Intello Dz

27/03/2022

Continuez à se protéger du 😷😷😷😷

27/03/2022

الطفلة لي راكم تشوفو فيها هنا هي لويز براون زايدة في 1978 الحاجة المختلفة فيها أنو هي أول طفلة زادت عن طريقة تقنية التلقيح الصناعي لي ابتركها العالم البريطاني Robert Edwards و حاليا راه عمرها 43 سنة
اليوم راح راح نهدرلكم بشكل مختصر على تقنية تهريب النطف أو أطفال الانابيب فالفلسطينيون استطاعو بهذه التقنية انجاب 85 طفل حتى 2021
أول حاجة لازم نعرفوها هي أنه تخصيب البويضة يتم تحت المجهر لكن نمو الجنين يتم داخل رحم امه
كيفاش تتم :
نبداو نمدو للمرأة أدوية هرمونية باش نحفزو المبيض على إنتاج عدد كبير من البويضات، واختيار أفضل البويضات وأكبرها
من بعد يتم حقن المرأة لإطلاق البويضات من المبيض و يخدروها ثم يسحبو البويضات من المهبل عن طريق la ponction folliculaire
يروحو يجيبو حيوانات المنوية من الرجل باla ma********on ويتم التأكد من سلامتها، يوضعوها مع البويضات
كل بويضة يحطوها مع مجموعة من الحيوانات المنوية داخل انبوبة اختبار لمدة يومين للإخصاب.
بعد التخصيب يتم إرجاع الجنين إلى الرحم لاكتمال نموه الطبيعي
كاين حاجة أخرى لي هي الحقن المجهري في هذه الحالة الطبيب يدي الحيوانات المنوية من الرجل وعن طريق الميكروسكوب يقوم الطبيب بحقنها داخل البويضة comme si houwa il sélectionne
اذا تحبو المرة الجاية نزيدو نفصلو في كل خطوة 😁

27/03/2022

أول منشور لنا و أول موضوع لنا
شوفو هو موضوع طويل و متشعب راح نقسمو ك
اليوم راح نهدر على ظاهرة لي متفشية عند أغلبية النساء في الجزائر
كي تقولكم طفلة راح نتزوج واش يجي في بالك؟ تشرب أدوية مسمنة
يكفي فقط أنك تكتب أدوية مسمنة في الجزائر في اليوتيوب و راح يخرجولك العشرات
صحا واش يستعملو كادوية و ماهي هذه الأدوية
أولا نبداو بأشهر قسم مضادات الالتهاب الستيرويدية les corticoïdes
مثل bethamétasone/prednisone/و عندهم عدة أسامي تجارية
هو فعلا يؤدي الى السمنة و فتح في الشهية و خدودك يتعمرو الخ لكن
ما هي أضراره :
اول حاجة هي ارتفاع ضغط الدم
احتباس السوائل بالجسم هذا علاش تحسوهم منفخين بزيادة
زيادة نسبة الدهون بالدم
اضطرابات جنسية و اضراطبات الدورة الشهرية (توقف الدورة / العجز الجنسي عند الرجال)
اضطرابات جلدية ها الحب acné ها les vergetures +عواقب تاعهم على النفسية تاعك من كآبة و حزن
ضعف عضلي faiblesse musculaire
زيادة نسبة الحموضة بالدم acidité gastrique
الخمول و النعاس أثناء النهار somnolence diurne
Immunodépression ضعف الجهاز المناعي
ثاني حاجة كاين لي تقولك لا انا نستعملو مدة قصيرة أقل من 30 يوم فماراحش يكون عندي هاذ المشاكل لي حكيتي عليهم فنقلك لالا في الماريكان دارو دراسة عند ناس أخذو الكورتيكويد مدة 7 أيام في المتوسط و لقاو بلي الاضرار هي نفسها حتى و لو بالمدى القصير
les fractures بسبب هشاشة العظام
Les accidents cardio vasculaires
زادو عند الأشخاص لي شربو لي كورتيكويد
ثاني قسم هو les antihistaminiques أدوية مضادة للهيستامين دواء يستعمل لعلاج بعض الأمراض الجلدية كالحساسية و الاكزيما
ضعف للعضلات التهاب للكبد خفقان القلب تغييرات تخطيط القلب عسر البول بالإضافة إلى المشاكل الجنسية
و مش فقط هاذو بل حتى les antimigraineux و ولاو ياكلو فيهم
فمن واجبنا كأطباء أن نحذر من هاذ الظاهرة و نوعو الشعب بالإضافة أنو صح كاين ناس تعاني من نحافة مفرطة و صح عقدتهم
في الموضوع الجاي راح نحكيلكم على الطرق الطبيعية بل و الصحية باش تزيدي في la masse musculaire و تتخلصي من النحافة المفرطة

27/03/2022

27/03/2022

Fiche de réhydratation _déshydratation hypernatrémique_