Dr Sissani Psychiatrie et Bien-être

25/10/2025

https://www.facebook.com/share/1BfdUjGV4s/

La sérotonine, facteur majeur de la joie de vivre ! Comment activer sa production (lien en commentaire)

07/10/2025

https://www.facebook.com/share/16D5Gvxr2S/

اضطراب الشخصية الحدّية (Borderline)

اليوم نشوفوا وحدة من أصعب الشخصيات اللي يتعاملو معاها الناس وحتى الأطباء،
لأنها تتبدّل في مشاعرها وسلوكها بطريقة عنيفة ومفاجئة،
تعيش فوضى داخلية بين الرغبة في الحب والخوف من الهجر،
تحبّ بزيادة… وتكره بزيادة…
وكل مرة تحسّ كأنها "تطيح بين نارين".

“نسرين”، 27 سنة، تقول:
"نحب الناس بزاف، نولّي متعلقة بيهم بزاف،
نغضب بلا سبب، نكره روحي، نحسّ بالوحدة،
ونخمم نأذي نفسي كي نحسّ راهم يتجاهلوني."

نسرين نموذج من بزاف شباب وبنات يعيشو بين الحب الزايد والخوف من الخسارة،
يعبرو بطريقة مؤلمة على الداخل تاعهم اللي دايماً يغلي بالمشاعر المتناقضة.

ماهي أهم مميزات ومعايير هذه الشخصية ؟

✔️ علاقات غير مستقرة
مثال: وحدة تبدأ علاقة حب وتعيشها بكل كيانها،
وبعد أول سوء تفاهم تقول "ماشي راجل! ما يستاهلش!"،
وبعد ساعات تبعث له "سامحني، ما نقدرش نعيش بلا بيك".

✔️ صورة ذاتية غير ثابتة (ما تعرفش نفسها)
مثال: اليوم حابة تقرا طب، غدوة تقول نبدل فن، بعد غدوة تروح تجارة.
دايمًا تحسّ ضايعة، ما تعرف واش تبغي بالضبط.

✔️ اندفاعية
مثال: كي تتقلق، تروح تسافر بلا ما تقول لدارها،
أو تشري حاجة غالية بلا تفكير، أو تدير حادث كي تسوق بزاف بسرعة.

✔️ محاولات إيذاء النفس أو انتحار
مثال: كي يتخاصم معاها حبيبها، تقول “ما نسوى والو”،
وتقطع يدها بموس أو تشرب دواء بزاف باش “ترتاح”.

✔️تقلبات مزاجية حادة تدوم ساعات
مثال: تصحى الصباح فرحانة، وبعد ساعة تولّي تبكي وتقول "كلش ما يسواش".
المزاج يتبدل حسب الموقف أو كلمة صغيرة.

✔️شعور دائم بالفراغ الداخلي
مثال: حتى كي تكون وسط ناس، تحس روحها وحدها،
تقول "ما نحسّ بوالو، قلبي خاوي".

✔️ غضب مفرط وصعوبة في التحكم فيه
مثال: كي شخص ما يردش على مكالمتها، تولّي تكسّر الهاتف أو تصرخ،
وبعدها تبكي وتندم وتقول "ما كانش لازم".

✔️ أفكار مؤقتة بجنون العظمة أو أعراض ذهانية قصيرة الأمد
مثال: كي تتقلق بزاف، تقول “حسّيت الناس كامل ضدي”،
“حسّيت راهم يحوسو يضروني”،
وبعد تهدأ وتقول "ما نعرف، كانت غير لحظة غضب".

للأسف هذه الشخصية عندها مضاعفات وتلاقي مشاكل بزاف :

-اكتئاب مزمن وإحباط.
-استعمال المخدرات أو المهدئات باش تهرب من الألم.
-محاولات متكررة للانتحار أو إيذاء النفس.
-علاقات متوترة مع العائلة، الأصدقاء، الشريك.

بصح لازم نفرقوا ، كاين اضطرابات مشابهة لها :

-ثنائي القطب: المزاج يتبدل لأيام أو أسابيع، مش ساعات.
-المعادية للمجتمع: يتصرف بعدوانية بلا ما يندم،
لكن الشخصية الحدّية تندم وتتألم بزاف بعد الغضب.
-الهستريونية: تبحث عن الانتباه،
لكن borderline تحسّ بالفراغ أكثر وتتعذب داخليًا.

هي أكثر شخصية بحاجة إلى العلاج :

العلاج النفسي هو المفتاح
-العلاج السلوكي الجدلي (DBT): يساعدهم يتحكموا في الغضب والمشاعر.
-العلاج المعرفي السلوكي (TCC): يبدّل طريقة التفكير والتفاعل.
-دعم عائلي كبير لأن المريض يحتاج "أمان عاطفي".

- العلاج الدوائي يستعمل فقط لأعراض مرافقة (قلق، اكتئاب، نوبات غضب

🟢ما كاش دواء يشفي الشخصية، لكن كاين علاج يساعدها تعيش وتوازن أكثر.

رسالة طبيبكم 💚:

ماشي كل واحد عصبي ولا حساس نقولو borderline،
لكن إذا كنت دايمًا تحسّ بالفراغ، الخوف من الهجر، والانفعال الزايد،
ماشي عيب تروح لطبيب نفساني
،العلاج ممكن، والوعي هو أول خطوة نحو التوازن

Dr.Boudjemaa Tahar

06/10/2025

https://www.facebook.com/share/r/14P4tRQtVKt/

06/10/2025

https://www.facebook.com/share/v/1Ef7Am6cnP/

05/10/2025

https://www.facebook.com/share/v/19ruHYr5rB/