Quelles sont les heures d'ouverture ?

Lundi 08:00 - 22:00 Mardi 08:00 - 22:00 Mercredi 08:00 - 22:00 Jeudi 08:00 - 22:00 Vendredi 08:00 - 22:00 Samedi 08:00 - 22:00 Dimanche 08:00 - 22:00

Quel est le site Web ?

https://www.facebook.com/109617997984812/

عيادة الطبيبة فني.آ للتغذية العلاجية

Page d'Accueil
Algérie
Barika
عيادة الطبيبة فني.آ للتغذية العلاجية

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de عيادة الطبيبة فني.آ للتغذية العلاجية, Santé, حي النصر شارع تريكي الشادي مقابل مسجد عقبة بن نافع, Barika.

for a healthy and balanced lifestyle
من أجل حياة صحية ومتوازنة

حي النصر شارع تريكي الشادي مقابل مسجد عقبة بن نافع بريكة- باتنة 0659.00.96.46

https://goo.gl/maps/8ZomNnCLFdfrtiZj6

21/02/2026

شوفو معايا الحاجة "قرمية" ، انسانة تسكن في الريف الجميل ، مؤخرا ماولاتش تقدر تمشي بزاف، ركايبها عياو، ولات تعرق، ريقها ينشف بزاف في الليل ، تشرب بزاف وتبول بزاف ، هيا داتها ابنتها الغالية تدير تحاليل لقاو السكر في الدم طالع شوي، جاتني الحاجة قاتلي مش حابة نبدا الدواء ، انا انسانة حركية بطبعي ، مزلت نسرح ، نسقي من برا ، نخرج نلم البيض من عند دجاجاتي ، نشرب ماء نقي من تحت الأرض ، الخضر و القمح و الشعير نزرعهم انا ونسقيهم انا ، هيا قتلها اوكي ، نبداو الريجيم و نشوفو اذا كاين نتيجة اللهم بارك مكانش ديراكتومون تروحيلي لطبيب الغدد و السكري ، دارت القلب الحاجة ، تبعت نظامها الغذائي ، زادت في الحركة ، نقصت 5 كغ الله يبارك مالغري عمرها ومعدل الحرق البطيء لي عندها ، و النتيجة؟ أمامكم : انخفاض رائع في نسبة السكر في الدم ، خفة ونشاط زايدين ، راحة تامة أثناء القيام بالمهام المنزلية رغم شقتها ...

حالة الحاجة "قرمية" هي حالة واحدة من عشرات الحالات التي نستقبلها بشكل شبه يومي في العيادة ، و دائما (بفضل الله تعالى) ثم برامجنا الغذائية المدروسة بدقة نتحصلو على نفس النتيجة : تحسن ليس في الشكل الخارجي فقط ، ولكن في صحة الأعضاء الداخلية أيضا ..

اذا كنت تعانين من نفس المشكل أو مشاكل أخرى متعلقة بالتغذية ، لا تترددي في زيارتنا..

21/02/2026

مواقيت العمل في شهر رمضان الكريم
الفترة الصباحية من 9:00 إلى 13:00 (تغذية)
الفترة المسائية من بعد المغرب بحوالي ساعة إلى بعد صلاة التراويح (استعجالات)

01/02/2026

“Tout est poison, rien n'est poison : c'est la dose qui fait le poison”

هاذي مقولة مشهورة للطبيب الكيميائي "باراسيلسوس" مؤسس علم السموم (toxico لي يقراوه طلاب الصيدلة) وش تقول : تقول أنو كلش قادر يكون سم ، و كلش قادر يكون ماهوش سم أيضا ، وش يدير السم هي "الجرعة" فقط .

هذه المقولة تنطبق على الأدوية ، مش أي دواء نشربو هكاك برك بدون معرفة الجرعة المحددة ، و تنطبق أيضا على الأعشاب ، ماشي " اذا مانفعش مايضرش" هاذي الفكرة للأسف غالطة ، لازم كلش بالجرعة المحددة ..

22/01/2026

شوفو الجمال ، شوفو الأناقة ، شوفو "الصحة" بحد ذاتها كيفاه قاعدة تتحسن!!!

متابعتي الغالية من ولاية المسيلة ، مش راح نكثر الهدرة عليها لأنها تخاف من العين ههههههه قاتلي كي ندير ريجيم في ستر الله ومانقولش للعباد ننقص ، كي نبدا نهدر ونقول راني ريجيم والله مانطيح غرام 😂😂😂

قتلها عادي مانحطش الحالة تاعك طول أحترم الخصوصيات ، قاتلي لالا راني الطبيبة لي نديلها تعياراتي تقولي وش درتي ، حبيت ننفع لي كيفي باه يديرو شوي إرادة ...

المهم ، مش راح نقولكم شحال نقصت ، مي شوفو تحاليلها تقدرو تعرفو ، أهم حاجة السكر من 1.02 لل0.90
و الكوليستيرول من 1.57 لل1.00 ... و الكثيييير الكثير ..

وخااااااااااصة الالتهاب ، كان تعاني من التهاب المفاصل على مستوى الركبتين محبسها على المشي أصلا ، شوفو كيفاه هبط ، بفضل ربي سبحانه وتعالى ثم إرادتها ثم برنامجنا الغذائي المضاد للالتهاب هبط و الآن راهي تمشي بعد ما كانت حبيسة الفراش ...

الحمد لله الذي أكرمنا بقضاء حوائج الناس ، الحمد لله ، الحمد لله

19/01/2026

هذا المنشور موجه للمتابعات لي يعانيو من نقص الوزن و لي "مايصبروش" ، لي ديما عندهم أعذار ، مانيش قاعدة ، مانشتيش نطيب ، مزروبة عرسي بعد شهرين نحوس نزيد ... وخااااااصة كلمت ذرحت وليت نسمعها الف مرة في اليوم 😡😡😡

المتابعة الشطورة "شيرين" جاتني لأول مرة حابة تزيد في الميزان ، درنالها فحص شامل و حكينا معاها شوي ، تقولي نوقف ندوخ ، نغسل الماعن ندوخ ، نروح نمشي للبيس برك تاع الجامعة ندوخ ، مبدئيا كانت تبان بلي تعاني من فقر الدم أكيد ، لكن كي طلبت التحاليل كانت المفاجأة ، الهيموغلوبين واصل ل 6 والحديد 1 !!!!

قتلها راكي لاباس؟ حية تمشي و تقراي و تقضي !!! ، قاتلي مام انا تشوكيت مانحسبوش هابط لذي الدرجة ، بدينا نصححو فيه مع برنامج غذائي صحي ومتوازن من جهة باه نطلعولها الحديد بطريقة مايزيدش يهبط باذن الله ، ومن جهة أخرى باه تزيد في الوزن ،كي روحت قاتلي قلت لماما هااااه قاتلي الطبيبة عندك فقر دم حاد هو لي مايخليكش تديري شغل الدار بلا ماتتعبي مانيش نمثل ههههه !! 😏😏😏

شيرين الشطورة كانت "صبورة" ، شربت دواها بانتظام ، وطبقت البرنامج بحذافيره ، والنتيجة أمامكم : من 49.7 كغ إلى 56.3 كغ أي تقريبا "زيادة 7 كغ و رطل" في ظرف ثلاثة أشهر ... طبعا بلا ماننساو الهيموغلوبين لي طلعت ل13 و الحديد ل 14 ...

لذلك رسالتي ليكم ، الشابات اللواتي يعانين من نقص في الميزان ، ماشي تروحي تشري خلطة ولا دواء و لا حوايج حتى وطبيعية باه تزيدي بلا ماتشوفي السبب!!! لازم تعرفي السبب أولا ثم الزيادة ساهل حالها ،

ورسالتي أيضا للأمهات للي بناتهم مشيطينهم في شغل الدار ، قادر راهي بنتك عندها صح مشكل صحي ماتقدرش تقضي ، هنا جيبيهالي نعرفو وش بيها ، أما اذا كانت صحيحة لاباس عليها وكسولة فقط ماتحبش تقضي ، جيبيهالي أيضا نعطيك نصيحة 😉😉😉 تولي تقضي وتجري 🩴🩴🩴🩴

25/12/2025

معلومة على السريع :
كان علابالكم بلي الفيتامين D3 من الأفضل أنو يكون مرفق بفيتامين K2 !!!

ارواحو نقولكم علاه : شفتو كي يدخل الفيتامين دي لجسمنا ، راح يزيد من امتصاص الكالسيوم من الأمعاء في الدم تاعنا ، و كي يزيد الامتصاص تاع الكالسيوم هذا ، قادر يروح لأي بلاصة أو عضو في الجسم ، لخاطر مكانش لي يوجهو ، مي أنا نحوسو يروحلي للعظام مش للعروق مثلا ، هنا يدخل K2 ، وش يدير ، يحكم الكالسيوم هذاك و "يوجهو" يقولو محتاجك في العظام ماعندك ماتدير في بلايص أخرى ...

و بالمناسبة ، فيتامين دي مايتشربش هكذاك برك ، لازمو تحاليل ، استشارة طبية ، آخر مرة شربتيه ويكتاه ... البارح جاتني مالاد قالي نتعب بزاف في الخدمة ملي نحس روحي مش مليحة نشرب سبولة ، مي ضرك مابقاش ينفع فيا مانعرف علاه !! قتلها روحي تشوفي عيريلي الفحلة و ارواحي ، نلقاوه 130 !!! شوي و تروح فيها كبدتها!!

على كل ، التداوي الذاتي مش في كل مرة ينفع ، استشارة طبية عمرها لا تضرك .

24/12/2025

اليوم الصباح مع نضت بعد تفكرت واحد المتابعة ، نوصفها بكلمة واحدة : هايلة ، عندها بزاف ما جاتش ، و صراحة توحشتها ملي تدخل للبيرو و هي تنكت حتى تخرج ، مالغري فاتو عليها مصااااااااايب في وقت وجيز جدا ، مي يعطيها الصحة صابرة ومحتسبة (ادعولها ربي يفرج عليها ويربط على قلبها ان شاء الله)

المهم خالتي "ز" عندها من ماي ما جاتش ، ديما تقولي ويكتاه تلحق دالتي و تحطيني في الصفحة ، هاي لحقت دالتك حطيتك لاعودش تلعني الشيطان و ترجعي تديري الكونترول تاعك 😑😑😑

جاتنا النهار الأول من أجل علاج السمنة ، عندها ديجا مقاومة الأنسولين و تجلط الوريد تاع رجلها (عندها عرق مبوشي في رجلها) ، درتلها برنامج خفيف ظريف ، نقصو هاذي نحيو هاذي نزيدو هاذي ، حتى وين وصلنا للقهوة ، قتلها فنجان واحد بلا سكر ، خزرت فيا مليح و قاتلي : بلا سكر؟؟ راكي متأكدة ؟؟ خلعتني مانكذبش عليكم ، كانت تضحك لاباس عليها تقصر انا قتلها هاك على القهوة هي خرجتلي واحد الوجه يخلع ، قتلها ايه بلا سكر ، مُرة ، سادة ... الخ
قاتلي شوفي ا الطبيبة : لوكان نعرف روحي "نموت" مانشربش قهوة مُرة !!! الباقي ديري وش حبيتي

للأسف غلبتني و عشيت كاتبتلها بالبند العريض " فنجان قهوة مع ملعقة صغيرة دبس التمر"

11/12/2025

السلام عليكم و رحمة الله وبركاته
العودة للعمل باذن الله تعالى يوم 20 ديسمبر
يرجى الاتصال يوم الخميس 18 ديسمبر مساء بالهاتف لأخذ موعد قبل المجيء إلى العيادة

09/09/2025

فات عليكم هذا البرنامج من قبل ولالا؟
لي ماتفرجوهش ، هذا برنامج تلفزيوني يجيبو فيه مجموعة من الناس تعاني من بدانة مفرطة ، وين يديرولهم تحديات و ألعاب لي يخسر أكبر وزن يربح جائزة مالية ...

في البرنامج صحيح طيحو أوزان خيالية ، كاين لي وصل طيح حتى ل 227 كغ من وزنو!!!!

ولكن ، ولكن ، ولكن ، للأسف أغلب المشتركين في البرنامج عاودو رجعو للوزن تاعهم الأصلي وأكثر منو بعد مرور سنوات فقط ، نسبة 2 % "برك" من مجموع البرنامج في الدول (أمريكا ، المملكة المتحدة، أستراليا و آسيا ) هي لي حافظت على الوزن لي خرجت بيه من البرنامج

علابالكم علاه؟ "effet yoyo" لي ديما نحذركم منو ، كل ما نقصتي بزاااااااف ، كاين احتمالية كبيرة بزاف انكِ تسترجعي الوزن لي نقصتيه و أكثر منو في وقت قصير جدا..

هاذي نقطة ، النقطة الثانية ، مع نعطيك البرنامج نقولك راهي لااااااازم معاه الرياضة ، تقولولي مانقدرش ، ظروفي لا تسمح نروح للاصال ، نقولك ديريها في الدار ، تبعي قنوات ، كاين دي كوتش اونلين... ، المهم ماتديريش الريجيم وحدو ، لأنو راح تفقدي دهون صحيح لكن معاهم سوائل وكتلة عضلية ، وكيما علابالكم ، العضلة هي كلش ، تخطيني نقول للحرق وداعا ...

لذلك، نلتزم بالبرنامج الغذائي تاعي ، نمارس الرياضة ، وننقص بالعقل ، ماشي الطبيبة تعيشي لازم نزرب ننقص 25 كغ في الشهر هذا لأنو عندي عرس سلفي ومبعد خلي تخلى 😑😑😑

18/08/2025

"الطبيبة راني درت التحاليل وقريتهم خرجو نورمال"
"لالا جيبيهملي نشوفهم ونقولك اذا صح نورمال ولالا"

هاذ المحادثة تقريبا يوميا تصرالي ، في الحقيقة تحاليلك كي يخرجو في المعدل الطبيعي مش معناها أنو كلش مريقل ، لا بالعكس لازمني نشوف رقم معين باه نقولك اذا راكي مليحة ماتحتاجيش دواء أو مكمل ، أو تحتاجيهم :

أمثلة : هرمون الغدة tsh كاين فرق وين يكون بين 1 -2 و بين 3-4 بالرغم من أنو كامل أرقام طبيعية (هنا يختلف معدل الحرق تاعك كل ما كانت tsh "مثالية" كل ما كان الحرق تاعك مليح)

مخزون الحديد كاين أيضا فرق وين يكون واصل ل30 و وين يكون 80 (هنا الفرق بيناتهم أنو في 30 صح ماعندكش فقر الدم لكن شعرك يطيح وبشرتك شاحبة قليلا ، بينما في 80 وفوق شعري مايطيحش و خدودي متوردين)

نفس الشيء بالنسبة لفيتامين دي ، اوميغا 3 ، B12 ، المغنزيوم ، الكورتيزول ، السكر التراكمي ، hdl (النوع الجيد تاع الكوليستيرول) ... الخ

وهكذا ... كل تحليل و الرقم تاعو نقولو أنا "المثالي" ، لأنو في حالتنا راح نتبعو فقط الوزن وصحة شعرك وبشرتك ، و العمر الأيضي تاع أعضاءك ... لي يهمو أنو مايكونش مريض فقط ، تكفيه الأرقام المكتوبة في ورقة التحاليل ..

12/08/2025

"الحبوب المعجزة" : ، لي تنقص في الوزن 20 كغ في الشهر ، و تغلق الشهية نهائيا حتى لمدة شهر وين تقدر تبقى بدون أكل و تجري كي العود، تهبط نسبة السكر في الدم إلى 0.2 وتبقى حي و تخدم وتضحك لاباس عليك ، تخدملك لاطاي لي الناس لخرين عمر كامل و هوما يخدمو فيها وماوصلولهاش وذلك في مدة شهرين فقط!!!

و ماإلى ذلك من الخزعبلات و العبارات التي تجعلك تصدق ما يقال لكن للأسف نقولك بلي مكانش منها:

كاين بزاف مكملات يحكيو عليهم هاك لكن هذا اشتهر مؤخرا وذلك عااااالميا ، علميا أثبت أنه ما عندو حتى معنى (الناس لي تناولوه نقصو أكثر من الناس لي ماتناولوهش ب0.7 كغ فقط) طبعا مع النظام الغذائي و الرياضة مش وحدو هكاك..

حطيتلكم عليه باه نقولكم أنو مؤخرا للأسف تم تسجيل حالتين في فرنسا (أعلنت عليهم وكالة السلامة الغذائية الفرنسية لي حب يزيد يطلع) ، و 3 حالات في أستراليا (أعلنتهم الهيئة التنظيمية الأسترالية) لي دارلهم هذا المكمل فشل كبدي حاااااااد استلزم عملية زرع كبد بطريقة استعجالية ، ونزيدكم ، هاذ الحالات كامل كانو بصحة جيدة قبل ما يتناولوه ، يعني ما كانت كبدتهم ديجا مريضة ، ما عاناو من حتى مرض آخر قادر يكون هو السبب ماوالو

نصيحتي : خممو بالمنطق برك ، جسمك تاكل بزاف و ماتتحركش بزاف تزيد في الوزن ، تسمى وش لازمني ندير باه ننقص؟!! ماناكلش بزاف ونتحرك فقط ، بكل سهولة ، لا حبوب ، لا مكملات ، لا خلطات ، لا تيزانات ، لاهم يحزنون .

10/08/2025

فات عليا هذا وين إعلان تاع لوح تقطيع الخضر مصنوع من "الاينوكس" ، قلت نديرلكم منشور نحكيو عليهم شوي:

أولا: كاين أنواع بزاف تاع لوح التقطيع ، أشهرها الخشب ، البلاستيك السميك ، السيليكون ، الزجاج ..

ثانيا: كيفاه نخير الصحي فيهم؟

بون ، باه نخير لازمني نعرف وش راح نقطع ، إذا راح تقطعي حوايج جافة فقط (الخبز مثلا أو الكسرة أو التوست ...) هنا أي نوع مناسب مكانش مشكل ، لأنو سطح لوح التقطيع مش راح تدخللو أي حاجة ، لكن مع الوقت كي تشوفيه تخبش بزاف خاصة الخدوش العميقة بدليه..

نروحو للخضر و الفواكه و اللحوم النيئة : هنا الرسمي ، لااااااااازم أول حاجة نتفاهمو عليها هي أني ندير زوج ألواح تاع تقطيع ، واحد للخضر و الفواكه و الآخر للحوم النيئة ،

ويناهم لي ننصح بيهم ، أكيد مش تاع الخشب ، أصلا في هاذي الحالة يعتبر أسوأ حاجة ، يشد البكتيريا ، يتشمخ بزاف ، مع الوقت يدير الريحة ، خاصة الخشب لي عندنا حنا ، ماتعرفيه خشب صح ماتعرفيه بقايا تاع خشب ..

لوح التقطيع تاع الاينوكس مليح ، مايشدش الخماج ، مايتصابش بخدوش عميقة ، سهل التعقيم ، فيه مشكلة واحدة فقط خاصة بالنسبة لي هي "الصوت" ، الصوت لي يديرو السكين على سطح لوح التقطيع تاع الاينوكس مزعج جدا ، اذا ماعندكش مشكل مع الأصوات استعمليه .

لوح تقطيع الزجاج هايل ، مايحكم والو ، مايتشمخ ما يتخبش بعمق ، سهل التعقيم أيضا ، مشكلتو فقط في الانكسار ، خاصة في النص وين تقطعي اذا لاحظتي يا لوكان جزء صغير تكسرلك في الوسط ، ارمي عليك .

بقاو تاع السيليكون و البلاستيك السميك ، هاذو لي متوفرين عندنا بزاف ، لابأس بهما بشروط : تغسليهم مليح ، تديري واحد للخضر و الفواكه وواحد آخر للحوم كيما تفاهمنا ، تبدليه كل 6 إلى 10 أشهر على حساب درجة محافظتك و استعمالك ليه (اذا لاحظتي خدوش كبيرة يدخل فيها كلش ارمي عليك)

كخلاصة ، الاينوكس و الزجاج أحسن ، لازمهم عناية خاصة برك ، ويعيشو ممكن حتى ل5 سنوات بلا ماتبدليهم ، السيليكون والبلاستيك السميك ، لازمهم تغيير كل فترة معينة مع تنظيف عميق بعد كل استعمال ، الخشب لا أنصح به الا في حالة التقطيع الجاف .

Adresse

حي النصر شارع تريكي الشادي مقابل مسجد عقبة بن نافع
Barika

Heures d'ouverture

Lundi	08:00 - 22:00
Mardi	08:00 - 22:00
Mercredi	08:00 - 22:00
Jeudi	08:00 - 22:00
Vendredi	08:00 - 22:00
Samedi	08:00 - 22:00
Dimanche	08:00 - 22:00

Téléphone

+213659009646

Site Web

facebook.com

Notifications

Soyez le premier à savoir et laissez-nous vous envoyer un courriel lorsque عيادة الطبيبة فني.آ للتغذية العلاجية publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.