The Fedj's Drs

The Fedj's Drs من أحياها فكأنما أحيا الناس جميعا🖤..
صفحة خاصة بتصحيح السلوكيات الخاطئة والتوعية الصحية.مرحبا بكم!. نصائح طبية مقدمة من طرف أفضل الصيادلة 🤍

16/01/2024

جماعة لي كانت مهتمة بالمنشورات الطبية تاع الفج ، عندكم وقت و كوناكسيو و سورتو رغبة ياك ماعندكمش اكتئاب 😂 .
لفج ولا ماعندوش الوقت للمنشورات الطبية اليومية أعتذر ، على ذي حبيت نفيد شوي المتابعين بلايڥات من وقت لآخر تتناول مواضيع طبية (فالوقت لي نكون فيه ليبر ) إذا يهمكم الأمر طبعا .واش رايكم ؟! ..
انتظر تعليقات وليس اعجابات يا جماعة😂 باه نعرف اذا نمد وقت لهذا الامر أم لا ..

🟢 لا تحاولو تحسين صورتكم لأحد، كلكم عاديون جدًا في نظر من لا يعرفكم، مغرورون في نظر من يكرهكم، جيدون في نظر من يعرفكم، ر...
24/09/2023

🟢 لا تحاولو تحسين صورتكم لأحد، كلكم عاديون جدًا في نظر من لا يعرفكم، مغرورون في نظر من يكرهكم، جيدون في نظر من يعرفكم، رائعون في نظر من يحبكم..
🟢إلّا الفج رائع بالفطرة في نظر الجميع مهما اختلفت احوالهم ، دواء لكل داء الله يحفظو من العين 🥱🤍..
Happy pharmacists day to the Fedj's doctors💊💚🥳..
و هاپي سوتنونص داي 😆 لأنو يمثل نفس اليوم لي سوتنينا فيه وأصبحنا فيه دكاترة رسميا 🤍 ..

06/09/2023

🔴 أكثر حاجة حبيتها تكون عندنا فمنطقتنا وكانت فوق طاقتي أو بالأحرى بعيدة عن مجالي ، هي توعية الاهل حول التعامل مع الأطفال وتربيتهم تربية صحيحة سليمة من كل الشوائب لي راهي تحوم بينا من كل مكان ،وكلنا نعرفو صعوبة تنشئة أطفال سويين في هذا الزمن ، وكذلك إعطاء مكان للاطفال باه ينشطو فيه و يتعلمو فيه ،مكان يقدرهم كأطفال ..

🔴 بالفعل فالبداية كنت وحدي نحب نفيد فنقرا كتب و نتبع أخصائيين باه نحط منشورات حول هذه الموضيع علها تفيد أحدهم .. بعد ما أنشأنا المجموعة من أحل أن يفيد كل شخص بتخصصه ، كانت أخصائية نفسانية متابعة للصفحة أول من رحب بالفكرة و قدمت نفسها باه تكون معانا من الاقائمين على المجموعة وتمد كامل واش عندها ، كانت هذه الخطوة إيجابي جدا لينا ، شخصيا وليت نعتمد عليها و نثيق في محتواها وأي أمر نلجأ ليها ونستشيرها وأكيد جامي ما ردتلي طلب 💜..

🔴 بعدها زادو تواصلو معايا جماعة كونو نادي بأكمله من أجل تنشئت الأطفال تنشئة صحيحة و توعية الأولياء حول هذا الموضوع وإعطاء مجال للاطفال ومكانة لهم وين يطورو من أنفسهم 🥰💜 وسماوه (جيل مبدع) وأكيد كان والله العظيم أمر أسرني جدا ، وقبلت مباشرة أني نكون معاهم ندعمهم بالحاجة لي نقدر عليها لأنو هذا أمر حبيتو دايما أنو يكون وعلى أرض الواقع وبالفعل جسدوه بالطريقة لي حبيتها 💜..

🔴 وهاهم الآن يقدمون محاضرات بالطريقة التي تمنيتها يوما أن تكون من أخصائيين فالمجال من بينهم أخصاىتنا النفسانية الخاصة بالمجموعة ، توعية مجانية متاحة للأولياء نشاطات خاصة متاحة للأطفال أمر سرني جدا تجسيده على أرض الواقع في منطقتنا ، أتمنا لكم كل التوفيق نادي ، الفج معكم دائما 💜..
كل الشكر لأخصاىتنا النفسانية على ماتقدمه دوما وبكل صدر رحب 💜..

25/08/2023

كاين جماعة بزاف حبو يحضرو للمحاضرة لكن ماقدروش ،والله كي يڨولي أي واحد حبيت نحضر وماقدرتش تغيضني أكثر منو ، ربيت عليكم الكبدة 😂💜 . مام كون نعاودوها الأغلب موش راح يقدرو يحضرو لأنو نظن لابيبليوتاك ماتخدمش فلويكاند ، وكاين ناس مراض أيضا مايقدروش يحضرو ، مادام كاين ناس حابة تستفاد موش راح نبخلكم . باذن الله راح نديرو محاضرة عن بعد على منصة ( زوم أو ڨوڨل ميت ) لكامل لجماعة لي همهم الأمر ، هذ الشهرين عندي مشاغل باذن الله كي يفوتو نحددو يوم يساعد كامل المهتمين و نتكلو على ربي ،ياودي استفادو برك، انتظرونا 💜..

24/08/2023

🔴 سبب حدوث الصداع النصفي أو الشقيقة هو حدوث تشنجات للشرايين الدماغية يعني يڨعدو يضياقو ثم يتوسعو ، على ذي يكون العلاج هو توقيف هذه التشنجات بجعل الشرايين تتقلص فقط ..

24/08/2023

🔴 جماعة زيت الخروع راهو خالي تماما من سم (Ricine) , لأنو فطريقة التحضير يطفو هذا السم على شكل مادة بيضاء وينحيوه كلو على عدة مراحل..
أظن أني نسيت محكيتش على هذه النقطة ويومكم موفق 💜..

23/08/2023

🔴 شكون هوما النباتات لي موجودين عندنا بكثرة و موش لازم نغلطو ونستعملوهم للشواء أو لتدفئة لأن استنشاق سمومها تقتل أكثر من أكلها ‼️..
هيا جماعة محاضرة الفج صايي ضرك كم كلكم وليتو الفج ربي يبارك عليكم💜😆 ، انصحو الجماعة لي مجاوش..

23/08/2023

🔴 كيف كانت المحاضرة ‼️..

22/08/2023

🔴 يا ليكيپ ماذا بيكم ڥيديولي مخكم نحتاج ايسپاس كبيرة وين نحط المعلومات ، نحيو عليكم عرس الجيران و لاغوب خروبي تاع لفلانية و لي ستوري تاع لي زامي فالبحر 😆. ورڨدو بكري 😆..
هذي عواصف تاع معلومات راها جايتكم تحتاج كونسونتراسيو آ 100% ، نلتقي غدا بإذان الله ، الدعوة للجميع 😌💪💜..

22/08/2023

🔴 حكينا من قبل ع موضوع البوتليزم لكن مع حالات التسمم و الوفاة لي صرات بسبب أكل التونة ،نظن نعاودو نحكو عليه أفضل.

🔴 بكتيريا البوتيلينيوم ،منتجت أخطر سموم العالم 😳!!..

بكتيريا الكلوستريديوم بوتيلينيوم(Clostridium botulinum)هي بكتيريا لا هوائية تتميز بقدرتها على تكوين أبواغ مقاومة للحرارة تنتشر على نطاق واسع في البيئة ..
كي يغيب الاكسجين تتجرثم هذي الأبواغ وتولي تنتج سبع أنواع من سموم البوتيلينيوم:
_ربعة تسبب تسمم الإنسان :(A,B,F,E)
_ثلث أنواع أخرى تسبب تسمم باقي الثدييات بالإضافة للطيور والأسماك..

✅ تسبب هذي البيكتيريا عدة أنواع من التسممات :
: مثل ماسببه أكل التونة،بحيث تتجرثم أبواغها في الأغذية وتشكل السموم في منتجات يكون محتوى الأكسجين فيها منخفض ..

لا ينتقل هذا التسمم من شخص إلى آخر ،يسبب للإنسان الشلل كما يقدر يسبب فشل الجهاز التنفسي..
تظهر الأعراض بين 12 و36 ساعة يكون المرض مميت إذا ما شخصناهش على وجه السرعة ..

:
حكينا عليه من قبل أيضا هو مرض #نادر لكن خطير يڨيس أساساً الرضع لي تقل أعمارهم على عام بسبب أنو أهلهم يوكلوهم العسل لي يكون فيه هذ البكتيريا، ويكونو الرضع ماعندهم البكتيريا النافعة لي تقتل الأبواغ مثل البالغين. وبالتالي تقدر تفوت لجهازهم العصبي وتسببلهم الشلل ثم الموت (هذ الموضوع من بين الأمثلة الكثير لي راح نحكي عليهم غدوة باذن الله )..

عن الجروح و التسمم البوتوليني الاستنشاقي..

✅ من سم هذه البكتيريا يخدمو ما يعرف بالبوتوكس ..

22/08/2023

🔴 انتبهو يا جماعة 😱:

♦️ بعد التحقيق المعمق فقد تم تأكيد المعلومة وهو إصابة إمرأة عمرها 63 سنة #ووفاة إبنها 22سنة بمرض البوتيليزم جراء استهلاكهم لمصبرات #تونة
وهذا بعد إجراء التحاليل الميكروبيولوجية من طرف ( )
لتكشف لنا وجود منتوج بالسوق الجزائري تونة يحمل العلامة التجارية رقم الحصة 23005235 تاريخ الإنتاج 30/05/2023 تاريخ إنتهاء الصلاحية 30/05/2027 علبة ذات وزن 160غرام غير مطابق من الناحية الميكروبيولوجية.
لذلك فإن تحذر من استهلاك مثل هذا المنتوج( Maratun) لغاية إجراء مطابقة من المصنع وإعادة التحاليل.
معهد باستور Institut Pasteur d'Algerie: تحاليل السمية تحتاج إلى تحاليل مكملة séro-neutralisation
- يجب إجراء التحاليل قبل بيع وتحرير المخزون والحصص.
القضية مزالت قيد متابعة من طرف منظمة حمايتك

✅منظمة حمايتك بحوزتها جميع التحاليل و الوثائق لن تتهاون للدفاع عن حقوقهم سوف يتم تحويل القضية امام
الجهات القضائية

Adresse

Fedj M'Zala
Constantine

Site Web

Notifications

Soyez le premier à savoir et laissez-nous vous envoyer un courriel lorsque The Fedj's Drs publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type