Pédiatre, Dr Mouhoubi

Pédiatre, Dr Mouhoubi Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Pédiatre, Dr Mouhoubi, Pédiatre, Pédiatre Drive mouhoubi , طبيبة الأطفال موهوبي, Cherchell.
(1)

ابوني باش تلحقك المعلومة
لسنا الافضل و لكننا متميزون ، صفحة ممتازة
تهتم بصحة الطفل و توجه الامهات و الاباء و تصحح المفاهيم الخاطئة المنتشرة بكثرة
https://www.instagram.com/monpediatremouhoubi?igsh=MXc3MDQ2azE5Z3cwNg==

30/04/2026

#حساسية #الحليب
#مرض #اكزيما

كل ما نقرا هذه الوضعية قلبي يوجعني ايا البنت الي عندها 14 سنة تكبر و في مخها هذه المعلومة و لما ترجع ام و يكون عندها ...
29/04/2026

كل ما نقرا هذه الوضعية قلبي يوجعني
ايا البنت الي عندها 14 سنة تكبر و في مخها هذه المعلومة و لما ترجع ام و يكون عندها طفل يعاني من الغازات و ما شابه تكون مقتنعة بأن حليبها هو سبب مشاكل الغازات و الانتفاخ عند طفلها و من يومها تحبس الرضاعة و تعطي الحليب الاصطناعي و هي مقتنعة بالمعلومة الي تعلمتها في صغرها .
صح و لا انا راني غالطة
Pédiatre, Dr Mouhoubi

29/04/2026

في الأسبوع الاول مهم جدا الكشف عند الطبيب في حال كان البيبي أصفر في وجهو
في البوصفاير لازم نعرفو النوع و النسبة و خلونا من التفلسيف
ماشي تشعليلو الضوء و تبقاي تسناي اي دقيقة مهمة جدا في حياة طفلك
كاين كثير من الاطفال يعانيو بسبب الارتفاع الكبير لنسبة البليريبين الحرة في الاسبوع الاول
يؤثر البوصفاير كثير اعلى المخ اذا كان ارتفاع كثير للنسبة ديالو
عندنا زوج انواع من البليريبين الحرة و المرتبطة
الحرة تؤثر على المخ
المرتبطة عندها علاقة مع القنوات الصفراوية و ممكن تتطلب عملية مستعجلة قبل سن الشهرين
دمتم سالمين.
د موهوبي رشيدة
fans

29/04/2026

التلاميذ في عطلة قصيرة للمراجعة و حنا ايضا في عطلة من أجل المساعدة في المراجعة الى غاية يوم الأحد
ربي ينجح ولادنا كامل

29/04/2026

جاتو حمى مده ثلاثة ايام
الطفل يبان لا باس عليه
في الفحص تبين فقط عنده احمرار خفيف للحلق الطفل يبان لباس عليه اصلا في الفحص كان يبتسم لي و يلعب
طمنا الام وقلنا لها ممكن يكون فيروس ولكنه مع ذلك طلبنا تحليل البول للاطمئنان وفعلا بعد ثلاثه ايام ذهبت الحمى و ظهر طفح جلدي وردي يشبه البوحمرون و لكن بدون علامات اخرى مقلقة يعني بقاالطفل في حاله جيده يضحك ويلعب وتبين التشخيص وتاكدنا من الفيروس وهو فيروس الحمى الورديه la roséole والحمد لله اننا ما تسرعناش وحطينا الطفل بالاونتببوتيك لان الانتيبيوتيك ما يعطي حتى نتيجة في الفيروسات
كي تكون الحمى عند الطفل ديالك لازم تديه للطبيب ولكن ما لازمش تتقلق باش تبدا الانتيبيوتيك خاصه اذا ما لقينا والو في الفحص وكانت حاله الطفل مستقره والكونترول بعد يومين مهم جدا و اذا استدعى الامر نديرو بعض التحليلات.
د موهوبي رشيدة.
fans

28/04/2026

الي يدخل الصفحة يحاول يظرب طلة على كل المنشورات تكلمت على الكثير من المواضيع المهمة في صحة الاطفال و الي راكوم تسالوني عليها

27/04/2026

وليدك راه يضحك لباس عليه ياكل و يشرب ما ينازع ما يبكي بصح الحمى راهي 38.5 تعطيه البراسيتامول و لا ما تعطيهش

27/04/2026

الكل اصبح في زمننا طبيب اطفال
#توعية

حذاري كل طبيب و تخصصه
في طب الاطفال درسنا تخصص الاطفال في كل المجالات
الجهاز التنفسي كله بمشاكله و خاصة الحساسية و الربو و كيف يكون العلاج و ايضا حساسية حليب البقر
طب الجلد من اكزيما و الحساسية الجلدية ....
مشاكل القلب خاصة التشوهات القلبية و الزروقية عند المولود و التهاب المفاصل الحاد تخصص خاص بطبيب الاطفال
الجهاز الهضمي خاصة السيلياك و الكرون
مشاكل الكلى خاصة القصور الكلوي و متلازمة تضييع البروتين خاصة هذه الاخيرة لا يدرسها الا طبيب الاطفال درسنا جيدا المولود الصغير في الشهر الاول هذه لوحدها تخصص، كل مشاكل المولود في ابشهر الاول
مشاكل الدم و الانيميا الوراثية المنجلية و التلاسيميا ونقص الحديد و الفيتامين ب 12 و حمض الفوليك و نقص الصفيحات الدمويه.
و مشاكل الصرع و نقص الاكسجين و تشنج الحمى كلها من اختصاص طب الاطفال
يعني مع كل احترامي كل و تخصصه
ما ذابينا زملائنا الأطباء يوجهوا الاطفال عند طبيب الاطفال و حتى أنتم ايها الآباء اقصدوا طبيب الاطفال قبل اي طبيب خاصة في العامين الاوليين و ما تضيعوش الوقت مع أطباء لتخصصات اخرى .
نحن فعلا نعمل مع بعضنا و لكن طب الأطفال مجال حساس يستدعي الكثير من الحذر خاصة في ما يخص الجرعات و مع اننا نحسب جيدا إلا اننا كلنا نعمل بالآلة الحاسبة لانو في تخصصنا الكثير من الحسابات هي في الحقيقة تتحسب بالغرام اذن نخليكم تتخيلوا حجم المسؤولية الي راهي على عاتق طبيب الاطفال .
كتب بقلم الطبيبة موهوبي رشيدة من مدينة شرشال ولاية تيبازة
انشروا الموضوع مهم جدا كل واحد يعرف وين لازم يعالج الطفل ديالو .
#الام #مرض
Pédiatre, Dr Mouhoubi

27/04/2026

الطفلة عندها 11شهر

#الام تؤكد

-اه يا طبيبة بنتي ما ترفدش يديها اليمنى مليح
-نورمال لخطرش ڨوشية تخدم باليسرى
-اه يا طبيبة بنتي ما تفتحش يديها مليح
-نو راهي لباس عليها

الطفلة ما بكاتش في الوقت في الولادة و كانت نقطة الابقار ضعيفة يسما دارت سوفرونس
واش لازم ندير؟
بما انو عندي هذه المعطيات لا زم نطلب ارم المخ لان الطفلة تعاني من نقص في حركة الطرف العلوي الايمن خاصة اليد عليها ما تخدمش بها ليس لانها ڨوشية و هذا عندو علاقة بالمخ .
#فعلا
الارم تبين مشاكل في المخ مخلفات نقص الاكسجين في الولادة و لازم متابعة عند طبيب فيزيائي من اجل التأهيل الحركي Rééducation.

الطفل الي يكون عندو مشاكل نقص الاكسجين نراقبوه حتى سن خمس سنوات أو على الأقل حتى لعامين

البنت عندها اليوم عامين زارتني بالامس مازالت مع التاهيل الفيزيائي النتيجة و الحمد لله مذهلة
نطلب ممكن فقط المتابعة و اتباع تعليمات الطبيب في هكذا حالات و رايحين تشوفو الفرق
طلب آخر، نشر للصفحة و دعوة لاعضاء جدد و أن شاء الله الجميع يستفاد
الدكتورة موهوبي رشيدة شرشال
Pédiatre, Dr Mouhoubi

27/04/2026

انا ما نكذبش عليك قبل ما نعطيك الدواء اذا وليدك شاحب اللون و وزنه لباس عليه و عندو بين ستة اشهر و عام نفضل نأكد على اكل اللحوم أكثر من الدواء
المشكل في بعض العائلات انهم يتخوفو من اعطاء اللحوم لاطفالهم اخر طفل جاء عندي البارح عندو 16شهر ما زال ما ذاقش اللحم بكل أنواعه ليس من قلة القدرة الشرائية و لكن لان الام ما تعرفش و متخوفة و لان اللحوم مصدر مهم للحديد خاصة اللحوم الحمراء نأكد عليها في اكل الرضيع ابتداء من ستة اشهر قيس عشرة غرامات يوميا مرة دجاج مرة لحم مرة سمك و هكذا
د موهوبي رشيدة من مدينة شرشال ولاية تيبازة.
Pédiatre, Dr Mouhoubi

26/04/2026

بوركتم على الاجوبة التي معظمها كانت صحيحة في ما يخص نقص الحديد عند الصغير و الكبير
✅التعب
✅سقوط الشعر
✅شحوب الوجه
✅زيادة نبضات القلب
✅تكسر الاضافر
✅نقص المردود الدراسي ، النسيان
✅نقص الوزن
✅نقص الشهية
✅الأفراط الحركي ، مشاكل في التركيز .
✅النهجة يعني صعوبة التنفس في الطلاعية مثلا
✅الصداع و الاكتئاب
✅التهاب اللسان ،تشقق الشفاه
✅اكل التراب و الطين
Pédiatre, Dr Mouhoubi

26/04/2026

ايا الشاطرات
علامة من علامات نقص الحديد في الجسم
عند الصغار و عند الكبار

Adresse

Pédiatre Drive Mouhoubi , طبيبة الأطفال موهوبي
Cherchell
42100

Heures d'ouverture

Lundi 08:00 - 16:00
Mardi 08:00 - 13:00
Mercredi 08:00 - 16:00
Jeudi 08:00 - 16:00
Dimanche 08:00 - 16:00

Téléphone

+213552848368

Site Web

Notifications

Soyez le premier à savoir et laissez-nous vous envoyer un courriel lorsque Pédiatre, Dr Mouhoubi publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter La Pratique

Envoyer un message à Pédiatre, Dr Mouhoubi:

Raccourcis

Partager

Type