Sirius med space

04/04/2026

#رسميا
🚩🚩🚩بشرى لمرضى السرطان
وزارة الصحة الروسية تعلن عن تلقي أول مريض لقاحًا مخصصًا لعلاج سرطان الجلد
🩷

04/04/2026

أكبر خطأ نديره كي تجينا الحمى! 🌡️❌
​
بزاف منا غير يشوف الحمى طلعت، يجري يجيب الخل ويبدا يشمخ في المحارم ويحط فوق الجبهة.. مي علابالك بلي هاد العادة تقدر تزيد الطين بلة؟

​⚠️ علاش الخل والماء البارد بزاف غلط؟
لأنهم يديروا "صدمة" للجسم ويخليوا الأوعية الدموية تضيق، وهادشي يخلي الحرارة تتحصر لداخل وما تخرجش، غير إذا هدرنا على الحساسية اللي يقدر يديرها الخل للجلد.

​✅ الطريقة الصحيحة والطبية:
باش تهبط الحمى بطريقة آمنة، استعمل ماء الحنفية العادي (ماشي بارد بزاف) ودير الكمادات في "نقاط التبريد" اللي هي:
1️⃣ تحت الإبطين.
2️⃣ بين الفخذين.
3️⃣ على جانبي الرقبة.
​هاد الأماكن تمر فيها الأوعية الدموية الكبيرة، وهي اللي تبرد الدم وتخليه يدور في كامل الجسم ويخفض الحرارة بسرعة وبأمان.
​ 🩷

​ #صحة #حمى #الجزائر

03/04/2026

👩‍⚕️:قاعدة فليزيرجونس (les urgences) حتى ليدخل علينا واحد عينيه زروقة أول حاجة تجي فبالك تقول مضروب ببونية للعينين 😱

🫠 مي فالصح واحد ماقاسو فوجهو و لكن لبنادم هادا طلع مضروب على راسو

🙎‍♀️:اهيه يا لحكيمة فهميهالنا هادي كيفاه الضربة فراسو و الزروقية فعينيه

👩‍⚕️:ايييه ارواحي نفهمك ارواحي ❕

​⚠️ علاش عينك "تزراق" كي تتضرب في راسك؟ 🩺

​بزاف منا يشوفوا بلي كي يتقاس الواحد بضربة قاوية في جبهته ولا في راسه، عينيه في زوج يزراقو ويولوا منفوخين، وهو ما نسموه طبياً "Black Eyes" أو "Ecchymose péri-orbitaire". بصح واش هي العلاقة؟

​❓ علاش يصرا هكذا؟
​الجلد اللي داير بالعين رقيق بزاف وحساس
كي تكون كاين ضربة (Choc) في الجمجمة، الدم يقدر يسيل تحت الجلد ويمشي مع الجاذبية حتى يتجمع في الفراغات اللي حول العين.

​🚩 وقتاش تولي الحالة "خطر"؟
​ما لازمش تستهان بالضربة إذا شفت هاد العلامات:

👈🏻​عين الراكون (Raccoon Eyes): إذا زراقت العينين في زوج بلا ما تضربت فيهم مباشرة، هادي تقدر تكون علامة على كسر في قاعدة الجمجمة.
👈🏻​الدوخة ولا التقيؤ: إذا كان السيد حاس بدوخة كبيرة ولا راه يتقيا.
👈🏻​الرؤية المشوشة: إذا راه يشوف "الضباب" ولا "زوج".
👈🏻​سيلان من الأنف ولا الأذن: سائل شفاف ولا دم يسيل بلا سبة.

​✅ واش لازم دير؟
👈🏻​الثلج فوراً: حط كمادة باردة (ماشي الثلج مباشرة على الجلد) باش تنقص الانتفاخ.
👈🏻​الراحة التامة: المريض لازم يرتاح وما يدير حتى مجهود.
👈🏻​المراقبة: إذا شفت الأعراض اللي ذكرناها فوق، أجري للاستعجالات (Urgences) وما تستناش حتى لغدوا

​نصيحة من عند "الطبيبة"👩‍⚕️: العين مراية الراس، والضربة في الراس ماشي لعبة. الوقاية ديما خير من العلاج! 🛡️
🩷

02/04/2026

🚬التدخين راهو "سمّ" حقيقي ياكلك في صحتك وفي جيبك🪫💵 بلا ما تفيق

🔹 المضرّة نتاعو كبيرة بزاف
👈🏻 يخرب الرئة، يضيق النفس، ويدير أمراض القلب والسرطان اللي واعرة بزاف😱
بلا ما ننساو الريحة والأسنان اللي يصفارو🤢

🔹​علاش لازم تحبس وتخطيك منه؟🤨
👈🏻​صحتك هي راس مالك: كي تتجنبو، تريح روحك من التعب وتعيش حياة أطول وبصحة خير🫡
👈🏻​دراهمك: المبالغ اللي تضيع في "الدخان" أولى بها ولادك ولا دير بها حاجة تفيدك 💵
👈🏻​المحيط نتاعك: باش ما تضرش والديك وعايلتك بـ "التدخين السلبي"❕

🔷​باختصار، الدخان مجرد "هواء محروق" يضيعلك حياتك

✅ تخطاه اليوم قبل غدوة! اربح صحتك و راحتك 🩷🫶🏻
🩷

02/04/2026

🧠 السلام عليكم أنا الدماغ و ليوم جيت نخبركم وحد لحكاية بما أنو ناس دايرتني بلي أنا أناني و نخمم غي فروحي 🥺 قالولي بلي بهدلتنا كي دوخنا و طيحنا لرض

🔹يا خويا، هذي حقيقة كاينة منها بصح "أنانية" كلمة شوية قاسية، نقدروا نقولوا باللي الجسم "صامط" ويدير واش يحب باش يسلك روحو!

🔹​شوف، القصة وما فيها هي إنو أنا الدماغ يسموني الرئيس تاع الجسم، وما نخدمش بلا أكسجين ودم

🔹كي نحس بلي الضغط هبط والدم راهو واحل لتحت في الرجلين وما راهوش يطلع ليا مليح (بسبب الجوع، السخانة، ولا الخلعة)

🔹واش ندير ؟!
نبعت سينيال للقلب وللجهاز العصبي نقولهم: "أيا حبس كلش، راني رايح ندي كونجي!"

🔹هنا الجسم يستعمل "خطة الطوارئ":
يقطع عليك الضوء وتفقد الوعي باش تستلقي فوق الأرض.

🔹وعلاش؟
باش يولي الجسم تاعك في وضعية أفقية، وهکذا الجاذبية ما توليش ضدو، والدم يسيل بالساهل ويروح ديركت للدماغ بلا مجهود

🔹يعني الإغماء هو مجرد "إعادة تشغيل" (Restart) فورصي باش الدماغ يضمن حقو في الدم وما يموتوش الخلايا تاعو.

🔹تسمى الجسم تاعك يطيّحك باش "يسوفتيك"، ماشي باش يبهدلك قدام الغاشي!
🩷

01/04/2026

🛑🛑🛑حابة نحكي فوحد السوجي
و لي هو ظاهرة إنك تكذب على الطبيب كي يسقسيك كش سؤال

أولا الطبيب ما رح تزيدلو فعمرو ماراح تنقصلو كي تكذب
ثانيا نتا أول متضرر من هاد التصرف

الطبيب راه يسألك باه يوصل للتشخيص الصحيح و يتفادى الأخطاء و لحاجات لي تضرك و تكون ضدك

لهذا لازمكم تتفاداو مثل هاته التصرفات مع الأطباء

نمدلكم مثال صرا فالواقع :إنو امرأة سقساها radiologue اسكو راهي بالحمل Enceinte باه يديرلها radio du thorax قتلو لا كي كمل قتلو أسكو ينظر الجنين 😳🥴
يااااا أختاه علاه يعني ما خبرتينيش ماللول 🤨🫠

نتا مادام رايح للطبيب راك حاب يداويك على قاعدة صحيحة
امالا لازمك تتفادا مثل هاته المواقف كون صريح في النهاية راك مع شخص أمين ،و بارك الله فيكم 🤍
🩷

31/03/2026

🤍و لقوله جلّ جلاله:
"وَمَا تَوْفِيقِي إِلَّا بِاللَّهِ ۚ عَلَيْهِ تَوَكَّلْتُ وَإِلَيْهِ أُنِيبُ"

🛑Dr AMARI Souhaib ORL
هاهو اليوم يبدأ بكتابة مشوار جديد بلمساته الطبية
نسأل الله له التوفيق و السداد و أن يجعل علمه نفعا للأمة و شفيعا له عن شبابه فيما أفناه
Bonne courage lhakim
🩷

الفترة الجاية، حاب نبدا نشارك معاكم محتوى طبي مبسط في مجال الصحة عموما و في اختصاص أمراض الأنف، الأذن والحنجرة (ORL) خصوصا.

الهدف: نفيدكم بمعلومات صحيحة، ونجاوب على تساؤلاتكم بطريقة سهلة وواضحة.

30/03/2026

لا حول و لا قوة إلا بالله العلي العظيم 💔🇵🇸

اللهم إنا نستودعك المستضعفين من عبادك

اللهم إنا نستودعك فلسطين وأهلها، ليلها ونهارها، أرضها وسماءها، فاحفظهم بحفظك الذي لا يرام.

​كان الله في عون الجميع في هاته الأوقات العصيبة

يبدو أنها ليلة لن تنسى في تاريخ المسلمين اللهم نصرك اللهم رحمتك اللهم إنك قادر على كل شيء اللهم يا رب

🩷

30/03/2026

🩺اليوم العالمي للطبيب الموافق ل 30 مارس من كل عام

🩷في يومنا العالمي ، لا نحتفل بمهنة، بل نحتفل بحياة استنزفناها لنهب الآخرين حياةً أفضل. فخور بكل زميل يضع راحة المريض فوق راحته.
​
🩷تحية لكل طبيب لم تمنعه ضغوط العمل من الحفاظ على إنسانيته، ولكل يدٍ ترتجفُ حزناً على مريضها وتثبتُ صموداً أمام علاجه.

​🩷نحن ورثة الحكمة وحملة الأمانة الثقيلة.. كل عام ونحن والطب بخير وصمود.

🩷

29/03/2026

🛑رحم الله الرئيس المجاهد ، وغفر له وأسكنه فسيح جناته. لقد كان قامة وطنية شامخة، ورمزاً من رموز الرزانة وعفة النفس. يُذكر له التاريخ أنه تولى المسؤولية في أصعب الظروف التي مرت بها الجزائر، فكان رجل الحوار والمصالحة، وحمل أمانة البلاد بصدقٍ ونزاهة، مؤثراً مصلحة الوطن على بريق السلطة حين قرر الانسحاب طواعية، تاركاً خلفه إرثاً من الاحترام والتقدير في قلوب كل الجزائريين.
​
​"اللهم اغفرا ل وارحمه، وعافه واعفُ عنه، وأكرم نزله ووسع مدخله. اللهم اجعل ما قدمه لوطنه وأمته في ميزان حسناته، واجزه عن الإحسان إحساناً، وعن الصبر والجهاد عفوًا وغفراناً، واحشره مع الصديقين والشهداء والصالحين وحسن أولئك رفيقاً."
🩷

26/03/2026

🟦ما تخليش السكّر يخدعك!"

🔷​بزاف ناس يحسابو بلي السكّر هو غير "الحلاوة" (Gâteaux et Boissons)

🔷 مي لازم تعسّ روحك من "النشويات" المخبية:

🔹​الخبز الأبيض: يتحول لسكّر في الدم تمتم.
🔹​المقرون والروز: كولهم بصح بلا ما تفرّط في الكمية.
🔹​الفاكية: مليحة، بصح ما تاكلش منها بزاف في قعدة وحدة (خاصة الدلاع والعنب).

🔷​النصيحة: المشي (Marche) نص ساعة في النهار هي أحسن دواء طبيعي يريغل السكر!
🩷

26/03/2026

◽راسك يدور؟ وجهك صفر؟"

▫️​إذا راك تحس بالفشلة وڨلبك يخبط بالخف، قادرة تكون عندك "لانيمي" (نقص الحديد).

▫️​غلطة كبيرة: تشرب لاتاي (Thé) مباشرة مورا الماكلة لأنو يحبس امتصاص الحديد في الجسم.

▫️​الحل: خلّي ساعة أو ساعتين مورا الفطور باش تشرب أتايك.

▫️​زيادة خير: كي تاكل حاجة فيها الحديد (كيما العدس ولا اللحم)، اشرب معاها شوي قارس(Citron)؛ "Vitamice C" تعاون الجسم يمتص الحديد مليح
🩷