الدكتور رقيق برة رضا أخصائي طب الأطفال Dr Reguig Berra Redha

06/09/2025

خذلان واحد يكفي ليزرع خيبة أمل عمرها طويل.......💔

06/09/2025

تنبيه :
النزلة المعوية عند الصغار = فيروس في أغلب الأحيان.
الأعراض: حرارة 🤒، إسهال 💩، قيء 🤮، مغص 🤕.

🎈 العلاج؟
سوائل + أملاح التمييه (ORS)

أما شكارة الأدوية ( 9 علب فوق الطاولة) للرضيع لي ما يقدّرش يشرب حتى الماء… هذي تزيد الطين بلة!

يعني بدل ما نداويه من الجفاف، نغرقوه في أدوية لا يحتاجها أصلاً

⚠️ متى نعاود نروح للطبيب؟

🔸إذا كان القيء مستمر أكثر من 3 أيام وما يستجيبش للدواء.
🔸إذا الطفل يرفض يشرب أو يتبول قليل.
🔸إذا بان عليه الخمول أو الجفاف.

هنا لازم سيروم في العرق لتعويض السوائل

🌹

05/09/2025

🎈 طفل صغير كان يعاني من حالة نادرة دامت مدة طويلة… معاناة حملت معاها قلق ودموع وتعب كبير.

وبفضل الله كان التشخيص الصحيح والعلاج المناسب… ارتاح الطفل، ورجعت الابتسامة لوجهه ولقلوب والديه.

🎈 كم هي مؤثرة اللحظة كي يجيوا الأولياء مع وليدهم، باش يشاركوك فرحة الشفاء بعد رحلة طويلة من الصبر والخوف.

قوة عزيمتهم وثقتهم في الله تبقى إلهام ودرس كبير في الحياة.

وابتسامة الطفل كانت أعظم مكافأة… رسالة صامتة عن الحياة، وعن انتصار الأمل على الألم

🔺 اللهم اشفِ كل صغير يتألم، واجعل الفرح والابتسامة نورًا دائمًا في حياتهم ♥️

05/09/2025

🎈 طفل 7 سنوات طوله كيف طفل 5 سنوات…
🎈 آخر عمره 11 سنة طوله كيف 8 سنوات…

❌ كلها حالات قصر قامة مرضي ما تْشخّصتش بكري
والأسباب متعددة

🔺 مثال: في الصورة منحنى طفل عمره 4 سنوات ونصف، طولوه كيف طفل عامين ونصف فقط .

الحمد لله بعد التشخيص الصحيح والعلاج، بدا يطوّل ويتحسّن

🔺 الرسالة واضحة:

لازم ننتبه لنمو أولادنا

وعلى الطبيب : يتابع الوزن والطول بشكل دوري باش نتفاداو ضياع الوقت والتشخيص المتأخر

🌹

04/09/2025

🔺 بطء نمو أظافر الطفل

أمر شائع عند بعض الأطفال وما يعنيش بالضرورة وجود مرض.

• النمو يختلف من طفل لآخر حسب العمر، التغذية، وحتى الوراثة.

🎈 متى نقلق؟
إذا كان هناك:

• تكسر متكرر في الأظافر.
• تغيّر في اللون (أبيض، أزرق، بني).
• خطوط أو حفر واضحة.
• توقف النمو بشكل كامل مع أعراض أخرى (تساقط شعر، ضعف عام…).

🎈 الأسباب المحتملة إذا فعلاً النمو بطيء جدًا:

🔸 نقص بعض الفيتامينات أو المعادن (كالحديد، الزنك، البيوتين...).
🔸مشاكل جلدية أو التهابية حول الأظافر.
🔸 نادرًا: أمراض جهازية (الغدة الدرقية، أمراض مناعة…)

🎈 إذا فيه علامات مقلقة نعمل تحليل دم بسيط + كشف عند طبيب

🌹

04/09/2025

🌹المولود… كلمة تكبر في قلوبنا بالفرحة كل عام.

🌹في الجزائر، المولد النبوي الشريف ماشي غير مناسبة دينية، بصح ذكرى عزيزة تورّثناها من جدودنا، تبقى عامرة بالروحانية واللمة.

🌼 كي نرجعوا بالذاكرة لصغرنا، نلقاو البساطة هي اللي صنعت سعادة كبيرة:

🎈شمع مضوي في البيوت، ريحة الكسكس والطمينة، قعدات العايلة، وأصوات الأطفال يضحكوا ببراءة.

المولود يبقى مدرسة محبة لرسول الله ﷺ، وعرس روحي يقرّب القلوب.

♥️الصلاة والسلام عليك يا حبيب الله، يا شفيع الأمة

03/09/2025

🩸 نقص الحديد عند الأطفال… موضوع مهم بزاف!

👶 الحديد مش غير معدن عادي، هو “الوقود” لي يخلي مخ وعضلات الطفل يخدمو مليح.

كي ينقص، يبان تأثيره بسرعة على صحة الصغير وحياته اليومية.

🎈 الأعراض :------------------------------------------

🔺ولدك يبان شاحب وتعبان بزاف حتى بعد ما يرقد مليح .

🔺يمرض بزاف بالزكام والالتهابات

🔺يتأخر في الكلام ولا الحركة مقارنة مع صحابو .

🔺نقص تركيز في المدرسة، ودايمًا يسرح .

🔺يبكي بسرعة ويغضب بلا سبب واضح .

🔹 العواقب إذا طول نقص الحديد:------------------------

🔺نقص في الطول والوزن.

🔺ضعف المناعة و أمراض متكررة.

🔺 حتى السلوك يقدر يتغير: قلق، قلة صبر، فرط حركة

✅ نقص الحديد ساهل نعرفوه ونعالجوه. زيارة بسيطة

لطبيب الأطفال، مع تحاليل روتينية وأكل صحي،

🌹

03/09/2025

🎈. شلل الوجه عند الأطفال :

🔺 هو ضعف مفاجئ في عضلات نصف الوجه،
بسبب التهاب في عصب الوجه، وغالبًا يجي بعد زكام ولا فيروس بسيط.

🔺 الأعراض:

🔸الفم يروح للجانب كي يضحك ولا يبكي.
🔸 صعوبة في غلق العين من جهة وحدة.
🔸يقدر يسيّل لعاب ولا ما يعرفش ينفخ مليح.
-----------------------------------------------------
🔺 هل راهو خطير؟
الأغلب عند الصغار بسيط ويتحسّن وحدو في أسابيع ولا شهور، ونادرا يخلي أثر.
-----------------------------------------------------
🔺 العلاج:

الطبيب يقدر يكتب دواء باش يسرّع الشفاء.
حماية العين بدموع اصطناعية ولا نغطوها كي يرقد .
متابعة مع الطبيب #مهمة باش نتأكدو ماكانش سبب آخر (التهاب أذن، مرض آخر…).

✅ الخلاصة: شلل الوجه عند الأطفال غالبًا مؤقت، ويبرأ كامل إن شاء الله، بصح لازم فحص و متابعة دورية مع الطبيب

🌹

02/09/2025

في كل عائلة تلقى طفل شقي كثير الحركة و يحب المشاكل…
هو أكثر واحد يدوّخ ماماه و يطلع أعصاب باباه 😂
لكن في الحقيقة… هو ملح الدار و روحها ❤️
يغيّب يوم واحد تحس الدار بلا بهجة ولا ضحكة.

أكيد عندكم واحد مهرجكم في الدار !

02/09/2025

02/09/2025

🎈 في الحياة، تعرف بزاف ناس…

تتعرف على ناس فـ الحي ( الحومة )، تعيش معاهم طفولتك وضحكتك الأولى،

تتعرف على ناس فـ المدرسة، فـ الجامعة، يخليو أثر كبير فـ ذاكرتك،

وتزيد تتلاقى بناس جدد فـ الخدمة، فـ السفر، فـ المدينة الجديدة…

🔺كل مرحلة تجيب معاها وجوه، أرواح.....،وحكايات.

بعض الناس يبقاو، وبعضهم يمرو…...

🔺كل واحد فيهم يخلّي فيك بصمة، يعلّمك حاجة، يغيّر فيك نظرة، أو حتى يعلّمك معنى الرحيل.

💌 الحياة مدرسة، والناس اللي نعرفوهم هم جزء من الدروس.

🔺 كاين ايضا في الحياة أوقات تجبرنا نفارقو…

نفارقو ناس، ولا نبدلو مكان العمل، نرحلو من مدينة عشنا فيها،
ولا حتى لحظات كنا متعودين عليها ومربوطين بيها بزاف.

الفراق صعيب، يجي معاه الحنين، ويخلي القلب يوجع
كي نتفكر كل لحظة حلوة عشناها…

و الفراق هو جزء من الحياة.

🔹 نفارق، ماشي معناها ننسى.
🔹 نفارق، معناها نتقبل باللي كل حاجة عندها وقت،
وكل حاجة تقدر توصل لنهايتها.

🔺 اللحظات اللي تعيشها من قلبك، تبقى فيك، مهما تبدلت الدنيا

🎈لكل شخص عرفناه فهذ المسار:

🎈 لكل زميل، جار، صديق عزيز ، أو عابر ترك أثر طيّب…
لكم منا كل الود، والدعاء بالخير أينما كنتم

🎈 الحياة تجمع وتفرق، بصح الذكريات تبقى محفورة في القلب،
والنية الصافية ما تنساهاش الأيام

🔺الحياة هي زمن محدود للزرع، ودار عمل لا دار جزاء،

يُبتغى فيها رضا الله قبل لقاءه......
اللهم أغفر لنا ، و أرحمنا و إهدنا و استرنا و أرزقنا

يومكم موفق و مبارك

01/09/2025

🔺 الهيمانجيوما (Hemangiome) ( الوحمة )

هو تجمع أوعية دموية حميد يظهر عند الرضّع في شكل بقعة حمراء
-----------------------------------------------------

💢 يبان عادة بعد أسابيع من الولادة

من بعد يقدر يكبر بسرعة خلال الأشهر الأولى،

ثم يتوقف ويبدأ بالاختفاء تدريجيًا.

🔹معظم الهيمانجيوما يختفي من تلقاء نفسه بين 5 إلى 10 سنوات

🔹 أغلب الحالات بسيطة ولا تسبب أي مشكلة

-----------------------------------------------------
💢 متى يجب استشارة الطبيب ؟

العلاج في حالة

🔹إذا كان كبير أو ينمو بسرعة.

🔹إذا كان في مكان حساس (الوجه ، العين، الفم، الأنف، الثدي ، الأعضاء التناسلية).

🔹إذا حدث نزيف متكرر أو تقرح

-----------------------------------------------------

💢 يمكن استعمال أدوية :
تساعد على تقليص حجم الوحمة