Cabinet medical général DR GRINE SAFA عيادة طبية الدكتورة قرين صفاء

04/07/2025

04/07/2025

وانا مع طبيبة اسماعيل هههه عافكم من حكايات خداوج وتبردوا وتمتعوا بالصيف ❤️🥰🩵

نصائح الصيف 🏊🏊🏊🏊

1- السباحة مسموووووووحة للحامل ،ممنوعة في حالة الألم،النزيف أو تمزق الكيس الأمنيوسي (السقية)

2-حتى النافس تقدر تعوم،أربعة إلى ستة أسابيع بعد الولادة(بعد ما يتغلق عنق الرحم)قادرة تعومي (لكان لقيتي شكون يحكملك البيبي 😁😁😁)
)
3- المكيف مسمووووووح للنافس حتى معاها البيبي في نفس الغرفة( في حالة القيصرية يولي واجب 😉😉😉)....خلونا مالا من القوالب 😁😁
🚨🚨لازم تغسلو le filtre قبلا
🚨🚨تحطو كاس ماء في الغرفة لتجنب الجفاف
🚨🚨الحرارة 25 ل 26
🚨🚨🚨و مايكونش مقابل البيبي 👌👌👌

4-المثلجات مسموحة للحامل و النافس (و الخرافة المشهورة أنو المثلجات تبرد لوجاع تاع الحامل المقبلة على الولادة من اختراع خداوج 🥴🥴🥴)

5-تجنبي les piscines ,لخطر تنقل الالتهابات (les infections)خاصة للحامل لي تكون مناعتها ضعيفة😉😉😉

6-ماتكتروش من الدلاع (جاوني 4 حالات تسمم منو فالٱونة الأخيرة)

ا🌹🌹البحر ،المثلجات و زدتكم climatiseur ,مسموحين للحامل و النافس ،فوق هك مانقدرش نعاونكم 😅😅😅

01/07/2025

هذا واحد من مخاطر ايبروفان من دون استشارة طبيب

30/06/2025

عندي ملاحظة للامهات ...اكيد لاحظتوا انتشار التهابات الفيروسية للاطفال مؤخرا ( التهاب الكبد أ -صفير- ،بوحمرون ،الجذري ....) لذلك امهاتي عزيزاتي اذا طلعت سخانة لوليدك او بنيتك متستعمليش الدواء في صورة ،👇
اذا طلعت سخانه ومهما كان سبب هبطيها بالدوليبران شميعات او سيرو مع كمادات ..وفي حال استمرار الحرارة اكثر من 24 ساعة اديه لاقرب طبيب يشخص المرض ويعطيك دواء
متستعملوش الجيفان او اي نوع كيفه من دون وصفة طبيب او استشارته ( في حالة التهابات الفيروسية واستعمال مضادات التهاب كما الجيفان قادر تسبب مضاعفات قد تؤدي للموت )
دمتم سالمين ❤️🌹

20/06/2025

في لوقت لي البعض او اكثرية يشكي من حياته او يتذمر من انجازاته ..كاين لي حلمه يصعد الدروج او يمشي بلا دعامات
الحمد لله الذي عافلني مما ابتلى به غيري
دمتم سالمين ❤️🌹

05/06/2025

العيادة مغلقة ابتداء من اليوم الخميس 05 جوان (عرفة) ..العودة للعمل يوم الثلاثاء 10 جوان (خامس ايام العيد ) ان شاء الله
عيدكم مبارك وتقبل الله منكم صالح اعمال 🕋🐏💚

29/05/2025

الله اكبر ..الله اكبر
لا اله الا الله
الله اكبر ولله الحمد

22/05/2025

15/05/2025

العيادة مغلقة اليوم ..نظرا لمشاركتي في ايام التعليمية عن مايخص الحمل ..ايكوغرافي..تاخر الانجاب ..لاكتساب مزيد من الخبرة ...العودة باذن الله يوم السبت
ادعولنا بالتوفيق 💚
ودمتم سالمين ,❤️🌹

27/04/2025

نظرا للسؤال المتداول بكثرة طبيبة بني دار ربع شهر واش من فرينة نبداهالو ؟
الجواب : انا ضد الفرينة بشكل عام ومهما كان نوعها ..لانها مجرد سكر و تنفخ البيبي فقط ..يعني سبب للسمنة فقط وغير نافعة تماما ،😌
كي يدير وليدك او بنتك اربع شهر ابداي ذوقيه فقط ..عصير طاطم .عصير كابويا ...عصير جزر ...ومن دووون اضافة سكر او ملح لطعام طفل ..كي يدير خمس شهر ابداي عوديه على الجلوس ..كي يعود يشد القعدة مليح ابداي ديريلوا البيون نتاعه .بالخضر ولحم او جاج وارحيها مليح .واعطيهالو ...اخدميلو كومبوت طبيعي بتفاح وايجاص او بيطراف ويكونو طايبين طبعا او مفورين ..وهكذا ...
تغذية الرضيع والطفل عموما داخلة في التربية ..لازمها الصبر والعزم والمجاهدة ✌️😏
بالتوفيق لكل امهات في تربية اطفالهن
دمتم سالمين ❤️🌹