة وزن: ممكن لكن ماشي خيار غذائي مفيد
⚖️ التقييم النهائي
⭐ 3.5 / 5 في فئة التحليات( كليتو مرة و ما عجبني الذوق )
⭐ 2.3 / 5 صحياً

10/04/2026

تفاعل قبل القراءة و كمل إقرأ على شوكولاطة ستوري 70%
نبداو بالمكونات المكتوبة على العلبة:
كتلة الكاكاو + سكر + زبدة الكاكاو + فانيلا
مضافات غذائية: ليسيثين (E322) و بولي غليسيرول بولي ريسينولات (E476)
📊 القيم الغذائية لكل 100غ:
الطاقة: 573 سعرة حرارية
البروتينات: 6.7غ
الكربوهيدرات: 30.9غ (منها سكريات: 28.1غ)
الدهون: 46.9غ
منها دهون مشبعة: 22.5غ

🍫 واش نقدر نقولو عليها
شوكولاتة ستوري 70% عندها تركيبة قريبة للشوكولاتة الداكنة، فيها المكونات الأساسية المعروفة، وهذا يعطيها طابع بسيط ومقبول.

ليسيثين (E322) مضاف عادي يُستعمل لتحسين القوام وما فيه حتى إشكال.

أما (E476)، فهو مستحلب صناعي يُستعمل باش يسهل الخلط ويعطي قوام أنعم، ويسمح كذلك للشركات تنقص شوية من زبدة الكاكاو (لي هي الأغلى) وبالتالي يخفض تكلفة الإنتاج. وجوده ماشي خطر في الكميات المسموح بها، لكن غالباً يدل أن المنتج موجه ليكون اقتصادي أكثر من كونه عالي الجودة.

من ناحية القيم الغذائية، نلقاو طاقة مرتفعة وهذا طبيعي في الشوكولاتة الداكنة، مع دهون أغلبها من زبدة الكاكاو، وسكر أقل مقارنة بالشوكولاتة بالحليب، وهذا يخليها خيار مقبول للي يحب النسبة العالية من الكاكاو.

منتج في فئة الشوكولاتة الداكنة، مقبول للاستهلاك المعتدل.
الكميات المنصوح بها :
الشخص العادي (صحي): 20–30غ | 3 مرات في الأسبوع
إنقاص الوزن: 10–20غ | 2–3 مرات في الأسبوع
الرياضيين: 20–40غ | 3–6 مرات في الأسبوع
مرضى السكري: 10–15غ | مرة في الأسبوع
الأطفال: 10–15غ | 2 مرات في الأسبوع
مشاكل القلب أو الكوليسترول: 10–20غ | 1–2 مرات في الأسبوع
⭐ التقييم النهائي: 4.2 / 5

10/04/2026

تفاعل قبل القراءة ليستفيد الجميع من المحتوى النافع
تقييم منتج خل الليمون Nahita:

نبدالكم بالبطاقة التقنية حسب الملصق :
منتج: خل ليمون
طريقة الإنتاج: تخمير طبيعي بلد الإنتاج: الجزائر
شهادات الجودة : ISO 9001 + ISO 22000 + حلال

إذن نكتشف : أنه منتج مخمّر تقليدياً، مش حمض مضاف مباشرة كيما بعض الأنواع الرخيصة
المكونات : عصير ليمون متخمّر + ماء (لضبط الحموضة)
✔️ يحتوي على "أم الخل" و هذا يعني التخمير يصير على مرحلتين: سكر ثم كحول ثم حمض الخل
وهذا هو لي يعطي الخل خصائصه و وجود “أم الخل” دليل أنه: غير مبستر وومازال فيه بكتيريا نافعة

ملاحظة مهمة لازم تركز عليها و خاصة بعض الفوائد لي تلقاها في الملصق:
"أم الخل" ماشي سحر، هي مجرد بكتيريا تخمير… مفيدة يساعد على تحسين الهضم، تقليل الانتفاخ، دعم توازن البكتيريا النافعة، وقد يساهم بشكل خفيف في التحكم في سكر الدم عند تناوله مخففاً. لكن ماشي علاج إذن أي ادعاءات علاجية قوية (تنحيف سريع، علاج أمراض…) هو تسويق فقط

لسلامتك : الخل حامضي بزاف (pH حوالي 2–3) ما يتشربش مركز
✔️ الطريقة الصحيحة: ملعقة كبيرة في كأس ماء
الإفراط يقدر يسبب: تآكل الأسنان و تهيج المعدة
💰 السعر:حوالي 550 دج و منطقي لمنتج فيه "أم الخل" أغلى من الخل الصناعي لكن الجودة مختلفة
التقييم :
⭐ 4.5 / 5
✔️ تخمير طبيعي
✔️ يحتوي على أم الخل
✔️ جودة تصنيع مليحة
نقصتلو نصف نقطة : الفوائد المذكورة في الملصق مبالغ فيها شوية يبقى منتج مساعد فقط
و من نصل للخاتمة هذا خل طبيعي ومحترم
لكن ماشي دواء… استعملوه باعتدال وبطريقة صحيحة وراح تستافدو منو

10/04/2026

تفاعل قبل القراءة ليستفيد الجميع من المحتوى النافع 👇
اليوم مع منتج Granola من Fit and Strong:
المكونات :
رقائق الشوفان + زبيب + دبس التمر + لوز + كاجو + بذور الكتان + بذور السمسم + زيت نباتي + ملح
✔️ بدون سكر مضاف ( سكريات طبيعية من التمر والزبيب)
✔️ غني بالدهون الصحية من المكسرات والبذور
❗ ملاحظة: فيه غلوتين ومكسرات (لي عندهم حساسية ينتبهو)
⚠️ ملاحظة مهمة على الزيت النباتي هنا بكمية قليلة و دوره:
✔️ يساعد في تحميص الغرانولا ويعطيها القرمشة
✔️ يمنع المكونات تلتصق ببعضها
لكن 👇
❗ نوع الزيت غير مذكور ( على الأغلب صويا او دوار شمس)

📊 القيم الغذائية (لكل 100غ):
395 سعرة 🔥
بروتين: 14.5غ 💪 (ممتاز)
ألياف: 9.1غ 🌾 (مليح للهضم والشبع)
سكريات: 3غ (
دهون: 10.7غ

هذا منتج ممتاز مقارنة بكثير Granola في السوق 👌
لكن ما نغلطوش 👇
راه عالي في السعرات بسبب المكسرات ودبس التمر ( مالا دير حسابك)
✔️ مناسب:
فطور مشبع
ناس رياضة
زيادة وزن صحية

❌ انتبه:
لي حاب ينقص الوزن لازم يتحكم في الكمية (30–50غ فقط)

⭐ 4.5 / 5 (في فئة الغرانولا)
✔️ مكونات بسيطة
✔️ قيمة غذائية مليحة
❗ ردو بالكم كاين منتجات من نفس الفئة فيها سكر مضاف

09/04/2026

تفاعل قبل القراءة ليستفيد الجميع من هذا المحتوى 👇
بزاف منا يعرف خل التفاح، بصح في الحقيقة “عائلة الخل” كبيرة ومتنوعة. السر المشترك بينهم كامل هو حمض الأسيتيك، وهو لي يعطي الفائدة الأساسية، لكن كل نوع يضيف لمستو الخاصة حسب المادة لي جا منها.

قبل البداية نشكر محل توابل وأعشاب ريف المدينة على حرية التصوير .
خل الليمون 🍋
هذا النوع يجمع بين حمض الأسيتيك وحمض الستريك، يعني قوة مضاعفة شوية. ينفع بزاف للناس لي يعانيو من ثقل في المعدة بعد الماكلة، خاصة مع البروتينات كيما اللحم والبقوليات، ويساعد على تحسين الهضم.

خل الكركم 🧡
الخل هنا يساعد باش يخرج المواد الفعالة لي في الكركم. النتيجة منتج عندو طابع مضاد للالتهابات وغني بمضادات الأكسدة، يقدر يكون إضافة مليحة في نظام غذائي صحي.

خل الورد 🌹
هذا أكثر استعمالو تجميلي. فيه خصائص مضادة للميكروبات ويساعد على شد المسام. يتستعمل مخفف بالماء هكا نحصل على محلول مُنقّي للبشرة” أو “مُقوّي/مُوازن للبشرة للبشرة الدهنية باش ينقص اللمعان ويرجع توازن الحموضة تاع الجلد.

خل اليقطين 🎃
غني بالمركبات النباتية والمعادن، وطعمو أخف من خل التفاح. يقدر يكون اختيار مليح في السلطات للناس لي حابة تنوع وتستفاد غذائياً بدون حموضة قوية.

خل التمر 🌴
يتميز بنسبة مليحة من البوتاسيوم والحديد مقارنة ببعض الأنواع الأخرى. يقدر يكون بديل ممتاز لخل التفاح في الطبخ، ويساهم في توازن الأملاح في الجسم.

كيما عودتكم انا مختص التغذية إسلام أدعو ديما للإعتدال الخل ماشي دواء سحري، هو غير عامل مساعد للهضم وتحسين الامتصاص.

وعمرك لتشرب الخل وحدو، لازم يتخفف (ملعقة كبيرة في كاس ماء كبير) باش تحمي أسنانك والمعدة.

اختار الخل الطبيعي لي فيه “أم الخل”، هذيك الرواسب لي تبان تدل بلي الخل حي وماهوش مبستر.
وأنتم، جربتو من قبل الخل في الروتين تاعكم؟ سواء للهضم ولا للبشرة؟ 👇

09/04/2026

تخيل تشري لحم مفروم اليوم، تلقاه حمر شعل كأنو تذبح دكا … تديه للدار، تحطو في الثلاجة وتنساه سيمانة كاملة…المفاجأة؟ كي تخرّجو تلقاه مازال بنفس اللون الأحمر القوي! 😳

واش هذا تتعجب ؟ مالا نقولك هذا هو “الميتابيسلفيت” (Metabisulfite)، ماكياج اللحم الفاسد.

وش كاين ورا هاد الحكاية لي قلتها ؟
المعلومة هذي ما جاتش من فراغ… مؤخراً تم ضبط جزار كان يستعمل محلو كتمويه، وتم حجز 36 قارورة من هاد المادة، وهذا هو السبب لي خلاني نحكي على الموضوع.

في بعض محلات الجزارة (ماشي كامل طبعاً)، كاين لي يستعملو هاد المادة باش يرجعو اللحم يبان طازج:
اللحم كي يبدأ يتبدل لونو ويولي بني ولا رمادي (وهذا طبيعي، اللحم يتبدل بسبب العرض و الهواء و عدة عوامل )، يجيبو هاد المادة ترجعلو اللون الأحمر الزاهي وكأنو جديد.
حتى الريحة تقدر تختفي، يعني اللحم يكون بدا يفسد وانت ما تفيقش بيه
وفوق هذا، تنقص من فيتامين B1، يعني القيمة الغذائية تاع اللحم تولي أقل.

والمشكل ماشي غير غش برك، كاين خطر على الصحة:
تقدر تسبب نوبات ربو للي عندهم حساسية ( لذلك الكاشير ممنوع نهائيا على صحاب الربو و الحساسية)
تقدر تدير مشاكل في المعدة والأمعاء بشكل مفاجئ.
ومع الوقت، نقص في فيتامين B1 يقدر يأثر على الأعصاب والقلب.

كيفاه تحمي روحك؟

ما تشريش اللحم المفروم جاهز ولا المتبّل من قبل.
ديما اطلب من الجزار يفرملك اللحم قدام عينيك باش تكون ضامن واش راك تاكل و قبل كل هذا اشرو على محلات ثقة و الجميع يسمع على محلات تغش تجنبوهم، ما عندنا رفاهية اللحم بزاف، و كي نروح نشريه فاسد و بالماكياج

08/04/2026

اليوم صادفت جبن الأوراس – باتنة، وصدقوني هذا النوع بالذات مختلف 👀
الذوق تاعو روعة 😋 والقيمة الغذائية تاعو هايلة مقارنة بكثير منتجات في السوق، وحتى يختلف على بعض الأنواع كيما صومام من ناحية التركيبة

السعر تاعو حوالي 70 دج في عين الدفلى 💰
ونظن مجمع جيبلي باتنة راهو يوزعو في بزاف ولايات
🧾 المكونات:
عجينة الجبن مع قشدة طازجة تعطيه قوام كريمي مليح، مع إضافة أملاح الاستحلاب (النوع غير مذكور) وكمية ملح، إضافة إلى حليب منزوع الزبدة
✔️ والأهم: خالي من المواد الحافظة الصناعية
📊 القيم الغذائية لكل 100غ:
🔥 طاقة: 130 ك كالوري
🥓 دهون: 8.9غ
💪 بروتين: 8.7غ
🍬 سكريات: 3.9غ
🧂 ملح: 0.07غ
وش يعجبني فيه؟ 👇
✔️ مصدر مليح للبروتين
✔️ الملح فيه منخفض مقارنة بكثير أجبان
✔️ سعرات حرارية خفيفة
✔️ طعم كريمي وجودة محترمة
👨‍⚕️ مناسب لـ:
• لي راهم في نظام غذائي متوازن
• الأطفال والمراهقين
• الرياضيين (بروتين خفيف)
• السناكات والسندويشات
🟢 التقييم الصحي: 4.5/5
منتج ناجح 👍 خاصة في فئتو

House Of Nutrition - بيت التغذية

12/04/2026

12/04/2026

12/04/2026

12/04/2026

11/04/2026

11/04/2026

10/04/2026

10/04/2026

10/04/2026

09/04/2026

09/04/2026

08/04/2026

Adresse

Site Web

Notifications

Raccourcis

Partager