Quel est le site Web ?

https://www.facebook.com/104934248403428/

Sondos laborantine, Ben S'Rour (2025)

14/09/2025

السلام عليكم 💙✨

جيتكم بمعلومة ممكن مايعرفوهاش اغلب الموظفين الجدد ولي هي خطأ شائع عند بزاااف و اللي هو : لازم urée و Créat يطلعو مع بعض و يكونو طبيعيين مع بعض ✨وهاذا خطأ اهبطو شوي نفهمكم :

شوفو من التالي : urée هاذا يتأثر ببزاف عوامل منها البروتينات كي يكون الغذاء نتاعك غني بالبروتينات ✨ ثاني يتأثر بالجفاف و بعض الادوية مثل الكورتيكوييد ✨ اتسما في هاذو الحالات يكون طالع وحدو و الcreat ماعندو ما دخلها 😅✨
و ضك الcreat : تتأثر في اغلب و معظم الحالات او جلها بحالة الكلى ✨ معناها اذا كانت طالعة يكون كاين مشكل اكيد في الكلى

نعطيكم معلومة تقدرو تستندو عليها غالبا .. الcreat كي تطلع الurée يقادرها و يطلع معاها 😅 و الurée كي يطلع الcreat تقدر ما تقادروش 😅✨ اي الcreat imهي المؤشر القوي لي يشخص حالة الكلى ❤️

13/09/2025

السلام عليكم 🩵✨
جيت نوضحلكم حاجة بزاف يغلطو فيها نتع لازم كي يكونو الglobules blancs طالعين لازم دايما الcrp ثان يكون بوزيتيف طالع 🤦‍♀️ وهاذا خطأ
اهبطو معايا نشرحلكم :

الكريات البيضاء (GB, leucocytes):
هما خلايا جهاز المناعة و يطلعو كي يكون كاين التهاب أو عدوى (infection bactérienne، virale، parasitaire…) ويقدرو يطلعو حتى في حالات أخرى كيما stress، corticoïdes و حتى في بعض أمراض الدم.

‏CRP (C-Reactive Protein):
هو بروتين التهابي (protéine de l’inflammation) يتصنع في الكبد ويرتفع بكثرة كي يكون كاين التهاب أو عدوى بكتيرية خاصة✨✨✨. و يطلع بسرعة (في 6 – 12 سوايع بعد بداية الالتهاب).

اتسما غالبا كي تكون infection bactérienne نلقاو CRP طالع و GB طالعين مع بعض.
بصح ماشي شرط لانو ممكن نلقاو GB طالعين وحدهم (مثلا بسبب stress أو corticoïdes أو infection virale وين CRP يكون عادي). وممكن نلقاو CRP طالع وحدو (مثلا في التهاب في بدايتو أو عدوى فيروسية أو حتى post-chirurgie).
يعني كل واحد يعطي معلومة.

13/09/2025

السلام عليكم ✨🌸 و صباح الخير

كنت حابة ندير بزاااف مبادرة نتع الادوات المدرسية و نعاون الاولياء لي ما قدروش يلحقو يشرو الادوات لاولادهم لأسباب تمنعهم ، لكن لأسباب خاصة بيا ماقدرتش للاسف 🥹 لكن
ليكيب حبيت نتشاركو مع بعض الاجر شفت Sbiitar سبيطار مداير مبادرة نتع الادوات المدرسية ككل عام يديرها و ربي يوفقو ان شاء الله 🫶✨ فكل واحد حب يعاون ولا يساهم يتواصل معاه ، على كل حال أنا اثق فيه شخصيا كل الثقة يعني لي مايعرفوش يكون هاني ✨
و رح نكون انا اول متبرعة من صفحتي ✨

12/09/2025

ليكيب ✨ شفتو لكتابات لي وصلوني لبارح نتع القمة للتحاليل 🩷
اذا تحبو نبارطاجي معاكم كل يوم معلومات منو، فيه الميكروبيولوجي بةتيريو و ايماتو و بارازيتو ❤️ فيهم تشخيص الامراض و تفسيرها باستخدام التخاليل و فيه جميع التحاليل الطبية شروط السحب و نوع الانبوب و كيفية القيام بيه ✨
اذا لحق البوست هاذا 600 اعجاب نبدا نحطلكم 🩷✨

12/09/2025

السلام عليكم 🩵✨

عاودت رجعت ليكم 😅 وشرايكم لوكان نولو نديرو كل يوم او يومين تحليل و نشرحوه شوي ✨ و لي يعرف عليه أي معلومة يشاركها معانا ف الكومونتارات 🌸
نبداو التحاليل بالحروف من A الى Z

12/09/2025

السلام عليكم 🩷✨
حبيت نزيد نأكد بلي لا يصّح و خطأ كبير أنك تدير prélèvement من الذراع لي فيه cathéter لأنو السوائل العلاجية les solutés de perfusion لي تدخل وريديا تخفف العينة و تمدلنا نتائج خاطئة ✨

بصح اذا كان المالاد difficile à piquer تقدرو تبعو هاذ الخطوات :
تحبسو اي perfusion راها تندار لمدة 10 دقايق على الاقل
بعدها تسحبو 1cc من الدم و ترميوه بسكو يحتوي على جزء من الدواء لي كان في perfusion
و من باعد تعاودو تجبدو نورمال ب seringue و تعمرو les tubes تاوعكم ✨

فقط يجب الانتباه اذا اذا كنتو درتو haparine في perfusion لاشتة كمية صغيييرة هنا ماتقدروش تديرو تحاليل التخثر كيما tp tck inr .. و تحليل FNS لانو يتسبب في تجمع الصفائح الدموية و يخلي النتائج تكون غالطة بزاف و غير مؤكدة ✨

وشكرا كيما يقول سبيطار 😂🌸

06/09/2025

السلام عليكم ليكيب 🩷✨ تقبل الله صلاتكم للفجر

معلومة على السريع لي راهم حاضرين هنا ، كيما علابالكم تحليل asat (tgo) و alat (tgp) داخلين في bilan hepatique بصح مش أي ارتفاع ليهم يدل على مشكل في الكبد ✨

ال tgp :هو اكثر خصوصية للكبد يعني اذا ارتفع بزااف الغااالب يكون السبب من الكبد le foie مثال : hepatiteو intoxication médicamenteuse ….
و الtgo : يطلع في بزاف حالات و و اذا طلع بزاف يقدر يكون السبب من الكبد le foie او من القلب ( في حالة مثال infarctus) او من العضلات ( مثال traumatisme musculaire )
يعني اذا شفت الtgo مرتفع وحدو بلا الtgp ماتقولش مباشرة بلي المشكل في الكبد ، لازم افكر ثاني في القلب و العضلات و عليه لازم تدوموندي تحاليل اخرى تكميلية ✨
وشكرا 🩷✨

03/09/2025

السلام عليكم 🩵✨

شفت من قبيل منشور نتع وحدة تخدم في لابو بريفي تشكي ، قالت جاتهم مريضة تحوس تدير bilan lipidique و جات في نص النهار و كانت اخذت وجبة الغداء ، نصحتها هاذي الموظفة قالتها لازم صيام من الاحسن ترجعي غدوة .. عيطت المالاد و ماعجبهاش الحال راحت لمسؤول نتع المخبر قالها بلّي نورمال تكون فاطرة .. و شكات بيها
أيا المسؤول نتع المخبر طرد هاذ العاملة لأنو تطردلو في الزبائن ، هو مايهموش بلي مريض و لازم تكون النتائج صحيحة يشوف فيه كربح و صايي

المهم نعودو لنفس الموضوع شروط اجراء التحليل يعني قبل السحب و اثناء السحب اهم من التحليل في ذاتو✨

اتقو الله في مرضااكم ماتليكيدوهمش من فضلكم و ماتشوفهمش عملة و دراهم و صايي 🙄

01/09/2025

السلام عليكم ليكيب 💚✨
معلومة على السريع : التحاليل لي يجب الصيام فيها ، الصيام يكون عن الأكل فقط يعني المااء مسموح ✨
باش نصحو المعلومة الخاطئة و الشائعة عند بزااف ناس

و كاين حاجة ثان كي نقولو لازم الصيام مش معنى تنوض تتسحر 😅 الصيام يكون من الليل يعني تتعشى في الوقت و تمسك حتى للصباح بدون أكل و شرب الماء مسموح ✨

31/08/2025

صباح الخير ، و تقبل الله صلاتكم للفجر 🩵✨
المهم حبيت نقول حاجة صدقوووني وش صرا البارح كامل على هاذيك الممرضة و قصتها كيفاه كبرت و تضخمت بسرعة هو فقط لكونها ممرضة ( فرملية ) ، هاذا هو الشعب غير مع يشوف هاذ الكلمة فرملية يبدا يتهجم بغض النظر على وش دارت ولا مادارتش ،
و اغلبية الشعب عندو حقد و كره مسبق لاي شخص يرتدي المئزر الابيض ✨
ان شاء الله وش صرا يكون عبرة لينا جميعا ، و ان شاء الله نشوفو ردود سريعة كيما هاذي في قضايا اخرى ( على سبيل المثال قضية اضراب الاطباء لي دام اشهر )

30/08/2025

السلام عليكم 🩵✨
راني في صدمة فتحت هاذا وين الفيسبوك نلقاه مقلب بحكاية هاذيك الممرضة .. هي دارت خطأ كبير و هي انتهاك حرمة الميت و الكل مع هاذ الفكرة
بصح رح نمد رأيي بدون تحيز 💔 هي صح غلطت بزاااف بصح شوفوها من كل الجوانب جلّ من لا يخطأ و كانت متأثرة من موت مريضها غلطت دارت فيديو لكن هي ماوراتش وجهو او شهرت بيه وواحد ما عرفو شكون ، غاضتني ضك ممكن خطأ مافاقتلوش لقات الشعب كامل ضدها و يدعي عليها و كبرو القضية حتى ولات قضية رأي عام و محكمة وو
باينة بلي واحد ما يبغيها ليه ولا لفاميلتو بصح جلّ من لا يخطأ ، ماكانتش لازم توصل لدرجة يطردوها من منصبها او يحبسوها 💔 مانيش ضك القا.نون
بصح كون نجو نشوفو صاير بزااااف كوارث في هاذ القطاع و كوارث التصوير في التيكتوك من اجل الشهرة في بزاااف قضايا و ماصرالهمش كيما صرالها هي من الكم هاذا نتع التهجم
على كل ربي يهديها و ربي يرحم الميت و ان شاء الله نتعظو من هاذ المواقف

25/08/2025

💛✨

Sondos laborantine

14/09/2025

13/09/2025

13/09/2025

12/09/2025

12/09/2025

12/09/2025

06/09/2025

03/09/2025

01/09/2025

31/08/2025

30/08/2025

25/08/2025

Adresse

Site Web

Notifications

Contacter La Pratique

Raccourcis

Partager