Derouich Dental clinic Dr Lina Katr Ennada

25/12/2025

19/12/2025

منشور صريح و عن تجربة كطبيبة أسنان و ابنة عائلة طبية 😅
إلا راكم تفكرو بان طبيب الأسنان جمع الأموال و عدم صرفها و المال يسيل عليكم من السماء ،راكن غالطين🥹المهنة هذي لازم تختارها عن حب و لازم تاخد بعين الاعتبار الجانب المادي .
No money no development
اقصد باش تواكب التطورات العلمية اليومية و تعمل بالبروتوكولات العالمية الحصرية ،ماش تبريكولي في أسنان الناس
هذي مهنة صعيبة بزاف وحقيقة ما يعرفها غير لي دخلها.
و زيادة على ذلك هذه المهنة تشارك فيها كل أعضاء الجسم:
العين مركزة، اليد ثابتة، الرجل تخدم،الظهر يعاني،تدهور صحي بامتياز مع تدهور حواس عدة لاستنشاق يومي للروائح الكريهة و المواد الكيميائية ،وزيد حاسة السمع فحنا تحت رنين و صخاب يومي يجعلك مع مرور السنين في نقص حاد للسمع و صداع بالرأس
والمخ دايما خدام طبعا 👌
وزيد عليها خطر العدوى، دم، لعاب، وتعامل يومي مع المرضى، يعني الحذر لازم يكون دايم.

من الناحية النفسية؟ ضغط كبير:
مريض خايف، مريض ما يعجبوش الحال، قرارات لازم تتاخذ في لحظتها وما فيهاش الغلط.
ومن جهة أخرى كاين الحساب المالي والمسؤولية:
عيادة، تجهيزات، مواد، عمال، مصاريف ما تكملش، ومسؤولية قدّام كل مريض.

طبيب الأسنان هو:

عالِم يفهم المرض
جراح يخدم بالدقة
فنان يصنع الابتسامة والجمال
ومسؤول يتحاسب على كل حاجة يديرها
والحقيقة المرة؟
لي يحب يطور روحو كما ذكرت سابقا لازم المال:
تجهيزات جديدة، دورات، تقنيات حديثة لي ما يطورش روحو يتخلف.
مهنة شريفة، بصح ماشي سهلة نهائيا.
واللي يختارها، يختار طريق طويل فيه تعب، ضغط، ومسؤولية قبل أي حاجة أخرى.
الحاجة الإجابية و المكتسبة في هذه المهنة:انك تتعلم و تتأقلم مع كل الظروف و كل أصناف الناس و مام لوكان كنت غبي تصبح ذكي ،لان مخك أثناء العمل و التكرار يصبح مرن
نصيحة:اي شخص يريد الالتحاق بطب الاسنان يحاول ياخد بعين الاعتبار كل هذه الامور و التوفيق من عند الله .❤️
dr Lina