Quel est le site Web ?

https://www.facebook.com/104934248403428/

Sondos laborantine, Ben S'Rour (2026)

27/01/2026

مانخدموش حتى يديرولنا منحة الريح ياك 😂

27/01/2026

نتع الصحة غدوة كثرو الحجر في لبستكم و الصاك نتاعكم و اتوكلو على ربي باش ماتطيروش 💔 الوزير ماتفكرناش
قاللنا نتوما مثقلكم الياوورت نتع المرضى

18/01/2026

😂🫶☃️❄️

16/01/2026

بكل شفافية والله بدون انحياز .. والله نحس اول قطاع لازم يتهلاو فيه هو قطاع الصحة .. بسكو بزاااف مهم بالرغم من الضغط الكبييير لي عليه . و الدليل انو العمل يكون في كل وقت من السنة العيد . الاعياد الوطنية . رمضان ، الليل و النهار

بالاضافة الى LES GARDES لي مرهقييين جدا ضك اي عامل من قطاع مختلف كون تقول اخدم لا نوي مايقبلش ✨ و زيد الضغط النفسي الرهيب .. كي تشوف ناس قدامك تموت و تشوف اهل الميت و الحوادث و الجرووح البليغة و الد.م في كل مكان هاذي مكانش بشري يقدر يتحمل هاذ المناظر و يروح يرقد في دارهم كانو ما صرا والو .. هنااا ترجع نفسيتك تحت الصفر .. انا والله شخصيا من دخلت لعاذ القطاع مارقدتش نهار مرتااحة و تشوفو نفسيتي في اغلب الايام متقلبة نبات نشوف في الكوابيس ..

و نقطة انو مكانش وقت للراحة .. والله ساعات وقت للغداء ماتلقاش .. و كون تحبس دفيقة و تروح تتغدى تتقلب الحالة و يبداو يشكو بلي الخدام قاعد مريح و الناس تستنى فيه .. علاه هاذ العامل مش انسان مثلا ؟؟ مايرتاحش ما يتغداش ؟

و زيدها الضغط و الاجهاد النفسي .. و كل الشعب ضدك من يدخل لسبيطار و هو يشكي و في اي كلمة تخرج منك يحب يحاسبك عليها و ينقلب عليك .. الاعمال الاخرى كامل تحس روحك خدام و بقيمتك الا في سبيطار الشعب يحسسك بلي راك خدام عندو و من يدخل و هو يستفز فييك يحوسلك على غلطة و يشعل فيك ..

انا بكري كان عندي رأيي مثل عامة الشعب نتع السبيطار نتع معارف و مايحبوش يخدمو وو بصح النهار لي تدخل فيه للقطاع تفهم بزااااف حوايج و نتحدى اي انسان يقول العكس تاعي

و زيد الخطر لي تقدر تتعرضلو في المهنة من اصابات و عدوى و حوادث في العمل .. ابسط مثال انك تتعامل مع الد.م و مختلف السوائل نتع الجسم ..

ماعندنا ما نديرو بالزيادات و الدراهم 💔 قد نما نحوسو على الراحة

انا كون جيت رئيس قسما بالله غير نديرلهم السن نتع التقاعد هو عشر سنوات عمل و خلاص … اكثر من عشر سنوات رح تخرج مهبوول و ماشي في عقلك

لازم كااامل تخلو تعليقات و تطلعو المنشور بالاك تلحقهم شوي من معاناتنا

11/01/2026

🤣🤣

10/01/2026

يجي يدير عندي bilan نلقاو الbilirubine طالع 😂. تالمون يمشي غير بالصفراء

09/01/2026

السلام عليكم ✨ منشور للتنبيه و التوضيح :
انا هاذي الصفحة تقدرو تعتبروها كلش: بروفيل شخصي ، صفحة عامة ، صفحة تعليمية ، صفحة لتبادل الهموم ، و اخيرا صفحة ترفيهية
يعني انا ننشر فيها كامل وش يجي في خاطري .✨

اتسما اذا راك مدايرلي ابوني على جال شخصي انا يعني علاجالي انا سندس ❤️ داكوغ و مرحبا بييك الف مرة و يسرني ذلك 🫶 رح تستفاد ان شاء الله من المعلومات المخبرية + رح تشاركني همومي و فرحي + رح تشاركني يومياتي و كل ما يجول في خاطري
يعني رح تتعايش معايا ❤️

اما اذا راك حاب تستفاد برك و بلي لازم نديرلك المحتوى فقط المفيد و الا مايعجبكش الحال . هنا نقدر نقول اذا يزعجك اني ننشر خارج المحتوى لي انت اصلا ماراكش عارف وش هو محتواي تقدر تلغيلي المتابعة ❤️🫶

انا ماراح نزعف وماراح تنقص عليا والو ✨ و انت راح تتهنى و ماتضلش تشكي 🫶 شكرا للاصغاء

08/01/2026

Its my birthday 🎂🩵✨😂

06/01/2026

السلام عليكم ❤️

الكثير منكم لاحظ غيابي عن النشر حول المجال .. خاصة الفيديوات التطبيقية للتحاليل بالاضافة الى بعض المعلومات لي ممكن يجهلها معظم المبتدئين في المجال ❤️ الغياب هاذا كان سببو الرئيسي اني فقدت الشغف و تكاسلت بزاف نظرة لبزااف عوامل خارجية .. منها بعض المشاكل في العمل و ضيق الوقت و هاذ ليامات عندنا بزااف لاشارج في الخدمة مانلهاش مام با نصور .. و اغلب الاحيان نصور و كي نولي للدار ماعنديش وقت ندير مونتاج ✨ نتأسف بزااف على هذه الحادثة بصح ان شاء الله العودة ستكون بقوة ❤️ و ايضا حابة نرجع لحاجة اخرى و هي المساعدات المالية لفائدة المحتاجين و الفقراء ❤️ لتكون صدقة جارية علينا كامل .. صدقة جارية و علم ينتفع به ❤️ اتسما فضلا شاركو منشوراتي القادمة لتعم الفائدة و الاجر
و قولولي وش حابين نشرحو و لا وش حابيين فيديوات و اعطوني افكار تساعدني للعودة للمحتوى ✨ و باذن الله رح نديرو حملة كبيرة في قادم الايام ندو بيها الاجر كامل خصوصا مع اقتراب الشهر الفضيل و بارك الله فيكم جميعا ❤️
والله غير نحبكم والله على ما اقول شهيد .. مانقدرش نتخلى عليكم او على هذه الصفحة 🫶

29/12/2025

حرفياااا موقف منو تبدلت شخصيتي !!!!

كيما حكيتلكم في المنشور لي قبل هاذا أجمل موقف صرالي في بداية خدمتي رح نحكيلكم عكسو ..
في ذاك اليوم كان عندي اربع اشهر خدمة .. يعني مزال اصلا ماكونتش شخصية و ثقة في نفسي في المجال .. هاذاك النهار اول نهار نخدم فيه وحدي و كنا في الويكاند .. جاني بيلون من الميدسين فيه كلش ✨ خدمت كلش و النتائج كانت غير طبيعية كيما مثلا ionogramme خرجلي هكذا Na: 98 و K: 1,20 وو الهيمغلوبين 4 و الgly 4 المهم غير طبيعي و الباقي ثان مش نورمال ايا عاودت خدمتو بديزاباراي مختلفين ومن جديد خرجولي نفس النتائج كتبتهم في ورقة و هبطت للطبيب وريتلو النتيجة و بلي مش معقوولة و قتلو قلهم يعاودولي البريلافمون … و طلعت للابو .. ايا شوي هكذا و جا ليا هاذاك الطبيب و السورفيون للابو و دخلو و قعدو يقولولي كيفاش تخدمي هاذوك النتائج و ماتعرفيش تخدمي و انا كي كنت جديدة كنت من نيتي بديت نوريلهم في ليزاباراي و بلي راهم عندنا لوتومات و السومي اوتومات و بلي عادوتهم بزاف مرات مالغري هوما مش رح يفهمو خدمتي حتى كي نوريلهم بسكو خاطيهم اللابو .. المهم قعدو يزيدو معايا في الهدرة وضحكو و بلي انا صغيرة و غلطو كي خلاوني نخدم وحدي في اللابو و اتكلو عليا ووو و نشفى على هاذ الجملة لي قالهالي الطبيب : "انا قريت 7 سنين و ماقلتش نعرف نخدم و انت قريتي غير ثلاث سنين قلتي نعرف نخدم "
المهم بعد الهجمات لي كانو يقولوهالي في زوج نضت نبكي حسيت بالضعف ✨ بسكو كنت متأكدة من خدمتي .. المهم كي شافوني بكيت ناضو يقولولي بلي كنا نضحكو معاك وو انت تخدمي مليح .. و خرجو .. بعدها عاودو بعثولي البريلافمون الجديدة و كي خدمت البيلون خرجلي كلش نورمال .. و لقينا الخطأ بلي في البريلافمون لانو الممرض هاذاك اليوم نح البريلافمون من لابور و كان مفوت فيها g5 .. و غير حبس البارفيزيون و نح البيلون ..

المهم العبرة علاه حكيتلكم هاذ الموقف لاني جامي ننساه و تعلمت منو بزااف حاجات اولا تعلمت كيفاه نعرف البريلافمون بلي من بيكاج جديد او لا و بلي يغلطنا في النتائج و تعلمت بلي مانخلي حتى واحد يتدخل في خدمتي و علموني نزيد ثقة في روحي اكثر .. بسكو لوكان جا واحد ضعيف شخصية في بلاصتي راح يدبرس و يفقد ثقتو و يقول بلي هو صح مايعرفش يخدم وو ..
المهم النصيحة لي تستفادوها عمركم و لا تنقصو من شخص و لا تسبوه في خدمتو ولا تضحكو عليه .. قادر تديرولو عقدة في حياتو لي جامي رح تخليه يتطور و شكرا ❤️

28/12/2025

لقطة مستحييل ننساها !!!

اليوم بعد ما صليت الفجر الحمد لله شديت بلاصتي و قعدت نخمم .. حتى تفكرت موقف صرا معايا في أول عام ليا في الخدمة و مزال اثرها لليوم ✨
كنت خدامة مبتدئة و حتى ثقتي في نفسي في العمل كانت غير كيف راها تنشأ .. جاني مريض من مصلحة طب الاطفال عندو بيلون نورمال uree creat fns .. بعد ما خدمتلو لاحظت بلي البلازما نتاعو lipémique او نقولو plasma lactescent المهم هاذيك اول مرة نتفطن و روحت خدمتلو chol و TG و لقيتهم طالعيين بزااف كتبت نتيجة المريض و في ورقة و زدت كتبتلو نتيجة chol و TG و درت قدامهم ++ و بعثت النتيجة بعدها زاد جاني مريض اخر مساءا من نفس المصلحة طب الاطفال عندو FNS درتلو التحليل لقيت عدد الصفائح les plaquettes هابط عندو thrombopénie و مالف يشتكي منها المريض .. ايا سطرت تحت عدد الصفائج و درت سهم هكذا ↘️↘️ و بعثت النتيجة لطبيب الاطفال
بعدها عيطلي الطبيب في الفيكس و قالي شكون خدمت البيلون و كتبت الريزيلطا ؟ قتلو انا .. قالي ارواحي للمصلحة نحتاجك .. هبطت ليه و قعد يشكر فيا بزااف كي راني نوضحلو في النتائج .. مالڤري ممكن كامل يكون عارفهم .. بصح فهمتو حب يشجعني كي راني في بداية عملي و شكرني على وش درت كانه فعل عظيم 🥹 علابالكم شحااال اثرت فيا هاذ الجاست و شحال زاادتني ثقة في روحي
مالڤري تبانلكم ممكن حاجة تافهة بصح ماننساهاش ❤️ و من هاذ المنبر حبيت نقدملو تحية طبيب الاطفال : منصوري❤️ و نشكرو بزاف على الجاست
و اذا عندكم حكاية مماثلة في بداياتكم احكوهالي 🤍 مكانش غير السلبية في سبيطار 🤍🤍

14/09/2025

السلام عليكم 💙✨

جيتكم بمعلومة ممكن مايعرفوهاش اغلب الموظفين الجدد ولي هي خطأ شائع عند بزاااف و اللي هو : لازم urée و Créat يطلعو مع بعض و يكونو طبيعيين مع بعض ✨وهاذا خطأ اهبطو شوي نفهمكم :

شوفو من التالي : urée هاذا يتأثر ببزاف عوامل منها البروتينات كي يكون الغذاء نتاعك غني بالبروتينات ✨ ثاني يتأثر بالجفاف و بعض الادوية مثل الكورتيكوييد ✨ اتسما في هاذو الحالات يكون طالع وحدو و الcreat ماعندو ما دخلها 😅✨
و ضك الcreat : تتأثر في اغلب و معظم الحالات او جلها بحالة الكلى ✨ معناها اذا كانت طالعة يكون كاين مشكل اكيد في الكلى

نعطيكم معلومة تقدرو تستندو عليها غالبا .. الcreat كي تطلع الurée يقادرها و يطلع معاها 😅 و الurée كي يطلع الcreat تقدر ما تقادروش 😅✨ اي الcreat imهي المؤشر القوي لي يشخص حالة الكلى ❤️

Sondos laborantine

27/01/2026

27/01/2026

18/01/2026

16/01/2026

11/01/2026

10/01/2026

09/01/2026

08/01/2026

06/01/2026

29/12/2025

28/12/2025

14/09/2025

Adresse

Site Web

Notifications

Contacter La Pratique

Raccourcis

Partager